|
Re: الضبانة ... والبدوي الشغال معاااااااااانا يا ناااااس (Re: ALHALAWI)
|
شقيقي أبوالبدور
تحياتي و سلام كثيف
Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع والمتأكد منو تماما أنني نضيييييف ومستحمي وكل المنافذ والثقوب تحت السيطرة |
الضبانة طبعا ما عارفة إنك واد غير ذي زرع ، و ما عارفة إنها حتاخد مقلب .. بس الضحكني إن البدوي متعاطف معاها كأنها زبون في مطعم و بتدفع كاش.
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: ابو جهينة)
|
شقيق جلال يا شفيف سلام "ذي" طعم خاص
Quote: الضبانة طبعا ما عارفة إنك واد غير ذي زرع |
والله طللعت لساني لكن برضو الخطأ حصل في الكتابة وحرقني شدييييييد
Quote: بس الضحكني إن البدوي متعاطف معاها كأنها زبون في مطعم و بتدفع كاش. |
ياخي دا أجمل تشبيه يقابلني بعد آخر بوست أقراه لك تسلم يا شقيقي
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
Quote: والمتأكد منو تماما أنني نضيييييف ومستحمي وكل المنافذ والثقوب تحت السيطرة |
متاكد يا زول؟؟؟ في الشتا دا؟؟؟ غايتو الضبانة لما تصر علي وش جميل زي وشك دا ما بتتزحزح قيد أنملة عن هدفها ... شيل الصبر وما تكفت نفسك ساي
حل مكلف (مكلف فازلين تقيل): افتح المكيف عالي .. الضبانه ح تبرد ... حركتها بتبقي بطيئة.. انقض عليها
وفقك الله
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: حمزاوي)
|
البدرى وحكاية الضبانة من البدوى قرفانة وتغنى ليك نانة من الانف للضانة
بدويك دا ياخوى رحيتو تعتقت وصارت زى ال D.D.T او الزفت بتاع الترع او البرشو بيه البيوت زمان تذكر يابدرى لما يجونا فى الجزيرة امهاتنا يطلعن السحارة وتربيزة العدة بره وياحليك ايام الزفت وايام القروحة اها زولك دا رحيتو بقت طارده ليها...وفضلت الجلوس على انفك العموديةالعربية .. بس هى بتنونى ليك ساى وبتغنى ليك دوباى زى شعر حدباى بالله بدوى مفترى قال ليم مامورة الله يامر رقبتو خالص ودى معك وعقبان نوناى ضبان بلدنا
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
أخي بدر الدين شنا الله يديك العافية ويحميك من جميع الضبابين وبخاصة الضبان الضكر والذي هو أساس المصائب لأنه كل ما تهشه بمشي ويجيك راجع وربما يكون بيضحك أيضاً بس بلغة أو طريقة لا نفهمها. ومن اقع تجربتي مع الضبان في بلاد تطير في كل سنتمتر مربع من أجوائها ما بين ثلاثة عشر إلى تسعة عشر ذبابة بعيدة المدى غير ذلكم العدد الرابض والمتربص بكل شئ أنصحك بل أوصيك أخي ونفسي والسامعين بأن تجلس عكس الريح بعد أن تجلط وشك بزيت سمسم أو زيت زيتون أو حتى زيت خروع ، وإذا كانت الأجواء حارقة والصيف لا يفارق دياركم شأن ديارنا فما عليك إلا أن تقتني مروحة نفاثة شريطة أن تقبل جاي وتقبل جاي – المروحة أخي بدر الدين لا أنت – ويمكن لك أن تقتني بقرة لأن للأبقار في بلادي الكائنة مكان جميع الكائنات ذيل لا يخطئ إصابة الذبابة طائرة كانت أم متحفزة لذلك أو حتى في مدارجها الرئيسية أو الجانبية والضربة بالرمدة تماماً مثل الكمده ، ولا أنصح بعد تفشي أنفلونزا الطيور من إقتنائكم لدجاجات وديك حسن الصوت. وإذا كنت من الذين يحضرون حفلات الزار في صغرك وتسترق النظر للنسوة من وراء حجاب فيمكنك أن تجيب بخور تيمان وتولع النار وذلك دون أن تذبح ديك مسافر أو تحضر ضب أعور أو فأر فوشي اللون ، وإذا لم يجب ما سبق طرحه من حلول فعليك بالجلوس عكس إتجاه الريح أمام كوشة محروقة على أن ترتدي قناعاً واقياً من الغاز وده كلو كان ما عجبك تعال جاري شديد وتووش جوا البحر أغطس وخليك غاطس لغاية المغرب يكون الضبان نام. أها داير منك طلب أحكي لي حجوة أم ضبيبينه.
