|
مصنع الكولا يحترق الان في الخرطوم
|
تتصاعد الان سحب دخانية سوداء من وسط المنطقة الصناعية بالخرطوم نتيجة لاحتراق مصنع مشروبات غازية (كنج كولا) نتيجة لاحتراق مواد بلاستيكية لا مزيدا من اللاخبار حتي الان
|
|
|
|
|
|
|
|
Re: مصنع الكولا يحترق الان في الخرطوم (Re: Ahmed Mohammed Osman)
|
كيفك يا احمد ..
تتصور أنا كنت جايي من الخرطوم وشفت الدخان . قلت شمار كدي النشوف الحاصل شنو .. لمن وصلت قالوا لي دا مصنع ستيل بتاع البلاستيك إتفرجت تمااااام ومشيت معهد الموسيقى وكل شوية أعاين للدخان ألقاهو زايد ولحدي هسي الدخان ما وقف لكن قل شوية ..
صنفرة :
المكنة الإنت مركبا دي ما أظن لافقة معاك
| |
|
|
|
|
|
|
Re: مصنع الكولا يحترق الان في الخرطوم (Re: Ahmed Mohammed Osman)
|
قال ليك نتذر المكنة المركبة دي ما أظن لافقة معاك.. ونجي لحكاية مكنة دي... نحن في السودان نادر تلقي عندنا شي كدة يمشى عديل.. يقول ليك دا لوري لكن مركبن ليهو مكنة هوستن.. دا لاندروفر إلا مركبن ليهو مكنة بوكس.. دي مكنة لوري مركبن ليها كوز.. وبالرغم من إنو عندنا لوري لكن لسه ما شفتا الكوز دا بيركبوهو كيف.. المهم كنا نسمع صوتو زي صوت اللوري الوحلان كدة ويئن.. من بعيد يجيك مع الريح في الخلاء والعتامير..ويويويوي.. بس مرة كدة في الخلاء كان صدنا لينا غزال وقاعدين نسلت فيها ونشوي ونقطع وناكل.. واحد قال دا صوت لوري ناس فلان بس برضو ما غبا على صوت لوريهن وشايف مركبن ليها كوز التاني قالوا والله ما ليهن حق يركبوا ليها كوز.. ................ وأي واحد يورد أو يشتري عربية جديدة في السودان.. طوالى المكيف يقلعوهو يقول ليك يبوظ المكنة.. وحتى الشبردق.ز او الشيش.. او الضكت بتاع المكيف الشباك بتاعو البجيب الهوا البارد يجيك منو غبار وتراب وكتاحة.. ................. يقول ليك دا زول بتاع مكنات ساكت.بيدي مكنات.... كناية على إنو موغل في الكذب.. أو يقول ليك دا مكنتو مقدودة.. يعني ماسح ........ وزي ما قال ليك ناذر المكنة المركبا دي ما لافقة معاك ولازم تاخذ حبة توافق عشان الجسم ما يلفظا...
| |
|
|
|
|
|
|
|