الصرصور الفوق دا شايفنو؟؟؟ هو من أخرجني من بيت نسابتي كما أخرج إبليس أبوينا آدم وحواء من الجنة طبعاً في نوع من النسايب من يوم يسير على بيت العروس ويستلم مفتاح (أوضة العريس) من البنات ويدفع الفيها النصيب تاني ما بمرق إلاَّ يصيح حمار الوادي (يمرق يمش وين؟؟؟) دا بمرق مرة واحدة للبحر ويجيب ليهو فرع نخيل ويعلقو في مرق الأوضة حسب العادات ... في بعض العرسان برحل بيتو قبل أن يذبل ذلك الفرع من النخيل أما البعض الآخر وأنا منهم بنركلس لمن فرع النخيل يبقى لونو أسود من عمايل الضبان أو تقع الأوضة ذاتها بسبب الخريف أها يازول أنا حارس الأوضة دي ما بمرق منها كلو كلو وبتحاشى أقعد مع ناس البيت عشان عارف نوع الونسة كلها (خطوبة أختها وقرب العرس ... أمبارح لقينا دابي في الأوضة ووووو) أها الناس ديل وكت شافوني عكليتة وما بفهم التلميحات بدو في اللعب الخشن ولقطوا ليهن كمين صرصور من وين ما عارف وأسكنوهم في أدبخانة غير ذي "زرع" لكن يا جماعة هذه الصرصورات فعلت فيني بشنباتها ما لم يفعله الصبية بعادل إمام وكرهتني "القعدة" ذاتها حتى عجلت برحيلي وهي ترقص وتغني وعليه فأوصيكم ونفسي إذا أي واحد منكم عندو نسيب عكليتة عليه بالصراصير أبو شنبات كبيرة
بدرالدين سلام عرفناابوالجندب ده رحلك من بيت نسابتك طيب الرحلك من السودان ووداك خلا مرمول شنوده وبعدين يابدر ابو الجندب بعد ربوه في الحتة القلتها ديك بس قصد اوضتك من دون اوض البيت التانية اكان كدة اوضدك في شئ بيجذب ابوالجندب المهم ياخوي لو الصراصير بتطفش ما تشوف لينا صرصور( مرمولي) يطفش لينا الجماعة الهاردين كبدتنا ديل
09-17-2005, 00:28 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22489
أنا أعرف شخص يا البدر...رحّل نسابتو وقعد في بيوتهم والقعدة اللي يوم الليله دي...
سألتو ...عملت شنو؟ قال لي بسيطه
أول شيْ عليك الحول بي زول تانيا...ما تشتري بطاطين لي الشفع... تالتا ...الببكي عايز حلاوة...تجيبا ليه بعد ما ازعاج البكية يتمكن من الناس...وتفتن اخوه الاصغر...بي حلاوة أخوه الاكبر
والبتجيه نزله...ترسلو مع خالتو الصغيره الي المستشفي
وتجي مع مواعيد الغدا...
وتطلع الصباح بعد الشاي والجبنه...
وما تنسي العزايم في العشاء...
والكشتينة يوم الجمعة من الصباح لا الغيبه وصينية طالعة وصينية نازله...وبراد شاي طالع...وعدة جبنه نازله
عليك امان الله...بس أدهم ستة شهور في جنس الحالة دي.. طوالي بشيلو عفشن ويمشوا الخرطوم...
وفي الخرطوم زاتا...بنلحقن...الرسول دحين ما قال عينوا عليهنّّّّّّّّّ
Quote: أنا أعرف شخص يا البدر...رحّل نسابتو وقعد في بيوتهم والقعدة اللي يوم الليله دي...
دا بكون لي ورا كدا جدودو إسرائيلين
Quote: أول شيْ عليك الحول بي زول تانيا...ما تشتري بطاطين لي الشفع... تالتا ...الببكي عايز حلاوة...تجيبا ليه بعد ما ازعاج البكية يتمكن من الناس...وتفتن اخوه الاصغر...بي حلاوة أخوه الاكبر
والبتجيه نزله...ترسلو مع خالتو الصغيره الي المستشفي
وتجي مع مواعيد الغدا...
وتطلع الصباح بعد الشاي والجبنه...
وما تنسي العزايم في العشاء...
