|
|
|
 Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
| Quote: ام هنالك اسباب خاصة للفتاء فى علاقاتها السابقة يقبل بها الآجنبي ??!!! |
قفزة سريعة..لاستنتاج مجحف بحق الكثيرات!!!!!!!!!!!!!!!!
و ماذا تفعل بنات السودان..بالذات في المهجر...
عندما ينصرف عنهن الرجال السودانيون ..للزواج بالأجنبيات؟؟!!
لماذا يتزوج السوداني بأجنبية؟؟
سؤال أكثرالحاحاً..!!!
| |
 
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
Will… you all do what you want and no one will get burned but the one who
Actually take the risk
…. No one will know you the most but your country men and your country women but now in this time both have idea
I sure don’t know where did it come from she think a forging man is beast for her and he think a forging woman is the beast for him but the truth is we are a perfect match for each others and the 1000000$ question is when do we know that …………….
PS. we have sen it B4 and most of it end in
what we call Catastrophe
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: خالد)
|
أولاً
الفتاة وليس الفتاء ،،،،،،
أم القصد كتابتها وفقاً لنطقنا الدارجي
--------------
زواج الفتاة السودانية من أقرب الشعوب ثقافة لنا وهم العرب المقيمون في السودان خلق معاناة للطرفين ونتاجه أجيال بلا هوية سودانية أو بثقافة سودانية هشة حينما ساءت حالة السودان الإقتصادية وعادوا لأوطانهم أوطان الأب
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: خالد)
|
الأخ احمد معتصم الطيب..
أنطلق مـن زاوية محـددة...وهـو ان سـؤالك الأسـاسي مـوجـه للسـودانيانت 'المسلمات'
واخـترت الـديـن محـور في مضمـون أسـئلتي 'مسلمات'.... لأنه مـؤثر اسـاسي في الثقافة السـودانية التي تنطلق منها كـثير مـن الأحكـام...
لكـل تجـربة خصـوصـيتهـا...
سـؤالي الذي أضـيفة للأسـئلة ...
لمـاذا يتـزوج الأجـنبي مـن سـودانية?
ومـن هـو الأجـنبي???
يكـون مـن بـلـدمسلم زي باكسـتان?
عـربي مـن السـعـودية?
افـريقي مسلم مـن نايجـيريـا?
ولا أوروبي مسـلم مـن انجـلترا?
ولأي درجـة يتفاوت القبـول والرفض لهـم?
يعني... هـل تستوي نظـرة المجتمع في الزواج مـن أجـنبي...أم ان هنـاك تنازلات وقبـول تام او رفض تام للعينات السـابق ذكـرها (عنصـر التفـاعـل و التفضـيل) ??
الأجناس التي ذكـرتها أنـا هنـا مجـرد 'عينات'.... نضـيف لهـا علي حسب مبـدأ الموضـوع..
تحيـاتي
مـني عـوض خـوجـلي
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
سلام الي الجميع
في معظم الاحيان و في الغالبية العظمي يكون تزاوج السوداني باجنبية او الاجنبية بسوداني ( في حال تعريف الاجنبي : بمن لا يحمل الجواز السوداني ) معضلة في حد ذاتها للاختلاف الشاسع في العادات و التقاليد بيننا كشعب سوداني و بين الشعوب الاخري ..
وهنا نجد ان الارتباط باجنبية يزيد المسئولية و الضغط في التعامل معها و لي عودة حين تتضح الصورة اكثر ..
لكم التحية جميعا...
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
احمد معتصم
اتفق معك وبشدة اتدرى لماذا
لان الزواج من اجنبى اشقر متاسلم بقى موضة ومن صفات التحضر واذا سالتهن
السبب انهالت الشتاءم المبلورة غربيا وغربيا ديمقراطيا على الرجل السودانى بكل انواعاها
فى حين ان الجنسيات الاخرى ترى فية ما لا تراة السودانية وفى اعتقادى هذا ما لاحظة الرجل
لسودانى فصار يبحث عن البديل .
