|
|
 .. العايز يخلي السجاير يعمل شنو ..؟
|
اي .. يعمل شنو ..
تخليه إسبوع تجيه اكتر من اول وترجع ليه شهرين .. !!
تشَرك ليه في رمضان .. سجارة بعد المويه تبقي ليك بس( ..... )
الغريبه لم تخليه شهر .. وتجي تشوف ليك واحد خانق ليه سجاره وبشفط
ويشفط .. ويشفط .. وتعرف الساعه ديك إنك تعبت ساااااي لأنك ما سمعت
من كلامو معاك غير القليل وشغال معاه .. ( هاه .. والله ..؟ اصلو ماممكن .. !)
وللمعلوميه حركات الدكاتره ما بتنفع .. ( حنك الدكاتره ) بتاع ( بما إنو .. وكذلك .. وعسي ولعل ثم لو .. )
و بالنا لي وصايا مدخن سابق ( بإعتبار ما كان ) من جهتو ..
وما سيكون من جهتنا وكده ..
|
|
 
|
|
|
|
|
|
|
 Re: .. العايز يخلي السجاير يعمل شنو ..؟ (Re: عاطف محمد أحمد زكريا)
|
| Quote: تكسر بيضة نية وتشربها |
اخوي عاطف ..
يعني اخلي السجاير ابقي في مصايب الطير دي ..؟
مع إنو قالوا الطيره العيانه ما بتقعد اكتر من
72 ساعه وكمان ما بتبيض ..( كلام دكاتره ) وكده .
بس والله نفسيات ساي الواحد ما داير مع جني الجداد
في بلد زي مصر دي المرض داهمها في اكتر من سبع مناطق
مختلفه..
بعدين يا اخوي البيضه دي ماشه بطني ولا صدري عشان تطلع
الدخان وانا اكره السجاير بي سببها ..؟
انت جربت ..؟
| Quote: بس استنى لحدى ما انفلونزا الطيور الحايمة دى يلقوا ليها دوا |
شكلي بطووول ..
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: rani)
|
أحدث الاعلانات عن ضرر السجائر تقول:
( اذا كنت حريص على صحتك الجنسيه ابعد عن السجائر)
السجائر تنهي القوة الجنسيه للرجل.
فكر في هذه الحقيقه وستجد انك ستمتنع عنه.
لا اقول هذا لاجلب سخف السفهاء لنفسي
ولكنها حقيقه علميه
واتمنى حياة موفقه لكم جميعا اخوتي.
لذا احرصوا على صحتكم عموما.
امهاتكم يحبونكم بصحه جيده.
ابنائكم يحتاجونكم بصحه جيده.
زوجاتكم يحتاجونكم بصحه جيده.
و(المؤمن القوي خيرا واحب لله من المؤمن الضعيف وفي كلا خير).
دعواتي لك يا البيلي
روبنا يساعدك للاقلاع عنه.
تراجي.
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Tragie Mustafa)
|
نحكي ليك يا بيلي تجربة صاحبنا دا
اهم حاجة فيها يكون عندك اولاد لو ما عندك ممكن تستلف اولاد الجيران
بس الله يستر ما يفهموك غلط.. 
صاحبي دا قال كان اصلو ما بيقعد بدون تدخين..اها مرة جاتو ملاريا
شديدة جدا واجز قعد في البيت قال الصباح يدخلو ليه سريرو في برندة
فاتحة على نيمة في البيت.. اها وصادفت كانت الاجازة الصيفية..
بس كل يوم يسمع ليها هيصة في النيمة. قام قال بقى يراقب اولادو مع اولاد
الجيران يلعبو النهار ما طال في البلي..
قال يوم قال كدي نجرب لو بذكر العب بلي لانه زمان كان ختري شديد
اها قال يدينو يرجفو طوالي ويجلي البلي. اها لما انغمس في لعب البلي من الساعة 8 صباحا لغاية وقت الغداء.. اكتشف انه طول الفترة دي بقى ما محتاج للسجائر لانه من المستحيل تكون بتلعب او راجي دورك شايل سجارة وضراب ورصيد..
المهم قال كان بيكون دخن صندوق كبير في الفترة دي..
لقى انه خلاص بقى ما عنده رغبة في السجائر,, بعد الغداء اولادو بيلعبو ليدو وشطرنج
قال بقى يلعب معاهم للعصر الضيق قبل تاني يبدو البلي. بقى ما بيشرب سجائر من
من الصباح للمغرب..وفجاة ترك السجائر خالص..
اها دي ما وصفة طبية... بس تلعب بلي..
ومنها تخلي السجائر ومنها اولادك يقولو ليك يا فردة
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: صلاح الدين عبدالله محمد)
|
Quote: تجربتى الشخصيه
تدخين وتوابعه منذ عييييييييك
(79)وحتى( 2001)
22 عاما من التدخين و بعض توابعه |
ياساتر ..