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: almulaomar)
|
ملا عمري وحياتي أبو أحمد سلام ممتلئ الوفاض أما قصتي مع الضبان وسبب كراهيتي له يرجع تاريخها لفترة الثمانينات عندما زرت بورتسودان ضمن فرقة التمثيل وأكرمني مدير بيت الشباب بصحن مخبازة من معقلها وليس بصحبة مسافر أو راكب وعندها كان صاحب المطعم أكثر كرماً حيث فرش الطاولة بأسراب من الضبان حتى أنني ظننت أني طلبتها ضمن الأطباق والتي بدورها إستقبلتني إستقبال الفاتحين فأكلت وشبعت وحمدت وشكرت وكانت العاقبة عندي بعد ساعات حيث دخلت في موجة إسهالات أفقدتني وقاري واسكنتني دار ماها داري بصحبة إبريق دائم حماك الله من تلك الحالة الكربة
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
بدر الدين
يا أخي إنت جبت الحكاية بي ضُبّانتا ،،، زمان يا بدر الدين - وأكيد إنت عارف الحكاية دي - كنا لمّا ترِكْ الضبانة فوق وشّنا ، نسعى لاصطيادها بكفّنا ، وما كانت كفنا تخطئها في ذاك الزمان ،،، ومن المؤكد يا بدر أن الضُبّان لم يتغير ، لكن تغيرنا نحن ، وتغيرن كفوفنا ... والبدوي قصده واضح ، إمّا أن تقتلها ، أو تتركها ...
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: ودقاسم)
|
الحبيب ود قاسم رجل الصالحية سلامي وفرحتي بتشريفكم دياري المتواضعة دايماً تذكرني بالزمن الجميل يا جميل وفعلاً تغيرت كفوفنا بعد ما كنا "أهل الكف" وذلك نتاج عوامل ومتغيرات كثيرة هسع يا ود قاسم باقي ليك نحن كان رجعنا بنقدر نتعايش مع هذه المتغيرات أنا شخصيا لا أظن نرجع لي ضابنة حبنا ومزاعمك بأن البدوي يريد
Quote: والبدوي قصده واضح ، إمّا أن تقتلها ، أو تتركها ... |
تقتلها دي ما واردة خالص في قاموسه ياخي دا قال لي خليها تأكل من مال الله!!! التقول ناقة سيدنا صالح أكرر فرحتي بزيارتك يا شيخنا
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع والمتأكد منو تماما أنني نضيييييف ومستحمي وكل المنافذ والثقوب تحت السيطرة. |
من البينات أعلاه واضح لعدالتنا الآتي: واحد من أربعة: يا إما الضبانة دي نظرها ضعيف شديد وعندها التهاب جيوب أنفية (اللتنين مع بعض) يا إما ضبانة حنكوشة وعوافة وتكون قالت: بدوي!!! ياي ياي.. أخير السوداني يا كمان ضبانة غبيانة ساي!! التحليل الرابع أحتفظ به في الوقت الراهن وفي حال عدم صحة التحليلات السابقة يبقى هو التحليل الأكيد. لك مهشَّتي
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: محمد السر)
|
Quote: بدرالدين شنا الحالة: .