شاهدت احدى هذة الزيجات وكان هذا التعليق لام العروس والتى بان عليها الضيق الشديد عندما
سالتها احدى رفيقات دربها ......
قالت والحديث لها حاولتا اقنعا لكن قالت لى والله يا امى دة زول مبالغ فية بس انتى ما عارفهو
زيى وكمان يا امى هو اسلم علشانى قلتا ليها يعنى ما اسلم علشان الله ولا علشان الدين ولا علشان
هو مقتنع بالفكرة بس اسلم علشانك انتى يا بنتى عليك الله المسلم الاصلى مالو.
والله بعد 9 شهور الاجنبى المتاسلم فتح لى حنانا واختفى وما ظهر الا بعد سنة وكانت معاه صديقتة
الاجنبية وشافو زول كان فى العرس ومشا كلم الاهل المكلومين واتضح انهم كانوا بيفتشوا فيهو
علشان يطلق البت لانوا فى واحد اتقدم ليها
والله كريم بس
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
شكرا لطرح هذا الموضوع
غايتو انا بعرف كم سودانية بالسودان متزوجين اتراك الجاو مع ناس عفراء
وكلهم سالتهم قالوا وجيهيين ساي
يعني نحن نحرق
واهلهم مبسوطين شديد ومتكيفيين من المسالة دي
وكمان جابوا شفع بينقطوا عسل
وبنات شعرهم اشقر
وكمان بعرف سودانيات بقطر متزوجات امريكان شرط وشطه بس والله
واهلهم متقبليين جدا
بعدين يخيل لي البت هي البتحدد المسالة ما طال انها ارتضت بيه وهو مسلم ليه لا
بعدين انت ناسي انو عندنا شباب كتار ماتوا في الحروب
وتصدق في تحليلي بحس انو زواج السودانيات من اجنبي بخليهم يرتبطوا بالسودان اكتر
من زواج الرجال باجنبيات.. لانو اغلب الاجنبيات ما من السهولة يالفن على بلدنا
انا شخصيا بفضل سودانية..وكمان سودانية على مستوى عالي
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: هوارى)
|
سلام الله عليكم
أشكرك علي البوست و انا مهتمة بشئون المرأة و يسرني ان يكون النقاش مفيدا
الفتاة السودانية لها الحق كاملا في اختيار شريكها كان من السودان شرقه و غربه و جنوبه و شماله و كان من العرب و لا العجم الفكرة مسألة ارتباط مقدس له خصوصية مطلقة و
التعميم في التحارب و العلاقات الخاصة ليست من العلمية و لكل تجربة خصوصيتها
الاسلام وحد القلوب و اذا صلح الدين ذابت القبائل و الاوطان
احترم الفكرة جدا و بس شوف لي فرنسي مسلم 
حين كنت خارج السودان كنت اتساءل لما يسمح السوداني لنفسه بالعلاقات و حتي المحرم منها و يستغرب للسودانية علاقة برئية و عملية مع حواجة و يصرخ مستنكرا بلاي دي ماشة مع خواجة كيف
اضحك جدا للانانية و الفكرة و اعزي ذلك للهاشمية و الجعولية و اخوات فاطمة الله يديهم العافية
بس المسالة حق اختيار انشاء الله من اليابان
لدي اخ كريم و عزيز متزوج بالمانية و كل ما اشوفوا اقول ليهو كر علي ح اخطب ليك اختي و اقنعها ليك تقعد في السودان بس كلوا هزار
المسالة خيارات و قبول و حق اباحة الشارع
مع حبي و تقديري
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: sudania2000)
|
احمد المعتصم
ازيك
الاخت سودانية اوضحت اباحية الامر في الشرع
اذن المسأله تبقي قبول اجتماعي وقيودو تقاليد ما عندها معني
يعني حركه الهجره والتشريد التي انعمت الحكومات السودانيه في تزايد تفاقمها في الفتره الاخيره
هي المسبب الاول للجوء الكثيرين والكثيرات للعيش في الغربه وبالتالي طرحت مثل هذه الاسئله والقضايا الحساسه ...