اخير انا ( طاشر سنه )
Quote: ( انى قررت تركه حتى ام العيال ولا اقرب صديق لم يعلموا بقرارى )
ومن يطلب منى سجارة لا اقول انى تركته بل اقول فى هذه اللحظه ليس معى |
عجبتني الفكره دي .. بس التنفيذ يا صلاح
مبرووووووووك والله شفت
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: bayan)
|
Quote: قال يوم قال كدي نجرب لو بذكر العب بلي لانه زمان كان ختري شديد
اها قال يدينو يرجفو طوالي ويجلي البلي. اها لما انغمس في لعب البلي من الساعة 8 صباحا لغاية وقت الغداء.. اكتشف انه طول الفترة دي بقى ما محتاج للسجائر لانه من المستحيل تكون بتلعب او راجي دورك شايل سجارة وضراب ورصيد..
المهم قال كان بيكون دخن صندوق كبير في الفترة دي..
لقى انه خلاص بقى ما عنده رغبة في السجائر,, |
والله حكايتو غريبه بتاع الملاريا ده ..
لكين ضحكتي ضحك .. اها الاولاد ما مشكله
النيمه ما مشكله ..
الكشكله في البلي ده ..!!
هسه باقي ليك في بلي زي زمان ..؟
قول ( بلي ستيشن ) ( بلي بونص )
وحتي لو لقيناه ومعاه النيمه المشكله تبقي في نخلي البلي كيف ..؟
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Tragie Mustafa)
|
| Quote: ( اذا كنت حريص على صحتك الجنسيه ابعد عن السجائر) |
| Quote: احرصوا على صحتكم عموما |
Quote: امهاتكم يحبونكم بصحه جيده.
ابنائكم يحتاجونكم بصحه جيده.
زوجاتكم يحتاجونكم بصحه جيده. |
الاخت تراجي .. ( كبريت المنبر )
لا املك غير ..
ياسلام عليك
ياسلام
**
**
**
**
اخ من صدقك ياخي
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Tragie Mustafa)
|
Quote: ( اذا كنت حريص على صحتك الجنسيه ابعد عن السجائر)
|
نفضل بكرامتنا ادام المدام و يغور الاكل ....
انا عندي اقتراح تاني ... تمشي اوروبا في الشتا ...
تلقى مضطر انك تخليه ...
التدخين داخل الاماكن المغلقة ممنوع منعأ باتا ... و الاماكن العامة برضو ده غير انو غالي ...
يعني لو شلت معاك علبتين برنجي ما بنفعك ...
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: نادية عثمان)
|
| Quote: اخوى قاعد جنبى قال ليك سف تمباك !! |
والله يا ناديه الفلم انا دخلتو في مداخله جيت لقيتها
شردت ومحل طارت ما عارف ..؟
اها بتزكر انا قلت ليه عرفنا مصايب السجاير وكمان بالصور
الطارت هي كمان من البوست بس فلان ده حضاري زي ما ( بقولن ) اجي
كمان للببقي الزول يرجف زي لديتر العربيه ده ..؟
يعني نحضن لينا كيس ماااااانع ونحدر السفه مع عدد واحد رياله
وعوجه خشم ..!! ونبقي في التحلنا منو مش كده ..؟
اها قولي لي اخوك
الزول ما بنزل من الدرجه الممتازه لليق .. ؟
ههههههه
Quote: اشرب لبن كتيييييييييير بينضف صدرك ويطمم بطنك من السجائر
جرب نصيحتى وانت تكسب !! |
سمعاً وطاعه
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
الاخ عمار لك تحياتي
انا شخصيا استغربت لما حدث. لان ماكتبته لم يظهر على المنتدي. المهم دعني احكي لك حكايتين.
حكاية محبطة
عندنا في القرية مزارع مدمن تمباك. فجاة كسر حقته و قرر يترك التمباك و ظل صامدا ثمانية عشر (1 سنةبعدها عاد للتمباك مرة تانية. ناس الحلة سالوهو كيف ترجع للتمباك بعد المدة الطويلة دي؟
ردعليهم (و الله ال 18 سنة الفاتت كاني رسلت الولد بالحقة).
حكاية مشجعة
اول سيجارة اشعلتها كانت في 1967 من القرن الماضي و وقتها كنت تلميذافي الصف الرابع المتوسط و آخر سيجارة اشعلتها كانت في فبراير 2005. يعني 13 شهر حتى الان من ما وقفت من التدخين. اقولها لك بصراحة ما زلت ارغب في التدخين و ممكن تقول لسع خرمان. لكنني اخذت على نفسي عهداً، لو كان التدخين اكسير الحياة لماعدت اليه. صحيح انني احن اليه وإرغب فيه و للكني وجدت المتعة في القدرة على مقاومة هذه الرغبة
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: مدثر محمد ادم)
|
عليك الله يا مدثر هو في غيرو بخلي الناس تدخن ..؟
ده ما كلامك ولا كلام زول تاني ..؟
اها انا بطلت حب زمااااااان بس هسه داير اخلي
الزفت ده ..
