|
|
 اللنقليزي جانا موووووووووووووووووووية
|
| Quote: جانا موووووووووووووووووووية |
الجملة دي بتتقال في كل المواد إلاَّ اللنقليزي والحساب
فاللنفليزي (جانا نااااااااااااااار) والسبب [IF1 و IF2 و IF3] إفّفففففف كان دخلت على الماضي وكان دخلت على القاضي وكان قعدت في السهلة أنا ما بفهمها
تقوم الظروف تمرقني من السودان وتوقعني ليك وسط خواجات صر في المكتب الرئيسي وخواجة واحد في الفرع الشغال فيهو أنا لكن الحمد لله كان في دكتور بيطري سوداني بيني وبين الخواجة فكفاني شرو شهرين تلاتة قوم يا الدكتور أمش إجازة السودان وخليني مع الخواجة والقصة فيها تقارير أسبوعية وشهرية والله الساعة الرزعن لي الخواجة ب(اللنقليزي الحاااااااااار) وقال لي يلا ترجم راسي إنفتح عديييييييييل .. ياخي تقرير فيهو كلمات زي (الحمى القلاعية وجدري الأغنام ) وأنا يادوبك زول (وط إس يور نيم) أهاطوالي قامت علي الـ(IF) وقعدت أنـ(IF) وقلت بالله شوف الخواجة الجلـ(IF) دا لكن الراجل طلع إبن ناس وجاب لي التقارير القديمة فبقت المسالة ساهلة يعني تغيير أرقام فقط
ولا ابالغ إن قلت ليكم إني شغال مع الخواجات ديل 13 سنة فت يوم ما سمعت لي واحد فيهم يأ(IF) ووجدت أن اللنقليزي عندهم (مووووووووووية) وما بشبه إنقليزينا ود اللزينا وعندي أمثلة اوردها هنا
يوم سالتني واحدة وهي خريجة تربية إنقليزية ومعلمة إنقليزي وزي ما بقولوا الهنود (بلبل في اللنقليزي) وقالت لي أها أولادك بسافروا متين (بالعربي) وأنا جاوبتها باللنقليزي قلت ليها [Week tomorow] قالت لي لا مفروض تقول [Week from tomorow] وانا دائما اسمع الخواجات يقولوا (ويك تمورو .. ويك يستردي .. 3 ويكس تودي)
يوم مشيت زرت واحد طبيب سوداني وأصرَّ لازم أتعشى معاه قلت ليهو الخواجة قال لي لازم ترجع [Befor dark] أها يمين الدكتور قال لي مفروض تقول [Befor the sun set] أها بعد دا كلو رايكم القريناهو في مدارسنا دا إنقليزي؟؟؟
تخريمة:
أمبارح بتونس مع واحد من البدو هنا في الصحراء وقلت ليهو تذكر المرحوم محمد والله ما شاء الله كان قوي خلاس
رد علي قائلا
خلاص الرجال مات ما يحتاج تقول (ما شاء الله) ما أظنك تسحرو
|
|
 
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
يا البدري...ازيك
الزمن بي عدلو يدقو فينا في تصريف الباست بارتيسبل تينس....امانه في زمتك
الخواجات المعاك ديل غير كلمتين قاعدين يجيبوا سيرتو...بس DONE ,GONE
غايتو انا غيرن يطرشني ما سمعت...