والسؤال كيف لامرأه وحيده في الغربه ان تصون نفسها من الفتن والغوايه التي تواجهها في المقام الاول من بني جلدتها قبل الاجانب الذين تعيش معهم في بلد واحد والذي من المنطقي بمكان امكانيه اختلاطهم به ...
يعني المسأله ببساطه تكون كالتالي
ما هو الافضل في حالة تعذر الزوج الصالح بالنسبه للمرأة المهاجره
ان تعيش بدون زوج وبالتالي يكبر احتمال انحرافها ام تختار الاجنبي الذي يوفر لها الاستقرار الاجتماعي والنفسي وبالتالي تنجي من مهالك الغربه المنصوبه لها في كل شارع ..ز
شخصيا اعرف ببرلين تجربتين واظنك علي علم بهم وبكل ابجديات علاقتهم
سألت احداهن ذات مرة اجابت انه لم يتقدم احد من السودانيين لللزواج منها فماذا تفعل..؟؟؟
اجابه منطقيه في ظل واقع الهجره الذي نعرفه..؟؟
محبتي
عاليه
| |
|
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: Tragie Mustafa)
|
شكرا لهواري عندما قال:
Quote: وتصدق في تحليلي بحس انو زواج السودانيات من اجنبي بخليهم يرتبطوا
بالسودان اكتر من زواج الرجال باجنبيات.. لانو اغلب الاجنبيات ما من السهولة
يالفن على بلدنا
|
الام هي الاصل وابن السودانيه سوداني ولو والده من الواق واق
وابن السوداني من اجنبيه نسبه ضعيفه حقا من نجحت في خلق حالة انتماء
حقيقه للسودان.
وفي قول مشهور لليهود:
انه اليهودي من كانت امه يهوديه.
اي تأكيد لدور الام في التنشئه.
ولي عوده.
تراجي.
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: Tragie Mustafa)
|
اقول لا احبذ الزواج من اجنبي وليس لاني امرأه
فانا لا احبذه لا للمرأه ولا للرجل
بل حتى في السودان
انصح ان يكون من بيئتك
ومن مستواك الاجتماعي
ومن مستواك الثقافي
ليس هذا لاني اؤمن بالطبقيه او المستويات
ولكن (توقعات الدور) لكل شريحه اجتماعيه تختلف
(وتوقعات الدور) ده مصطلح خطير في علم النفس
وهو سبب كل الوكسات والصدمات.
وكلما زادت الفوارق الاجتماعيه والثقافيه زاردت التحديات امام الازواج.
ومع الاجنبي تزيد كل هذه الفوارق بنسب رهيبه.
تراجي.
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: Tragie Mustafa)
|
اديك مثال:
افرض انه الآنسه مياده شابه سودانية الاب تونسية الام,والدها يعمل في اليونسكو
ووالدتها تعمل في منظمة الامم المتحده للتنميه و ولدت في ايطاليا وعاشت في فرنسا
و الصومال. واكملت جامعه في السويد,في المرحله الجامعيه التقت به.
شاب ايطالي الاب صومالي الام والده يعمل في منظمة اليونسف وامه طبيبه في منظمة اطباء
بلا حدود .
يتحدثون الايطاليه و الانجليزيه معا لانهم الاثنين يجدونها , يعتبروا خلاسيون معا لاختلاط
العنصر الافريقي بغيره.المستوى الاجتماعي متشابه من حيث تعليم الوالدين سفرهم
واقامتهم في اكثر من قطر, تعليم الابناء في مدارس اجنبيه وبالتالي يعرفون
الفالنتاين وغيره اكثر من عيد الوحده وعيد العلم وعيد الاستقلال, حتى الاكل
السائد في البيت تأكد بانه خليط لموائد كثيره,الموسيقى التي يسمعها الوالدين
هي ليست نمط واحد, التعود على الانفتاح على شعوب اخرى وزملاء الدراسه كلهم
اجانب تعودت مياده ان تصاحب السيخيه و البوذيه و اليهوديه والمسلمه معا,
لانه في بيئات مثل هذه تذوب مثل هذه الفوارق وتظل الانسانيه.
