|
Re: غير صـالح للنشر ... ما هي المقايــس ؟ (Re: hala alahmadi)
|
هالة الاحمدى سلام وتحية وتمنيات ليك بموفور الصحة والسعادة.
لقد فوجئت مثلك بتحويل البوست الى سلة "غير صالح للنشر". وقرأت مداخلتك الاخيرة فيه. هنا رصد الصحفيه ناديه عثمان لمذبحه الميدان .. او ..عندما يدعي الأعلأم الحياد !! ما هو معيار الصلاح للنشر؟ وما الذى جدّ بقدرة قادر كى يتحول البوست من صالح الى غير صالح للنشر.؟ طبعآ من حق بكرى ان يفعل ما يشاء فالبورد ملكه. ولكنى لا ارى مسوغآ ان يعتدى بكرى على حرية النشر والتعبير. بالذات فى هذا البوست الذى ليس فيه مهاترة او اساءة او اغتيال شخصية. صحيح فيه نقاش حاد واختلاف فى وجهات النظر. وهذا بالضبط ما يجب ان يحدث فى هذا المنبر. حوار وخلاف واختلاف. ولا ادرى من اين اتت نادية عثمان بالكلام عن اتهامها بالعمالة للحكومة المصرية؟ كلمة رصد فى عنوان البوست لا تعنى رصيد.. انا احترم نادية عثمان واتابع مساهماتها. ولكن عليها ان تتحمل النقد والاختلاف. ليس فى الامر عجب. وادعو بكرى ابوبكر ان يعيد البوست للتداول.. وان يصمم سياسة واضحة وموضوعية لما يسمى بعدم الصلاحية للنشر. انا رأيى الا يكون هناك اى حجر على اى موضوع مالم يخالف قوانين المنبر والذوق السليم.
كما اننى اتابع مساهمات هالة الاحمدى وتجدنى معجبآ بهمتها وسعة افقها ورحابة صدرها، واصرارها على نقاش اى موضوع من شأنه الاضافة الى الوعى المتنامى بحقوق الانسان وحقوق الطفل وحقوق المرأة وحقوق الاقليات والمواطنة، وقضايا السلام فى السودان وقضايا التحول الديمقراطى.
| |
|
|
|
|
|
|
Re: غير صـالح للنشر ... ما هي المقايــس ؟ (Re: Adil Osman)
|
خلونى اقول ليكم الحقيقة كاملة ..وارجو انه الناس تستحمل النقد ..
مع انه اصعب حاجة فى المنبر ده انه زول يستحمل النقد
اها استعدوا للحقيقة وخلوكم خاتين فى بالكم اننى احترمكم جميعا.
حقيقة الاتظلم فى القصة دى كلها..
هالة الاحمدى..
يا تراجى مع احترامى ليك انت واحده من الناس الساعدوا فى ظلمها..
لانو نادية اختفت من البورد..
و"اصدقاءها" وصلهم مسألة عدم تواجدها ده ..كأنه فى فعلا "تجريح" حصل..
ومشوا اكتر فى تفسير صمتها..لان "التجريح" ده سببو .."حسد وغيرة" عشان نادية هى بتفهم صحافة اكتر من اى "عنقاليه" تانية ..ما درست صحافة..وهى نا جحة والناس "الحاسدين ديل" دايرين بنقصوا من قدرها..ويقيفوا فى طريق نجاحها...
وجوا ..يحملون سياط "الانتقام" ..
ومن اجل انهم يتوددوا لنادية...كصديقة ..ضربوا بعرض االحائط بحقيقة واحده..انه نقد الاعلام والصحافة ليس بالضرورة لدارس الصحافة والاعلام..لانه نتاجهم مملوك للجمهور..ولا يصلح ولا يستمر الا بموافقة الحمهور..انه ال common sense يا سادة..
المهم دخول تراجى ونشرها لسيرة هالة الذاتية كانت اظنها نابعه من ملاحظتها لانه المتصدين لى نادية ..كانوا بيميلوا لامجادها..وتاريخها وانه هالة ما عندها امجاد "ولا شنو ما بعرف؟؟
المهم دخلة تراجى قلبت الموازين على موضوعية هالة..
وحتى لو كانت وجهة نظر هالة ..غلط او صاح..الكلام اتحول الى شى شخصى ..
والاحسن منو؟؟ والحاسد منو والغيران منو..
كان ممكن نادية تتدخل وتوجه انفعالات المشاركين ..بحسها الصحفى والبروفيشن بتاعها المحترفاه..وتجى تشارك فى النقاش.. لكن اختارت ..انها تكتب بوست منفصل..
وده انا بفتكرو زاد الطين بلة..
لانه الكلام ده كان ممكن يتحول لنقاش هادف هنا..ويطيب النفوس..
واسوأ خطوه ..اتخذتها نادية بعد داك هى ترحيل البوست الاصل ...ل غير صالح للنشر..
البوست ده ملك هالة ..وهى الابتدعتو والنقاش مازال جاريا..
كيف يتنقل لغير صالح للنشر؟؟ بعد كل المداخلات الاتعملت دى ..
وكل الكلام القيم الاتقال؟؟
دى عدم عدالة واضحة وظلم بين .. ---------------------------------------------
ولكم تحياتى وتهانى بالعيد السعيد الكلام ده منقول من بوست تراجى وهى تهنىء نادية عثمان بالعيد السعيد..
| |
|
|
|
|
|
|
Re: غير صـالح للنشر ... ما هي المقايــس ؟ (Re: Tumadir)
|
هالة سلامات ياخوانا دعونا نتفق مرة واحدة في موضوع نحن شعب بحب الاختلاف عشان كدة الجبهة قعدت سبعتاشر سنة والكيزان زمان كان عندهم اغنية بتقول حاجة تجنن مش معقول تجمع بوب يذوب علي طول شماتة بالتجمع لكثرة الخلافات به نرجو الا ينتقل هذا الخلاف للمنبر ويفسده مع تقديري
| |
|
|
|
|
|
|
Re: غير صـالح للنشر ... ما هي المقايــس ؟ (Re: khaleel)
|
Quote: هالة سلامات ياخوانا دعونا نتفق مرة واحدة في موضوع نحن شعب بحب الاختلاف عشان كدة الجبهة قعدت سبعتاشر سنة والكيزان زمان كان عندهم اغنية بتقول حاجة تجنن مش معقول تجمع بوب يذوب علي طول شماتة بالتجمع لكثرة الخلافات به نرجو الا ينتقل هذا الخلاف للمنبر ويفسده مع تقديري |
مشكور خليل .. على المداخله ..،
الأختلأف فى الرأيي شئ طبيعى .. الناس لأ ترى الأمور من زاويه واحده اخى خليل،
و لأ ارى ما يدعو للقلق من "الأختلأف" ،
| |
|
|
|
|
|
|
Re: غير صـالح للنشر ... ما هي المقايــس ؟ (Re: Tumadir)
|
Quote: البوست ده ملك هالة ..وهى الابتدعتو والنقاش مازال جاريا..
