|
الثور ان وقع كترت سكاكينه
|
حسبنا الله ونعم الوكيل ، كل يوم نصاب بسكين واكثر من شتى البقاع فى العالم فى شتى مناحى الحياه ان كانت اجتماعيه او سياسيه او ثقافيه أو .... أو .... أشياء كثيره نطعن بها من وراء ظهرنا او من امامنا مباشره وبكل بجاحه .
بالأمس القريب طعنا وفى وجهنا مباشره من قادة الدول الأفريقيه طعنا فى رفضهم الكامل لرئاسة الوحده الأفريقيه فى ان تذهب لحكومة السودان ..... سكتنا نحن الشعب المغلوب على أمره وقلنا ان حكومة السجم والرماد لا تستحق رئاسة منظمة الوحده الأفريقيه ، طيب ما دام هؤلاء الأقزام على علم ودرايه بهذا الموضوع لازمته شنو البوبار والضبائح وفرش الفلل والعربيات الجديده والبذخ والفشخره ده كلها اذا كانوا عارفين انه الصفعه جايه من رؤساء القمه الأفريقيه ، واذا كانت حكومة السجم والرماد لا تدرى بأنه ده حيحصل فى ختام جلسات المؤتمر تبقى المصيبه مصيبتين وفى كلا الحالات الشعب السودانى هو الخاسر الأكير
ما دعانى للكتابه هو تمثيليه كانت على قناة المسخ ال MBC تدور احداثها فى السعوديه وتتكلم عن الكفيل وعماله ، كان من ضمن العماله فى التمثيليه اتنين سودانيين وللأسف الشديد عباره عن مسخ ما انزل الله به من سلطان مسخ فى كل شىء ابتداء من الخلق الدميمه الممسحه بالسكن الأسودواللبس بطريقه مشوهه خالص خالص الكلام بطريقه لا هى سودانيه ولا هى محاكاه كما يفعل الكثير من الممثلين المصريين والخليجيين فى الأستهزاء بنا السودانييين وعلى موجات البث المباشر فى القنوات الفضائيه ، بالأمس كان ما يبث يكون من ممثلين غير سودانيين هنا الطعنه من غريب سفيه لا يقدر ولا يعرف قيمة الشعب السودانى والعماله السودانيه وما قدمته للخليج عامه دون تخصيص بلد على أخرى ، جهد ممتاز وجلى فى شتى مناحى الحياه هنا فى الخليج ، كان ولا زال للسودانيين القدح المعلى بين كل جنسيات خلق الله ، سوى ان كان من أداء او أخلاق أو مروءه أو .... أو..... أو ... عذرا احبتى هذه المره كانت الطعنه من سودانيين مائه فى المائه ، ماذا حدث لنا نحن كشعب سودانى وأين الغيره و الهمه أين ؟؟؟؟؟؟ كثرت السكاكين فى جسد السودان كثرت حتى من السودانيين أنفسهم ، حسبنا الله ونعم الوكيل ........
|
|
|
|
|
|
|
|
Re: الثور ان وقع كترت سكاكينه (Re: Ahmed Abdallah)
|
السودان بي خيرو والله ولن يعدم الطيبين الطاهرين, لماذا هذه الانهزامية والمساعدة.
لا زلنا بخير رغم فساد الفئتين المتصارعتين على الحكم وهم أقلية.
مهما كثر عددهم المفسدين والحرامية والمجرمون كم يكونون؟؟؟؟
| |
|
|
|
|
|
|
Re: الثور ان وقع كترت سكاكينه (Re: Ahmed Abdallah)
|
يا احمد اخوي السودان كم وثالثين مليون
طلع ليك مليون حرامي وما عندو زمة من الحكومة والمعارضة( مع اني شايفا الرقم دا مبالغة شوية لكن انفول فرضا)
الكم وتلاتين ديل ما فيهم خير .
والله ما بنقنع من خيراً فيهم أصلاً
تسلم
| |
|
|
|
|
|
|
Re: الثور ان وقع كترت سكاكينه (Re: بشير حسـن بشـير)
|
Quote: الثور ان وقع كترت سكاكينه |
المثل ده بيذكرني حال اتنين من زملائنا هنا الله يخارجهم بالسلامة
يا سيف مساعد عيب على منو..على المواطن ولاالحكومة و لا العرب العاربة المواطن السوداني انا وانت وصاحب البوست اهو مشردين في بقاع الأرض وبلاد الله وبنحاول نغير بأضعف الإيمان وما نسكت...لكن القصة لما تبقى رسالة اعلامية نابعة عن جهل و احساس الوهم ديل (العرب العاربة) بالدونية.. فعلا بتحز فيك..هل تعلم من هم عبيد القرن ?...والاستعباد هنا فكري واقتصادي وسياسي...هم بدون مواربة عرب السجم ديل! الذين يبحثون عن مجد ضاع حسبوا انهم نالوه بعرق جبينهم وكرم دمائهم واخلاقهم..والحقيقة انهم بعض من (امة اعزها الله بالاسلام وان ابتغت العزة في غيره لم تجدها) .. التائهون في طريق شردتهم من الاندلس الى اليوم! و اخيرا ومنذ فترة (بعد اكتشاف البترول) قنعوا بالمجد بين افخاذ الغواني.. سيف..في مننا الما بسكت... ياقلب لا تحزن!
| |
|
|
|
|
|
|
Re: الثور ان وقع كترت سكاكينه (Re: بشير حسـن بشـير)
|
الأخ كمال عباس / تحياتى .......
نعم اخى كمال أتفق معك فى كلما ذكرته ويتفق معك الكثيرون ايضا ، ولكن لمن تقول ولمن نقول فأهل الأنقاذ خرست السنتهم وصمت آذانهم فلا حياه لمن تنادى وننادى وكما قال الأستاذ / محمود محمد طــه ،،،، شعب عملاق بتزعمه أقزام
| |
|
|
|
|
|
|
Re: الثور ان وقع كترت سكاكينه (Re: بشير حسـن بشـير)
|
Quote:
Quote: الثور ان وقع كترت سكاكينه
المثل ده بيذكرني حال اتنين من زملائنا هنا الله يخارجهم بالسلامة
|
المنبر دا فيهو تور واحد بس!التانى دا كمان منو! وبالإسم: تور بقر جواميس رقادن لخ وزميل بورد بس زمالتو التانية دى حقت الجهاز! ما تسألنى جهاز شنو! هضمى!دورى!بولى!إخراج!أمنى! المهم جهاز يمكن عشان بجهزو فيهو على الشرفاء! جنى
ك
| |
|
|
|
|
|
|
|