وبعدين pretty good دي مي معناتا بي انجليزينا مكمل الكواسه بس عندهم غير
كدي؟؟؟؟
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: nazar hussien)
|
الراقي الجميل نزار حسين
تحيات شحمانات
Quote: امانه في زمتك
الخواجات المعاك ديل غير كلمتين قاعدين يجيبوا سيرتو...بس DONE ,GONE
غايتو انا غيرن يطرشني ما سمعت... |
و Lovely عليك الله عاين ليها سمحة كيفن
إنت عارف يا نزار أنا اللنقليزي وكت خلاس غلبني بقيت أحفظو زي التاريخ (سياسة بسمارك) وهسع أنا حافظ لي قطعتين واحدة من (جينير) والتانية من (كنق سولمون ماينز) بالله أبن يتمسحن تب وكان ما كتلني ما برتاحن
Back to Back
هسع زي دي أنا كان قريت لمن روحي مرقت بتلاقيني؟؟؟
أنا فرحان بي طلتك يا راقي
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
البدرى السمح سلام
عندى قريبى شغال رجل امنى فى فندق
ومتعود برد على الخواجات بعبارة واحدة i dont know
وقاعدة تخارجو فى كل شىء
يوم من الايام جاء خواجة مزنوق شديد بسال من الحمامات
where the tolet
رد عليه بعبارته المعهودة
i dont know
فرد الخواجة..you dont know the tolet in your loction
خالص معزتى لك
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
شقيقي أبو البدور
تحياتي
و مودتي
| Quote: ولا ابالغ إن قلت ليكم إني شغال مع الخواجات ديل 13 سنة فت يوم ما سمعت لي واحد فيهم يأ(IF) ووجدت أن اللنقليزي عندهم (مووووووووووية) وما بشبه إنقليزينا ود اللزينا |
و العجب حسع .. الإنجليزي بقي موية مقطرة .. خاصة في الكتابة .. بقتْ مختصرة شديد
مثال :
ً Where RU
R U OK
This Is 4 U
و هلم إختصارا ..
شفت الأفارقة الأمريكان بيتكلموا الإنجليزي كيف ؟ بياكلوا ثلاتة أرباع الكلمة .. و الربع الباقي ما بفوت الشفة السفلى 
أرقد عافية
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: ابو جهينة)
|
العزيز
بدرالدين
تحية طيبة واحترام بلا حدود،،
ذكرني البوست بطرفة واحد من اهل العوض،،،
دخل المرحلة المتوسطة لما كان الانجليزي يبدأ
من المرحلة المتوسطة، وأول يوم جاء لأبوه قال ليه
يا أبوي والله الانجليزي دا ساااااااااهل موووووووية
عـــوج لســان ساااااااكت،،، ابوه مسك لسانو وعوج
لسانو لحدي ما داير ينقطع، قال ليه يا ولد قوم جيب مويه
سكت شويه قال ليه انشاء الله تكون فهمت كلامي بالانجليزي دا ... لوووووووول
خالص تقديري ومحبتي للاخ بدري،،،
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: نادية عثمان)
|
العفيفة نادية عثمان
سلام وإرتياح
وأنا والله العظيم سلامك عندي غالي شديد وأسعدني كتير
إنتي يا نادية (إتخوجتي) في مخك دا ولا شنو؟؟؟ كيف داير تساوينا مع الخواجات
أغلطوا إنتو يا الخواجات
نجيكم نحن بي الأعذار
لكي معزتي الخالصة يا نادية
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: ابو جهينة)
|
شقيقي الوريف جلال
شاطر سلام ومشطور شوق بينهما فخر
أشكرك على هذه المداخلة المتينة الشبعانة
| Quote: شفت الأفارقة الأمريكان بيتكلموا الإنجليزي كيف ؟ بياكلوا ثلاتة أرباع الكلمة .. و الربع الباقي ما بفوت الشفة السفلى |
أها بقى ديل أنا برتاح ليهم راحة شديدة لأنهم زايدنها عضلات كمان
لك حبي المثمر بإذن الله
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
عم بدرالدين ازيك... وكيف حالك...
زمان بنت الحسين في الابتدائي كانت كيشه خالص في المدرسه... اها.. امشي الامتحان واجي راجعه تقوم امي تقول لي.. "اها عوستي كيفن"... كنت اقولها ليها شربنا مويه دي... والنتيجه تجي "اكلنا قرض".. بقت عندي عقده منها...