Quote: قايتو انا الايام دي
قللت شوية |
ههههه والله ده اولو بس وبعد شويه ما نشوفك
شايل العلبه والموبايل في يد وقاعد تفتكر
وتعتقد ..
متااااااااااااابعك انا إن شاء الله تتهني
وما عايز اقول ليك عقبالناوتحت تحت كده ( بعجبن )
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عبدالله محمد أحمد)
|
Quote: عندنا في القرية مزارع مدمن تمباك. فجاة كسر حقته و قرر يترك التمباك و ظل صامدا ثمانية عشر (1 سنةبعدها عاد للتمباك مرة تانية. ناس الحلة سالوهو كيف ترجع للتمباك بعد المدة الطويلة دي؟
ردعليهم (و الله ال 18 سنة الفاتت كاني رسلت الولد بالحقة).
|
هههههه والله التمباك قصتو قصه ..!!
جرستو ما زي دي ولا شنو ؟
| Quote: اول سيجارة اشعلتها كانت في 1967 من القرن الماضي و وقتها كنت تلميذافي الصف الرابع المتوسط و آخر سيجارة اشعلتها كانت في فبراير 2005 |
ده اخطر كلام إتقال هنا.. يعني بعد تلاته عقود خليتو ..؟ انا بدخن لي 13 سنه بس
وجيت هنا كابي الجرسه والحقونا يا ناس وقولوا لينا يااهلنا ..
| Quote: اقولها لك بصراحة ما زلت ارغب في التدخين و ممكن تقول لسع خرمان. |
معاك في سرج واااااااااااحد بس انا لسه ما خليتو نهائي ( للأمانه يعني )
| Quote: صحيح انني احن اليه وإرغب فيه و للكني وجدت المتعة في القدرة على مقاومة هذه الرغبة |
ده كلام بعين الإعتبار
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: محمد عبدالقادر سبيل)
|
| Quote: ان العلماء قرروا ان التدخين (حرام شرعا) بناء على انه من ( الخبائث) حسب قرار العلم والطب ، بوصفه يجلب السرطان والقلق وضيق التنفس والضغط وتصلب الشرايين والذبحة الصدرية وعفونة الفم والتنفس ..الخ |
Quote: والرسول (ص) من جانبه يحثني ويشجعني قال: الا ادلكم على خير اعمالكم وازكاها عند مليككم وخير لكم من انفاق الذهب والفضة والورق ، وخير من ان تلقوا عدوكم فتضربوا اعناقهم ويضربوا أعناقكم ، قالوا بلى دلنا يا رسول الله .. قال : ذكر الله.
قلت اذا كان ذكر الله خير من كل هذا فكيف لا يكون خيرا من التدخين؟ |
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
الأخ عمار البيلى
لك التحية
عاوز اقول ليك ملاحظة بسيطة وارجو قبولها منى كأخ فى الله والمنبر
وهى ان المدخنين - وبكل صدق وصراحة - لا يحسون بالآخرين فكلما تشعل سيجارة فان جارك يتضايق جدا ويحس بالحنق ضدك ويكرهك حتى ولو كان قريبك ( قرابة دم ) وقد لا يحدثك بمشاعره نحوك ولكنه يحس انك سببت له ضررا بالغا لان غير الدخن اولا يتضرر صحيا من الدخان الصادر من سيجارتك وثانيا يحس بانه مكتوم فجُل غير المدخنين ينفروا من دخان السجائر والشيشة ....
