كتب الكاتب الفاتح جبرا المتوفرة بمعرض الدوحة
|
من اين ياتي هؤلاء؟؟؟ نادية عثمان مثالاً
|
جابوك من وين؟؟ شربت من ياتو نيل؟؟؟
حلاة الحنة في ايديك وحليل الزول وقت يرحل يدق خيمتو قصاد عينيك معكسر تب يقول يرجع؟؟ لا لا ما بقدر يقول يقعد؟؟ الا ما بوصل ما البعد حاكم والمحنة قسم
* مع الاعتذار ل الاغنية ونادية عثمان وسجيمان واي زول تاني * قسم: من قسمة ونصيب
|
|
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Dr. Moiz Bakhiet)
|
البروف معز الغالى
Quote: إلى نادية أقول:
ثم التقينا و السنا متربص و النهر يمضى فى ارتخاء صوب معياد القدوم حتى رأيتك بين حسِّى نخلة ممشوقة تتطلعين الى النجوم |
ياصاحب الحرف اللذيذ !!
امام روعة انغام حروفك المموسقة تتوارى الابجدية خجلا وتواضعا !!
فرحماك ايها الشفيف ولا تهلكنا رجما ببديع مفرداتك المنتقاة بعناية غارس الورود !!
وكن وجدية واحبابك بالف خير ابدا ..
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: abas)
|
النبيل عباس
Quote: من الجنة طبعا
مش هم ملائكة |
تسلم من كل شر يارب
على الكلمة الطيبة مع انو فى ناس يشوفونى شيطان موش مجرد انسان وانت شايفنى ملاك من الجنة والله كتر خيرك يااخى الغالى
زيادة تأكيد !
Quote: تحيه استاذنا احمد
تحية لاختنا نادية
تحية للدكتور معز |
التحية ليك انت الف
اخ كريم ابن اخ كريم ..
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
الشــــاعر : احــــــمد :
Quote: حلاة الحنة في ايديك وحليل الزول وقت يرحل يدق خيمتو قصاد عينيك معكسر تب يقول يرجع؟؟ لا لا ما بقدر يقول يقعد؟؟ الا ما بوصل ما البعد حاكم والمحنة قسم |
يازول ده نظم شعري بسيط و ممتاز ... وشكلو نابع من القلب الى القلب ..
Quote: مالك داير تجيب لينا الكلام هسي ابو ايمان يقوم يفجخنا |
لكن برضو اعمل حسابك ؟؟
.
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: nazar hussien)
|
الزول الجميل جدا نزار حسين
كيفك وكيف وليداتك يارب تكونوا عافية وتمام التمام
والله ليكم وحشة شديييييييييييدة جدا
Quote: هسي انت يا محمد امانة في ذمتك الخلّاك تتحسس شنو؟ انت مش كتبت كلامك في نادية...ومتأكد من قصدك...
الفهم الغلط الجابو هنا شنو؟؟؟ |
الفهم الغلط بتجيبو الانطباعية وسؤ الظن يانزار لكن الله فى !!
كن كما انت رائعا وبالف خير دوما
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
طبعا ياشباب كعادتى اول مااشوف اسمى برة فى العنوان اول حاجة بتصيبنى صدمة عصبية واقول سترررررررررررررررك يارب واسمى بالرحمن وادخل بى رجلى اليمين وانا قلبى مقبوض وبقول يالله تسترنا من كتاحات المنبر ده وتدينا خيرو وتبعد عننا شرو يااااااااااااااارب !!
اها
الحمد لله دخلت البوست لقيتو احمد (بيتعاور) عوارة من النوع الحميد داك ونظام كسير تلج وكده !!
يبقى ياشباب دقيقة اسمع الاغنية الحلوة دى واجيكم واحد واحد اخوة قلوبكم طيبة تحكوا عن اختكم دون وجع خباثة !!
ونسة واندياح والفة جميلة ..!!
تسلموا اشقائى يارب
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Abdallah)
|
العزيز احمد عبد الله
Quote: غايتوا آنا لو كنت في مكان ابو إيمان.. بسن سكيتتي وبجي .... |
ابو ايمان عندو طبنجة .. طلقاتها ثقة وحب وتفاهم ..ينفع؟!!
Quote: يا نادية سؤال برئ .. ابو أيمان بيقرأء sudaneseonline |
وبيعرف بكرى وكستاوى وملاسى ودكين وتبلدينا وبلدى ياحبوب وشاهين وصديق الموج ومعتصم دفع الله ومعتصم الطاهر.. وبيعرفك وبيعرف نوبى وسعد الدين وسجيمان وشباب المنبر كلللللللللللللللهم !!
وبيسلم عليكم وقال ليك يااحمد نادية اختكم ختوها فى عيونكم !!
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: نادية عثمان)
|
Quote: وبيسلم عليكم وقال ليك يااحمد نادية اختكم ختوها فى عيونكم !! |
عيونا ... تشيلك وتشيل البشيلك .... NO DOUBT.