والكشتينة يوم الجمعة من الصباح لا الغيبه وصينية طالعة وصينية نازله...وبراد شاي طالع...وعدة جبنه نازله
صرصور شنو ياخوي دا عايز ليهو مرفعين عديييييييييل وبعدين ياخي مصعبها كدا إنت معاي ولا مع النسيب؟؟؟ لك فائق إحترامي
09-17-2005, 02:56 AM
waleedi399 waleedi399
تاريخ التسجيل: 08-20-2003
مجموع المشاركات: 2767
حليل نسابة زمان يا أبو البدور .. الحوش حدادي مدادي و كل بت بتعرف بكان ما حيبنوا ليها جوة بطن حوش أبوها .. لا نقة و لا صراصير. أنا بعرف لي أزواج .. والله مش صراصير ..لو كبوا ليهم ضريسا فوق للمرتبة و الملاية .. برضو متعكلت و قاعد. أنا بعرف واحد قاعد مع نسابتو .. و هو هناك بنى بيتو .. و قام أجر بيتو بالدولار .. و لسع قاعد في نفس الأوضة الدخل فيها .. و متمترس ..
09-17-2005, 05:50 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: شكراً للوصفة السحرية في معرفة مخارجة النسيب العكليته ..
أرجو حفظها بها بعيداً عن متناول النسوان الشينات .. لأنو إذا إستخدمتها وأنت غير واثق من جمال أختك أو بنتك ربما تعمل مضاعافات وتطفشو مرة واحدة خالص معزتي وشوقي لي لقياك
09-17-2005, 11:15 AM
waleedi399 waleedi399
تاريخ التسجيل: 08-20-2003
مجموع المشاركات: 2767
Quote: ممكن اي اضافة او تعديل في العبارة يا بدري ولااااااا
ولاااااا (العبارة مأخودة على نسق (حلوة نسق دي) حفظ الدواء بعيد عن متناول الأطفال) إذا إنت عايز تضيف أو تعدل فلك ذلك أما أنا فلست (ولد الضايف) أكون يا وليد ما فهمتك والفهم قسم؟؟؟ والله والله برتاح ليك
09-17-2005, 11:15 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
تعرف يا بدر إنت زول خلاّق بشكل ما عادى والله Creative ودى بالمناسبة ملكة فريدة ما بتلقاها بسهولة فى الناس يعنى من اشياء ما تخطر على بال الإنس والجن تصنع كون شاسع من الجمال
بعدين الجمال ذاته طبعا أنواع
إنت جمالك جميل
إنشاء الله دائما طيب وسعيد وجميل
09-18-2005, 00:10 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
المتفرد صاحب المفردة ابوذر بابكر سلامي وإعجابي وفخري بك
Quote: إنت زول خلاّق بشكل ما عادى والله Creative ودى بالمناسبة ملكة فريدة ما بتلقاها بسهولة فى الناس يعنى من اشياء ما تخطر على بال الإنس والجن تصنع كون شاسع من الجمال
يا إبن العم ما شكرتنا بي حرفك الكبير دا ما تعاين قدامك .... أشكرك يا سليم الذوق والجمال
09-17-2005, 11:32 PM
sumah sumah
تاريخ التسجيل: 08-27-2002
مجموع المشاركات: 1737
يا بدري .. يا لذيذ.. سلام شديد.. ما حددت لينا ياتو فصيل من الصراصير نانو الصراصير زاته ( ماوس ) بيوت ومقاسات إذا بتقصد الحجم اكس اكس اكس لارج .. النوعية دي كان من الساهل تعمل معاها تطبيع وتبرمجه وتقوم تستعمله سلاح مضاد يعني بي صورة اوضح تشوف البيريحه شنو وتعملو ليها .. وبعد داك تعمل ليها تنويم مغنطيسي وتصلطه على ابو النسب ده لكن إذا طلعوا الجماعة مفتحين وجابو ليهم ( بف باف ) نوعية فتاكة فهنا انا بخلي مسؤوليتي .. . تعرف يا بدري غايتو لو كل الحلوين بيخضعو زيك كدا لي تحرشات النسابه باستجلاب السلاح الشنبي ده والله عندنا هنا كان البلد دي عدمت نفاخ النار من ( البعول ) طبعا
09-18-2005, 00:47 AM
jini jini
تاريخ التسجيل: 02-05-2002
مجموع المشاركات: 30716
بدر.. مشتاقين نحن بالاكتر.. دة حال الدنيا صراصيرا حمتنا النوم .. البوست التحت... العريس عثمان مبارك.. خايفين عليه من صراصير الخريف في موسم الشوق الحلو.. دة لو ما الحلو جاب الابريق ..