لذا نصيحتى لك ان تحس بغيرك وكما لا ترضى ان يضايقك احد فلا تضايق احد وحينما تود التدخين فاخرج لمكان خالى من الناس لكى لا تلوث عليهم الهواء فالناس تود ان تستنشق هواءً نقياً لان الهواء يدخل الى رئة الناس ويسرى مع الدم فلماذا تلوثه أخى الكريم ؟؟؟
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: قرشـــو)
|
| Quote: عاوز اقول ليك ملاحظة بسيطة وارجو قبولها منى كأخ فى الله والمنبر |
| Quote: وهى ان المدخنين - وبكل صدق وصراحة - لا يحسون بالآخرين فكلما تشعل سيجارة فان جارك يتضايق جدا ويحس بالحنق ضدك ويكرهك حتى ولو كان قريبك ( قرابة دم ) وقد لا يحدثك بمشاعره نحوك ولكنه يحس انك سببت له ضررا بالغا لان غير الدخن اولا يتضرر صحيا من الدخان الصادر من سيجارتك وثانيا يحس بانه مكتوم فجُل غير المدخنين ينفروا من دخان السجائر والشيشة .... |
| Quote: لك ان تحس بغيرك وكما لا ترضى ان يضايقك احد فلا تضايق احد وحينما تود التدخين فاخرج لمكان خالى من الناس لكى لا تلوث عليهم الهواء فالناس تود ان تستنشق هواءً نقياً لان الهواء يدخل الى رئة الناس ويسرى مع الدم فلماذا تلوثه أخى الكريم ؟؟؟ |
قبلنا
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
سلامات
ذكرتني أول موضوع بيكون مطروح للنقاش بين اتنين حبوا بعض جداد انو يا هناي مفروض تخلي السجاير عشاني فلو عندك طريقة حاول تطبق الحاجة دي ، مع انو دايماًَ المسألة بتنته بي انو الحبيب المدخن ما بيقدر يبطل تدخين و بيدخن في عدم وجود حبيبة الألب
من ناحية تانية ياخ ما تبطل هسي لو خليت التدخين في فراغات كتيرة حتملاها بي شنو ، يعني و انت بتشرب في قهوة مظبوطة كدا أو بتقرا في الجرايد او في كتاب او منتظر أو زهجان أو في الحمام ، بعدين التغييمة اللذيذة بعد تكون ساعتين تلاتة كا ما دخنت ،
--------------
أنا قدر ما فتشت لي سبب مقنع اخلي بيهو التدخين ماااا لقيت
التوقيع مدخن
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Mohammed Elhaj)
|
تعرف انا زماااااااااااااااااااااااان قبل خرطومية سنة
كنت بقول اهم شروط في زوج المستقبل
انه لا يدخن ولا يهتم بالكورة..
اها البلقاه ما شغال بالكورة بيكون قطعا بيدخن وهكذا دواليك
ولم اتنازل عن شروطي ابدا
قلت لصاحبتي ما عندي اي شرط غير كدا
ضحكت شديد
قالت ما سمعتي بقصيدة نزار قباني يعجبني رجل في لحظة تدخين..
قلت ليها انا يفرسني رجل في لحظة تدخين,,
المقدمة دي
عشان لاي واحد مصدق كلام نزار دا تطرشق بالنتو
ويشوف ليه حاجة تانية يبقى جذاب بيها..
بعدين اي زول مجكس بالدس وبيدخن تذكر ان جكسويتك ستذهب الى بيتهم ورائحتها مثل
طفاية السجائر . وسيتعقبها في المرة القادمة زول من العائلة ويحلك الحلا بلة..
دي من الاضرار المفروض يكتبوها في الصندوق
انك بتضر الاخرين...
سلامي ليكم..
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: bayan)
|
لكشرة مبالغ فيها يا دكتورة خصوصاً مع ضورة البروفايل الجديدة (بالمناسبة هي مناسبة مع الشكل المرات بتطرحي بيهو آراءك )
نسيتي أخرج من معطفه الجريدة و علبة الثقاب اها علبة الثقاب دي داير يولع بيها منقد ، بعدين حكاية تضر الآخرين دي عندي معاها قصص، الآخرين ديل ياخ ما يقيفوا عند حدود حريتي و لا كيف؟
Quote: تعرف انا زماااااااااااااااااااااااان قبل خرطومية سنة
|
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: bayan)
|
Quote: تعرف انا زماااااااااااااااااااااااان قبل خرطومية سنة
كنت بقول اهم شروط في زوج المستقبل
انه لا يدخن ولا يهتم بالكورة.. |
انتي كنت عايزه تتزوجي حصان ولا شنو ...؟
Quote: عشان لاي واحد مصدق كلام نزار دا تطرشق بالنتو
ويشوف ليه حاجة تانية يبقى جذاب بيها.. |
Quote: بعدين اي زول مجكس بالدس وبيدخن تذكر ان جكسويتك ستذهب الى بيتهم ورائحتها مثل
طفاية السجائر |
ده إلا زول طيره وساكي سيره
والسيره راحت من بيت الاميره
Quote: دي من الاضرار المفروض يكتبوها في الصندوق
انك بتضر الاخرين |
والله النصيحه مفروض ما يكون في صندوق اصلا
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Mohammed Elhaj)
|
| Quote: ذكرتني أول موضوع بيكون مطروح للنقاش بين اتنين حبوا بعض جداد انو يا هناي مفروض تخلي السجاير عشاني فلو عندك طريقة حاول تطبق الحاجة دي ، مع انو دايماًَ المسألة بتنته بي انو الحبيب المدخن ما بيقدر يبطل تدخين و بيدخن في عدم وجود حبيبة الألب |
هههههه والله ما كذبت ابدا كمان عمك الصعود داك اصلو الزول
بنكرو عدييييييل كده وكان قبضوه بالثابته بقول ده ما انا
| Quote: يعني و انت بتشرب في قهوة مظبوطة كدا |
اخير السجاير
| Quote: أو بتقرا في الجرايد او في كتاب |
بي وين بس مع النت والجرايد الإلكترونيه دي ..؟
Quote: أنا قدر ما فتشت لي سبب مقنع اخلي بيهو التدخين ماااا لقيت
التوقيع مدخن |
كان كدي احرس بوستيني ده لغايه ما تخليه .. والله هنا كان في صور نزلها
الاخ عادل عثمان كان شفتها كان سكلبته..
