|
"رميه" للبرنس
|
دى بس "قولة خير" فرحنا بيك يا حميد والغنا بعدين، بعد ما تفرح بيك كل النجوم
بالنشوة بالفرح الأكيد سماك معنكش بالنجوم وعديلتك البيضا ماخدا الفرح عنوان دربك حلم ممدود جديد سايق خطاك فوق الغيوم وعديلتك الخدرا نيمة ومكان ضُلاً ضليل ينجرّ فوق حر السنين رافع المحبة أمان متوهط القلب الحنين إنشاء الله مشهادك سعيد وإنشاء الله تسعد يا حميد
يتباركن خطوات مشيك ما تشوف عنا ويتمد بى طول السنين طعم الهنا وعديلتك البيضا خمرة وضريرة على وشيك معجونة بالفال الحَسين إنشاء الله مشهادك سعيد وإنشاء الله تسعد يا حميد
الليلة فرحتنا انتشت رقصت وغنت فى سماك نديانة زى ريدةً مشت فتقت ورد عطّر مساك والليلة أيامك بدت محروسة بالحصن الحصين إنشاء الله مشهادك سعيد وإنشاء الله تسعد يا حميد
|
|
|
|
|
|
|
|
Re: "رميه" للبرنس (Re: elham ahmed)
|
ابوذر
جد رمية حلوة ،،،،
وانا كمان بهدي الاخت الهام
(عويد بخور تعويذة
من ظلم الدهور
وان شاء بالهنا والسرور
لاتشوفو هم
لا تصيبكم العين العنية) .....
فهذا (الأمير)
شايل قليبو
وجايبو لعينيك هدية
| |
|
|
|
|
|
|
Re: "رميه" للبرنس (Re: ابو جهينة)
|
كيف الحال يا جلال
تعرف كان كنا هسه فى البلد
الزول ده كنا "كجينا" ضحوية دلوكة بى "بُطانا" كمان
إلا نسوى شنو مع الطشيش
وود كتير يا اباجهينة ليك
| |
|
|
|
|
|
|
Re: "رميه" للبرنس (Re: عبد الحميد البرنس)
|
إزيك يا حميد
كل هذا الحب!.
وأكتر والله يا سمح
بخيت وسعيد يا حميد وعجبنى ليك والله
مو ساهل تب الزول يلقى نصه التانى وهسه إنت قطعت المفازه الصعبة، والباقى هين
تعرف يا حميد الرمية دى وكأنه أريد لها تكون الختام فى أحلى بداية
بداية حياة جديدة ليك وعامرة بإذن الخالق الكريم بكل الجمال والحاجات الطيبة
وختام لمشوارنا العصيب فى التسكع والحوامة بين هذه الأسافير العجيبة نهاية لمكابدة الكتابة فى الهواء، وما أدراك ما الكتابة وما يكابده المداد وإنت سيد العارفين
المهم يا سيدنا فتر الحبر والله واصابه إعياء تام وكامل فيما بين هذه المنابر شوية نجاح، يعنى ما عليك بيهو، وفشل ماكن جدا
حأبدا مشوار جديد مع ما سماه أسامه الخواض ب "الكتابة التقليدية" والله اسامه فعلا زول "كرييتف" أراحنا من عناء المسميات دى لدرجة كبيرة وحأقيف من معافرة "الكتابة الأسفيرية" اللهم إلا "الأشد الأقوى" مش "الشديد القوى"
ونكتفى بالمعاينة والمتاوقه فقط
ونتلاقى إنشاء الله يا حميد فى آفاق أرحب ومجالات أجمل
وتانى أمنيات كتار وكبار ليك ولى إلهام
| |
|
|
|
|
|
|
Re: "رميه" للبرنس (Re: أبوذر بابكر)
|
Quote: مو ساهل تب الزول يلقى نصه التانى وهسه إنت قطعت المفازه الصعبة، والباقى هين
|
العزيز ابوذر الباقى هين واجمل بوجودكم لك ودنا
| |
|
|
|
|
|
|
|