كيف يتنقل لغير صالح للنشر؟؟ بعد كل المداخلات الاتعملت دى ..
وكل الكلام القيم الاتقال؟؟
دى عدم عدالة واضحة وظلم بين .. |
البوست ملك المتدأخلين/ات جميعا ..،
انتقاله الى "غير صالح للنشر" و مسحه سيان، لن يكون فى الأرشيف بعد ذلك،
شكرا العزيزه تماضر .. و كل سنه و انت و من تحبين بألف خير،
| |
|
|
|
|
|
|
Re: غير صـالح للنشر ... ما هي المقايــس ؟ (Re: Adil Osman)
|
Quote: ما هو معيار الصلاح للنشر؟ وما الذى جدّ بقدرة قادر كى يتحول البوست من صالح الى غير صالح للنشر.؟ طبعآ من حق بكرى ان يفعل ما يشاء فالبورد ملكه. ولكنى لا ارى مسوغآ ان يعتدى بكرى على حرية النشر والتعبير. بالذات فى هذا البوست الذى ليس فيه مهاترة او اساءة او اغتيال شخصية. صحيح فيه نقاش حاد واختلاف فى وجهات النظر. وهذا بالضبط ما يجب ان يحدث فى هذا المنبر. حوار وخلاف واختلاف. |
شكرا عادل .. اخذت من مداخلتك مايتفق مع سؤالى .. فى عنوان البوست،
و حقيقتا لأ اريد ان اكرر ماطرحت فى البوست السابق ،
تعقيبى هنا يكون حول كيف يعرف "النقد" من "اغتيال الشخصيه" ..، و هل من حق الأعضاء انتقاد كتابات شخصيات عامه و هم اعضاء/ات فى البورد ايضا،
هل يستطيع صاحب/ت البوست ان يتحكم فى كتابات المتداخلين.، بل هل من حقه/ا ذلك،
و هل يعنى اذا اختلف الأعضاء اختلأف حاد سوف يحول البوست الى "غير صالح للنشر" و يعدم بعد ذلك،
و ما الفرق بين البوست خاصتى المحول الى "غير صالح للنشر" و بين الأنتقادات التى وجهت الى الفنان وردى ..، ارجو ان لأ يفهم انى اريد البوست ان يتحول الى ذلك المكان،
تحويل البوست الى "غير صالح للنشر" و اعدامه سيان فى رأيى، لأنه يمسح بعد فتره زمنيه محدده(شهر .. على ما اعتقد)
| |
|
|
|
|
|
|
Re: غير صـالح للنشر ... ما هي المقايــس ؟ (Re: Adil Osman)
|
العزيزه هاله
كل عام وانت بخير مره ثانيه.
البوست صالح للنشر جدا.
وكما اسلفتي :
لقد انتقدنا نقدا حادا ولازعا كل من كتب من الصحافه السودانيه
بسؤ او ضحاله عن موضوع اللاجئين
ولو تذكري تناول البورداب لمقالات سيد احمد خليفه
وكيف صليناه نارا, بكل اللوان طيفنا السياسي.
ورغم ذلك لم يحرك بكري ساكننا,
وكان ذلك هو الطبيعي.
فما الذي جد في الموضوع.
الجديد في الموضوع
انه في نوع من البشر وبالذات بعض الرجال بيدخلوا نفسهم في الما ليهم فيه.
كلنا نذكر كم شكله قامت في هذا المنبر
ورجال اتلايقوا في بعض لما قرفونا
وحسين ملاسي وعثمان محمد صالح و المطارده من بوست لبوست
لما كرهونا البورد
لاقلنا لعثمان انت احسن من ملاسي
لا قلنا لملاسي انت بتغير من عثمان
تقدري تقولي لي ليه بعض الرجال نقدنا لتناول ناديه الاعلامي
طوالي اعتبروه غيره بل وحسد !!!!!
ولمتين نحنا الرجال بيختونا في الحته البايخه دي؟؟؟؟؟
وياما اختلفت مع اخوات كثار في هذا البورد
وختيناه قرض زي ما بيقولوا
ليه ماا نحشر مليون واحد من المطبلين ديل؟؟؟؟؟؟
لازلت اكرر ان ناديه كعضوة بورد وصحفيه ومقيمه في مصر
قصرت في تسليط الضؤ على قضية اللاجئين
ولا اعتقد لانها تعمل في صحيفه حكوميه او خايفه من الآمن المصري
لانه المنفعل حقيقة بقضية اللاجئين كان ممكن يكون عنده
مليون طريقه يوصل بيها صوته.
كان ممكن ولو عن طريق الماسنجر توصل لناس بتثق فيهم صوتها.
تدينا معلومات نحن ننشرها تحت مسؤليتنا.
مش كده وبس
في يوم المذبحه نفسه
ولسه الدم ما نشف من على الاسفلت
رجعت للبورد ترفع في بوستات ماليها اي علاقه بالمأساه.
كل هذا كان ممكن نقبله لو حددت موقفها من البدايه
وكتبت زي عمر الفاروق
او زي المدعو الصادق عبد الرحيم
او حتى حسين ملاسي السمى الوطنين كلهم( المببغون)
او تلتزم الصمت زي ناس وحدين سكتوا يوم ورجعوا ثاني يوم
رفعوا بوستاتهم الما ليها اي دخل بالموضوع.
المحزن وعندي مستفز جدا انها رأت بعينها
دمائهم على الاسفلت
واغراضهم الصغيره المبعثره
وشمت الهواء الذي لازالت ارواح من صعدت منهم كانت به,
ورغم ذلك بعد كتابة كلمة تعاطف هنا وهناك
كانت تعود لبوست الولد الغياظ...!!!!!!
غايتو قد اكون مجنونه في نظركم لا يهمني
لكن ذلك كان فوق احتمالي.
ومره اخرى انا اسفه يا ناديه
لو توقعتك تنفعلي بالهم السوداني مثلي.
فانا يا عزيزتي حديت حتى من القهوه التي احبها
ظللت مصدعه اسبوع لاني لا ادري كيف حال من تبقى منهم!!!!
قلت لنفسي القهوه حرمانه على مالم اعرف ماذا حدث بالتفصيل
ونملكه للجهات التي ستأخذ حقهم.
قد اكون ظلمتك
لانك كنت تبدي لي رقيقه وحساسه
والرقه والحساسيه عندي
تعني الانفعال بالام البشر
وصرخات الاطفال الجائعين ,تعني و....وتعني
من معاني يبدو انها عندك تعني شيئا آخر.
وحقكك علي
لاني اعتقدتك شخصا مختلف.
وطبعا لست مسؤله من توقعاتي. من شخصك!!!