09-19-2005, 00:17 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الأديبة الرائعة نادية سلام وإرتياح كامل لما يخطه يراعك أنتي وعبدالله وداعة من سجال شعري
Quote: والله انت لو راجل بتى ماافرط فيك كلو كلو .. ياخى انت عملة نادرة والله ..
ودي شهادة أعتز بها وقلادة اضعها في جيدي حتى يشهدها الجميع لأنها جاءت من شخص أكن له كل إحترام وود وصدقيني لو كنت راجل بتك صرصور شنو والله الكوماندوز ما يطلعوني ودمـ دمـ دمـ دمتم سالمين
09-19-2005, 00:18 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
بدر السمح .. الله يجازي محنك حدثني صديق الموج قال : عن جده الموج الكبير قال : قال جدي ( حين ام درمان أزقة بين غرف طينية منخفضة سقوفها و النفاجات طرقات كمتاهة ( كولن ويلسون ) .. حدثني قال : جيء بجدهم الشيخ من ديارهم الفوق .. مريضا .. يعاني من ( عدم قطعه للجمار جمعتين ) .. ما نفعته البصيرة ولا الحكيم .. جيء به إلى البقعة.. وقيل انه اعطى ما يساعد على ان يقطع قطعا قاطعا ذاك الجمار.. حينها كانت هناك ( أدبخانتك تلك ) .. حفرة واحده ببابين : حريمية بابها قبلي .. و الباب الآخر بحري للرجال . قال ( صديق الموج ) : جدتنا كانت دلالية .. مرهاء و سمحه و لها ( مفحضة ) مخضوبة بالللون الأحمر و بها شراشف . جيوب و جيوب تليها جيووووووب .. وكانت تتدلي من عنقها ممتلئة بالريالات اب عشرة و أب خمسة .. ثقيلة تلك ( المفحضة ) كانت .. تتباهى بها جدتي المرهاء السمحه ـ قال صديق - و تكشكشها حين (تسوى ) بها ( الكيه ) لمن لا تستلطفها من نساء الحي . .. أحس شيخنا الجد بدنو ( العمايل ) .. فهرول مسرعا إلي الباب الرجالي البحري لـ ( أدبخانتك تلك ) يا بدر الدين .. و في لحظتها نفسها كانت جدة ( صديق الموج ) المرهاء السمحة تدخل الباب القبلي لأدبخانة الحريم .. ( قنت ) شيخنا الأسد .. و قنت .. و قنت ( جمعتين لم يقطع فيهما المسكين جمارا ) .. ثم : دددل ددل دددددددل دودول .. دوللللللللل .. ( كان لللدوي صوت وصدى ورجع ) - جمعتين لم يقطع فيهما المسكين جمارا - حينها ..كانت جدة ( صديق الموج ) المرهاء السمحه في الجانب الآخر من ( أدبخانتك تلك ) يا بدر الدين تقضي حاجتها .. انتفضت واقفة و هي تخبط على صدرها ناظرة إلي أسفل .. إلى حفرة الأدبخانة تحتها .. صائحة : قماح أمي .. مفحضتي ؟؟؟؟؟؟؟؟؟
- العهدة على صديق الموج - ...... بدر الدين .. هل تذكر ميدان البقر وسوق الديم ؟ .. الليق ؟... ميدان الهلال .. النيلين ؟ لك الحب
09-24-2005, 06:39 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
أوع يكون أفشى ليك بقصة الحب البيناتنا لأنو نحن داسنها من الناس لعمقها وخايفين عليها من العين
Quote: ( قنت ) شيخنا الأسد .. و قنت .. و قنت ( جمعتين لم يقطع فيهما المسكين جمارا ) .. ثم : دددل ددل دددددددل دودول .. دوللللللللل ..