الليله زارنا ابن خالة والدي بي اولاده صغار.. جايين حار حار من امريكا ليهم يومين.. اها.. الوليد صغيروني .. وبتكلم انجليزي رص ماشاء الله عليه.. اها بحكي لي الولد قال لي مشوا زيارة لسودانيين (ديلك جايين حار من السودان) وشفعهم ما حافظين غير what's your name?... الولد قدر ما سألوا من اسمه كورك فيهم بأعلى صوته I told you my name five million times وفات خلى ليهم اللعب
تحياتي
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: مريم بنت الحسين)
|
العروس الظريفة مريومة
كيف حالك والعريس نادر
| Quote: الليله زارنا ابن خالة والدي بي اولاده صغار.. جايين حار حار من امريكا ليهم يومين.. اها.. الوليد صغيروني .. وبتكلم انجليزي رص ماشاء الله عليه |
أها شفتي زي ديل أنا بخاف منهم وعندي تجربة زمان كنت في الثانوي العالي وجانا واحد قريبنا وعندو طفلة سغيييييييييييرة مولودة في لندن قمت شلتها وقعدت تصيح (banana..banana..banana) وأنا ما جايب خبر أتاريها الشافعة تبكي وتتمرصع روحا بدور تمرق في موزة
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: almohndis)
|
العزيز بدر الدين حلا
وينك، تصدق .. أي مسد يو
قالوا في جندي أمريكي رجع من العراق فوصلته بطاقة تهنئة من أصحابه قالوا له: We missed you, and thank God that the Iraqis missed you too
طبعاً لو العراقيين أصابوه ما كان وصل ليهم.
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: Yassir7anna)
|
الصديق الصدوق ياسر حنَّا
سلام بعدد الموقعين في عريضتك
| Quote: قالت ليها ماتت الله يرحمها |
ياخي دا إبداع وبعدين جارتكم دي (الله يرحمها)طيبتها تعدت حدود البشر وأنا ارشحها سفيرة للرحمة والإنسانية
إنت سايب البوست كلو وساكن في التخريمة؟؟؟
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
يا بدري
(1)
بتكون مرت عليك حكاية كجنة شفع الضهاري للشافع المتفلهم....
جاءهم لنج من ضواحي الخليج وبلسانه ثمة عجمة...
تناديه امه
Hamada come here do'nt play with the mud
Okay mom
احدهم:
ها اينا تعال هنا الرمض ان جا يسويلك...
(2)
جيْ بها الينا صغيره وعمرها تقريبا ثلاث سنوات في الفصل ونحن
في اولي عام...لا زلنا نتحاشي ان ننطق الحرف Y لقناعات راسخة
فينا...
وجه اليها استاذنا السؤال
ًwhat is your name:
My name is Maha Albadry
وانتهت الي هنا اجابتها....
وسوط العنج يتنهد بيد الاستاذ ونحن نحبس انفاسنا وثمة رائحة
بيض مسلوق تنطلق من ركن ما...
هااااااا عثمان علي
What is your name
My name is Maha Albadry
والله يا بدري الاتنين قصص حقيقيات حاصلات
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: nazar hussien)
|
حبيب قلبي نزار حسين
سلام بطعم القصتين الزينت بيهن البوست يا راقي
| Quote: بتكون مرت عليك حكاية كجنة شفع الضهاري للشافع المتفلهم.... |
لا والله ما سمعت والقصتين قتلنني ضحكاً لكن أنا سمعت بي الشافع السكوهو بي الكوريق وصاح لي أمه
ماما ماما عايني الولد دا عايز يضربني بي معلقة [X Large]
لك محبتي وإحترامي
My name is Albadri without Maha
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: Salma Daoud)
|
الغالية سلمى داؤود
سعدت بي طلتك يا بهية
Quote: أكتر حاجة عاجباني في البوست ده كلمة: "اللنقليزي"!!!!
ياخي ده "سبيلنج" شرط عديل كده للكلمة!!! |
طبعاً اللأولو شرط آخرو بسمة غالية من شخصكم الكريم
أشكرك على دقة الملاحظة والتي تنبئ عن مبدعة قادمة
| |
|
|
|
|
|
|
|
|
|
اللنقليزي جانا موووووووووووووووووووية (Re: بدرالدين شنا)
|
سلام
بتذكر موضوع قريتو فى جريدة الصحافة
عن ذكريات زمان الخاصة بأحد الكتاب
عن زميل ليهم فى موضوع التعبير بالإنجليزي يعني الكمبوزيشن كتب عن رحلة ما يلي
the bus driver enter very deep sand
he gives it number one and it refuses
he gives it number two, it also refuses
he again gives it number one
and it goes like the rose
فقام أستاذ الإنجليزي كتب ليهو فى الكراس لما جاء يصححو
( أبو الزفت ، عجمي فألعب به )
أظرف ما فى الموضوع هو ترجمة السطر الأخير ( مشي زي الورد )
والله أيام يا زمان
وتحياتي
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: Fadl Karrar)
|
Quote: the bus driver enter very deep sand
he gives it number one and it refuses
he gives it number two, it also refuses
he again gives it number one
and it goes like the rose
|
فاضل....
