|
|
 نشيد للعالم الرباني الأستاذ محمود محمد طه مجاراة لقصيدة الشاعر سيد أحمد الحردلو
|
نشيد للعالم الرباني الأستاذ محمود محمد طه
مجاراة لقصيدة الشاعر سيد احمد الحردلو التي تنبأ فيها بحلول الظلام وقتل الحقيقة.
راجل علم وفهم
ومخافة من الله
بالزهد تنترجم
وقلبا بسيط وحنين
وزهدا به ينعم
يعرف كتاب الله
وينقي مما شاب
ويرش علينا علم
يهطل علينا سحاب
محمود جنا طه
(ملك ومكلكو كتاب)
وفقير وفقروا صواب
لا نافق الحكام
لا تابع الأذناب
يصدح بصوت الحق
الداوي وسط الغاب
غاب المحن والفتن
وغرايب الأزلام
وعجايب الأنصاب.
(ملك وملكو عِلم)
وعميق وصمتو فهم
وشلوخو تجري بحار
للساحل الأعظم
وتصب في مجري العلوم
الجاي من زمزم
وتفهم حديث النبي
وتربطو بالعالم
وتمدح من المصحف
بى اسمه الأكرم
لا سوا مرة بدع
أو ليها اتعلم
أو جابلو يوم الحاد
أو بيهو اتحزّم
نابع من التنزيل
الليهو اتعلم
موزون بنور البيان
ومسقي من القرآن
وعالي كما الأنجم.
(محمود جنا طه)
صوفي ملان أسرار
وقريب من السدرة
الفيها سر القرار
وينبوعه الملهِم.
قريب من الأصفياء
وقريب من الأنبياء
وقريب من الأعداء
عاش الحياة غانم
وراح مّنها مكرم
ماعاشا يوم مفتون
بي عزها وجاها
أو عاشا يوم مغرور
أو يوم تمناها
عاشا كما الأنغام
سابح بحور الدين
وشارب من الاسلام
وشايل في وجه الريح
اسم الله في الأيام.
(لو عندي ايد لاحقة)
أجيبلو من الفضا
نجمات من الأنجم
تمدح بذكر الله
وباسمه الأعظم
وتنظِف العالم
من الأسى والهم
نجمات من الانشاد
تملا الدنا اسعاد
بالكهف أو مريم
أجيبلو من الفضا
(واديهو تاج الرجال)
(وابنيلو في الخرتوم)
(فوق البحر تمثال)
بحر الصفا والوفا
العالم الملهم.
يجي يوم يسود الظلام
ويتعطل التاريخ
ويتحزموا الظلمة
وحاملي الأختام
ويبقى الكلام أعوج
وصوت النظام أطرق
وعقل الوطن أحمق
وشكل الكلام أخرق
يجي يوم تغادر الطيور
من نيلها الأزرق
(والدنيا تبقى قبور)
والحكمة تتفرتق
يجي يوم يسود الظلام
يوما لعين وكريه
يحرق ويسحل كرام
والعدل يتلفّق.
يجي يوم نراك أسد
يالهيبة تتمنطق
وليل الظلام واجم
ونور العلم أشرق
ونلقاك ببسمة ضياك
بى فاطرك الأبرق
واقف تصد الريح
وتعلِي راية الحق.
الخرطوم /1982
|
|
 
|
|
|
|
|
|
|
|
Ustadh Mahmoud (Re: raheemsudani)
|
Salam to all.
Salam Ustadh Raheem and family.
Your words are indeed are so poetic and clear.
I hope you all the well
Mutwakil Mustafa el-hussein
| |
|
|
|
|
|
|
|
|
|
Re: نشيد للعالم الرباني الأستاذ محمود محمد طه مجاراة لقصيدة الشاعر سيد أحمد الحردلو (Re: raheemsudani)
|
الأستاذ الفاضل / عبد الرحيم
ما أروعها من كلمات صادقة ومعبرة
قلوب العاشقين لها عيون ترى ما لا يراه الناظرون
وأجنحة تطير بغير ريش الى ملكوت رب العالمين
القصيدة لا تقل عن قصيدة الشاعر الكبير سيد أحمد الحردلو في المعنى أو المبني فاسمح لي أن أثبت أبياتها هنا لمن لم يطلع عليها وعنوانها "محمود جنا طه" :
-1-
محمود جنا طه
واحد من الاحياء
مع انوعمرى انا
لم امدح الاحياء
بس يا سلام .. سلم
زول .. يستحق القول
والحمد والتبجيل
-2-
عارف محمود دا
لو كان فى بلد
غير هاذه السودان
كان توجوه ملك
وكان عمدوه امام
-3-
شوف يازميل الزول
وكتين يكون مشغول
بالمولى .. صح بالصح
وكتين يشوف فى الدين
الجاى والجايين
من العديل والزين
وكتين يسوى الدين
شيتاً محبة .. ولين
كمان زمان الرسول
عليه صلى الله
وجملة الصاحبين
ما فيه قسر وجبر
ما فيه زنديه
ما فيه شنق وجلد
ما فيه ايديه
ما فيه الا الحب
ما فيه غير الجمال
ما المولى حب وجمال
-4-
شوف ناس فلانين .. ديك
سوولنا كيف الدين
شيتاً قطع يدين
شيتاً شنق وسحل
شيتاً رصاص وكتل
وشوف كمان دايرين
يجونا بى اللفة
استغفرك يا زين
-5-
تصور الدنيا
لو داك اصبح امام
حرم يهاجر النور
وسكن معانا الضلام
حرم يموت الكلام
فى ايها شافع
داير يسك الحمام
ويتاتى للعصفور
حرم نموت بالزور
والدنيا تبقى قبور
-6-
محمود جنا طه
ملك
وملكه علم
وفقير وفقره علم
ويمين .. يمين الله
لو عندى ايد لاحقه
اديه تاج الرجال
وابنيلو فى الخرتوم
فوق البحر تمثال
لكين خسارتى انا ..
الما عندى ايها حال
-7-
هذا اخوى محمود
واحد من الاحياء
مع انو عمرى انا ..
لم امدح الاحياء
بس يا سلام .. سلم
زول يستحق القول
والحمد والتبجيل
كنشاسا 1975
نشرت فى جريدة الوطن عدد الاحد 9 ابريل 2006
| |
|
|
|
|
|
|
| |
raheemsudani
منصوري
Haydar Badawi Sadig
Elmosley
kh_abboud
Omer Abdalla
فيس بوك
تويتر
انستقرام
يوتيوب
بنتيريست