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: Khalid Kodi)
|
الأخوات الكرام جداً بدون فرز ( أخص ) الأستاذة هالة الأحمدي الأستاذة نادية عثمان الأستاذة تراجي مصطفى
لك فائق التجلة والاحترام . حقيقة اكتب وكلي أسى لما وصل إليه الأمر إلى هذا المستوى. وأشكر الأخت تماضر على توضيح بعض (الحقائق) وأضعها بين أقواس لأن الكلام الذي نشرته وألبست عليه مسمى حقيقة هو ليس الحقيقة الكاملة، ليس لأن لدي الحقيقة الكاملة أو لأن لدي الكثير مما أعرفه حول الموضوع ولكني فقط أحسست بذاتية الطرح مع احترامي التام جداً للأخت تماضر.
ولكن أقولها وبكل صدق أن نقل بوست الأستاذة هالة تم ليس لأن الموضوع نفسه (غير صالح للنشر) فلقد رأينا البوست (صالحاً للنشر) حتى بلغ عدد (صفحتين) وحتى وقت قريب كان موجوداً ولكن في اعتقادي أن الحذف تم بناءً على التبعات التي ترتب عليها البوست. وكما أعتقد أن الأخ بكري حذف بوست الأستاذة نادية والذي نعتته الأستاذة هالة بأنه (بوست درامي) لنفس السبب كذلك. ولا علم لي إذا كان هنالك أمور تجري تحت الطاولة. ولكن هذا هو تخميني وليست المسألة مسألة ظلم أو تعدي على حقوق نشر أو أي معنى آخر قد يؤدي إلى تصعيد وتيرة الانفعال لدى جميع الأطراف.
نقطة ثانية: نحن كأعضاء في المنبر مستاءون جداً من هذه المراشقات بغض النظر عن انحيازنا لصالح طرف ضد الآخر. وعليكم أن تقيسوا المسألة بالنسبة للاخوة غير الأعضاء. فأعتقد أن هذه الناحية وضعها الأخ بكري في حسبانه عند حذف (البوستين) كما أعتقد أن الحذف كان متزامناً في وقت واحد.
نقطة أخيرة: للأخت هالة الأحمدي (وأنا لا أعرفها كما لا أعرف الأستاذة نادية فأنا جديد عهد بالمنبر) إذا افترضنا وجود (انحيازية) فلا أعتقد أن هذه الانحيازية تعني لا ضمنياً ولا بشكل صريح التحزب ضد الطرف الآخر (عن نفسي شخصياً) ولكن الموضوع بكل بساطة ( هل كان فرض عين على الأستاذة نادية أو أي صحفي آخر في موقعها أن يكتب كلاماً يرضي شخصك؟ أو يرضي أي طرف آخر في هذا المنبر أو غيره؟ ) ألم يكن (الحياد) في تغطيتها الصحفية هو قمة الموضوعية لتفادي مشكلات كثيرة داخل محيط عملها وخارجه؟ أعني أن العمل الصحفي (كما أعرفه) هو مثل السرد التاريخي يجب فيه الالتزام بالحيادية والموضوعية وعدم تمكين الذاتية مهماً كانت الدرجة الانفعالية ومدى حساسية الموضوع لشخص الصحفي نفسه.
سؤال أخير: للأخت هالة الأحمدي والأخت تماضر لماذا الإصرار على جعل البوست (صالح للنشر)؟ حذف البوست أو نقله إلى (غير صالح للنشر) لا يعني حذفه على المدى القريب. بينما يعني بالضرورة عدم اتاحة الفرصة لغير المسجلين بالقراءة. فإذا كان بالإمكان الاستمرار في البوست بنفس الوتيرة أو بوتير أقل أو حتى أعلى وهو في (غير صالح للنشر) مع مراعاة أن الموضوع لن يكون مقروء إلا من قبل الأعضاء فلماذا نحرص على أن يقرأ البوست غير الأعضاء؟ هل هو تصعيد؟ أم هو تشهير؟ أم أن إحساسنا السلبي بكلمة (غير صالح للنشر) أشعل داخلنا هذا الشعور بالغبن؟
ختاماً أتمنى فعلاً أن لا يزداد الغضب فيتسلل إلى القلوب فكلكن أخوات عزيزات ومقتدرات. وكل واحدة منكن مجيدة في مجال عملها وفي موقعها. وتذكروا بأن العيد يأتي بالتسامح. فلنتسامح حتى إن كان الآخرون مخطئين في حقنا . إنها قمة التسامي.
على الهامش: منذ مدة وأنا تساورني نفسي أن أكتب للأخ عثمان محمد صالح بمناسبة العيد. ولم أفعل ظناً مني بأن ذلك قد يؤدي إلى أن يتجاهلني أو أن يفهم هذا التسامح بشكل خاطئ أو أن أو أن..... واليوم فقط تسلمت منه رسالة تهنئة في الماسنجر. ولكم أن تتصوروا مدى تساميه عليّ !!! أريد أن أقول المبادرة بالمسامحة شيء راق جداً فأيّكن ستكون تلك الراقية يا ترى؟
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
تحية طيبة للجميع ، و عيد مبارك و السنة الجاية زى ما دايرين
الاستاذة هالة الاحمدى
قسم (غير صالح للنشر) موجود منذ ان افتتح المنبر بشكله الجديد،
لماذا لم يطرح هذا السؤال فى وقت ابكر ؟ ام اننا لا نحس بالاشياء
الا حين وقوعها، تماما كما حدث بالنسبة لمشكلة القاهرة 30.12.2005!!
الاستاذة تماضر شيخ الدين
كتبت
Quote: واسوأ خطوه ..اتخذتها نادية بعد داك هى ترحيل البوست الاصل ...ل غير صالح للنشر..
البوست ده ملك هالة ..وهى الابتدعتو والنقاش مازال جاريا..
كيف يتنقل لغير صالح للنشر؟؟ بعد كل المداخلات الاتعملت دى .. |
للتوضيح فقط ، لم تطلب الاستاذة نادية هذا، و احيلك الى مداخلتها هذة
Re: كتابى الى هؤلاء مع موفور الاحترام ..والتقدير ..ولست...د أهلى اللاجئين !!!!
فهى طلبت نقل بوستها و اشارت اليه بـ (هذا البوست) و لم تطلب نقل ذلك
البوست و نستدل على هذا من قولها (ويكفى الزوار ذلك البوست).
عذر للزوار لن تستطيعوا دخول الرابط حيث انه فى قسم غير صالح للنشر
الاستاذ حسين ملاسي
كتبت
Quote: دخلة تراجي في أي موضوع يذهب بموضوعيته! |
متفق معاك تماما.
السيد / خالد كودى
كتبت
Quote: هذا بوست جيد، ولي ليس فيه مايتطلب احالته لغير صالح للنشر، |
بعد قراءه مداخلتك هذة ، تأكدت ان البوست يتساهل ان يحال الى(غير صالح للنشر)!
و شكرا
| |
|
|
|
|
|
|
Re: غير صـالح للنشر ... ما هي المقايــس ؟ (Re: محمد الامين احمد)
|
تماضر
خلونى اقول ليكم الحقيقة كاملة ..وارجو انه الناس تستحمل النقد ...
عليك الله يا تماضر لو الناس بتستحمل النقد اصلا كان وصلنا لي الحالة دي ...