عدد البوستات: 2054 تاريخ التسجيل: 30-07-2002 محل الاقامة: : صفحتك الالكترونية: Paltalk name: اكلات مفضلة: الاسم الحقيقى: التعليم: التلفون: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: شاعرك المفضل:
|
Quote: الحالة الاجتماعية: Single |
بدري انت كاتب في البروفايل بتاعك سنغل براك مشرك للضبان داير تلمو فيك صلح سنغل دي قبل ما الامم المتحدة تطلع فيك قرار
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
هوي يا البدري هو عامل فيها Single ومال ربي دي بت شيريه ولا أواب ود ديناري هوي يا البدري أرعى بي قيدك غير الـ Marital Status عشان تطلع من التجنيد الإجباري والزواج التجاري سنغل دي يعني الله ورقبتك وفي رواية أخرى عزابي وإنت ما شاء الله مسنقل معاك ثلاثة فير أمهم الله يفظهم ليك شأنك في ذلك شأن سنقلتيع أم أحمد ووليداتها
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: عبدالله)
|
يا البدري ازيك
بمناسبة ضبانتك دي...الميكانيكي في السودان....كان غلّبتو بيقول ليك بلاي ما تعمل لينا ضبابين يااااخي...
وفي امتحان الشهادة الثانوية العامة... قال لي صاحبي الوراي....انا نقلت منك اجابة السؤال التالت بي ضبانتو...لما حاولت اتأكد منو لقيت ضبانتو ركت في اجابة السؤال الرابع...ومن ديك والزول مع القراية مبارياه ضبابين لامن خلا القراية وطلع وهسع يمين بالله مليونير السنين...دحين الضبانة دي وكت ابت ترك في البدوي وركت فيك...المسعلة لي خير ...وضبانة صاحبي ابدا مي احسن من ضبانتك...ديك رككها غلط ودي ركت غلط...اها بعد دا ارجا الملايين ساكت.
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
أخي المسكون إبداعاً بدر الدين شنا أما في شأن الضبان ومدينة بورتسودان فحدث ولا حرج فقد ذكر بعض أهل الأسفار أن الضبا لا يطير من شارع الظلط في تلك المدينة الساحلية إلا في حالة أن سواق العربية يضرب بوري شأنه في ذلك شأن غنم ديوم بحري وديم أب سعد والمشاة في شارع المليون ... بمدينة كسلا الجميلة ، وقال قائل وهو من أبناء الخرطوم بحري يدعى مونج وقد إشتهر فيما إشتهر به بالمبالغة في كل قول أو فعل ، فذكر لنا أنه وفي مدينة عطبرة عاصمة الحديد والنار دلف إلى معسكر التدريب بمدرسة البوليس أيام أن كان البوليس يتدرب وفي حصة الفطور تم إعطاه ماركة مثل تلك المستخدمة في لعبة الليدو واحدة خضراء للفول وواحد صفراء للعيش فأحضر رغيفته ووضعها على الطاوله ووقف في طابور الفول وما أن وصل إلى الوكيل عريف قدرجي فوال وناوله حبيبات فول مغموسة في سطل ماء فول وعمل للخلف دور ليجد سرباً من مقاتلات الضبان قد أغارت على طربيزته وخطفت رغيفته محلقة بها في الجو. وأصبح يحمل فولاً بلا رغيف وخاف إن وضعه فوله ليطارد الرغيف أن يأتي سرب من ذباب متسابق وتبرع بسرقة فولاته فلا يلحق الفول ولا العيش. ++++ بعد قراءة ثانية لمقالكم الضافي وددت لو كان العنوان: الضبانه والبدوي الشغال معانا يا ناس الليله ما جانا وأهدى الأغنية لجميع ناس العريباب وقد الهبوب وكاب الجداد وأبو ضلوع وقوز المطرق وحوش بانقا وأم كتى والأهل بواواسي وواو الجماعة ، والنوفلاب والدروشاب والكتياب والسروراب والهلالاب والمريخاب وبقية الأحزاب