اذا ارتبطوا هؤلاء اتوقع لهم كل نجاح
اولا
دعم ومساندة الاسرتين بتمليكهم حتى خلاصة تجاربهم حول الزواج المختلط.
عدم التشنج في الرغبه في سيادة نمط محدد للاسره, هذه اسر بمواصفات عالميه.
ثانيا
اتساع الافق والمقدره على التكيف فهذان الشخصان تعودوا على التنقل وبالتالي
سرعة التكيف والتأقلم والتقبل للآخر.
فكيف يمكن ان نسمي مياده بانها فتاة سودانيه!!!!!!
هي ليست سودانيه تقليديه او تمثل النمط السوداني المعروف.
مثلها لن تفهم حتى لماذا اختيارها الخاص يمكن ان يكون موضوع تساؤل!!!!
وهل لو تزوجت هي سوداني تقليدي حتسعد؟؟؟؟؟؟؟؟؟؟
انا اعتقد لا,لكن لو سوداني حياته بتشبه حياتها ممكن تنجح.
لكن للاسف ان مياده ليست هي عينة البحث هنا, اليس كذلك ؟؟؟
نحن نتحدث عن السودانيات العاديات
البياكلوا الكسره والعصيده و القراصه
وبيحبوا الحلومر والشربوت وام جنقر(دي خاصه لعمر الفاروق)
وبيطربوا لوردي ومحمد الامين وعقد الجلاد ومديح اولاد البيت
وحنينات وما بيحبوا يفارقوا اهلهم.
ديل فعلا زواجهم بالاجنبي مشكله كبيره.
وساعود لهم.
ولكم.
تراجي.
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: Tragie Mustafa)
|
هذا السؤآل ينطوى على قدر كبير جدا جدا من الوصايه على المرأه ، ويعكس فيما يعكس ، مدى التسلط الأبوى الرجولى على المرأه.
سلوى محمد صيام ، سألت سؤآل جيد ، مأ رأى صاحب البوست من زواج الشباب السودانيين من فتيات أجنبيات .
وأضيف أسئله أخرى :
ما رأى صاحب البوست فى السودانى الأجنبى ؟
وما رأيه فى السودانى الذى كرس وقته وطاقاته للمساهمه فى المزيد من قهر السودانيات والسودانيين ؟
وماذا يضير الفتاه السودانيه اذا تزوجت بأجنبى شعرت بأنه شخص يتمتع بانسانيه لا تحدها ضفاف ؟
ومن الناحيه الجغرافيه والناحيه العرقيه والأنثروبولوجيه ، هل هناك ما يمنع من ذلك الأرتباط ؟
وما المغزى من عملية أن نتزاوج على سبيل التجربه ( النوحيه ؟؟؟
مع أسخن التحايا
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: كمال قسم الله)
|
ووووووك الحوار سخن ...
الأخ صاحب البوست...
أولا : زى ما قال الأخ كمال قسم الله تساؤلك فى عنوان البوست
استفزازى....
( بعدين فتاة وليس فتاء ) .
ثانيا : ما زلت مصرة ان الجملة الأخيرة تعتبر ضمن القذف ..
والادانة لكل من تزوجت باجنبى ...فالادانة المسبقة هى القذف ببساطة .
ثالثا : أكاد أحس بالدافع الذى دفعك لكتابة هذا البوست .
رابعا : أحترم وجهة نظرك ولا أحجر عليها...واتمنى المزيد من
النقاش حول الموضوع للفائدة العامة .
خامسا : أنا مع رأى الأخت تراجى ...حول ضرورة التكافؤ الاجتماعى
والثقافى كشرط لنجاح المؤسسة الزوجية .
سادسا : أعجبتنى كل التداخلات أعلاه ....
فما أجمله من بوست .
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: AMNA MUKHTAR)
|
الاخ صاحب البوست والمتداخلات /ن
سلام ..
