|
|
 ابوعركى البخيت - معاك رجع الصفا الصداح من الهجرة،و اتكتبت على الأبواب معاني النظرة لبكرة
|
لكم اعزائى
معاك ببقى الزمان حاضر
بجي العالم قريب مني و يكون أجمل
بعيد منك بموت صوتي
و يغيب فرح الزمن يكمل
هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول
هواك لاقى الوطن جواي
رجع صوت الحواري يحوم
بقى الزمن الجديد أخضر
و رنت ضحكة الخرطوم..
نعس جرحي القديم و ارتاح
عرف رمش الليالي النوم
و غسل نبعك ملح دمعي
و انزاح الظلام مهزوم
معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
وأصبح يقيني معاك
هوى و إلفة و جمال فكرة
معاك يبقى الزمان حاضر
أحبك
أحبك
تدي لعمري الأمان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك
هاشم صديق
|
|
 
|
|
|
|
|
|
|
|
Re: ابوعركى البخيت - معاك رجع الصفا الصداح من الهجرة،و اتكتبت على الأبواب معاني النظرة لبكرة (Re: عاطف عبدالله)
|
التحية للاستاذ عركي
والتحية للشاعر هاشم صديق
والتحية لناجي عبدالمنعم
ما أتذكره أن هاشم صديقي أعطاني هذه القصيدة عام 1993لنشرها بجريدة الخرطوم
أيام كانت تصدر بالقاهرة ونشرت القصيدة. وحينما إلتقيت وردي في منزله
بالهرم في عام 1998 سألته إن كان قد قرأ قصائد لهاشم صديق فقال لي إنه رغم حبه لشعر
هاشم صديق فأنه لم يقم بتلحين أي عمل له وأنه وجد قصيدة بصحيفة الخرطوم ولحنها
وستكون الفاتحة التي ستتبعها العديد من الاعمال. وأذكر انني حدثت هاشم صديق بذلك.
الان تأتي القصيدة بصوت عركي جميلة ورائعة وآمل أن نسمعها أيضاً بصوت وردي
ولم لا فهناك تجربة في عز الليل التي كتبها التجاني حاج موسي وتغني بها الكابلي والنور
الجيلاني وكلاهما أضافا للنص وإستخرجا جمالياته.
| |
|
|
|
|
|
|
|
|
|
Re: ابوعركى البخيت - معاك رجع الصفا الصداح من الهجرة،و اتكتبت على الأبواب معاني النظرة لبكرة (Re: Naji A.Moniem)
|
سحر عبد الرحيم
يا الف مرحب بيك هنا
نورتى البوست
عبدالكريم الامين احمد
Quote: شتتنا سعد الدين (ابو السعود)...علي الرمل,عندما
اطلق في(عينيك دنيا غربية)
|
انت عارف بوست ابو السعود هو كان السبب فى تشجيعى
لانزال البوست ده..
شكراً على الهدية وانا بهديها كمان لاعز الناس ليك
Dr. Abdalla Siddig
| Quote: يا أخوانا قلنا ليكم مليون مره الشي ده نحنا ما بنحملهو لا بنقدر علي سماعه لانه بحرك فينا أشياء الله وحده الذي يعلمها وبشهد علي ذلك الآخ سعد الدين |
ده عركى ،بغناهو دايماً يأجج دواخلنا ويسعدها
طلتك شرفتنا
| |
|
|
|
|
|
|
|
|
|
Re: ابوعركى البخيت - معاك رجع الصفا الصداح من الهجرة،و اتكتبت على الأبواب معاني النظرة لبكرة (Re: بكري اسماعيل)
|
والله ياشباب انا كنت رفيق الفنان ابوعركى فى عربه قطار قادمة من عطبره الى الخرطوم وكان ايامها ابوعركى فى بدايات ابداعاتوا وغنى لنا داخل القطار بالعود بالحاح من المسافرين
داخل عربة القطار وكنا نحن ايامها صغار ولكن الحس والذوق الفنى جعلنى احس باننى امام فنان لة مستقبل واعد وقد كان ومن يومها وانا احد معجبيه بل كنت فى رابطة معجبيه بالجامعه التحيه لذلك الفنان الأنسان وتحياتى لمعجبيه جميعا فقد كانت لنا معه ذكريات
محفوره بالذاكرة وواصلوا .
| |
|
|
|
|
|
|
| |
Naji A.Moniem
saadeldin abdelrahman
فارس موسى
Sahar Abdelrahman
عبدالكريم الامين احمد
ناذر محمد الخليفة
عاطف عبدالله
صلاح شعيب
انعام عبد الحفيظ
ALGARADABI
الحارث سرالختم عبد الله
فيس بوك
تويتر
انستقرام
يوتيوب
بنتيريست