|
|
|
 Re: يعني شنو لومريم الصادق عيانه ياناس الجريد (Re: محمد الامين محمد)
|
Quote: ناس صحافتنا ديل ما عندهم اي موضوع عاوزين يملو الصحف باي حاجه حتي لو نقط نقط شوله اهتمت الصحف بمرض مريم الصادق(الله يديها العافيه) يااخوانا مريم دي زوله عاديه ذيها وذي حريم السودان ده واحد مريم بس عشان ابوها السيد الصادق ولاما كده ياصحفينا الاجلاء في كم واحده في السودان ذي مريم مرضانه من الحسره والجوع والهم من نمولي لي حلفا
ثم ان السيده مريم السياسيه الضلعيه استعملت علاج غلط طيب في كم واحده في السودان ده بتستعمل علاج غلط ايييييييييييييييييييك
والعلاج الذي استعملته مريم غلط علاج سكري يعني اي زول ما عندو علاقه بالطب بعرفو حبوتي عارفه علاج السكري وممكن تطلعو من وسط الف صنف وده من ابسط الاشياء حتي لو الصيدلي غلطان يعني ثقافه طبيه عامه |
محمد الامين ازيك
 تمام والله
وكل سنة وانت طيب
| |
 
|
|
|
|
|
|
|
 Re: يعني شنو لومريم الصادق عيانه ياناس الجريد (Re: شمهروش)
|
شمهروش
الله يشفي الجميع
انا قصدت بتعليقي ناس الصحف مش د. مريم
انا اعلم ان د. مريم شخصية عامه واعرفها جيدا
وكونو ما كتبت الله يشفيها ما معناها اني بتمنى ليها المرض انا بمجرد ما قريت البوست قلت الله
يشفيها ويشفي الجميع كمان
قصدت ان ادلف للب الموضوع وليس طرفه
ودمت
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: انعام عبد الحفيظ)
|
الاخت انعام
تشكري على التوضيح..
| Quote: انا قصدت بتعليقي ناس الصحف مش د. مريم |
طيب كان تكتبها من الاول....
لانو احنا عندنا عباقرة في اي مجال
الكورة والصحافة والسياسة والنضال والكجار (العكاس)
تنقزا........
من الجيد انو د/ مريم لديها من يهتم لامرها فكيف يكون حال ملايين
الغبش .. كان الله في عونهم.
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: محمد الامين محمد)
|
| Quote: يااخوانا مريم دي زوله عاديه ذيها وذي حريم السودان ده واحد مريم بس عشان ابوها السيد الصادق ولاما كده ياصحفينا الاجلاء في كم واحده في السودان ذي مريم مرضانه من الحسره والجوع والهم من نمولي لي حلفا |
نعم زولة عادية و هي بتتعامل كزولة عادية من منطلق قناعتها انها زولة عادية
ولكن ما حدث انها وقعت اثناء مناقشتها في ورشة
وكان عدد من الصحفيين موجودين لتغطية الورشة
وطلبوا لها الاسعاف
مريم مرضت عشرات المرات بل و اجريت لها جراحة كبيرة قبل اشهر معدودة في الاردن و لم تكتب الصحافة
لان الصحافة لم يخطرها احد بالامر و لم تسع هي لابلاغهم
ولكن عندما حدث الامر امام الصحفيين نقلوه
لأنها شخصية عامة
كم من الشخصيات العامة نشر خبر مرضها في هذا المنبر
والكل دخل و قال كفارة
ولم يعترض أحد
الآن عندما مرضت شخصية عامة ووقعت أمام الحضور من طولها
أصبح خبر مرضها منشور في اعتقادكم لمجرد أن أبيها الصادق المهدي؟؟؟؟؟؟؟؟؟
أخشى أن يكون الإعتراض على النشر لمجرد أن أباها الصادق المهدي..
ما عارفين بكرة مريوم ح تتغدى إيه؟؟
ملاح أسود
راجعوا صحف الغد..
يلا معاكم ألف سلامة!!!!
لنا
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: lana mahdi)
|
رب الناس اشف انت الشافي لا شفاء الا شفاؤك شفاء لا يقادر شغما.
اخوتي لماذا نستغرب من هذه الاشياء ولماذا نتداخل في بوستات اصحابها يحتاجون للدعاء
ونحول الموضوع الى مجادلات سياسية.