هسي الزول ده مالو يا حلاتو...هسي انت مش فهمت منها
دخل سائق البص في رمال عميقة وقام كدي اداها نمره واحد وابت تقبلا
ثم اداها نمرة اتنين وبرضو ابت تقبلا ومره تانية(كم مره الادي دا)
اداها نمره واحد ومشت زي الورد.
ذكرتني بالحبشية ست المطعم
Me give it one plate one plate full of AANJERA
You only one dinar one dinar give
يمين الكلام دا كان لي خواجة وفهمو زي العجب وسفسف صحنو ودفع دينارو واتخارج
انا قايل يا البدري الطريقه الصارمه ديك للغات في طريقها للانقراض شوية شوية
وسمع اضاني دي واحد قال لي رفيقو
no you go to hurry something court
وكان يقصد محكمة الامور المستعجله....
بس دي ما عارف القالو ليه فهم منها شنو....دا خلي بالك بكون مشي المستراح عديل
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: nazar hussien)
|
الصديق الحميم نزار حسين
أنا فرحان شديد بي وجودك معي هنا
Quote: دخل سائق البص في رمال عميقة وقام كدي اداها نمره واحد وابت تقبلا
ثم اداها نمرة اتنين وبرضو ابت تقبلا ومره تانية(كم مره الادي دا)
اداها نمره واحد ومشت زي الورد. |
ترجام ساي لي الله سيدك
| Quote: دا خلي بالك بكون مشي المستراح عديل |
خلي يطلع زول فضل الأول وبعد داك يدخل زولك
خالص معزتي
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: Fadl Karrar)
|
الحبيب فضل كرار
سلامي وإحترامي وشكري على هذا الإبداع والذي غذى البوست وأضفى عليه نكهة لذيذة
Quote: the bus driver enter very deep sand
he gives it number one and it refuses
he gives it number two, it also refuses
he again gives it number one
and it goes like the rose |
هسع يا فضل في ذمتك الموحل منوالبص ولا زولك دا؟؟؟
لك حبي يا جميل
| |
|
|
|
|
|
|
|
|
 Re: اللنقليزي جانا موووووووووووووووووووية (Re: بدرالدين شنا)
|
يا بدر الدين يا زين ..
تحيات كتاااار ..
مالك علينا يا أخوي ؟؟؟..
الزول يا دوب حافظ ليهو كلمتين يجي يجدع بيهم على خلق الله ..
ولما يقع في ورطة يفتش للطريقة التحلو ..
خلينا في كلامنا اللكة دا نلت ونعجن فيهو ..
مره عندنا في الشركة واحد بلدياتنا من بلد مجاور يربطنا به النيل ..
كان مسؤل من الورشة بتاعت الصيانة بتاعتنا ..
جاهو ليك خواجة من الناس الخشمها معووج داك ..
المهم سأله من حاجة رد عليهو صاحبنا بلهجة الواثق من نفسه ..
go out
وكان قاصد يقول ليهو فتش عليها في المحلات الجنبنا ..
لكن خانه التعبير ..
صاحبنا الخواجة دا إضايق ضيق شديد من كلامه لمن وشه بقى أحمر ..
المهم حصلو ليك واحد من زملائنا إعتذر ليهو بطريقة كويسة ولملم الموضوع ..
يديك ألف عافية ..
يا جميل يا سيد الذووق ..
