|
|
 الفضائية السودانية والكاظمين الغيظ..!
|
..هل استطعت ان تكظم غيظك حيال ما قدمته الفضائية السودانية من برامج خلال ايام عيد الأضحى؟
مواد ابعد ما تكون عن الخفّة ..!! ثقيلة بكميات تضاهى ما سكن بطوننا من لحوم!
أفلام اجنبية؟!! + كمان كاميرا اسكوب !!!!!!!
والباحث عن افلام أجنبية عادةٌ ما يوجه (ريموته) نحو قنوات تعج بتلك الافلام (انتاج الشهر)
فما حوجته الى افلام تسكن رفوف التلفزيون تُنفض عنهاالاغبرة متى جاءت مناسبة
الدنيا عيد يا تلفزيون..!
|
|
 
|
|
|
|
|
|
|
|
Re: الفضائية السودانية والكاظمين الغيظ..! (Re: ود الباوقة)
|
ود الباوقة ..
إزيك يا ريّس وكل عام وانتم بخير
دكتور حمزة - وهذا يشغل حيزكبير فى مسألة الغيظ وكظمه- هو حقيقة ظاهرة غير مسبوقة فى التلفزيون
لماذا ؟! كل من ظهر فى التلفزيون نال حظه من النقد ومع الايام تعوّد عليه المشاهد إلاّ هذا الرجل
لم يتعود عليه المشاهد السودانى ابداً !!! سبحان الله
وإنشاء الله ما اكون ظلمت الرجل
ربنا يصلح حال التلفزيون
وعيد سعيد،،
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: Muna Khugali)
|
الأخت منى خوجلي
كل سنة وانتى طيبة وعيد سعيد
لعل غيظكم أكثر من غيظنا ..فأنتم فى تلك الاصقاع احوج ما تكونوا الى (عيدية) من برامج متنوعة مستمدة من الشارع السودانى ومواقف الشارع السودانى ترسم على شفاكم البسمة وانتم تحتفلون بالعيد وفى خاطركم شوق كثيف الى الوطن.
| Quote: متغاظـين مـن حـاجـات وقـرروا يعاقبونـا... |
ما اقساه من عقاب
ربنا يصلح التلفزيون
لك التحية أختى
ودمتى
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
الأخ وليد طه العيد مبارك عليك أنا خلاص تخطيت مرحلة الكاظمين الغيظ من التلفزيون وبرامج التلفزيون وناس التلفزيون بدون فرز وأصبحت أقرب ما أكون إلى طور كاظم الساهر وهو المرحلة التي تلي مرحلة الكاظمين الغيظ
أمامك حل واحد من إثنين يا تبيع التلفزيون بتاعكم يا تطنش من فاتورة الكهرباء وتخلي الجمرة الخبيثه تقوم بالباقي وما أظن في تلفزيون الأيام دي بشتغل بالجاز وخلي اليتشغل
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: almulaomar)
|
أخي وليد وأخي الملا.. وأنا على وشك أن أرفع قضية على تلفزيون السودان بدعوى التلوث البصري.. ودعوى أخرى لأن الفضائية دفعتنا - من خلال برامج العيد - لمحاولة الانتحار ونحن مسلمون.
اللهم إنا لا نسألك رد القضاء ولكن نسالك اللطف فينا.
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: almulaomar)
|
المُلا عمر تحياتى وكل عام وانت بخير
| Quote: يا تبيع التلفزيون بتاعكم يا تطنش من فاتورة الكهرباء |
إذا استمر الحال على ماهو عليه فمن الافضل صرف الكهربا دى فى فى اى حاجة تانية انشاء حتى(دفاية) فى الشتاء ده.
حسب بى الله ونعم الوكيل
دمت وعيد سعيد
| |
|
|
|
|
|
|
|
|
 Re: الفضائية السودانية والكاظمين الغيظ..! (Re: walid taha)
|
الاخ الاستاذ/ وليد طــه
لك التحية ولك الاجر والثواب وانت من الكاظمين الغيظ وما اكثرهم , ولا تنسي العافين عن الناس لان العفو في مثل تلك الحالات يكون فيه اجرا عظيما ( عظم الله اجركم )
الاستاذة / منى خوجلي
حاجات ....وحاجات ...تانية , حامياهم.....( يبدعوا) ...........
أعاننا الله واياكم
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
واضح اننا محتاجين برامج رياضية كتيرة خالص عشان منتخبنا يصعد لكاس العالم في اسرع زمن ممكن ونلحق بالشعوب الكروية المتقدمة .. عالم الرياضة ، مباراة اليوم ، مباراة في الزاكرة ، رؤي رياضية وهلم جرا .. بالاضافة لبرنامج تلي ماتش !!!؟؟؟ برنامج عمره الافتراضي انتهي برضو التلفزيون السوداني بيجيبو وكمان السيرك العالمي !!؟؟ وبعدين ايه حكاية البط اللي بيجيبوه ماشي في كل فاصل؟؟؟ عجيب يا تلفزيون السودان!
