كتب الكاتب الفاتح جبرا المتوفرة بمعرض الدوحة
|
في ناس كتار معترضين على بوستات الكورة.!!!
|
في ناس كتار معترضين على بوستات الكورة...
ليه؟؟
والله انا ماعارف!!
وفي ناس كتار انا منهم معترضين على بوستات السياسة !!
لكن في دي انا احتمال اكون عارف!!
انا عن نفسي ولمحدودية معرفتي بالسياسة ولشدة كراهيتي للسياسة والسياسيين وهو في نظر الكثيرين منحى سلبي وهروب من الواقع وما إلى ذلك من (حديث منابر النقاش) لكنه بصراحة موقف كثير من شعوب العالم التي كان متنفسها الوحيد في الرياضة بغض النظر عن مستواها!!
لذلك حصرت نفسي في بوستات الرياضة(في هذا المنبر) ومايخطه يراع كتاب كبار مثال: عضو البورد(ابو جهينة) وبعض الاخوة الافاضل ومع ذلك لم نسلم من الهجوم فإذا انتفت عنا صفة السياسة وممارستها نعتنا اخرين ب(الجلابة) وإذا نجينا(تطلع الرياضة عيب)يعني في النهاية الذنب راكبنا غصباً عننا!!
نسوي شنو؟؟
وانا اوافق الاخ الطيب الحرية مكفوله للجميع (اقرأ مايحلو لك ويتوافق مع مذاجك وذوقك ولا تفرض مذاجك على الاخرين(وللجميع الحرية في إنتقاء مايريدون) فانا اقصد المكتبة كل صباح واشتري كل الصحف الرياضية تقريباً ولا امتعض من بقية الصحف والكتب الموجودة سياسية كانت ام غير ذلك(ولا حق لي في ان اخبر صاحب المكتبة ان يوقف بيع المطبوعات السياسية والمطبوعات غير الرياضية!!)(وهو امر بديهي)
وفي نظري السبب الرئيس للقبح هو الترويج له بالردود او مجرد القراءة وترك انطباع برواج الموضوع!!
والحل بسيط (انا شخصياً في كثير من المواضيع بضقل بالكورة قبل الموضوع وامررها من فوقه دون ان تلمسة رجلي او الكورة) يعني افصل ليه جلابية ولا اترك له فرصة الاحتكاك بي تجنباً للفاولات.
عموماً بعد الهضربة دي انا مقتنع بان اصحاب بوستات الكورة اقل الناس ضرراً!!
و ماعندي ليكم غير نكتة الراجل السكاه كلب قبل شمال يمين اي حجر يحاول يشيلو يلقاه غاطس في ا########## لمن زهج قال تربطو الحجار وتفكو الكلاب!!
|
|
|
|
|
|
|
|
Re: في ناس كتار معترضين على بوستات الكورة.!!! (Re: سامى عبد الوهاب مكى)
|
اؤيدك اخي سامي عبدالوهاب
وانا مثلك حصرت نفسي في الرياضة وابتعدت عن السياسة لانو هذه المنابر تعتبر وسيلة ..... للسياسة والسياسة لديها ميادين اخرى غير الكتابه من خلف الكي بورد
لذلك يازول أبعد عن الضغط والسكري وخلينا مع ناس ودالفاروق الظريفين ديل والذي بدوره ابتعد اياماً للسياسة وجاء راجع تاني قال احسن الهلال وبعد الهلال ما اتمطلش ماعارفو بمشي وين تاني
لذلك ياخوي
اؤيدك وبشدة والرياضة دي ذاته لو لقينا ناس بتاعين ا ساءات بنبعد منها ...
مع تحياتي
ابومصطفى
| |
|
|
|
|
|
|
Re: في ناس كتار معترضين على بوستات الكورة.!!! (Re: سامى عبد الوهاب مكى)
|
حبيبنا سامي : كالعادة بجيك ناطي اول زول تلللللللبت ..