..........
التوقيع مدخن في الطريق للإقلاع
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
Quote: أنا قدر ما فتشت لي سبب مقنع اخلي بيهو التدخين ماااا لقيت
التوقيع مدخن |
( من ترك شيئاً لله عوضه الله خيراً منه )
البوست دا الحصل عليهوا شنوا وين الكلام الكتبناهو؟
في اشياء غريبة حصلت اليومين الفاتو!!!!!!!!!!!!!!
عايزين تفسير يا اهل الله؟
..........................................................................................
تحياتي
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Eng. Mohammed al sayed)
|
| Quote: ( من ترك شيئاً لله عوضه الله خيراً منه ) |
صدقت والله
Quote: البوست دا الحصل عليهوا شنوا وين الكلام الكتبناهو؟
في اشياء غريبة حصلت اليومين الفاتو!!!!!!!!!!!!!!
عايزين تفسير يا اهل الله؟ |
والله انا زاتي إحترت كل الكلام والصور النزلها عادل عثمان
وكلام تراجي وكلامك وعيييييك .. البوست نصو إتحرق زي السجاره
( كلام خرم ساي )
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
سلام
1/ حدد يوم وساعة ودقيقة لترك التدخين(مثلا الخميس بعد الجاي يوم 16/3
الساعة 5.35 بالضبط)
2/خلال هذه الفترة دخن كل يوم نوع مختلف من السجاير (تحزير ماتدخن نوع واحد)
3/ كلم اصحابك و فردك عن اليوم واساعة
4/ في الوقت المحدد....
دخن بمزااااااااااج اخر سيجارة
بعد ما تنتهي بوسها بعمق (قبلة وداع)
احفظها ف علبة صغيرة محكمة القفل
كب عليها شوية شاي ولا حاجة حلوة (عشان تتخمر)
اقفلها باحكام ... وودع التخين الي الابد
و كلما تخرم ... افتح العلبة و اخد نفس عميييق
من السيجارة الاخيرة المخمرة
لمدة 3 يوم الي اسبوع
..... وادعو لي ....
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمر عبد الخالق سعيد)
|
Quote: 1/ حدد يوم وساعة ودقيقة لترك التدخين(مثلا الخميس بعد الجاي يوم 16/3
الساعة 5.35 بالضبط) |
اها
| Quote: 2/خلال هذه الفترة دخن كل يوم نوع مختلف من السجاير (تحزير ماتدخن نوع واحد) |
اها
| Quote: 3/ كلم اصحابك و فردك عن اليوم واساعة |
اها
| Quote: 4/ في الوقت المحدد... |
اها
| Quote: دخن بمزااااااااااج اخر سيجارة |
اها
| Quote: بعد ما تنتهي بوسها بعمق (قبلة وداع) |
اها
| Quote: احفظها ف علبة صغيرة محكمة القفل |
اها
| Quote: كب عليها شوية شاي ولا حاجة حلوة (عشان تتخمر) |
سجاره ولا خماره
| Quote: اقفلها باحكام ... وودع التخين الي الابد |
اها
Quote: و كلما تخرم ... افتح العلبة و اخد نفس عميييق
من السيجارة الاخيرة المخمرة |
وابقي بعد داك في التحلني من شم السجاره المخمره
وتبقي علي حكاية الولد وحيد امو وابوه لم لقوه بسجر وما عرفوا
يسوا ليه شنو .. ولم الوالد حكا لي صديقه قال ليه خلي الولد يسجر
بس كل يوم تجيب ليه معاك مبسم عشان يشرب بيه السجاره وقبل ده لازم
تدخل المبسم ده في حته عفنه عشان الولد بعد شويه بكره السجاير نهائي
اها لفت الايام ودارت والراجل لقي ابو الولد وسألو ( اها الولد خلي
السجاير ..؟ ) قال خلاه والله بس بقينا في التحلنا من شم المبسم من الدغش
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
يا سيدي برنارد شو كان بيقول: أنفقت نصف عمري في تشييع جثامين أصدقائي الرياضيين.. والمقولة تتماشى مع وصفة العمر الطويل اللي جات على لسان مُعمّر أسكتلندي نصحه الأطباء بي إنو يخلي التدخين ويمارس الرياضة - على الأقل رياضة المشي - عشان تتوسع شرايينه وتمنع عنه التصلب والجلطات القلبية، فما كان منه إلاّ وأن ضرب بالوصفة الطبية عرض الحائط مُؤكِّداً أن التمترس في الحانات هو ديدن ومسار حياته لأكثر من تسعين عاماً قضاها على وجه البسيطة، وإمعاناً منه في تكذيب ناصحيه من الأطباء فقد أكّد لهم يخصوص جزئية المشي دي إنو أطول مسافة مشاها في حياته هي مشواره اليومي ما بين شقته التي يقطن بها و«البار» عند الطابق التحتاني!!