هل يمكن ان نرتقي بشكل المعارضة ونحترم الانسان كيفما كان كأنسان.
هذه ليست المرة الاولي التي الاحظ فيها بوست عزاء او دعوة لشفاء احد يتحول الى عراق بالاقلام
لم تعد لنا قداسة لشيئ لا للمريض الضعيف ولا للميت الذي بين يدي الله.
هلا صفيت ضمائرنا وانعتقنا من وهم الخلافات الرعناء.
عذراً
يارب تشفي مرضانا من عرفنا ومن لم نعرف غنيهم وفقيرهم.
جزاكم الله خيراً
| |
|
|
|
|
|
|
|
|
|
بنات (Re: محمد الامين محمد)
|
بنات الصادق
حتى فى المرض ملامات
سبحان الله
مريم الصادق شقيقية عضوة البورد رباح
من باب الذوق كان من المفترض ان نقوم بالدعاء لها بالشفاء
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: محمد الامين محمد)
|
العزيز ودالامين
لك التحية
| Quote: ناس صحافتنا ديل ما عندهم اي موضوع عاوزين يملو الصحف باي حاجه حتي لو نقط نقط شوله اهتمت الصحف بمرض مريم الصادق(الله يديها العافيه) يااخوانا مريم دي زوله عاديه ذيها وذي حريم السودان ده واحد مريم بس عشان ابوها السيد الصادق |
فى المليان :
اماقد اصبت كبد الحقيقة لان مريم انسانة عادية اذا افترضنا انها سقطت اثناء ورشه عمل وكان الصحفيين حضور لماذا كل هذا الزخم الاعلامى ايه رايك اذا مرضت وسقطت (امونةبنت الشول) م القصر الجمهورى والصحفيين موجوديين ...
لك الود
الحبيبة لنا مهدى
تحياتى
(الخروج عن النص) ارجو منكى ان ترسل لى كتاب من كتب الصادق عبر الايميل لو امكن
[email protected]
ايمن هارون
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: Tariq Sharqawi)
|
نسال الله ان يشفى الدكتورة الاستاذة مريم
ودى اجتماعيات لابد منها عزيزى وعادى ان يكتب
بعض الصحفيين ويدعو بشفاء هذا وذاكا على حسب موقع
الشخصية من الكاتب وده امر عادى وهنالك تهانى لى اشخاص
حتى ما بنعرفهم ده معناهو بتاعين الجرائد ديل بتاعين حشى ساى
الشى الاخر د/ مريم ما زولة عاديه ومعروفه للجميع حتى معروفه ليك
انت شخصيا الدليل على ذلك ارسالك للموضوع واستنكارك له...الاسرة دى يا غالى قدمت للسودان الكثير وجديره بالاحترام والتقدير والاهتمام لو ما كان
ابوها الصادق الرجل الصادق فجدها المهدى وما ادراك ما المهدى.......
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: Deng)
|
مـريم انسـانة نشـطة ..نعم فقـد عاشـرتها عـن قـرب ورأيتها نشطـة مـع اللاجـئين في معسـكرات ارتريـا وفي اسـمرا كـان لنـا مع السـيدة حـفيـة والتجمـمع النسوي ومـريـم نشـاطـات خـيريـة عـديـدة..
شـاركـت مـريم في كـل نشـاطـات وورشـات المشـروع/المنبر المـدني الـذي انشـأنـاه في 1997 وكـذلك في مـؤتمرات المنـبر وأعطـت فيهم طـاقتها كـاملة دون مـلل أو شـكـوي بل بحب وتفـان..
عمـلت دكـتورة مـريم في معسكرات معارضـة التجمـع لشـهـور طـويـلة علي الرغـم مـن مسـئولياتها الأسـرية بمـا فيها طـفلتها ذات الأربعـة أعـوام..
وليس هنـاك خطـأ في حـديث الصـحف عـن مـريم بـل الخطـأ في ان لا يتحـدثـون ايضـا عـن الأمـراض التي تصـيب جماهـير الشعب عـامة وفي عجـزهم عـن التعبير عـن معاناتهم..
تمنياتي بكـامـل وعـاجـل الشـفاء لمريم ولكـل مـرضـانـا..