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: almulaomar)
|
Quote: بعد قراءة ثانية لمقالكم الضافي وددت لو كان العنوان: الضبانه والبدوي الشغال معانا يا ناس الليله ما جانا وأهدى الأغنية لجميع ناس العريباب وقد الهبوب وكاب الجداد وأبو ضلوع وقوز المطرق وحوش بانقا وأم كتى والأهل بواواسي وواو الجماعة ، والنوفلاب والدروشاب والكتياب والسروراب والهلالاب والمريخاب وبقية الأحزاب |
أنا أتلحس وإنت تهدي في الأغاني؟؟؟ يا حليل زمن كان الضبان ذباب عندما شبه الشاعر حركة ذراعيه بحركة الشخص المجزوم وهو يحاول يوقد نار الزناد يحك ذراعه بذراعه قدح المكب على الزناد الأجزم تشبيه بليغ حد الروعة هل تذكر ضبانة الحمير؟؟؟ فهي ضبانة من الحجم العائلي وقرصتها حارة حرورية
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
بدر الدين سماحة
سلام وشوق مهول
شوف بالله شيخنا سجيمان كتب شنو :
Quote: ان شاء الله اتقلب ضبانة... واطير فررررر.. ارك في جضمياتا... ارك براااحة عشان ما اجرحا......ارك واقزقز وانقز... من نونة لي نونة..... اليقولو الضبانة جنت... بت المجنونة |
يعني تشخيص الحالة يمكن يكون عكس ما توقعت انت تماما ..
وقائل انت أقل من نادية ؟
لكن دي منو المكسرة فيك دي وربنا إستجاب دعوتها دي
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: ملكة سبأ)
|
الملكة يا نوارة بوردنا تحياتي وفرحتي بي نقرشت حروفك على بوستي بعد غيبة
Quote: يعني تشخيص الحالة يمكن يكون عكس ما توقعت انت تماما .. |
قلتي كدي؟؟؟
Quote: وقائل انت أقل من نادية ؟ |
يا سلام على هذه الصديقة الرائعة تحياتي لها وهي بينكم في الخرطوم
Quote: لكن دي منو المكسرة فيك دي وربنا إستجاب دعوتها دي |
بناءاً على ما جاء في مداخلة سجيمان وتأمينك على ما قال فأنا قتلت رسول حبيبتي بعد مطاردة قوية إنتهت به إلى كباية الشاي سالفة الذكر والتي فجر نفسه فيها زي وشي دا داير ليهو عقرب ما ضبانة لكي فائق التقدير ورصين الكلم
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
بدر الدين شناة السنين :
Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع |
ما تنسى إنو الضبان كمان بيرك في الحاجات السكر وعسل وحاجات حلوة !!!! ما تعاين للجزء الفاضي من الكباية !!!!!! والخوف تكون من النوع البيعمل العسل والزبادي في وشو نظام الوجاهات والحفاظ على البشرة !!!! كان كده خم وصر.. تحياتي ليك يا جميل..