وبعد دة كلو يجيك واحد ألماني من المُعمّرين بعد ماعاش ليهو 100 سنة في النفس الطالع ونازل يقول ليك:لو كنت أعرف أنني سوف أعيش كل هذا العمر الطويل لاعتنيت بصحتي!! تعتني بي شنو يا مفتري إنتا؟
دة كلو طبعا بيصب في باب (كلام الدكاترة) والبقى مختوت في مرتبة واحدة مع (كلام الجرايد)..
فشوف مسألة إنو التدخين ضار والكلام الدي منو.. دة بقى حنك ما بجي منو!!
وبعدين يا عمار ياخي في مقولة مهمة ختها في بالك أو هي حكمة زي ما تقول كدة جات على لسان مسطول:
(أسهل عملية في الدنيا هي الإقلاع عن التدخين، أنا شخصياً تركته ألف مرة)!!
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: الفاتح وديدي)
|
زوجة مدخن
تزوجتُ قبل عشر سنوات من شاب مدخن دون علمي أنه يدخن ..
ورغم ثقافته ورزانته وحسن تعامله .. وكان محافظا على الصلاة مما جعلني أحبه
إلا أنني ذقت الجحيم والمصائب من جراء تدخينه ورائحته النتنة ورائحة ملابسه ..
وحاولت معه لترك التدخين فكان يعدني خيرا ولكنه يماطل ويسوّف
... واستمر هذا الوضع حتى كرهت نفسي ..
فقد كان يدخن في السيارة وفي المنزل وفي كل مكان حتى أنني فكرت في طلب الطلاق بسبب التدخين ...
وبعد أشهر رزقنا الله بطفل كان يمنعني من طلب الطلاق .
أصيب طفلنا بالربو الشعبي وذكر الطبيب أنه بسبب التدخين حوله ..
لأن والده يدخن بجواره ... ولم ينثني زوجي عن التدخين
وذات ليلة قمت من نومي على كحة طفلي الشديدة بسبب ربو الأطفال وقمت أبكي لحاله وحالي ..
فعزمت أن أنهي هذه المأساة بأي ثمن ... ولكن هاتفا أخذ يهتف بداخلي ...
لماذا لا تلجئي إلى الله ؟ !!
قمت وتوضأت وصليت ما شاء الله أن أصلي
ودعوت الله بأن يعينني على هذه المصيبة ويهدي زوجي لترك التدخين وقررت الانتظار ...
وذات ليلة كنا نزور مريضا من أقاربنا منوما في أحد مستشفيات الرياض
وبعد خروجنا من زيارة المريض وأثناء توجهنا لموقف السيارات
أخذ زوجي يدخن فكررت الدعاء له
وبالقرب من سيارتنا لمحت طبيبا يبحث عن سيارته هو الآخر داخل المواقف
ثم فجأة قام بالاقتراب من زوجي وقال له :
يا أخي أنا منذ السابعة صباحا وأنا أحاول مع فريق طبي إنقاذ حياة أحد ضحايا هذه السجائر اللعينة من مرض سرطان الرئة !!
وهو شاب في عمرك ولديه زوجة وأطفال !!
ويا ليتك تذهب معي الآن لأريك كيف يعاني هذا المريض ..
ويا ليتك ترى كيف حال أبنائه الصغار وزوجته الشابة من حوله ..
ويا ليتك تشعر بدموعهم وهم يسألونني كل ساعة عن وضع والدهم ..
ويا ليتك تحس بما يشعر به وهو داخل العناية المركزة حينما يرى أطفاله يبكون وترى
دموعه تتساقط داخل كمام الأكسجين ..
لقد سمحت لأطفاله بزيارته لأنني أعلم من خبرتي بأنه سيموت خلال ساعات إلا أن يشاء الله ويرحمه
ثم يا ليتك تشعر به وهو ينتحب ويبكي بكاء الأطفال لأنه يعلم خطورة حاله وأنه سيودعهم إلى الدار الآخرة !!
أتريد أن تكون مثله لكي تشعر بخطورة التدخين !!
يا أخي أليس لك قلب ؟؟ أليس لك أطفال وزوجة ؟؟ لمن تتركهم ؟؟
أيهونون عليك لمجرد سيجارة لا فائدة منها سوى الأمراض والأسقام ...
سمعتُ وزوجي هذه الكلمات وما هي إلا لحظات حتى رمى زوجي
بسيجارته ومن ورائها علبة السجائر ..
فقال له الطبيب المخلص :
عسى ألا تكون هذه الحركة مجاملة بل اجعلها صادقة سترى الحياة والسعادة !!
ثم ذهب إلى سيارته وأنا أرمقه وبح صوتي وتجمعت العبرات في مقلتي .