كـل عـام وانتم بخـير
مـني عـوض خـوجـلي
| |
|
|
|
|
|
|
|
|
 Re: يعني شنو لومريم الصادق عيانه ياناس الجريد (Re: محمد الامين محمد)
|
..
.
| Quote: انا ما قاصد مريم والله العظيم وانا اعرف مريم عن قرب وهي ارجل من رجال كتير انا قاصد ناس الجرايد ما عندهم موضوع |
المنطلق واحد يا ود اللامين
لو ما كانت مريم بت الصادق لما كتبت الصحف الهايفه ما كتبت.
ونرجع للموضوع ..
أنا شخصياً بقصد مريم يعنى شنو لو مريم عيانه ..
لزوم الضجة والهيلامانه.. شنو؟؟
ما عادى ويعنى شنو لو صحفى هلفوت صادف الرواية ماعندو موضوع لصحيفته حسب
ما وردبلسان احدى افراد آل البيت
كلام جرايد فارغ .. ما الاف الناس بتمرض وبتموت منو الجاب خبرا..
لكن هؤلاء هم ال البيت ومطبليهم وببغاواتهم ..
وهى ليست عضوا فى البورد حتى ننهج ما كان ينهج فى مثل هذه المناسبات ..
ولسنا مجبورين ان كانت شقيقة رباح العضو السابق او المتوقفه عن المشاركة
لتقديم برتوكولات الولاء والطاعة والتكفير
وبعد دا ..
ربنا يشفيها ويديها الصحة حتى لا يفهم المنطلق الذى اتحدث منه خطا
فيظن اننى لست مسلماً ولا اتمنى شفائها ولم اعطيها دعوة قد تقبل او لا .. حسي إيمانياتى
ومحبة الله لها .. او لامر اخر
وليس الفهم لقاصري النظر والفهم هامش الموضوع
ولكن للضجة التى نسمعها وتدور الارض ولا تتوقف لمرض آل البيت
واعيادهم اباهم الذين اكل عليهم الدهر وشرب عمراً وفكراً
لا تستحق ان تزحمونا بها ..
اروتنا ماذا فعلت لهذا الشعب
حتى نصفق معكم !!
لا تختلفةوا كثيرا عن الانقاذيين وشاكلتهم
مصلحتكم الشخصية قبل مصلحة الشعب
وحبكم وسعيكم للكرسي والسلطة يفوق حسب فرعون..
وخلااااص
ملينا ..
بزيد الشحنة وبجي ..
| |
|
|
|
|
|
|
|
|
|
Re: يعني شنو لومريم الصادق عيانه ياناس الجريد (Re: lana mahdi)
|
سلام يا محمد الامين
من اذنك يا محمد الامين و بعدين ان افتكر ان الجرايد قصرت في حق
د. مريم الحصل ليها hypoglycemic coma نتيجة لجرعة دواء خطا اظنك يا محمد الامين حسب
خبرتك و عملك عارف خطورة الحالة دي سلامتها و الحمد لله و ربنا يخليها لي وليداتها و للسودان ( التحية موصولة لي عادل شريف برضو)
و بعدين زح لي لي من تبلدينا دا
انت يا تبلدينا كنت وين لما مريم الصادق دي بتضحي عشان السودان
دي حاجات بسيطة جدا
تركت مهنة الطب من اجل النضال.....
كنت قاب قوسين او ادنى من نيل التخصص فضحت به....
كونت الوحدة الطبية للتجمع لجيش التجمع في ادغال اسمرا....
و فوق كل هذا وذاك لها اسرة و اطفال صغار ذاقوا معها مرارة النضال..
د1 غيض من فيض.....
لكن بعد ده كلو تستكثر ان تتكلم الجرايد في انها بلعت دوا غلط
و كانت في غيبوبة
يا تبلدينا يا اخوي.... جدي اكن لقاك برشك بي مويتة الراتب اكان تشفيك
.................... والي
| |
|
|
|
|
|
|
| |
محمد الامين محمد
انعام عبد الحفيظ
شمهروش
lana mahdi
القلب النابض
munswor almophtah
saif massad ali
mohmmed said ahmed
ayman haroun
Saifeldin Gibreel
Sakotaweya
waleed500
Deng
Muna Khugali
HAMZA SULIMAN
ALGARADABI
Waly Eldin Elfakey
هاشم نوريت
فيس بوك
تويتر
انستقرام
يوتيوب
بنتيريست