|
ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون
|
أشك أن تلك الصورة تسربت عفواً.. وأعتقد أن المسألة مخطط لها، فهي ترمي عدة عصافير بحجر. 1- إلهاء الديمقراطيين بمعارك بينهم ووردي، وبينهم وزملاء من نفس المعسكر، كالذين يسوقون التبريرات بأن (تاريخ!!) وردي يشفع له أمام أي تهمة بالتخاذل أو التطبيع مع نظام الإنقاذ. 2- خلق حالة من الإحباط وعدم ثقة بين أجيال الديمقراطيين. 3- مع صور سابقة ولاحقة (كمهمة وردي الشرفية في مهرجان الخرطوم عاصمة للثقافة العربية ومهمة استقبال د. جون قرنق) تساهم الصورة في صبغ وجه الإنقاذ القبيح بمساحيق تجميلية، توطئة للظهور به أمام البسطاء في حفل الديمقراطية ( ما أسماها الأستاذ/ هاشم صديق بعملية غسيل الأموال).
الطريقة التي أنزل بها الزميل ghariba خبر السهرة التلفزيونية التي شارك فيها بورداب الرياض، والفوكاس (منه) على صديق الموج، ود قاسم و إسماعيل وراق، وهم من أكثر بورداب الرياض معارضة لمشاريع الإنقاذ التي تتعامل مع المغترب كدجاجة تبيض ذهب فقط، مثل مشروع جامعة المغتربين، زائد نشاط بورداب الرياض عموماً وسط الجالية ، الشيء الذي يعمل على خلق رأي عام معارض للفكرة هناك. طريقة الخبر أعتقد قصد بها ما قصد من تسريب صورة وردي، ما من شأنه خلق بلبلة وسط بورداب الرياض والجالية، بالتالي يسهل تمرير المشاريع الإنقاذية، على علاتها.
|
|
|
|
|
|
|
|
Re: ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون (Re: saif massad ali)
|
أيوة يا سيف أنا شايف إنو تسريب الصورة ما جاء عفواً، خصوصاً إنو الحفل كان خاص.. يعني صاحب الحفل كان ممكن يتحكم في مسألة التصوير دي!. بعدين أنا ما قلت اليسار نضيف من كل عفن، ولا كان موضوعي عفن اليسار أو اليمين! أنا تكلمت فقط عن شوفي لمسألة ظهور الإنقاذ مع معارضيها في كادر واحد (برضو من وجهتي أنا). ومرحب بأي توثيق، سواء لعفن اليسار أو اليمن.. في الآخر حا يكون لصالح الديمقراطية وبالتالي لصالح الإنسان عموماً. زي كلام سيد أحمد الحسين الأخير دا.. رغم إنو ممكن يكون في إتحاديين شايفنوا ما في صالح الحزب الإتحادي لكن أنا شايف العكس، بمقياس النظافة دا زاتو.
| |
|
|
|
|
|
|
Re: ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون (Re: saif massad ali)
|
الأخ محمد السر
تحياتي وكل سنة وانت طيب
الفكرة الانا مختلفة معاك فيها هي تحليلك بنظرية المؤامرة . أحياناً كثيرة التحليل بنظرية المؤامرة هذه يضيع الحق . ويجعل ما في النفوس أكبر من الواقع دي نقطة اختلافي في تحليلك لي حدثين ووصولك للنتيجة الانت وصلت ليها . لكن أحترم وجهة نظرك التي ربما كانت صائبة كمان. لاننا أحياناً نحتاج ان نشتغل بنظرية المؤامرة لكن لا نجعلها تسيطر على طريقة تفكيرنا لاننا في النهاية سنركن لها ونرمي فشلنا في أي شئ في غيرنا, هم السبب ,هم السبب. كما يفعل العرب ويعلقون كل خيباتهم على اليهود.
فهمتني ؟ لو لا بجي بقول الكلام بطريقة أخرى.
وصدقني انا بحترم أي زول بيشغل عقلوا حتى إذا وصل لنتيجة غير صحيحة , لانه أكيد يوم حيصل للنتيجة الصحيحة, وانت واحد من هؤلاء .