اظن باتفق مع الاخ هشام علي انو السبب المعلن لتحويل البوست هو التداعيات الاخيرة والاتجاه نحو الشخصي وبرغم انها ليست فكرة البوست منذ البداية وذلك واضح حيث ان الاخت هالة اصلا لم تكن تميز ما بين نادية الصحفية ونادية عضوة البورد الا ان الموضوع اتجه الي الشخصي او هكذا تم تصويره ولمن يملك ذرة في عقله سيفهم جيدا كيف تم تحويل الموضوع بقدرة قادر من حوار حول مقال الي امر شخصي.
عموما الموضوع نفسه اظن انه استنفذ اغراضه ولم يتبقي شيئ يقال حتي ان المداخلة الاخيرة للاخت هالة كانت بمثابة اغلاق للنقاش حول الموضوع نتيجة لطريقة معالجة الاستاذة نادية علي حد تعبيرها.ولكن سيظل السؤال قائما حول المعايير طالما سيظل هذا القانون في البورد.
وكل سنة وانت طيبة واولادك كلهم طيبين
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
بعد سنين و دنين من الغيبه عن البورد لظروف كتيييييييييره كنت اكتفى خلالها بما يسمح الوقت للمطالعه و المتابعة... ثم استمرأت القصه دى ... انى اقرا بس حتى بعد توفر الوقت ...ما عارفه ليه ؟؟!!! يمكن لانى لاحظت انو عدد كبير من الناس الكنت بقرا ليهم اختفى ...من نفسه او بغعل فاعل!!! و انو عدد اخر من الذين اكن (رغم عدم معرفتى الشخصيه بهم) لكتابتهم كل التقدير تعرض لارهاب لفظى باشكال لم تكن نخطر على بالى عند انضمامى للبورد... على كل هى طبيعة تبادل الكلام فى كثير من نواحينا الجغرافيه.. لاحظوا انى قلت الكلام ما قلت الحوار .. لانو معنى حوار الحقيقى ما موجود فى معظم البوستات... المهم ما نطول المقدمه... لقيت نفسى ما قادره اقاوم فكره المداخله فى البوست ده... لانو يطرشنى و يعمى جيرانى ما عرفت انو اصبح فى بدعه اسمها غير صالح للنشر... لاحظوا انى فوق قلت كنت بتابع... الظاهر متابعتى كانت اى كلام... المهم الفكره استوقفتنى بشكل غير عادى.... اتذكرت اخر بوست كتبته كان عباره عن سؤال للاخ العزيز بكرى عن لماذا تغير اسم البورد من الحر للعام..... اها هسه غير صالح للنشر دى برضه ما فهمتها؟؟ لكن الواضح لى انكم فهمتوها و قبلتوها لانو الان بتناقشو المعايير!!!! اكون كضابه لو قلت انى قريت اى بوست ناقش هذه الفكره اولا وقبل ان تصبح قانون يحكم البورد...اقبلو اعتذارى على رقيصى بعد الحفله فرتقت.... باختصار انا بفكر ( ما بفتكر و ما فكرتً) انو كل البحصل ده قد يكون انعكاس لعدم وضوح فكرة البورد و الهدف منه عند الكثير مننا او عندنا كلنا او قد يكون نتاج للمجهود المضنى فى رحلة البحث عن كيفية تعريف و تمكين ( الحوار) و ترسيخه وادارته.. بهذا الترتيب... و هى مهمه شاقه و مضنيه و عند انضمامى للبورد كنت اعتقد انها مهمة البورد و ليست مهمة شخص و احد؟؟؟ و كانت هذه المهمه فى نظرى و اعتقادى هى عين التعرف و التعريف.. التعلم و التعليم للديقراطيه و ممارستها ثم (التلذذ) بالمشى فى دروبها.... و هذا ما راقنى او بالعربى كيفنى العزيز بكرى ابوبكر هو صاحب البورد نعم... وفى كتابتى السابقه كثيرا ما حاولت التعبير عن اعجابى و تقديرى الحقيقى لمحهوده المقدر و كثيرا ما شكرتو على اتاحت هذه الفرصه (ذى ما بقولو فى التلفزيون) (لكن) و دى (لكن كبيره ) ذى ما بقول دكتور القدال... لا اعتقد انو بكرى يقصد او حتى يود ان يملك هذا البورد ملكية الدجاجة الصغيرة الحمراء للفول ( للناس الدقدق ارجعو لارشيف وزارة التربيه و التعليم و شوفو كتب المطلعه حقت سنه اسكت) ... بقول الكلام ده لانو فى جمله تكررت فى عدد كبيرمن البوستات عن انو البورد ملك بكرى... بمعنى انه من حقه ان يفعل به ما يشأ و يسن ما يريد من قوانين... و الله حسن ظن ساكت ببكرى لا اعتقد ان تكون هذه فكرته... و لازلت افكر ان الازمه قد تكون فى المحاولات المضنيه لايجاد انجع السبل لادارة حوار حقيقى غض النظر عن نهاياته التى قد تكون او لا تكون.. فالحوار فى ذاته هدف... كما ارى.... و اذكر فى اول كتابه لى فى البورد قلت فلندع غربال الديقراطيه يبقى على من يريد و يرسل من يريد للمزبله.. و يا جماعه انا عشان اكون و اضحه انا بقول فلندع رسم الحدود و تقاطعاتها للديقراطيه الحره الغير مشترطه... نحن شريحه عريضه من السودان فينا الفيهو و شايلين ملامحه وشبهه و كان و قفنا كلنا كمجموعه للمرايه بنشوفو فيها... عشان كدى الغير صالح للنشر دى اصلها ما وقعت لى....( اها الوقعت ليهو يوقعها لى)... هو نحن منو ؟... و قاعدين نكتب فى شنو؟ و كيف؟ و لمنو؟ ... حسب ما فهمت لمن يتحول موضوع لغير صالح للنشر يصبح لمطالعة الاعضاء فقط!!!!! ده كلام غريب .. هو نحن داسين شنو و من منو؟ و البدسووهو ده نوعو شنو؟ و ذى ما سألت هاله المعايير شنو ؟ وانا بسأل ذياده :منو البقرر البندس من المابندس؟ عديل كدى انا جاطت لى كالعاده.. و بكره ضبح الخروف و اللمه الاسريه عندى... اها كن فضل فوقى باقى مروه بعد باكر بجيكم راجعه ... و نواصل ياريت
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
تحيه للجميع
وكل عام وأنتم بخير
فى تقديرى ان غير صالح للنشر... كانت محاوله من الإداره لضبط ماينشر فى المنبر من تجاوزات ولكنها تحولت الى وسيله لفض النزاعات ذات الطابع الشخصى بين الأعضاء..
قوانيين ولوائح المنبر العام كافيه جدا لضبط المنبر ومحاسبة كل من يتخطى حدوده .
على كل حال
تذكروا دائما هذه الفقره
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف أو تعديل أو نقل أو إغلاق أي موضوع، أو إيقاف عضوية أي مشترك دون ذكر الأسباب.