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
يا جماعه تلفزيونا بقي فضائية
وبتشوفو الناس في كافة بقاع المعمورة
وهو من المحطات التي يعتبرها الكثير من المشاهدين محطه كوميدية أو سنده بلغة القطارات يتوقف فيها الريموت كنترول للحظات تاركاً إياها لمحطة لأسباب تأتي في مقدمتها البرمجة ونوع البرامج ومقدمي البرامج وطريقة التقديم ولغة الحوار ناهيك عن الديكور والإضاءة إلى آخره.
أى برنامج يمكن أن يصيب الإنسان في مقتل لذلك نجد أكثر البرامج نجاحاً عطفاً على عدد المشاهدين هو المسلسل اليومي ، للحد الذي قال فيه البعض قولتهم المشهورة شدة الحرامي السرق التلفزيون والمسلسل شغال وهي شدة تصنف كرابع المستحيلات إن لم تكن أولها.
مقدم برنامج سياسي – على حد زعمه – يكرر وبإستمرار عبارة أل لل لل وبكثرة وكأنه يستحضر شيئاً وبين الشئ والاشئ تستمر الأأله إلى ما لا نهاية ، كثير ما يقاطع مقدم البرنامج الضيف يعني يختف ليك الكلمة من خشمو كف ويغير مجرى الحوار وما يحلنا من البهدلة دي إلا إبتسامه مصطنعه من المذيع يقول ليك سيداتي سادتي يرفع الآن آذن العشاء . والله يا ناس الواحد يلحس كوعو عديل كده من الغيظ ولو قلت الروب أو ما قلت واحد ، أها نقبل وين عليكم الله
وأول مرة ؤمن يقينا بأنو في زول قد وواحد براى وواحد ما لاقي ليهو مسمى حتى الآن.
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
المساهمة الوطنية لغوها على حسب ما قرأت بس ما تلوموني لو ما لغوها لأنو جميع قراراتنا إرتجالية ولا يتحمل فيها أى شخص المسئولية
والزكاة مفروضة على المسلم العاقل البالغ المستطيع
والجريح يا مات وبقى شهيد يا بقي كويس وأصبح من قدامى المحاربين
ورسوم القناة الفضائية لابد منها لأنه دون دعمك يا معشر المغتربين لن تصبح حتى قناة أرضيه ونكون دولة تتمتع بالإستقلال وبسلام جمهوري ورئيس يرقص السنه كلها ووزراء دولة وجيش نظامي وأمن دولة دون أن يكون لنا تلفزيون يعني رئيسنا ده يرقص ليكم في الراديو ولا شنو.
إنت عارف جاتني فكرة الناس تقوم تعمل مخطط تخريبي وتفجر مبني التلفزيون وتريح الناس من هموم الفضائية السودانية ونكون بذلك ضربنا كل عصافير الزهج والسخف والدبرسة ونستبدل قعداتنا أمام التلفزيون بالكمبيوتر وأهو في أسوأ الإحتمالات بجيك فيروس طائر يضرب الجهاز ويريحك وهو أخف ضرراً من فايروس التلفزيون نه يضرب ويلوث كل من يقف أو يقعد أو يجي ماشي قدام الشاشة.
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
أقترح الآتي لمشاهدي فضائيتنا وأرضيتنا وبرمائيتنا:
أول ما تصحي من النوم أفتح الماسورة حا تلقي المويه قاطعه – عادي لأنك صاحي متأخر وأنك لا تؤمن بالمثل القائل "ود البدري سمين" – طبعاً الكلام ده ما ليهو أى علاقة بالتلفزيون وبرامج التلفزيون بس ما تستجعل يعني لوك الصبر وحاول أن تقرأ بين السطور مش الفلاسفة والأدباء بيقولو كده صحيح أنا ما فيلسوف ولا أديب لكين بتعجبني أغنية وردي البيقول ليها – الكلام فيهو كلام - صاح بين السطور دي تحديدا ما في ولا نفس زيها وزي أى حافله متجهة إلى الحاج يوسف أو أمبده السبيل ، المهم بعد أن تلقي الموية قاطعة فأكيد تحققت النبوة الأولى.