تحياتي
| |
|
|
|
|
|
|
Re: ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون (Re: القلب النابض)
|
الأخت القلب النابض وإنتي طيبة فهمتك.. وأنا برضو بشوف فكرة تحليل المشاكل البتواجهنا وفق نظرية المؤامرة بغرض عدم الاجتهاد في البحث عن حلول للمشاكل دي زي تعاطي المخدرات. طيب.. أها لقينا حاجة متفقين عليها. لو لاحظتي أنا ما قلت البشير ما صادق في إحساسه وهو بيغني مع وردي ولا قلت ghariba ما صادق في إحساسه تجاه عبد الرحمن عبد الله. أنا تكلمت فقط عن استخدام الإنقاذ لبعض المعارضين (دون علمهم) كلافتات دعاية ليها. وردي (في الخرطوم عاصمة الثقافة "لاحقاً اعترف وردي بأنه كان واجهة فقط ..دون سلطات"، إستقبال د. قرنق) تكريم البشير الطيب صالح ومنحه وسام الثقافة الذهبي (دون رفع الحظر عن تدريس رواياته والاعتذار له). وحاجات كتيرة زي دي أنا شايفا زي ما قلت ليكي محاولة من الإنقاذ للظهور (مبتسمة) مع معارضيها في كادر واحد.
وشكراً كتير إنك شملتيني مع من يسخرون الطايوق لأغراض أخرى غير العواسة (Smilies Library لسة ما اشتغلت).
| |
|
|
|
|
|
|
Re: ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون (Re: خضر الطيب)
|
تعرف يا ود السر . في امريكا اسهل حاجة الونسة في السياسة تخلف رجل على التانية وتقول ، خريطة الطريق آآ ديل اليهود اولاد الكلب ديل ، زيادة الضرائب في السجاير آآ ديل اليهود اولاد الكلب ديل ، القنوات الاباحية ، ديل اليهود اولاد الكلب ديل ، زيادة البنزين ديل اليهود ديل ، تعرف يا ود السر المحصلة بي كل حياد لم تقعد مع نفسك تلقاك تحترم اليهود وتتعامل معهم كسيوبر بشر ، ديل عاملين حساب اي خطوة واحتمال اي انزلاق ، اها ، و لأنو الكيزان مابي الشفتنة دي كلها فبعض ( شايف كيف .. بعض) بعض الحاجات بتجي ليهم جاهزة ومعلبة ، وردي ، آآي فنان كبير ورمز وطني لكنو ما مفكر ولا فيلسوف ، وبعض رسالتو أكل عيش ، صاغت الجماهير كاريزما عنو واتخيلتوا زي ما تشتهي ، يعني ، وردي ممكن ينجرً عادي وراء (قعدة اجتماعية راقية وعلي (مستوى) إذا لقى حماية من شوف الجماهير ، وردي كفنان اكبر كتير من تقديرنا ليهو و كشخصية سياية ورمز وطني اصغر كتير من تصورنا ليهو .. يعني انا لو كنت كيزان لسمح الله (اللهم اغفر لي ذلة لساني) ..ما بجيب وردي يغني واطبع صورتوا ، ابد، بعريهوا كشخصية ورمز ، ببساطة بديهو مايكرفون ، وأها يا وردي النبي فوقك تتكلم ، واول ما وردي يتكلم ، يبقى زي تمثال تلج معروض في متحف شمس يوليو ، ، أها انا بدور اقول الكيزان (الله يطراهم بالخير و يديهم العافية) أصغر كتير من التخطيط البعيد المدى زي السادة اليهود ، واهو الدنيا ماشا معاهم عصاير وخرفان وبالتالي حفلات وبعدين عمر البشير ده آي ما بسكر لكن ذواق و بتاع طرب وقعدات (وش ضاحك) ..
| |
|
|
|
|
|
|
Re: ما بين تسريب صورة وردي مع البشير وخبر ظهور الموج، ود قاسم وإسماعيل وراق في التلفزيون (Re: محمد السر)
|
أخـي محمـد السـر.. صـباحـك خـير...
أنا تكلمت فقط عن استخدام الإنقاذ لبعض المعارضين (دون علمهم) كلافتات دعاية ليها.
وانـا عـايزة أقـول.. أتمني أن اسـتطيع أن أفصـل في رؤيتي 'للصـورة الأخـيرة' بين الإنقـاذ وبين مـن يعارضـها..
لمـاذا 'لا يـدرون'???
وهـل الدرايـة ..عمليـة يسـبقها تفكـير أم أنها تأتي أحيـانـا في لحظـة وقـوع الحـدث أو فيمـا بعـد وقـوع الـحـدث?
ولمـاذا يـدري أهـل الانقـاذ فيـدبرون و لا يـدري الآخـرون فيرتكـبون?
تسـاؤلات هي فقط في مبـدأ الأشـياء..
مـني عـوض خـوجـلي
| |
|
|
|
|
|
|
|