Quote: لكنه بصراحة موقف كثير من شعوب العالم التي كان متنفسها الوحيد في الرياضة بغض النظر عن مستواها!! |
والما مصدق الكلام ده يدخل الإستاد .. تعرف يا سامي المتنفس الوحيد في السودان كلللللللللللو هو الإستاد .. المتشاكل مع مرتو بيجي يخش الكورة وكل مشاكلو العائلية يكبها ليك في الإستاد .. العليهو ديون بيجي ينساها في الإستاد .. الجنهم سياسة بيجوا يخشو الإستاد .. وانت واقف في المساطب الشعبية بي يمينك بيكون واقف زول محترم لافي العمة حسين خوجلي وبيدخن في البينسون وبي شمالك بيكون واقف واحد شايل علبة الأورنيش وبيشم في السلسيون وانتو التلاتة بتضحكوا وتتونسوا في نفس الموضوع وتنططوا نفس النطة تفرحوا للقون وتنبزوا اللاعبين تنظروا وتتفلسفوا بلا رقيب ... وانا داخل الكورة يا سامي بكون شايل تيرمس الشاي وربطة القصب والكريستال والفول المدمس والله التقول ماشي لي رحلة .. واول ما تقعد في الكرسي تلقا الناس الجمبك كلهم ما بتعرفهم وفي اقل من دقيقة تلقا نفسك تبادلت معهم اطراف الحديث .. ده يديك تسالي وده تمد ليهو كباية الشاي وداك يقول ليك لو سمحت الموية دي ورابع يحلف عليك طلاق عشان تشيل ليك سندويتش .. والله يا سامي ما حصل دخلت الإستاد وطلعت مغموم حتى لو الهلال مغلوب .. الناس الهنا ديل ما اظنهم خشوا دار الرياضة وشافو عمك علي وهو بيوزع في التسالي للجمهور .. الناس الهنا ديل ما اظن شافوا خريستو وهو ماسك الجريدة مقلوبة وبيقرا للجمهور.. الناس الهنا ديل ما اظنهم شافو كمال افرو ورواد الدار .. الناس الهنا ديل ما سمعوا إسحق اب قرن ولا شافو فرقة الهلال .. الكورة البيكرهوها دي قمة التسامح والإخاء .... يتساوى فيها الغني والفقير والمسلم والمسيحي والشيوعي والكوز ... تكون في المكتب اكتر زول جادي ومدير كبييييييييييير تدخل الإستاد تنطط زي الأهبل اي كلمة تجي علي لسانك مسموح بيها داخل الإستاد تتنفس جوة الإستاد كل عكر الدنيا الكان برة .. والله يا سامي شفت نتغلب عشرة من مصر يدونا خمسة التوانسة الفريق القومي يتغلب من جزر القمر الكورة دي ما بنخليها ..
تخريمة : الناس الهنا ديل يا سامي ما اظنهم حضروا لمن المريخ شال كاس مانديلا والمرحوم الضو حجوج ضبح الجمل في نص ظلط الاربعين للجمهور اللي جاهو ساير من العرضة جنوب والبيت كان مفتوح لي اي زول ... ولا حضروا تأهل الهلال للنهائي والسيرة البي الرجلين من اطراف العاصمة حتى الوصول للإستاد والسهرة حتى الصباح ...
| |
|
|
|
|
|
|
Re: في ناس كتار معترضين على بوستات الكورة.!!! (Re: سامى عبد الوهاب مكى)
|
كيجا الفكي : شايفك بقيت شغال بخرات ودعوات عشان المريخ يفوز (إنتو ربنا ده ما بتعرفوهوا إلا وقت الزنقة ؟؟؟؟؟ )..