تقوم تعصر باقي صباع المعجون نظام سواك وكده يقوم المعجون يختار مخرج الطوارئ ويدقسك إنت والفرشاة يعني زي لمن تطق ليك قصير – وهو عظم من عظام الساق أو الأنكل لا فرق - قاصداً إخراج المخ من العظم يقوم يقع في ا########## ورغم عدم تأففك من ذلك ورغبتك في أن تشيل المخ ومن الأرض مباشرة يقوم ديك الجن يسبقك ويلحس المخ ويجري وهو فرحان.
أها زي ده صباح شكلو معكنن تفتح الرادي يجيك صوت جهوري يقول ليك هنا أمدرمان بالرغم من إنك في الكلاكة صنقعت تقوم تقفل الرادي وتقول أمدرمان عاوز تجنني لي 15 سنة ساكن هنا تقول لي هنا أمدرمان ومال هناك شنو وترتفع وتيرة غضبك وحوارك بصوت مسموع لسابع جار بينك وبين نفسك أها تجيك أم العيال إذا كنت متزوج حتى لو ما عندك عيال - بإعتبار ما سيكون – ولو ما متزوج أى من أفراد الأسرة ، يقولو ليك شنو مالك قول بسم الله بتنضم براك مالك جنيت ولا شنو ، وهنا يخرج الموضوع عن السيطرة وتقعد تكورك ويبدأ الأمر بسيطاً ثم يستفحل وفليها تكسر ليك سن زول أو تجيك حلة طايرة تغتس حجرك المهم داحس والغبراء ويا ملايكه سيري معا.
أها بعد ما تشيل نفسك وتروق شوية – هو ده هسع كلو علاقتو شنو بالتلفزيون وبرامج التلفزيون وهي البرامج البيقدموها ناس التلفزيون كلها علاقتها شنو بي البرامج التلفزيونية وذنب المشاهد المغلوب على أمره شنو ، يعني حا يلقاها من أنثي الأنفوليس ولا التلفزيون ولا الخدمات ولا سيد الدكان ولا ولا ولا ... والكلام جاب ليهو سياسة والسياية قبالو مشتقة من ساس يسوس والسوس لو لم في الضرس يا تحشيهو يا تقلعو وأى ضرس يتقلع ما بتعوض ورجعنا تاني للمسواك والمعجون.
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: خضر الطيب)
|
| Quote: اخيرا بقيت تدور لي واحد شغال في التلفزيون ...ولو لقيتو حتسوي شنو |
خضر الطيب إنتا مخرج ولا مُمثل ولا مقدم ؟ ولا شنو؟ حــدّد
انت يا زول فى فضائية تانية؟!
شكلك فى إحدى الفضائيات الخليجية والدليل | Quote: ( اتدللو انتو بس ) |
صاح؟
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: walid taha)
|
يجازي محنك ياوليد
انت بتحكها كده ليه ؟  عاوز توصل لي شنو المسالة واضحة ذي صلعتك الكبيرة دي  لورجعت لتعليقي الاول بتلاقي اجابات كثيرة .وغايتو انتو المشاهدين العبيطين ديل ربنا يصبرنا عليكم كمان بتتشرطو علينا .عاوزين دا لا ماعاوزين دا .بالله عليك الله القناة السودانية دي انحنا طلعنا ليكم منها تعالو شغلوها انتو  ..وبعدين ياخ انت لما كنت بتشاهد في القناة بتاعتنا دي يوم العيد حالتك ابدا ماكانت طبيعية ..قال ايه مالي بطني لحمة وطبعا معاها ام فت فت فت كتمت على مراوحك وخلتك تكوس في النفس وبعد مادخلت في غيبوبة بسبب اللحمة ماقصرت مع بطنك اديتا شر شر شر بوووووووت .بالله عليك انت كنت في كامل وعيك وانت بتشاهد القناة السودانية في العيد ..واحد بي حالتك دي مفروض اشاهد افلام .... ....كر.....توووون .........وسع صدرك معانا ..وخلينا نحكي بموضوعية
| |
|
|
|
|
|
|
|
|
|
Re: الفضائية السودانية والكاظمين الغيظ..! (Re: مصدق مصطفى حسين)
|
الأستاذ مصدق (ود حلتى)..
كل عام وانتم بخير والاسرة بخير وعيد سعيد
دايماً بشوفك فى صلاة العصر ..وكل ما اقول اسلم عليك من بعيد ألقاك عاكف فى قراءة كتاب الله
ربنا يقبل وما تنسانا بدعواتك،،
والله امر التلفزيون بقى عجيب يا مصدق!
ويا ريت تتحفنابكركاتير يعبر عن هذه (الأزمة)
مسكينة (معلومة)
دمت ونلتقى
| |
|
|
|
|
|
|
| |
walid taha
Muna Khugali
almulaomar
محمد الأمين موسى
A.Razek Althalib
خضر الطيب
فيس بوك
تويتر
انستقرام
يوتيوب
بنتيريست