ان المذيعين والمذيعات والمخرجين في التفلزيون قاعدين يمشو للفكيا"جمع فكي"....كل مذيع عندو فكي قاعد يمشي ليهو.... تلفزيون الشعب شغال بالفكيا....النصيبة تكونو انتو عارفين النضم دا....وانتو ظاااطكم قاعدين تمشو....غايتو انا مشيت مرة واحدة بس.... مشيبت اسوي لي كادوك لي واحدة وطلع فشنك....نضم انو المذيعين وناس التلفزيون قاعدين يمشو للفكيا النضم دا قالو لي زول انا واثق من نضمو وما بيكضب كلو كلو...الله يسعلو قال حتى الكميرات يشيلوهن في امجاد ويدوهن للفكي في امبدة و..الفكي يقرا ويتفتف فوق الكميرا...كميؤات الشعب السوداني... يتفتف فوقن فكي ويتملن بصاق...قالو عشان اي مذيع برنامجو ينجح وهو يبقى سمح في عيون الناس...وما ينضمو فيهو ويقولو برنامجو شين وهو ظاااطو شين...واتاريني انا اشوف كل القنوات الفضائية نضيفة وسمحة علا قناة السودان .. مغبشة.. شكيت في التلفزيون حقي ومرة في الرسيفر.... اتاريني بهتهن...الكميرات مغبشات من بصاق الفكيا فوقن...وكنت مستعجب برضو في الكورضومة التحت الكرفتة حقت المذيع داااااك.....اتاريهو دا حجاب... لابسو تحت القميص...مذيع محجّب..نحمدك يا الله.....قالو حتى برطمانية الدهن القاعدين يتمسحو منهاقاري عليها فكي....عشان نحن نشوف المذيع سمح والمذيعة سمحة...وفي مذيعين غتيتين.... قاعدين يجيبو كادوك الشنا ويخلطوهو في البرطمانية عشان الناس يشوفو المذيع التاني شين وهو سمح.... المذيعة تدخل عوضة السماحة... العوضةالبيدخلو ليها قبل البرنامج يبدا..وتقعد تلبس حجباتها كلها...وتجي مراقة علينا وتقابلناونحن اتارينا مساكين عاملين لنا عمل....تلقى البيت كلو ضكر على انتاية...مقابلين التفلزيون وفاتحين خشومنا ..و..مقهيين..ونعاين للبرنامج...المذيعة ان ضحكت نضحك معاها...وبعد ينتهي البرنامج الواحد يحس انو فترااااان زي الاكان جاكي...عشان العمل مساكين..... المذيعة تقعد تلبس في الحجبات في عوضة السماحة...والمخرج يكورك لها:- - يلا يا استاذة.. خلاص دايرين نبدأ تصوير.. ما تأخرينا .... وترد هي:- - اجي... يا شكرو....كدي خليني اتجيه...اقابل الناس مبشتنة كدي عاد؟؟؟.....عليكم الرسول شوفو طمسة المذيعة دي... قالت دايرة تتجيه... هي تكون قاعدة تلبس في الحجبات...لا قاعدة تتجيه ولا حاجة....مطيميسه!!... الجابدا منو في الطمسة دي يا ربي؟...وبعد ما تلبس الحجابات وتطمن تب انها بقت سمحة في عيونا... تعاين للمرايا قدامها وتاخد لها رقيصة وتغني:- رقصت ليهو ومسك حجباتا
يا عديلة ليه
ودقست المشاهدين ببساطة
يا عديلة ليه...
اصلو في مذيع كدي...انا محتار فيهو .. من يوم قال سلام يا التلفزيون...ديمة يرفع في ايديهووقت يجي ينضم وعامل نفسو بينضم بايديهو زي الناس المتفلهمين ... ومسغفين...وهو محجب اتاريهو...وقالو قبال ما يمرق من اهلو.... امو قاعدة تلبسو الحجاب.. وتبخرو....وهو ماشي في الدرب يقعد يقول في نشيد:- من ما كنت صغير بلعب في التراب
ما ما بتلبسني البدلة والحجاب
انا اطالب قوات حفظ السلام الافريقية...اصلها الايام دي ماليه البلد...وقاعدة ساكت بلا شغل... اطالبها تمشي التلفزيون..وتقعد تكوس وتبحت وتفتشو..ركن..ركن...وقدر مافي عمل في وريقة..ولاّ.....في دبوس...ولاّ في دليقين....تشيلو وتحرقو...ويا ريت يا ريت....يخلو المهمة دي للدياشة النيجيرين...باقي هم نجااااااض......
* صورة الي:- " فارغة ومقدودة" في جريدة الاضواء صفحة عكس الريح
"كلام خارم بارم " جريدة الصحافة صفحة ونسة
اها بس.. عشان تاني تغشونا....نحن قايلنكم سمحين....اتاريكم مسوين لنا عمل؟؟؟
سعيلي الله في شيخ كبير من شيوخ السودان كان قاعد معاي في البيت هنا , اها شغلت ليهو السودانية سعلني قال لي دي وين قلت ليهو السودان , قال لي والله كان مني جاي من السودان كان صدقت انهم سمحين كدي
02-11-2006, 08:41 AM
سجيمان سجيمان
تاريخ التسجيل: 10-03-2002
مجموع المشاركات: 14875
انا غايتو عندي صاحبة لي من اهلا سمحة ما بقولها ليك تقوم تصاحبني وكدا انا فترت من يصاحبوني عشان صاحباتي( وش مغيوظ جدا)
في نضما كدي محيرني شديد عن الفكيا ديل والعهدة على الرواي قالوا والله يكفينا شر قالو انه ناس الانقاذ ديل جايبين فكيا يشيلو ويكبو في صهاريج الموية والناس تشيل وتشرب وتتبكم وتتبوم..
النضم دا يكون صح ما دام ناس التلفزوين بيسو كدي ديل يسو شنو..
02-08-2006, 08:14 AM
سجيمان سجيمان
تاريخ التسجيل: 10-03-2002
مجموع المشاركات: 14875
Quote: انا اطالب قوات حفظ السلام الافريقية...اصلها الايام دي ماليه البلد...وقاعدة ساكت بلا شغل... اطالبها تمشي التلفزيون..وتقعد تكوس وتبحت وتفتشو..ركن..ركن...وقدر
هم ظااااتم عاملين ليهم عمل ماشايفم قاعدين يلوصوا كيف يقتلوا فيهم وهم قاعدين يجيهم الايدز وهم قاعدين الله يجازي محنك وفي ناس العمل دا ظاااتوا مالاقياهو
02-08-2006, 10:56 PM
bayan bayan
تاريخ التسجيل: 06-13-2003
مجموع المشاركات: 15417
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سجيمان
saif massad ali
طارق جبريل
khaleel
bayan
عبد الحميد البرنس
Muna Khugali
عصام عبد الحفيظ
Moneim Malik
.
Samer Osman
bashir adam abdalla
عبد الله عقيد
abas
فيس بوك
تويتر
انستقرام
يوتيوب
بنتيريست