كتب الكاتب الفاتح جبرا المتوفرة بمعرض الدوحة
|
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي (Re: محسن خالد)
|
محسن .............
وهل ثمة حاجة للتاكيد لكل المثقفين والمهتمين بالحضور ؟؟؟
يا جماعة الدعوة لكل المهتمين يعنى الامسية ما للطلبة بس
وجهت الدعوة لكوكبة من الشعراء والادباء والكتاب بما فيهم
صديق مجتبى !!!!
الشاعر نورى الجراح من رواد قصيدة النثر ...........
فى شعراء عندهم راى فى قصيدة النثر .... تمت دعوتهم ايضا
وسيتم الترتيب لامسية نقاش بين المعارضين والشاعر نورى
تنويه ::: الشاعر نورى فى زيارة عمل قصيرة جدا للسودان
وقد لا يتمكن من احياء امسية اخرى ... فاحرصوا على الحضور ..........
| |
|
|
|
|
|
|
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي (Re: أحمد أمين)
|
...
نهال كَرَّار،.. إزيك يا بنيتي الحلوة "الماضلامية" –بعد التطبيع-،.. شفت كلامك عن "كلب السجّان" و"إحداثيات الإنسان" في البوست الحلو بتاع عبد الغني، بس للأسف لما مشى المكتبة قبل ما أرد عليك،.. عارفة؟ إنت زولة كويسة وأمينة مع روحك، للمزحة كدي، المرة دي ما كابرتي، وهاااك احترام مني،... أها، كوني بخير أبداً، والمرة الجاية أعزمي لي معاك الحاجَّة "بت الأحفاد"، وألا كمان رسلي ليها الروايات "غير التيموليلتية"، عشان نطبّع معاها برضو،.. يلا يضحك نهارك،... وكوني بخير،..
الأستاذة هالة محمد عبد الحليم،.. يطيب صباحك، وأول حاجة مبروك "الزعامة" و"ميسون بت النجومي" صاحبتي دي، ما تشاكلوها، سمح؟ أنا عارف ناس السياسة ديل الحناس ما بنفع معاهم، لكن دي مجرد خاطرة عميقة مش عابرة،.. فرحان بزعامتك جدا، لأنو الساسة الرجال ديل جارنّها من 55 وعينك ما تشوف غير الضلام، كدي نشوف جكّتكم إنتو كيف؟ نوري الجَرّاح عندو كلام كتير عن الراحلين جون قرنق والخاتم عدلان –كما تعرفين- فهنيئاً لكم به شاعراً ومحباً للسودانيين،.. طبعاً إنتو بتكون عينكم –كنساء- على إسهاماته في مجال الجندر و"مجلة الكاتبة" الأولى من نوعها والمافيها صورة إمرأة عارية واحدة ويقرأها الجميع، فهو شاعر "المرأة المفكّرة" بامتياز، ثم الأنثى ما أمكن،... أنا شخصياً روائي "تيموليلت" وبنية حقيقية جداً، من ناحيتنا، لم أكتب عنها سطراً واحداً حتى اليوم، ولم أذكر اسمها قط، مع أنني كتبتُ لها كل ما كتبت، وهي ليست مفكّرة ولا يحزنون، شايفة الخمج دا كيف؟ كوني بخير،.. ونرجو للحركة مستقبلاً مفيداً معك،..
طارق عبد اللطيف نقد،.. إزيك يا مسخوت،.. إنت من الزمن داك لابد، ياخي أنا صححتها في حزتها، لحقني صاحبي عادل البدوي، وقال لي يا ود خالد أمسية صاحبك دي شكلها فَرّقت زماان،.. أها لامن جيت لاحق البوست بجاي لقيت الكراسي لقطوها،..
الزول كان جرى من زمن العكاز أخضر وفي شجرتو، ما يمرق من فلقكم،.. غايتو يضحك نهارك
أحمد أمين،.. كيفك يا زول وطيب أريتك،.. كن بخير،.. شكرا
..
| |
|
|
|
|
|
|
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي (Re: محسن خالد)
|
عزيزى محسن لك خالص تحياتى وحبى بلامس كان نصير شمه... واليوم نورى .... والعقبه نشوفك انت والعقد الفريد من الطيور المهاجره وكل ذلك خارج اطار الخرطوم عاصمة الثقافه..شكرا لدكتور حيدر ولدار السويدى.... وأدعوك وبقية العقد النضيد للمشاركه عبر صفحات صحيفة السودانى التى ستنطق السبت القادم والتى أعمل مستشارا لتحريرها ومشرفا على العددا{لخاص الذى سيصدر يوم الجمعه من كل أسبوع وفيه متسع للكتابات السودانيه يشارك فيها صديقناالمبدع مكى ابوقرجه وبه أيضا ملف آفاق ثقافيه يعده الشاعر المبدع الصادق الرضى ........... هى دعوه للجميع للمشاركه فى اصدار مجله فى جريده..أما نورى فهوفوق حدقاتنا ضيفا عزيزافى وطنه الثانى.
| |
|
|
|
|
|
|
Re: الشاعر (نوري الجَرَّاح) في أمسية خرطومية يقدّمها الشاعر الصادق الرضي (Re: أحمد طه)
|
...
أحمد طه،... كمين سلام يا حبيبنا،.. ياخي عفواً مداخلتك دي ما شفتها، وصفوها لي وصف،.. ويا ريت نجي ونزور تلك البلاد، في الصحو الأليم، لك أجمل الأمنيات بالتوفيق في صحيفتكم الجديدة، وللعزيز ود الرضي سلامي ومحبتي، وللعزيز مكي ود أبقرجة، ويا ريت والله تخلي لي تلفونه في المسينجر لو الله قدّرك، وتأكّد متى ما احتجتنا في أي شيء فرقابنا سدّادة،.. بلّغ تحياتي لدكتور حيدر إبراهيم ولجهوده وأفضاله على الثقافة السودانية،.. دُم بخير يا صديقي، وأتمنى لك ولمشروعكم التوفيق كلّه،.. آنست يا صديقي، وتحت أمرك
...
| |
|
|
|
|
|
|
|