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: إيمان صالح)
|
الظريفة المبهجة المغتربة الجاهزة التي تحمل صورة ليست صورتها إيمان صالح سلامي وإعجابي بردودك خفيفة الظل على كل المتداخلين في بوستاتك
Quote: لووووووووووول لوووووووول يالولية بسحروك يالولي الحبشية اها انفع يابدر في حزب البهجة؟ |
إنتي زي ما قال بعضهم جيتي البورد دا بي سنونك والإبتسامة مرسومة من غير كسير تلج وأنا شخصياً متابع يراعك بإهتمام وشايف فيك فنان مبدع ينتظر
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
أخي أبو أواب إنت بدل ما تتابع يراع إيمان صالح تابع ضبابينك ، ولا أقول ليك تابع خطوط الموضه وخلي خطوط قميصك تدخل في بعض يعني شكها من أول وجديد عشان تكون كاروهات. وعنوان المقال مازال يفقع مصاريني بالضحك وكل ما أقول التوبه يا رب أجرى وأجيهو راجع ، وقبيل سمعت واحد بيقول لي واحد ملتحي يعني عندو دقن مش دافن دقن ، أوووه مولنا الذي غشانا ، فتذكرت مقالكم وقلت في نفسي ربما طارت ضبانة بدر الدين إلى الهواء مباشرة وخرجت من النت إلى الجد وبقي بينا وبين الضبانة إيها فركة كعب ، أها رأيك شنو نعمل توليفه من بحر الضبان الشعري إياهو ويغنيها لينا حسن دلاقين ولا فيصل كوشه ومطلع الأغنية أو الغنيه باللبناني يمكن يكون:
الضبانه والبدوي الكان معانا الليله ما جانا مولانا الذي غشانا
وأترك الباب مشرعاً لك شاعر مرتحل عبر البحر أن يدلي بدلوه وأن يتحرى الدقة في ذلك ولا يطفف في الميزان. شكراً يا بدر الدين حتى حروفك على الكي بورد ومقالتك جميلة ورائعة وكلها فن وفكاهة يا فنان.
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: almulaomar)
|
صديقي القريييييييييب جداً ملاَّ عمر سنة جديدة وسعيدة يا ابو أحمد
Quote: هل مازالت تلك الضبانة اللعينة تحلق في أجواءكم وسماواتكم. |
ما زالت ولكنها غالباً ستزول بعد أن أغريتها بالذهاب للسودان والتمتع ببضاعة اليونان أشكرك على رفع هذا البوست وباقي البوستات ويقيني هي تعبير عن تفقدك لي لك المعزة الغالية
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
Quote: عبدالرحمن الحلاوي سلامي وإحترامي
Quote: وما أكثر الضبان في بلدي وأنا متخصص في قتل الضبان وبيض الضبان
والله ياريت يا بن عمي (تتضابن) معي لحل هذه المشكلة خالص حبي |
يعنى يا بدر انت قايل الضبان ما بشوف..فى زمتك شفت ليك يوم ضبانة راكه ليها فى ملح اوشطة..ما ياعسل يا سكر..انا ابوسك محل ما الضبان راكى..وبالمرة احب ضبانكم العزال ده،،، هسع ده مارد يخلى الضبان يرك؟ الضبان ضبانك اهدى لى من فضلك نظرة فى حلمة اضانك يا البدير فى عصرك،،،
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: صديق الموج)
|
صديقي وموجي سلام بالجلابية والعمة
Quote: الضبان ضبانك اهدى لى من فضلك نظرة فى حلمة اضانك يا البدير فى عصرك،،، |
ههههههههههه قويييييييييييييَّة
Quote: انا ابوسك محل ما الضبان راكى..وبالمرة احب ضبانكم العزال ده،،، |
ياخوي كان باريت محل الضبانة راكة وتبوس ياني أنا البقيت هباءاً (منبوسا)....