Quote: وبيعرف بكرى وكستاوى وملاسى ودكين وتبلدينا وبلدى ياحبوب وشاهين وصديق الموج ومعتصم دفع الله ومعتصم الطاهر.. وبيعرفك |
سلمي علي معتصم دفع الله وقولي ليه خلاص أرجع شوف شغلك ...!!
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
جابونى من بطن امى عزيزة (الله يرحمها يارب)!
Quote: شربت من ياتو نيل؟؟؟ |
النيل الواحد ده ..وكل بنات واولاد بلدى شربوا منه !
Quote: حلاة الحنة في ايديك وحليل الزول وقت يرحل يدق خيمتو قصاد عينيك معكسر تب يقول يرجع؟؟ لا لا ما بقدر يقول يقعد؟؟ الا ما بوصل ما البعد حاكم والمحنة قسم |
انت وكت شاعر قدر ده ماقعد تجينا فى الفردوس هناك ليه ؟!
Quote: مع الاعتذار ل الاغنية ونادية عثمان وسجيمان واي زول تاني |
مع انو مافى شئ تعتذر لى عنو لكن اعتذارك لسجيمان حيرنى ..بتعتذر ليهو عن شنو بالجد؟!!
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: نادية عثمان)
|
Quote: ابو ايمان عندو طبنجة .. طلقاتها ثقة وحب وتفاهم ..ينفع؟!! |
دا مش بينفع وبس......دا بسكت خالص غلبتينا الكلام تب يا ام ايمان......ربنا يخليهم لك ايمان وابوها حكمة اليوم لا يذيد معني الكلام روعةوجمالآ...............الا صدقها وبساطتها
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: PLAYER)
|
النبيل والزول المرهف بلير
Quote: دا مش بينفع وبس......دا بسكت خالص غلبتينا الكلام تب يا ام ايمان......ربنا يخليهم لك ايمان وابوها |
تسلم من كل شر يارب .. وربنا يحقق امانيك انت كمان واشوفك عريس للاختارها قلبك النقى يازول ياطيب القلب
Quote: حكمة اليوم لا يذيد معني الكلام روعةوجمالآ...............الا صدقها وبساطتها |
طبعا الحكم البليرية دى بتكيفنى شديد جدا والله
كتر منها خلينا نتعلم ونستفيد يابلير الرائع
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
العزيزة نادية حمدلله ع سلامة الطلة اولا وكويس العرفتيها (عوارة) لكن منك ما مني،، اما الناس القرصو ودفروا ديل ما بقدر اقولهم ليك، لانهم رسلو لي خطابات تهديد بالتفجير (جماعات ارهابية وكدا) لكن ردي ليهم كان انو طالما انا مؤمن بي الفي راسي فما ح اشتغل بيهم، وبس عشان حلفتيني واحد اسمو علي معتصم ما عضو معانا هنا..
Quote: ابو ايمان عندو طبنجة .. طلقاتها ثقة وحب وتفاهم ..ينفع؟!! |
دا الكلام الصح وسلمي لي علي ابو ايمان شدييييييييد وقولي ليهم ندوية في عيونا وما تشيل هم تب محروسة
Quote: انت وكت شاعر قدر ده ماقعد تجينا فى الفردوس هناك ليه ؟! |
فردوسكم دي وين يختي ما وريتونا دقيقة بس هسي بجي
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
Quote: جابونى من بطن امى عزيزة (الله يرحمها يارب)! |
رحم الله الخالة عزيزة واسكنها فسيح جناته امين
Quote: مع انو مافى شئ تعتذر لى عنو لكن اعتذارك لسجيمان حيرنى ..بتعتذر ليهو عن شنو بالجد؟!! |
اما الاعتذار لي سجيمان لانو شايف علاقتو بيك قريبة وصادقة ودا شفتو من خلال الصور مع ست الشاي والغدا وكدا يعني
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
Quote: اما الاعتذار لي سجيمان لانو شايف علاقتو بيك قريبة وصادقة ودا شفتو من خلال الصور مع ست الشاي والغدا وكدا يعني |
وعندى صور مع بكرى زاتو
ومع د. معز
وفضيلى جماع
ونوبى
وهشام المجمر
ولؤى شمت
وناس كتاااااااااااااااااار هنا كلهم اخوان واصدقاء وناس اهل زى سجيمان اخوى واخوهو المر الغالى
بتعرف المر اخوى سجيمان ؟!!
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
من زمن مستني عودة قلبي الراحل كنت بكتب ليهو بي دمي الرسايل قلت فيهو اشعاري واتعذب ضميري كل كلمة حنان يفيض يغمر صدوري كل حرف كتبتو من اعماق شعوري وافتكرتو يرد راسلتي يرد يطمني في خطابو ما خطر في بالي ياسرني بي عتابو نسي اول مرة انا اغراني بي شبابو وكل ما اتدلل يزيد اعجابي بيهو كنت شايف الجنة في نظرات عينيهو كل اسباب السعادة الكنت انا بتمناها ليهو كان جميل من قلبو لو يرحم عذابي الجميل انا شايفو عايش في خطابي كل ايام عمرو ولحظاتو الهنية حاول يخفي شعورو ويتدلل عليا من زمان
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: نادية عثمان)
|
اشمعنى صورتى العاملة لى بعض الناس داخل وخارج هذا الاطار قلق !!