مع خالص التحايا
| |
|
|
|
|
|
|
Re: غير صـالح للنشر ... ما هي المقايــس ؟ (Re: Mohamed Adam)
|
Quote: خلونى اقول ليكم الحقيقة كاملة ..وارجو انه الناس تستحمل النقد ..
مع انه اصعب حاجة فى المنبر ده انه زول يستحمل النقد
اها استعدوا للحقيقة وخلوكم خاتين فى بالكم اننى احترمكم جميعا.
حقيقة الاتظلم فى القصة دى كلها..
هالة الاحمدى..
يا تراجى مع احترامى ليك انت واحده من الناس الساعدوا فى ظلمها..
لانو نادية اختفت من البورد..
و"اصدقاءها" وصلهم مسألة عدم تواجدها ده ..كأنه فى فعلا "تجريح" حصل..
ومشوا اكتر فى تفسير صمتها..لان "التجريح" ده سببو .."حسد وغيرة" عشان نادية هى بتفهم صحافة اكتر من اى "عنقاليه" تانية ..ما درست صحافة..وهى نا جحة والناس "الحاسدين ديل" دايرين بنقصوا من قدرها..ويقيفوا فى طريق نجاحها...
وجوا ..يحملون سياط "الانتقام" ..
ومن اجل انهم يتوددوا لنادية...كصديقة ..ضربوا بعرض االحائط بحقيقة واحده..انه نقد الاعلام والصحافة ليس بالضرورة لدارس الصحافة والاعلام..لانه نتاجهم مملوك للجمهور..ولا يصلح ولا يستمر الا بموافقة الحمهور..انه ال common sense يا سادة..
المهم دخول تراجى ونشرها لسيرة هالة الذاتية كانت اظنها نابعه من ملاحظتها لانه المتصدين لى نادية ..كانوا بيميلوا لامجادها..وتاريخها وانه هالة ما عندها امجاد "ولا شنو ما بعرف؟؟
المهم دخلة تراجى قلبت الموازين على موضوعية هالة..
وحتى لو كانت وجهة نظر هالة ..غلط او صاح..الكلام اتحول الى شى شخصى ..
والاحسن منو؟؟ والحاسد منو والغيران منو..
كان ممكن نادية تتدخل وتوجه انفعالات المشاركين ..بحسها الصحفى والبروفيشن بتاعها المحترفاه..وتجى تشارك فى النقاش.. لكن اختارت ..انها تكتب بوست منفصل..
وده انا بفتكرو زاد الطين بلة..
لانه الكلام ده كان ممكن يتحول لنقاش هادف هنا..ويطيب النفوس..
واسوأ خطوه ..اتخذتها نادية بعد داك هى ترحيل البوست الاصل ...ل غير صالح للنشر..
البوست ده ملك هالة ..وهى الابتدعتو والنقاش مازال جاريا..
كيف يتنقل لغير صالح للنشر؟؟ بعد كل المداخلات الاتعملت دى ..
وكل الكلام القيم الاتقال؟؟
دى عدم عدالة واضحة وظلم بين .. |
لك التحية أيتها الإنسانة تماضر شيخ الدين, يعجبنى أسلوبك السلس السهل الممتنع
و أنت تنشدين العدالة كعادتك و تبحثين عن الحقيقة دون مجاملة أو مداهنة, أنت نموذج
يقتدى بك و مفخرة للمرأة السودانية.... و ليت كل النساء كن مثلك فى الوعى و الإستنارة
و العمق . و كل عام و أنت بخير .
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
سلام ..يا ناس
حقيقة فى تلاته حاجات جابتنى
نمره واحد.....
حقيقة يا تراجى ما قصدت الم عليك الناس "المكجننك" ..عشان يشمتوا
فيك.. قصدى نبيل.
هشام امين: ...
دى الحقيقة البعرفها من وانا بتفرج من حتة محايدة..اسوى شنو؟
ولمحمد الامين
انا طبعا عارفة ان نادية طلبت من بكرى تودى البوست التانى لغير صالح للنشر..
ده مابمنع الظرف التانى ده يكون حقيقة..
وللجميع تحياتى ..
وما بستغنى
| |
|
|
|
|
|
|
Re: غير صـالح للنشر ... ما هي المقايــس ؟ (Re: Mohamed Adam)
|
ماعشان راجع الماسنجر
الذي بتاعتك دي يا محمد آدم
لا انت
ولا ملاسي
ولا زول بن زول
ولا محمد الامين اياه
ولا مليون من الاشكال دي
بتهز شعره
ويا ملاسي
طبعا دخلت تراجي
بتفسد للزيك تألقهم
وتمرير رسائلهم الخطيره
بتحويل البورد لمحل للهظار وتفريغ المواضيع من محتواها
دخلت تراجي لهذا البورد
مش قلبت البورد بس
قلبت اشياء كثيره
وعارف الحيقتلكم تماما
الروح الانزرعت دي ثاني ما حتنقلع حتى لو ذهبت تراجي الآن.
والحمد لله البورد في ايادي أمينه الآن.
ويا هاله
معليش
بجيك راجعه بعد شويه للتعليق.
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: Tragie Mustafa)
|
لا يا حيدر حماد شكرا شديد على كسير التلج والدموع واى شى
لكن ..انا حاسة بذنب عشان تراجى
جو ناس عندهم معاها تارات وبدوا يهزءوا بيها
وبرضو نادية تكون زعلت منى
الحاجات دى صعبة ياخ..
انا ما بحب اشوف "نساء وبنات" فى البورد ده متأزمات.. لانى بتحيز ليهم ..بدون ما اشعر
نحن حقو يا تراجى ونادية وهالة نمشى نعمل لينا بورد برانا..
يتخيل لى الجنس "الآخر" ده بيزيد لينا نيراننا لهيب..وما بخلينا نتفاهم..فى حياد..
معليش يا جماعة
اسفى واعتذارى مكرر لتراجى.. ولكل من احس بالظلم ..منى
وما بستغنى تانى
"اوع زول يقول ليهو كلام يحرقنى القى روحى جيت ارد ...هههههههه"
| |
|
|
|
|
|
|
Re: غير صـالح للنشر ... ما هي المقايــس ؟ (Re: Tumadir)
|
تماضر العزيزه
مره ثانيه كل عام وانت بخير.
اولا يا غاليه
انا الزيك ما بزعل منه
عارفه ليه؟؟؟؟
لانه مواقفك واضحه
ولانك زوله حقانيه
ودي حاجه اكثر من مقدره عندي.
الاشكال دي ما تقلقي منها وهجومهم الكرتوني ده
ما بهز شعره فيني.
وهي نفس المجموعه البتهاجمني من يوم ما دخلته المنبر ده
يعني كل من نصب نفسه مدافع عن هوية السودان العربيه
كل من قال ناس دارفور ما عندهم قضيه
كل من شتم رودا ودينق
كل اسلامي متسلق او شبه اسلامي
كل من له قضيه ضد الجندريات معلنه او مخفيه
بالاضافه
للرباعي بتوع اولاد دارفور +المتلصقين فيها
اللي مارسو سخفهم بالبيانات الملفقه ولم ارد عليهم.