دددددل دلدل دا ياخوي ما قطع جمار دا رمي جمار هو جد صديق دا قايل الشيطان جو (أدبخانات تلك)
Quote: كانت جدة ( صديق الموج ) المرهاء السمحه في الجانب الآخر من ( أدبخانتك تلك ) يا بدر الدين تقضي حاجتها .. انتفضت واقفة و هي تخبط على صدرها ناظرة إلي أسفل .. إلى حفرة الأدبخانة تحتها .. صائحة : قماح أمي .. مفحضتي ؟؟؟؟؟؟؟؟؟
هههههههههه حسبك يا أخي مصاريني
Quote: بدر الدين .. هل تذكر ميدان البقر وسوق الديم ؟ .. الليق ؟... ميدان الهلال .. النيلين ؟
قالوا الزول ذاكرتو كان ضعفت الصرصور بياكل .... لك خالص معزتي وآسف في تأخر ردي بسبب سفري للعاصمة في رحلة علاجية
09-20-2005, 04:03 AM
Yassir7anna Yassir7anna
تاريخ التسجيل: 09-08-2002
مجموع المشاركات: 2634
زي دا شنو دياهو ذاتو عليك الله اسألوا قول ليهو بتعرف بدرالدين شنا أو "جزء" منه لأنو هو ما شاف وجهي في حياتو مشتاقيييييييييين واليوم في طريقي إلى مسقط أتمنى أن نلتقي
وللجميع سأعود لهذا البوست يوم الأحد إذا كان هنا متداخلين حبي وودي للكل
09-20-2005, 09:40 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
يا بدرين الدين يا أخوي الزمن غير ملامحنا وحلل ملاحنا – جمع حلة ألمونيوم أو طلس لافرق - فصرصور شنو البطير ليهو زول في بيت لو بالغ يكون مشارك في فاتورة الجمرة الخبيثة فيهو والمطبخ ما مشكلة والحمام كان علي البلاعة بشيل ليهو جردل جردلين في اليوم وبرضو ممكن يطنش كم يوم كده وما شغال ليك بي حق الصيانة إن شاء الله يتهد فوق رؤوس ساكنيه ومرتب نص رطل لبن بالدين كل يوم ويدفع آخر الشهر وحتى التمباك ممكن يختف من حقة الحبوبة و إذا إفترضنا جدلاً وجا حرامي بالليل برضو ما بيقوم ولا بكشكر ساكت يقول عكازي وينو ؟ والله يا البدري يا أخوي في ناس لا ينفع فيهم الصرصور لا صرة الوش لا صرة مفخخة. والمادة التي تعني بالسكن ممكن تتعدل في عقد الزواج فتقرأ هكذا: يتم دفع مبلغ نقدي يعادل …..دينار سنوياً للزوج للسكن وبالتالي يكون أهل الزوجة في حل من توفير السكن المؤثث أو غير المؤثث. لا يحق للزوج الجمع بين السكن والبدل النقدي صدر هذا العقد من نسختين بيد كل طرف نسخة
01-02-2006, 01:48 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: والمادة التي تعني بالسكن ممكن تتعدل في عقد الزواج فتقرأ هكذا: يتم دفع مبلغ نقدي يعادل …..دينار سنوياً للزوج للسكن وبالتالي يكون أهل الزوجة في حل من توفير السكن المؤثث أو غير المؤثث. لا يحق للزوج الجمع بين السكن والبدل النقدي
لا لا لا ... دا طلعت إنت العكليتة
01-02-2006, 04:06 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 10986
بدر الدين حلا يا حلو مرحبا ياخوي يابدر تلقى جابوليك صراصير عندها مناعه ضد كل المبيدات الفي الدنيا ولاماكانوا قدروا عليك وشكرا ليك عندي مسرحيه بكتب فيها اديتني ليها ماده صرصورية تمام
اخوي بد الدين ... صدقني انا متوجس وخايف من ان يدخل بيتي ( صرصور ) او صريصير صغير وتاني ما يمرق من البيت عشان كدا وبما انك خبير صراصير اي واحد يهوب ناحيتي سأحيله لك لتحديد مدي الصرصرة في دمه ... يعني تحت مسئوليتك ...وبالذات يا بدر الدين الايام دي ( صراصير البلد زادت )
كل عام انت بالف الف خير
ود الباوقة
01-03-2006, 00:53 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: عندي مسرحيه بكتب فيها اديتني ليها ماده صرصورية تمام
كدا أكون طالبك 3 مرات 1 - طالبك يوم أوحى لك شكلي بإسكتش الفنان السمح والفنان الشين 2 - وطالبك يوم أوحيت لك بالمادة الصرصورية 3 - و(طالبك) كونك كنت أستاذي ودرستني في المعهد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
ابو جهينة
nazar hussien
waleedi399
أبوذر بابكر
sumah
tmbis
jini
saadeldin abdelrahman
Emad Abdulla
Yassir7anna
صديق الموج
سجيمان
almulaomar
محمد سنى دفع الله
فيس بوك
تويتر
انستقرام
يوتيوب
بنتيريست