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: معتصم دفع الله)
|
الخلوق معتصم دفع الله
سلام كتيييييييير
| Quote: مره عندنا في الشركة واحد بلدياتنا من بلد مجاور يربطنا به النيل .. |
مجاور ويربطنا به النيل؟؟؟ عرفته سنغالي
نحن عندنا واحد بحفظ كلمات من الدكشنري ويجي يستعملها
ففي يوم كان معاه صديقه في البيت ولمن قام داير يمشي قال ليه تتغدى معنا فصاحبه قال ليه ما بقدر قام رجع بذاكرته حتى يجد كلمة إننقليزية وبسرعة قال لي صاحبة أنا(Eygpt) تتغدى معانا
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
بدري سامي علاه
| Quote: إنت سايب البوست كلو وساكن في التخريمة؟؟؟ |
هي لكن اعمل ليك شنو لو التخريمة طلعت احلى من البوست زاتو!
تعرف معانا هنا واحد بترجم العربي ترجمة حرفية وبلزو ليك للخواجات والهنود ديل زي العجب ولا سال فيهم، فمرة بتكلم مع هندي في موضوع شغل وانه لقى وظيفة في مكان مرموق لكن الراتب ما عاجبه فقام قال للهندي
you just put you leg first and then see
الهندي ليوم الليلة ما فهم الزول بقصد شنو لكن اكلها ساكت ومشى
تعرف زمان كان معانا خواجة في صلالة اسمه بيتر وكنا نحن اغلب الشغالين معاه سودانين، فيوم قام سالنا قال لينا انتو الانجليزي ده قاعد تجيبو من وين، زي الباست بارتسيبل والبرسينت بيرفكت وال f2 و f3 قال لينا انتو تعابين روحهم ساكت، الكلام ده ما تلقى الا في الكتب والجرايد لكن لو مشيت بريطانيا ما في زول شغال بالقواعد دي كتير
لكن انا المزعلني هسع، امس وانا داخل على المبنى بتاعنا لقيت مجموعة خواجات ملمومين في البورد وبقرو في الاعلانات المعلقة عايزين يعرفو مكان المحاضرة بتاعتهم وين، قامت واحدة لقتها وقال ليهم room 8 اها قاموا يسالوا بعض room 8 يصلوها كيف، انا الوقت كنت وراهم قمت قلت ليهم you go upstairs it is this side واشرت على المكان قامت التفت على صاحبتها قالت ليهم That side انا في نفسي قلت الخواجية دي الليلة ما اخليها الا توريني ليه that site مع انه نحن في الانجليزي قاول لينا that للبعيد this للقريب لكن لعنت ابليس ساكت ومشيت، وقلت يا دار ما دخلك شر that that يعني ح تفرق شنو
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: Yassir7anna)
|
الغالي ياسر حنَّا
سلام بقدر الطموح
| Quote: تعرف زمان كان معانا خواجة في صلالة اسمه بيتر وكنا نحن اغلب الشغالين معاه سودانين، فيوم قام سالنا قال لينا انتو الانجليزي ده قاعد تجيبو من وين، زي الباست بارتسيبل والبرسينت بيرفكت وال f2 و f3 قال لينا انتو تعابين روحهم ساكت، الكلام ده ما تلقى الا في الكتب والجرايد لكن لو مشيت بريطانيا ما في زول شغال بالقواعد دي كتير |
ودي بالظبط فكرة البوست دا لخصها الخواجة في كلمات
| Quote: you just put you leg first and then see |
أنا زمان كنت في الفتيحاب وجا خواجة لي ناس قرايبنا وأخد قعدتو ولمن جا ماشي قلت لي قريبنا قول ليهو يوصلني معاه بانت والخواجة رحب وبعد ما مشينا الجماعة قطعوا فيني قالوا البدري لمن يصل بانت حيقول للخواجة
Throw me here
لك حبي
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: AlRa7mabi)
|
صديقي إبن أختي المهذب الرحمابي
سلام سلام سلام
Quote: Sawsan Ahmed
دي منو ؟؟؟؟؟ |