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: الزاكى عبد الحميد)
|
كيف قيلتو في عام 99 كنت وزوجتى في رحلة من القاهرة إلي واشنطن عبر الأردن علي خطوط الملكة عاليه الملكية، جلس قصادى خواجه كريه الرائحة وقد لفت نظر زوجتى عندما هوى على المقعد، كانت هناك ضبانه واحده لعينة قد تسللت إلى الكابن خلسه فبحثت عن صيدها حتى وجدت ضالتها علي رأس الخواجه فلفظها بعنف ظاهر ينم عن سوء طبع وتعاود الضبانه ويعاود بعنف أشد مما سبق، فنادى الرجل طاقم الطائرة وسبهم سب الكلاب فجاءت المضيفات يحملن مبيد رش الضبان وبدأن يطاردنها حيثما دخلت ولكن ما أن أحضر الطعام حتى أستل الخواجة طاقية اليهود الصغيرة ووضعها علي رأسه وجاءت الضبانه تحلق فى الجو فوق رأسه .. فلقت لزوجتى أها الأن عرفت سبب شنات الطبع قبل عباطة الضبانه! فضحكت زوجتى بصوت عالى، فإلتف علينا بخبث بائن، فبادرته I am realy sorry this fly bothers you a lot فلم بنذ بكلمة .. وأشواقى لربوع بوادينا بريمة
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: Biraima M Adam)
|
الحبيب الغالي بريمة سلام عامر
Quote: جلس قصادى خواجه كريه الرائحة وقد لفت نظر زوجتى عندما هوى على المقعد، كانت هناك ضبانه واحده لعينة قد تسللت إلى الكابن خلسه فبحثت عن صيدها حتى وجدت ضالتها علي رأس الخواجه فلفظها بعنف ظاهر ينم عن سوء طبع |
طبعاً العنف وشناة الطبع عندهم والله أنا عندي خواجة اليوم كلو تسمع طااااااخ طاااااخ في الضبان وكان جيت شفتهن ميتات تحت كرعيهو زي حتحات الدلكة تحياتي لك ولزوجتك الكريمة
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
البدر الحلو شنو شابكنا الضبانه الضبانه شنو المخلبك متأكد انها ضبانه؟؟ ليه ماتكون ضباا المفرد الذكر من الضبان وبعدين اكون فاقد حاسة الشم وفي الحالة دي اكون محتاج للعلاج وتمشي تشوف ناس حماية البيئه وين ؟؟ولا تكون ضوب عنيده عايزة تطلعك من طورك وقدرت اقوليك انا الضبانه دي شاكي فيها!! الضبانه دي محرشه وقاصداك عديل نيش ضبانة بندقيتك على ضبانة عدوك وانكرب وورينا الحاصل ...
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: بدرالدين شنا)
|
والناس مالا زعلانة ياناس عشان بتطرد في ضبانة ياناس وبرانا عرفنا سبب أذانا ياناس
---------------
إنت يابدر الدين متأكد أنو دي كانت ضبانة ؟؟ بيني وبينك الزمن دا كل شيء محتمل .. اصلو في واحد صاحبي حكى لي حكاية الناموس البرفع البطانية .. وأول ماقريت البوست فكرت أنك ممكن تكون (( مخترق )) ..
كدي قول بسم الله وألزم الجابره وحاول ترسمها .. أرسمها من الذاكرة .. وبعدين ح نعرف هي كانت عامله كدا ليه ..؟؟ خاصة وبيناتنا تشكيليين محترمين ..
ولو ضبانة كمان ألله شافك من أنفلونزا الذباب ..
----------------
المهم حمدالله على السلامه قبل ما أبارح عايز أستغل البوست وأعرف منك ( منكم ) كيف بيتم الإقتباس في هذا المنتدى ؟؟ طبعا دا إستغلال إنتهازي للبوست ..
مودتي
| |
|
|
|
|
|
|
Re: الضبانة ... والبدوي الشغال معاااااااااانا يا ناااااس (Re: صلاح شكوكو)
|
شكوكو صاحبي إزيَّك مشتاقيين
Quote: كدي قول بسم الله وألزم الجابره وحاول ترسمها .. أرسمها من الذاكرة .. وبعدين ح نعرف هي كانت عامله كدا ليه ..؟؟ خاصة وبيناتنا تشكيليين محترمين .. |
هسع أنا ارسم الضبانا ولا البدوي الشغال معانا؟؟؟ أما بخصوص التشكيلين بيننا فهذه ما فيها شك وخاصة بعد إنضمام ريشتك الرائعة وبالمناسبة دي أحكي ليك نكتة ربما تكون سمعتها واحد شايقي قال لي صاحبو تعال نبقى فنانين إنت تبقى فنان (تشكيلي) وأنا ابقى فنان أشكيلك ههههههههههههههههه
| |
|
|
|
|
|
|
|