لقد فرضت الهجرة والاغتراب ، ظهور الكثير من الزيجات والتي لابد منها ، وما دامت الفتاة المهاجرة لاتملك كل الخيارات في يدها فلها أن تختار من البيئة التي تعيش فيها ، مثلها مثل الرجل تماما ، وهي حرة في خياراتها وما دامت ترى في الجنسيات الاخرى من هو كفؤا لها فربنا يسعدها ، خاصة ان معظم الشباب السودانيين في دول المهجر يعانون الكثير من المشاكل والانفصامات ، ويدمنون الكحول والمخدرات ومنهم من جنّ ومنهم من ينتظر ، فمعظم اللائي تزوجن من سودانيين واجهن مشاكل ووروهن نجوم الضهر ، واحسن ليها تتزوج من جنسية مختلفة ولا تودر بطانة ؟؟( وليداتها ) فهي عندها مشاعر وتريد ان تعيش حياتها ، .
اما الشق الاخر اتفق مع الاخوة أنه تعدي على هذه الانسانة فلو سمحتة امسح هذا الجزء ..
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: عشة بت فاطنة)
|
وقفة للتصحيح )
التحية والاحترام لبنت بلادي .. وانا اذ اثير جدلا واسعا في هذا الموضوع لا اقصد في ذلك الا دراسة الوضع الاجتماعي وفق المنظور الحياتي ولم يكن في المقصود أن تتم تعبئة المرأة السودانية " التي أكن لها احتراماتي " من خلال مأاكتب أو انشر ....
و" ياعازة " احمل لك في صدري كل الحب
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
وحقا مازلت اريد من السيدة الكريمة ( تراجي ) واخواتها ان تعلم تمام العلم ان التوافق الاجتماعي كما ذكرت الاخت تراجي " بشجاعة متناهية " تحسد عليها ، فهذا مارمي اليه ديننا الحنيف والذي يضرب أروع الامثلة في المنهج والاسلوب والخصوصية الرائعة التي يتناول بها موضوع الزواج والانساب .. بالرغم من تشجيع الاسلام على التزوج في حالة الفقر عندما يكون الزواج دواء لعلل المجتمع وحفظا للنفس " المتأثرة " .. وهنا ايضا تأتي عظمة الشارع الحكيم عندما يعطي الحرية.
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
الزواج حرية مطلقة في الاختيار ) فهذا مااشار اليه المنهج الاسلامي في مسالة الاختيار على اساس ان لايخرج من نطاق الاسلام فهو العامل الرئيس الذي يشكل محور التحكم فالعقائد هي مسالة مصيرية لايمكن ان يترك لها الباب مفتوحا وحينما خلق الله المرأة اورد انها ذلك المخلوق العاطفي الذي يوصف بالمتأثر عاطفيا لذلك ، اعطيت حرية في التخيير في اختيار الزوج ( رغما عن اختلاف جنسيته عن جنسيتها
لكن في مايخص الاعتقاد فهنا تكمن القضية ، فكما اشرت الى ان الرجل يكون في موقف القوي وهنا لاتستطيع المرأة كثيرا وغالبا ان تخالف زوجها في هذا العنصر الاساسي
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: هوارى)
|
Quote: انا شخصيا اتزوج عندما احب
وتزوجت لاني احببت
|
كلام متفق عليه
انا شخصيا ما عندي مانع و الفروقات تذوب مع العشرة و التفاهم
انا لا اجد السوداني الا كوم عقد و مشاكل لا حصر
رؤيته للمرأة في الغلب كشئ يوفر له الحياة الكريمة
لا فهم و لا نقاش دا الغالب
الاسلام لم يحدد الزواج من الاجنبي
و الامر متعلق بصلاح الدين
هسي كان اتكسرت انت في خواجياية ح تمشي حلتكم تعرس منهاو تخلي حبك