Quote: ابتعد اياماً للسياسة وجاء راجع تاني قال احسن الهلال وبعد الهلال ما اتمطلش ماعارفو بمشي وين تاني |
والله صدقت يا كيجا ..نلف ونلف ونلف غير الكورة دي ما في شي بيريحنا .. وغير فوز المريخ مافي شي بيعكر مزاجنا .. والهلال ما فايتنوا تب إلا إذا وافقوا كلام اخونا الطيب وشالوا الملعب من امدرمان .. غايتو بختكم كان نقلوا الملعب انا بقلب مريخابي
تخريمة : اها دفعت الضرائب ولا لسة زايغ ...
| |
|
|
|
|
|
|
Re: في ناس كتار معترضين على بوستات الكورة.!!! (Re: سامى عبد الوهاب مكى)
|
Quote: وانا داخل الكورة يا سامي بكون شايل تيرمس الشاي وربطة القصب والكريستال والفول المدمس والله التقول ماشي لي رحلة .. ده يديك تسالي وده تمد ليهو كباية الشاي وداك يقول ليك لو سمحت الموية دي ورابع يحلف عليك طلاق عشان تشيل ليك سندويتش |
عاد دي حاله دي ياود الفاروق انت قايل روحك وين!!!
الكلام دة في المريخ مافي ابداً
اول ماتقعد يجيك الجرسون يقول ليك تشرب شنو ياسيد؟؟
تطلب اي حاجة تجيك في ثواني.
يجيك واحد يقول ليك التسالي طبعاً يباع مقشر حفاظاً على جمال الاستاد والفول ايضاً وكذلك!!
تنتهي منديل يجيك واحد شايل مناديل ورق!!
ده في المساطب الشعبية اما في الجانبية والوسطى بتلقى الكرسي مكتوب عليه اسمك ومعاه هدية (اي حاجه ساعة خاتم دهب بشعار المريخ) غير بقية الخدمات!!
في المقصورة الرئسية يمكنك التحكم في التكيف من مقعدك ويوجد بوفية مفتوح مع استوديو تحليلي يشارك فية الجميع منقول على الهوا مباشرةً
تقول لي اشيل معاي العمود وملاح الخدرة وطبق كسرة واقسم للجيران لحم السماية!!
لا كان كده بيعوة فضحتونا!!
ويناس المنبر المعترضين عمر الفاروق ده ماتبعنا اطردوه الليله اسلوبو ماحضاري خالص خالص...وجلابي وظلامي كمان وهلالابي!!
قلت لي شنو ياراكوبا وابو مصطفى!!
هههههههههههههههههه
عمر الفاروق بتغسل يديك وين بعد الوليمه دي ولا بتقشها كرباوي في قميص الجنبك(مااا كحلي)
| |
|
|
|
|
|
|
Re: في ناس كتار معترضين على بوستات الكورة.!!! (Re: سامى عبد الوهاب مكى)
|
يا ايها الصهاينة : والله انا لمن ادخل إستادكم قاعد يزكرني بصات ابو رجيلة والله نفس الكراسي ومرات كتيرة بقول مليون في المية مشيتو المؤسسة العسكرية محل الورش وجبتو الكراسي دي .. بعدين كان للتسالي والله ما فايتكم ومش تسالي ساي لالالالالا تسالي قرع كمان .. وكان للمشروبات ياهو الكركردي البتجيبوهو لينا في قزاز البيبسي ده !!!!! وفي مرات كتييييرة وإنت داخل البوابة تلقا ليك زول خاتي ليهو حلة كبيييييرة ولا باقة وشابكنا بررررد بررررررررد بررررررررررد .. اما حكاية التبش بي الشطة والبطيخ المقطع دوائر دوائر داك فخلوهو ساي !!!!!! ولا تزال مشكلة الحفرة قاااااااااااااااااائمة ... ووجع الرقبة ما تنسوهو ... غايتو كان ما إستادكم ده جمبو جامعة الأحفاد الواحد ما كان جاهو زاتو ...
| |
|
|
|
|
|
|
|