بالاضافه
لكل الحريصين انه المنبر يكون محل للفارغه والونسه والضحك
وانا طبعا ضدهم للطيش,واراهم اسؤ من ناس الآمن
لانهم حريصين على تفريغ المنبر من محتواه ودوره التوعوي.
لا يعني ذلك رغبتي في ان احصر الناس في السياسه فقط
لا
لانه الحياه ليست سياسه فقط
لكن الرغبه في تناول الامور بجديه.
ولي عوده.
والبيناتنا عامره باذن الله يا تماضر.
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: Adil Osman)
|
عادل عثمان
شكرا لك وانت برضوا زول مواقفك واضحه عندي
ومثمنه جدا لمواقفك.
يماضر
جاءت تقول رأئها الممكن اختلف معاه لكن بظل احترمه
ونست حاجه انه هنا مافي حق
في كيمان مفروزه.
ومقدره لانفعالها
وانا مثلها حزينه ان هذا البوست عن اخت.
وكلنا كمناصرات لقضايا المرأه نعرف ما تمر به المرأه في بلاد
مثل بلادنا لما بتحب تدخل العمل العام.
وما مرة به ناديه وغيرها ان كان في هذا المنبر اومنابر آخرى
وما مرت به تراجي في هذا المنبر او منابر آخرى
وما يمكن ان تمر به هاله او آمنه او غيرهم من النساء كثير.
لذلك انا جزين زي تماضر وظي هاله وغيرهم
لا تعتقدوا هذا يمكن ان يفرح اي منا
والسبب ما نقدنا لناديه السبب الرجال البينحرفوا باي نقاش
بين امرأتين لما يحبون هم.
والسبب عدم النضج في تعاكي الشأن العام.
والسبب عدم ادراكنا لخطورة حروفنا.
شكرا عادل وواصل صمودك على مبادئك
الاجظ من وقتا لآخر هجوما عليك
ولكن لاخوف عليك فانت صلب.
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: هشام آدم)
|
هشام آدم
والله انت الشكلك كايس لشكله بس مع تراجي.
وادعائك انو اتقال عليك تحفه
ده برضوه كذب لانه موضوع البوست كان واضح
اعتقد انه البوست كان عن زول اسمه الصادق عبد الرحيم
ولا يشمل كل البورداب الجدد
وعشان تعرف انك مشاتر انا شحصيا اي بوست ترحيب
بدخله بنفس فاتحه وبرحب بصدق لاني بكون ما بعرف الزول .
وآخر زول رحبنا بيه كان نور الدين قسم السيد
والذي لا اعرفه ولكن ما كتب عنه
وما نشره في الصفحه الاولي من بيانات كان يوضح من هو.
انت حسه زول اديب وفنان ومنو قال لك ما بقرأ لك.
وعثمان محمد صالح ده منو قال لك ما بقرأ له.
واجمل كتاباته كانت عن الخفاض .
يا زول ما تتشربك ساكت
وزي ما قلته انت زول جديد
ويمكن عشان كده ما بتعرفني ولا بتعرف طريقتي.
انا حاده جدا في الطرح
واذا بتفتكر الكتبته لناديه ده شخصي
يبقى انت ما عارف الشخصي بيكون عندي كيف!!!!
وياما اختلفت مع ناس في البورد ده.
بس انت اطلع منها وسلوكك ده فعلا برلمه عشلن كده مغفوره
وكلنا اتبرلمنا وكان منظرنا داخلين توشششششششششش.
وبالله انت عندك بوستين فاتحهم امشي كملهم لاننا متابعنهم
وخليك من هذا البوست.
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
الأخ عثمان محمد صالح .. أنت الذى أججت النيران فى بوست
الأخت هالة الأول...بتلميحاتك الذكورية المريضة
التى لا تخفى على أحد..
والتى أضرت بالأخت نادية أيما اضرار
والآن عدت مرة أخرى ؟!؟
أرجو من الأخوة الذكور فى هذا المنبر
أن يتجنبوا النظر الى المواضيع من جانب حسى ضيق
فجمال الوجه موجود فى كل مكان ومتوفر..بالكوم
ولكن جمال العقل نادر وجوده..
ندرة العنقاء والخل الوفى .
مليون مرة ذكرت الأخت د.هالة انها لم تكن تعرف ان كاتبة
التحقيق هى الأخت نادية..ومليون مرة ذكرت ان نقدها كان
للاعلام السودانى وادعاؤه الحيادية...ولكن
يبدو أن هناك اصرارا ونية مبيتة من الحسيون
لاتهام د. هالة وأخواتها...
مع سبق الاصرار والترصد...بالغيرة والحسد
لشئ فى نفس يعقوب.
ولهؤلاء أقول عييييب عليكم.
دى دكتورة هالة الأحمدى.
أرجعوا الى ما تكتبه وقارنوا...أذا كان لديكم عينبن.
| |
|
|
|
|
|
|
Re: غير صـالح للنشر ... ما هي المقايــس ؟ (Re: AMNA MUKHTAR)
|
تلميحات ذكورية مريضة !
الأخت أمنة مختار تحية وبعد ،
أطلب منك ِأن تبسطي للقراء تعليقاتي التي أججت النار بسبب إشتمالها على تليمحات ذكورية مريضة أبسطيها فلن تجدي فيها غير قبعة الحواة المذكورة أعلاه وما بداخلها من أوسمة و نياشين
ابسطيها إن كنت ِ صادقة في ما تزعمين !
| |
|
|
|
|
|
|
Re: غير صـالح للنشر ... ما هي المقايــس ؟ (Re: AMNA MUKHTAR)
|
الأخت AMNA MUKHTAR
تغيب عنك أو تتعامين عن رؤية نصرتي للأخت هالة قبل حين ذات الشيء حدث مع الأخت تراجي في بوست ملتهب أفرده الأخ هشام هباني للأخ أساسي ، ولجته تراجي ! فدخلت وسيطاً و كانت وساطتي هي المخرج الذي منه أفلتت الأخت تراجي التي أكرر ههنا صف زادها بقبعة حواة ذات الأختين ـ هالة و تراجي ـ لم تكونا حوريتين قبل حين هناك لتنمسخا بنظري الان ههنا ( وجه ضاحك ) كاذبة يا أختاه ثم كاذبة ! سيري وعين الله ترعى لسانك الكاذب !
| |
|
|
|
|
|
|
Re: غير صـالح للنشر ... ما هي المقايــس ؟ (Re: Mohamed Adam)
|
محمد آدم
القضايا لا تختطف
Quote: يِعتريهم ، بل لأن القضيه أُختِطفـَت مِن بين أيادِيهِمْ.......وقضية دارفور خير شاهد.. إخوتِي مِثل هذه القضايا تِحتاج لناس جادِين ومخلصين وليس لِمـُهرجلِين ومـُنعِقِين... دائماَ الحقيقه مـُره.. لكِن مُـر علغمها ولا حِـلـُو نقِيضها. |
لماذا لم تكتب ولليوم تستطيع ان تكتب من وجهة نظرك.