وفتح زوجي باب السيارة فرميت نفسي وانفجرت من البكاء
حتى ظهر صوتي وعجزت عن كتم شعوري ولم أتمالك نفسي وأخذت أبكي
وكأنني أنا زوجة ذلك المسكين الذي سيموت ...
وأما زوجي فقد أخذه الوجوم وأطبق عليه الصمت ولم يستطع تشغيل سيارته إلا بعد فترة ..
وأخذ يشكر ذلك الطبيب المخلص ويكيل له عبارات الثناء والمدح ويقول يا له من طبيب مخلص ...
ولم أستطع مشاركته إلا بعد فترة وكانت هذه نهاية قصته مع التدخين ...
وأثني وأشكر ذلك الطبيب وأسجل له كل تقدير وإعجاب وأدعو له في كل صلاة
و كل مقام منذ ذلك اليوم الأبيض الذي ابيضت به حياتنا وتخلصتُ من المعاناة
وسأدعو له وسأدعو لكل مخلص مثله ....
تعلمت من هذه الحادثة فضل الدعاء وقدرة الله على تغيير الحال
وتعلمت فضل الصبر مع الاحتساب والدعاء ...
وتعلمت تقدير نعمة الله بأنه يهدي من يشاء
وتعلمت فضل الإخلاص في القول والعمل من هذا الطبيب الذي أدى دوره وهو في مواقف السيارات .
ما رأيكم لو أن كل شخص قام بعمله بهذه الطريقة وبهذا الإخلاص ؟؟
كم من المشاكل ستحل ؟؟
أخي المدخن!! ...
تذكر أنك تدفع مالك لشركات التبغ (وهم من اليهود ومن أعوانهم) ليقتلوا إخوتنا في أرض الأقصى المباركة وليقتلوك أيضا ..
تذكر ذلك جيدا عندما تشتري علبة السجائر ..
تذكر مع ذلك أنك عاص لله تبارك وتعالى مسرف على نفسك يخشى عليك من خاتمة السوء!
منقوووول
وفى امان الله
لا اله الا الله
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: bint_alahfad)
|
الاخت الفاضله / بنت الاحفاد
لك الف شكر علي المداخله القيمه .. والتي تصب في مصلحة كل مدخن
حتي إنني لم اكتب هذا البوست إلأ لأجل كل مدخن عاني ما اعانيه انا
حتي جميع المداخلات لا زالت تحتفظ بالإرشاد المحبوب بعيدا عن تلـك
التي إعتدنا عليها في كل مكان والتي اقرب كا تكون للجمود والعلميه
المنفره .. كل المداخلات هنا من مدخنين وغيرهم كانت ولا زالت تحكي
بصدق وإهتمام المعاناة من التدخين واضراره والاجمل انها برغم صدقها
لا زالت تحتفظ بروح الدعابه الجاده ..
انا لم اترك التدخين حتي الان وهذا للأمانه ولكنني قللت كثيرا جدا
والاهم من ذلك ان طعمه قد إختلف بداخلي وقد كنت سابقا افكر اثناء
تدخيني اما الان فأنا لأول مره افكر فيها وانا ادخنها .. وهذا لعمري
شئ انا اعلم مداه .
فليكن البوست لكل المدخنين و للعموم
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: الفاتح وديدي)
|
| Quote: يا سيدي برنارد شو كان بيقول: أنفقت نصف عمري في تشييع جثامين أصدقائي الرياضيين |
الزول ده كان حانوتي ..؟
Quote:
والمقولة تتماشى مع وصفة العمر الطويل اللي جات على لسان مُعمّر أسكتلندي نصحه الأطباء بي إنو يخلي التدخين ويمارس الرياضة - |
اها ده حنك الدكاتره النحن خايفين منو زاتو ..؟
Quote: وإمعاناً منه في تكذيب ناصحيه من الأطباء فقد أكّد لهم يخصوص جزئية المشي دي إنو أطول مسافة مشاها في حياته هي مشواره اليومي ما بين شقته التي يقطن بها و«البار» عند الطابق التحتاني!!
|
الزول ده تسعين سنه لط .. لكين والله لو كانت منهاتدخين وحاتك ما كان كمل تونتي ..