يا للـ(العجب)يخلق من الإسم 40
كلهن شفيفات ومبدعات ربنا يحفظهن جميعا
| Quote: عليك الله يا شيقوق (نجمّ) البدري طوالي كده |
كذب المنجمون ولو صدقوا
أعلن ترحابي وفرحتي بعودتك للمنبر
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
الحبيب بدر ود عشة بت حاج عمر كما يحلو لاهل مناقزة مناداتك تحيات
شاعر بى ورطتك واحكى ليك عن واحد قريبنا هنا..كان المستشفى العسكرى فى السعودية
بيعمل مستشفيات ميدانية فى مضارب البدو لانهم لايؤمنون بالتطعيم وزيارة الحريم
لعيادات الرجال وكانوا ياخذون معهم مترجمين موقتين وكان اغلبهم سودانيين واحد
قريبنا خريج اوسطى قديم المهم الحقوه بوظيفة مترجم موقت ومشى مع الجماعة مترجم
فجاءت بدوية تشكو لطبيبة فلبينية ان ابنتها تشكو من قمل فى راسها ..اخونا قال ليها
he said that her daughter have an anamil in her head لانه لايعرف قمل بالانجليزى
واشتكت الفلبينية من ان السودانى لايعرف انجليزى وفصل الرجل ولمل جاء يحكى
اسباب الفصل قلت له معقول يا مصطفى تقول ليها anamil كان تقولinsect قال لى
يعنى anamil in her head حا يكونن خرفان الفلبينية دى حيوانة ساكت.فظك
الله واضف لمعلوماتك مع انه لم يعد هناك قمل فى زمن هيد اند شولدر ده الا ان
قمل بالانجليزى هى لايس lice وتسلم يا الاسم امك زى اسم امى،،،
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: بدرالدين شنا)
|
الحبيب بدر ود عشة بت حاج عمر كما يحلو لاهل مناقزة مناداتك تحيات
شاعر بى ورطتك واحكى ليك عن واحد قريبنا هنا..كان المستشفى العسكرى فى السعودية
بيعمل مستشفيات ميدانية فى مضارب البدو لانهم لايؤمنون بالتطعيم وزيارة الحريم
لعيادات الرجال وكانوا ياخذون معهم مترجمين موقتين وكان اغلبهم سودانيين واحد
قريبنا خريج اوسطى قديم المهم الحقوه بوظيفة مترجم موقت ومشى مع الجماعة مترجم
فجاءت بدوية تشكو لطبيبة فلبينية ان ابنتها تشكو من قمل فى راسها ..اخونا قال ليها
he said that her daughter have an anamil in her head لانه لايعرف قمل بالانجليزى
واشتكت الفلبينية من ان السودانى لايعرف انجليزى وفصل الرجل ولمل جاء يحكى
اسباب الفصل قلت له معقول يا مصطفى تقول ليها anamil كان تقولinsect قال لى
يعنى anamil in her head حا يكونن خرفان الفلبينية دى حيوانة ساكت.فظك
الله واضف لمعلوماتك مع انه لم يعد هناك قمل فى زمن هيد اند شولدر ده الا ان
قمل بالانجليزى هى لايس lice وتسلم يا الاسم امك زى اسم امى،،،
| |
|
|
|
|
|
|
|
|
|
Re: اللنقليزي جانا موووووووووووووووووووية (Re: صديق الموج)
|
موج الجمال والذوق
شوق شوق ولا بنوصف
Quote: اخونا قال ليها
he said that her daughter have an anamil in her head |
الله يقصك زي ما بتقول تماضر ياخي فقعتني بالضحك
| Quote: قمل بالانجليزى هى لايس lice |
وانا أقول يا ربي الـ[Lice] البلوس لي في راسي دا شنو؟؟؟
| Quote: وتسلم يا الاسم امك زى اسم امى،،، |
أها يا جماعة أنا هنا حصل لي الشرف
| |
|
|
|
|
|
|
| |
بدرالدين شنا
nazar hussien
abuguta
ابو جهينة
waleedi399
مريم بنت الحسين
almohndis
نزار محمد عثمان
الطيب شيقوق
Yassir7anna
Fadl Karrar
معتصم دفع الله
AlRa7mabi
صديق الموج
فيس بوك
تويتر
انستقرام
يوتيوب
بنتيريست