ياربى عشان عاملة روج ؟!!
مائة واحدة فى المنابر خاتين صورهم ..ومائة واحد شايل وشو وحايم بيهو .. زول سالو مافى !!
اياها دى خلقتى الخلقنى بيها الله (اللهم الا حبة الروج والدلال ديل ختيتهم براى !!) وماخجلانة من خلقة الله انا ... كان سمحة احمد ربنا وكان شينة احمد ربنا واللهم لا اعتراض على امرك !!
مع انى والله ماشايفة روحى اسمح من زول ولا شايفة زول الله خلق وشو ده شين لكن الجمال بالجد جمال العشرة والقلب والاخلاق والتعامل بين الناس !!
سماحة شنو السماحة طايرة ياخ !!
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
تعرفى يا ناديه انا حقو اقول ليك انتى شينه ومابتشبهى البنات الزيك ومافيك ايييي حاجه حلوه وفاكاها فى روحك
اسف بس عشان اكون مميز من كل الباقين فى اعجابهم بيك ياربى عشان عاملة روج ؟!! والله انا لو عندى مصنع ارواج او كريمات .... كنت بجيبك فى دعايته والله لو عندى (فرن)برضو كنت بجيبك فى دعايتو عشان ماتفضل لى ولا عيشه
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: ود العجمى)
|
ود العجمى العزيز
Quote: تعرفى يا ناديه انا حقو اقول ليك انتى شينه ومابتشبهى البنات الزيك ومافيك ايييي حاجه حلوه وفاكاها فى روحك
اسف بس عشان اكون مميز من كل الباقين فى اعجابهم بيك ياربى عشان عاملة روج ؟!! والله انا لو عندى مصنع ارواج او كريمات .... كنت بجيبك فى دعايته والله لو عندى (فرن)برضو كنت بجيبك فى دعايتو عشان ماتفضل لى ولا عيشه |
تعرف ياود العجمى ؟
قريت مداخلاتك دى وانا قاعدة فى محل نت فى الشارع برسل منو شغلى قبل ارجع البيت عشان بينا وبين الخرطوم فرق ساااااعة كاملة !!
المهم
قعدت اضحك زى المجنونة وناس المحل يعاينو لى سااااااااااااااااى !!
جميلة الاريحية والتعامل العفوى بين الناس ياخ !
شكرا ليك لانك اخرجت من صدرى ضحكة بعدما امتلأ هذا الصدر كحة من كثرة الزعل على حال الدنيا والناس الذين يكرهون دون سببب ولا يحبون حتى ولو بسبب!!
كن بالف خير اخى النبيل د العجمى
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: bob)
|
Quote: رســالة الى ابو ايمان ..لو مسكته ما تفك ولو فكيت ما تنــدم شغل زى ده ما بفكــوهوا ده بموتوا معاهو مــوت |
بوب الغالى
تحية تشبه قلبك الابيض يازول ياسمح
ابو ايمان بيسلم علييييييييييييك كتييييير وبقول ليك افك بت عمى اقبل ويييييييييييييييين !!؟
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: الحارث سرالختم عبد الله)
|
الاخ الاكرم الحارث سر الختم عبد الله
Quote: وكل هذة المشاعر مع انها ام وزوجه فهنيئا لها ولزوجها الكلام جميل والشعر جميل وخاصة كلمات الاخ د/معز تحياتى |
لك من زوجى ابو ايمان ومنى ومن الدكتور الجميل بروفسير معز عمر بخيت التجلة والتقدير على كلامك الطيب فى حقنا جميعا ومرحبا بك اخ كريم ابن اخ كريم
وتسلم من كل شر يارب
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
من اين ياتي هؤلاء؟؟؟ نادية عثمان مثالاً
لما تمتاز به هذه النادية من عوامل جذب انتباه كثيرة خلال كلمتها ورقتها والصدق الواضح في حروفها... كان هذا التساؤل.. وكانت مثالا لزميلات لها من نفس منطقة الانبهال والتدفق الابداعي.. المثال الثاني والذي ابحث عنها بشدة هي الرائعة شيري اين اختفت الرائـــ (شيري) ــــعــــة؟؟؟
| |
|
|
|
|
|
|
Re: من اين ياتي هؤلاء؟؟؟ نادية عثمان مثالاً (Re: Ahmed Mohammed Osman)
|
Quote: لما تمتاز به هذه النادية من عوامل جذب انتباه كثيرة خلال كلمتها ورقتها والصدق الواضح في حروفها... كان هذا التساؤل.. وكانت مثالا لزميلات لها من نفس منطقة الانبهال والتدفق الابداعي.. المثال الثاني والذي ابحث عنها بشدة هي الرائعة شيري اين اختفت الرائـــ (شيري) ــــعــــة؟؟؟ |
| |
|
|
|
|
|
|
|