الزواج احساس وتضحية في الاصل و مسئولية في النهاية
حين كنت خارج السودان خطبني عدة اشخاص غير سودانين رفضي نابع كان ما من الجنسية بقدر مسألة توافق فكري و ما اظن ابوي الله يرحمو كان ح يرفض خياراتي
الفتاة السودانية ذات وعي عالي و شخصية واضحة و لها مقدرة علي التمييز
فتش لي الفرنسي المسلم و انا اعيش التجربة و اجي احكي ليك لوووووووووووووول
| |
|
|
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: خضر الطيب)
|
خارج الموضوع
جاتنى سرحة وأتخيلت ليك راجلا ضكر وود قبائل
مابريد الخمج والمسخرة -- اختلف مع زوجته
وبعد نقاش حاد فى ليلا اسود
طلقها وارسلها لبيت ابوها
(لاحظو رجعها -رجعادى
ونام يشخر كمان-
والبغيظ المجتمع الذى لا يستنكر بل يسترضى
هذا السبع ليعيد هذه الولية المغلوبة هى وعيالها
لعرينه المزعوم -رحمة بوالدها الذى لا يملك قوت يوم
ورجعت للواقع بسرحة اعادت لى التوازن
حينما سرحت فى خيالى مع رجل اخر
يعيش وراء البلطيق
وفى ليلة لاتتوقف فيها العواصف والثلوج اختلف
مع زوجته وام اولاده -وخرج من منزله
الى المجهول زاده وعتاده هو احساسه بنعمة
ان ابنته الصغيرة نائمة فى حضن امها يحميها
من قسوة ذاك البرد الذى اتلف عظامه
وقلت - ايهما اقرب الى رسول الله؟
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
الاخ / احمد معتصم
لك التحية على طرح هذا الموضوع الهام والذي بدات تتكشف لنا من خلال مداخلات الاخوات
اللاتي خضن تجربة الزواج من الاجنبي وهذه شجاعة نشكر اخواتنا المتداخلات عليه , وهن
صاحبات تجربة في هذا الموضوع وهي تجربة حقيقية لايستهان بها وهن جديرات بتقييم هذه
التجربة وعكسها لاخواتنا اللآي لم يسبق لهن الزواج ...
| |
|
|
|
|
|
|
|
|
|
Re: لماذا تقبل الفتاء السودانية بزواج الأجنبي?!! (Re: احمد معتصم الطيب)
|
ولماذ لا تقبل بالزواج من أجنبي. إن بعضاً من الحكمة في مشروعية الزواج هي الإغتراب أى الزواج من غير الأهل وبالضرورة القبيلة ومن ثم الوطن قاطبة .
الرجل في مجتمعنا هو من بيده القرار وبنسبة كبيرة في موضوع الزواج . غالباً ما يتزوج الرجل في سن متأخرة وتقدم عمر الرجل في كثير من المجتمعات لا يقف عقبة في طريق زواجه بعكس المرأة التي غالباً ما يشبهها البعض بالزهرة لقصر عمرها الذي يتيح لها الزواج. زواج المرأة من أجنبي أياً كان سوف يحسن الكثير من المفاهيم والصور الخلقية في المجتمع بدلاً من التقاليد البالية بأن يتزوج الرجل بت عمو والزول بغطي قدحو وفضلنا نغطي في الأقداح بنظام كوبي وبيست لمن البلد كلها بقت أبو القدح زاتو.
تخريمة قدحية برضو:
واحد دفع لي واحد في الحافلة ، التاني زعل وقال ليهو بتعرفني من وين تدفع لي ، رد عليهو إنت مش أحمد ، يا أخي أنا لا أحمد لا حاجة ، قال ليهو لا حول ولا قوة إلا بالله ، والله كترة أكل الشعب لي مرقة الجداد خلى الناس كلها تتشابه.
| |
|
|
|
|
|
|
|
|
|
| |
احمد معتصم الطيب
خالد
othman mohmmadien
Muna Khugali
خضر الطيب
فيصل نوبي
مشتاق
Tragie Mustafa
كمال قسم الله
عشة بت فاطنة
willeim andrea
فيس بوك
تويتر
انستقرام
يوتيوب
بنتيريست