Quote: وبعد دة كلو يجيك واحد ألماني من المُعمّرين بعد ماعاش ليهو 100 سنة في النفس الطالع ونازل يقول ليك:لو كنت أعرف أنني سوف أعيش كل هذا العمر الطويل لاعتنيت بصحتي!! تعتني بي شنو يا مفتري إنتا؟
|
هههههههههه
| Quote: فشوف مسألة إنو التدخين ضار والكلام الدي منو.. دة بقى حنك ما بجي منو!! |
والله كان في صور هنا الله ما وراك ليها بس .. اصلو المنبر قبل كم يوم كده
هضرب ( اظنو داير يخلي التدخين وكده ) وكلها واحاتك لحقت القمريه ولو
كان شفتها كان ........
| Quote: (أسهل عملية في الدنيا هي الإقلاع عن التدخين، أنا شخصياً تركته ألف مرة)!! |
علي وعد إنها تكون وااااااااااااااااااااده بإذن الله
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: Mamoun Ahmed)
|
Quote: يا نــــــــــاس
ساعدوني
انا مخلي التدخين لي تلاتـــــــــــــة يــــوم
والله تعبان بشدة |
Quote: الــــــيـــــــــــــــــوم الـــــخـــــــــــامـــــــــــــــــس
انا الان متوقف من التدخين لليوم الخامس
اعاني كثيرا
ســـــاعدوني |
الاخ / مامون احمد
ليك التحيه والله
وتاني ليك التحيه
خمسه يوم ..؟؟؟
والله ليك التحيه .. يا زول فات الكتير ما بقي إلا القليل ..
اها انا بهديك كلام بنت الاحفاد والكلام الفوق ليه لأنو والله
حقيقه بخليك تفكر في موضوع التدخين ده بصوره جاده .. وإنت
اصلا شرعت في تركه مش زي انا القرار في الدواخل ولسه ما إتنفذ
فتك بي عافيه ..
عافيه مش دخان لأنو دايرين نتشجع بيك .
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
ايهاب كيفنك....التمباك ده قلناهو لكن هو معصلج شويه لكن انا اكرر واعيد واقول جرب والتجربه خير برهان ولو بقيت علبه قول عوك بنمسكك الدرب ولو ابيت برضو بنحاول معاك...لكن برضو اعتقد عرض المشكله والمداخلات ما كانت دقيقه لانه فى السيجاره الحمرا والسيجارا الخضرا الله يخضر دربنا وكل واحده عندها طريقة حل مختلفه ولعلمك التمباك للحمرا فقط..اما الخضرا دى قصه تانيه..بنجيك راجعين
| |
|
|
|
|
|
|
|
|
 Re: .. العايز يخلي السجاير يعمل شنو ..؟ (Re: البعيو)
|
تعرف يا بيلي ..
انا خليت السجاير قبل فترة .. مسكني وجع ضرس .. عشرة ايام انا ما فتحت خشمي
..
عشرة ايام ريجيم اجباري باكل في اليوم كلووووووو .. نص علبة زبادي واحمد الله الخلقني
..
وجع الضرس ما ليهو علاقة بالسجاير طبعا
لكن المشكلة الكبيرة .. النت وجهاز الكمبيوتر
كلما اكون قدام الجهاز بشرب كميات خيالية احيانا اكتر من علبة فيها عشرين سجارة مارلبورو
ولما بطلتو قلبت طوالي .. بقيت بدل السجاير اجيب حاجات ما اتصنعت لي الناس الزينا ديل بس علشان اشغل بيها بالي ..
خايف اقول ليك انواع من الشيكولاته .. يقوموا يطلعوني شنو كدا ما عارف ..
..
اسمع يا بيلي بي صراحة
كان قدرت تخلي النت أو تبعد من الكمبيوتر لمدة تلاتة يوم بس
اضمن ليك تاني ما بترجع للسجاير ..
..
وكان قدرت تخلي سودانيز اون لاين اسبوع .. بضمن ليك انك تقلب من سجاير لي ( امبرمه ) التمباك ساهل لكن البفكك من ( امبرمه ) شنو ..؟؟
| |
|
|
|
|
|
|
|
|
|
Re: .. العايز يخلي السجاير يعمل شنو ..؟ (Re: عمار بيلي)
|
الـــــــــــــــــــيـــــــــــــــــــــــــــــــــــــــــــــــوم الـــــســــــــــــــــــــــــــــــابـــــــــــــــــــــــــــــــــــع
لتركي التدخين
انا صامد
بين شد وجذب
تساندني:
كمية من الاشغال الجانبية
ارطال من اللبان
عشرات من كاسات القهوة والشاي
لكن العزيمة هي الاساس
اخطر أوقات الغواية
هي ما بعد الطعام
بالمس ركبت سيارة مع الزميل
المدخن طيفور
دخن داخل السيارة
ففتحت الزجاج واخرجت رأسي
دون ان اشعر
وهذي بشارة خير:
صرت اتعذب من رائحته!
سبحان الله!
ساعدوني
لكم التحية
| |
|
|
|
|
|
|
| |
عاطف محمد أحمد زكريا
Soumeta
rani
Tragie Mustafa
bayan
صلاح الدين عبدالله محمد
Sobajo
محمد عبدالقادر سبيل
ولماذا لا استطيع؟) وهكذا..
قرشـــو
Mohammed Elhaj
Alfarwq
عمر عبد الخالق سعيد
Mamoun Ahmed
الفاتح وديدي
bint_alahfad
ايهاب نميري
tmbis
jini
فيس بوك
تويتر
انستقرام
يوتيوب
بنتيريست