كتب في هذه القضيه من هم مصنفين في اقصى اليمين
ومن هم مصنفين في اقصى اليسار
وانت لم يفتح الله لك ببوست لانه تراجي اختطفت القضيه!!!!!
وقبلها اختطفت قضية دارفور!!!!!
والله دارفور ليها رجالها الشالو سلاح لاجل قضيتهم
مش منتظرنك ولا منتظرين تراجي.
لكن البيحاربوا من وراء الكي بورد
يمكن نضايقهم ولكن برضه لو قلما قوي بيظل مسننون.
انت الحمد لله بتظل في بيات شتوى
الي ان يكون في بوست عن تراجي تقوم تطلع من جحرك
تقول لك كلمتين وترجع ثاني.
والله كثر الله خيره تراجي البتخلي الناس يقرأوا لك.
قلت لي القضايا عايزه ناس جادين
تماما
يله ورينا جديدتك
ما كان تعمل لك بوست زي بتاع د. بله او اي اقتراحات مفيده
ولا اقول لك كان تكون اكثر عمليه
وترسل تبرع طوالي
اهي عنوانين لجنة صوت اللاجئين منشوره في الصفحه الاولى.
تراجي.
| |
|
|
|
|
|
|
Re: غير صـالح للنشر ... ما هي المقايــس ؟ (Re: Tragie Mustafa)
|
أختنا في برد المنافي تراجي مصطفى مساء الخير ، برأي المتواضع أن" التبليط الحقيقي للبحر " هو كتابة المعارضين المشردين في الأرض في هذا منتديات معلقة في الهواء لا حول ولا قوة لهافي الوقت الذي يستفرد فيه من تودين إرغامهم ـ في مملكة الخيال الباذخ ـ على خياطة الهواء الطلق و تبليط البحر بمفاصل السلطة و الثروة في الوطن . شر البلية ما يضحك
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
الاخت امنة مختار كل سنة وانتى طيبة. دى اول مرة اكتب ليك، ولكننى اتابع مساهماتك وارى انها تصب فى مصلحة قضايا الديمقراطية وترسيخ الوعى بحقوق الانسان. ولكننى لم تقع لى مداخلتك اليوم واتهامك لعثمان محمد صالح بانه قال كلامآ فيه ايحاءات حسية ومقارنات بين جمال بعض عضوات المنبر. انا اختلف مع عثمان محمد صالح فى بعض الاحيان. ولكننى لا ارى انه من هذا النوع من الناس. هذا النوع المشوه والضحل والذكورى المغرض. بل بالعكس. اجده يناصر قضايا الجندر والمرأة وحقوق الانسان عامة.
ارجو ان تعتذرى له على الفور اذا لم يكن عندك دليل على اتهامك له. او انك اولتى كلامه تاويل بعيد. الاعتراف بالخطأ فضيلة يا امنة. اما اذا كان كما قلتى وثبت ذلك، فاننى سوف ادينه ولن ادعه البتة.
الاعتذار شيمة الشجعان والشجاعات. وانتى شجاعة. ودغرية. ومتسامحة الا فى الحق.
اسف على اثقالك بهذا الكلام. ولكننى رأيت مخاطبتك لاسمع رأيك. وكى لا تتحول قضايا حقوق الانسان الى قضايا شخصية، وانصرافية. وكما تعلمين السلطة وعملائها هنا يترقبون فرص مثل هذه لشق الصف الوطنى والديمقراطى، وتتفيه كل النشاطات الجادة
شكرآ اختى امنة عادل عثمان
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
جميل والله
هذا التصافى الجميل
اها نرجع لى موضوعنا
الماده الاولى فى القوانيين ولوائح المنتدى تقول
ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف أو تعديل أو نقل أو إغلاق أي موضوع، أو إيقاف عضوية أي مشترك دون ذكر الأسباب.
وقد خرجت فكرة غير صالح للنشر من هذه الماده ..اذا كان مسموح لنا بالحوار اقول انى ارفض
رفضا تاما ان يتم ماتعتقد الإداره انها خلافات الشخصيه عن طريق غير صالح للنشر كما حدث فى
حالة, بوست الاستاذه هاله ..وخلاف الاخوان مسعود وزول بن زول الذى تم حسمه بصوره غير عادله
لصالح زول بن زول ومجحفه جدا فى حق مسعود ....ارجو ان يراجع بكرى هذه القرارات وتنفيذ
اللوائح فى من يخطئ من الأعضاء وحده وهى واضحه وكافيه فى تقديرى لضبط المنبر .
مع خالص التحايا
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
Quote: zoul"ibn"zoul ومطاردتك إنت لتراجي في كل البوستات أبداً ما موضوعية. |
سلامات يا محمد السر
عيد سعيد يا زول و كل سنة و انت طيب
انا غايتو الزولة ما عنةدى شغلة بيها لكن الكلام الكتبوهو بالحيل زعلنى - و انت شفت براك الكان حاصل شنو لمن قام أخونا بكرى مشكورا بكنس كل الوسخ الكان بيتقال من هذه الشرزمة - لكن اِحتراما لى رغبتك مانى جايب ليها خبر - بس عندى بستفة جاية و انتهى - و لأنو الناس الما موضوعيين يجب دحرهم ب ال-لا موضوعية
و شكرا ليك
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
Quote: بعد سنين و دنين من الغيبه عن البورد لظروف كتيييييييييره كنت اكتفى خلالها بما يسمح الوقت للمطالعه و المتابعة... ثم استمرأت القصه دى ... انى اقرا بس حتى بعد توفر الوقت ...ما عارفه ليه ؟؟!!! يمكن لانى لاحظت انو عدد كبير من الناس الكنت بقرا ليهم اختفى ...من نفسه او بغعل فاعل!!! و انو عدد اخر من الذين اكن (رغم عدم معرفتى الشخصيه بهم) لكتابتهم كل التقدير تعرض لارهاب لفظى باشكال لم تكن نخطر على بالى عند انضمامى للبورد... على كل هى طبيعة تبادل الكلام فى كثير من نواحينا الجغرافيه.. لاحظوا انى قلت الكلام ما قلت الحوار .. لانو معنى حوار الحقيقى ما موجود فى معظم البوستات... المهم ما نطول المقدمه... لقيت نفسى ما قادره اقاوم فكره المداخله فى البوست ده... لانو يطرشنى و يعمى جيرانى ما عرفت انو اصبح فى بدعه اسمها غير صالح للنشر... لاحظوا انى فوق قلت كنت بتابع... الظاهر متابعتى كانت اى كلام... المهم الفكره استوقفتنى بشكل غير عادى.... اتذكرت اخر بوست كتبته كان عباره عن سؤال للاخ العزيز بكرى عن لماذا تغير اسم البورد من الحر للعام..... اها هسه غير صالح للنشر دى برضه ما فهمتها؟؟ لكن الواضح لى انكم فهمتوها و قبلتوها لانو الان بتناقشو المعايير!!!! اكون كضابه لو قلت انى قريت اى بوست ناقش هذه الفكره اولا وقبل ان تصبح قانون يحكم البورد...اقبلو اعتذارى على رقيصى بعد الحفله فرتقت.... باختصار انا بفكر ( ما بفتكر و ما فكرتً) انو كل البحصل ده قد يكون انعكاس لعدم وضوح فكرة البورد و الهدف منه عند الكثير مننا او عندنا كلنا او قد يكون نتاج للمجهود المضنى فى رحلة البحث عن كيفية تعريف و تمكين ( الحوار) و ترسيخه وادارته.. بهذا الترتيب... و هى مهمه شاقه و مضنيه و عند انضمامى للبورد كنت اعتقد انها مهمة البورد و ليست مهمة شخص و احد؟؟؟ و كانت هذه المهمه فى نظرى و اعتقادى هى عين التعرف و التعريف.. التعلم و التعليم للديقراطيه و ممارستها ثم (التلذذ) بالمشى فى دروبها.... و هذا ما راقنى او بالعربى كيفنى العزيز بكرى ابوبكر هو صاحب البورد نعم... وفى كتابتى السابقه كثيرا ما حاولت التعبير عن اعجابى و تقديرى الحقيقى لمحهوده المقدر و كثيرا ما شكرتو على اتاحت هذه الفرصه (ذى ما بقولو فى التلفزيون) (لكن) و دى (لكن كبيره ) ذى ما بقول دكتور القدال... لا اعتقد انو بكرى يقصد او حتى يود ان يملك هذا البورد ملكية الدجاجة الصغيرة الحمراء للفول ( للناس الدقدق ارجعو لارشيف وزارة التربيه و التعليم و شوفو كتب المطلعه حقت سنه اسكت) ... بقول الكلام ده لانو فى جمله تكررت فى عدد كبيرمن البوستات عن انو البورد ملك بكرى... بمعنى انه من حقه ان يفعل به ما يشأ و يسن ما يريد من قوانين... و الله حسن ظن ساكت ببكرى لا اعتقد ان تكون هذه فكرته... و لازلت افكر ان الازمه قد تكون فى المحاولات المضنيه لايجاد انجع السبل لادارة حوار حقيقى غض النظر عن نهاياته التى قد تكون او لا تكون.. فالحوار فى ذاته هدف... كما ارى.... و اذكر فى اول كتابه لى فى البورد قلت فلندع غربال الديقراطيه يبقى على من يريد و يرسل من يريد للمزبله.. و يا جماعه انا عشان اكون و اضحه انا بقول فلندع رسم الحدود و تقاطعاتها للديقراطيه الحره الغير مشترطه... نحن شريحه عريضه من السودان فينا الفيهو و شايلين ملامحه وشبهه و كان و قفنا كلنا كمجموعه للمرايه بنشوفو فيها... عشان كدى الغير صالح للنشر دى اصلها ما وقعت لى....( اها الوقعت ليهو يوقعها لى)... هو نحن منو ؟... و قاعدين نكتب فى شنو؟ و كيف؟ و لمنو؟ ... حسب ما فهمت لمن يتحول موضوع لغير صالح للنشر يصبح لمطالعة الاعضاء فقط!!!!! ده كلام غريب .. هو نحن داسين شنو و من منو؟ و البدسووهو ده نوعو شنو؟ و ذى ما سألت هاله المعايير شنو ؟ وانا بسأل ذياده :منو البقرر البندس من المابندس؟ عديل كدى انا جاطت لى كالعاده.. و بكره ضبح الخروف و اللمه الاسريه عندى... اها كن فضل فوقى باقى مروه بعد باكر بجيكم راجعه ... و نواصل ياريت |
العزيزه سهام المجمر
الصديقه من الزمن الجميل ..
Quote: نحن شريحه عريضه من السودان فينا الفيهو و شايلين ملامحه وشبهه و كان و قفنا كلنا كمجموعه للمرايه بنشوفو فيها... عشان كدى الغير صالح للنشر دى اصلها ما وقعت لى....( اها الوقعت ليهو يوقعها لى)... هو نحن منو ؟... و قاعدين نكتب فى شنو؟ و كيف؟ و لمنو؟ ... حسب ما فهمت لمن يتحول موضوع لغير صالح للنشر يصبح لمطالعة الاعضاء فقط!!!!! ده كلام غريب .. هو نحن داسين شنو و من منو؟ و البدسووهو ده نوعو شنو؟ و ذى ما سألت هاله المعايير شنو ؟ وانا بسأل ذياده :منو البقرر البندس من المابندس؟ عديل كدى انا جاطت لى كالعاده.. و بكره ضبح الخروف و اللمه الاسريه عندى... اها كن فضل فوقى باقى مروه بعد باكر بجيكم راجعه ... و نواصل ياريت |
و اتسائل معك عزيزتي ....،
في انتظار عودتك ..، مشكوره .. للمداخله المفيده
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
هالة المحودة عندى لك من التقدير اجزله
فلاش كلما كتبت نقدا خسرت صديقا ( هاشم صديق )
الى الرقيب بكرى ابو بكر
ارجو مخلصا ولو انى كتبت كلام غير صالح للنشر بمقايسك
أرجوا حذفه وليس ادراجه فى سلتك المسماء غير صالح للنشر لاننى لم اتى هناكمراهق
فى الكتابة وليس لدى عادة سرية فى الكتابة
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
Quote: وقد خرجت فكرة غير صالح للنشر من هذه الماده ..اذا كان مسموح لنا بالحوار اقول انى ارفض
رفضا تاما ان يتم ماتعتقد الإداره انها خلافات الشخصيه عن طريق غير صالح للنشر كما حدث فى
حالة, بوست الاستاذه هاله ..وخلاف الاخوان مسعود وزول بن زول الذى تم حسمه بصوره غير عادله
لصالح زول بن زول ومجحفه جدا فى حق مسعود ....ارجو ان يراجع بكرى هذه القرارات وتنفيذ
اللوائح فى من يخطئ من الأعضاء وحده وهى واضحه وكافيه فى تقديرى لضبط المنبر .
مع خالص التحايا |
يا عمر عيد سعيد و كل سنة و انت طيب
انت يا شيخنا قايل القصة هلال مريخ و لا شنو - يعنى شنو تقول بكرى حسم الصراع لصالح زول بن زول - هو بكرى دة زول تخة ساكت ما عندو رأى و لا فهم و لا شنو - الزول رأيو واضح انو أى كلام فارغ و مضر بأى قضية يجب كنسو - و القصة ما علاقات و لا صداقات القصة شوية منطق - اها رأيك شنو انا كتبت بوست و بكرى كنسو طوالى يادوبك لسة الناس ما قروهو - سكت و قلت سيد الحوش أدرى
انت ما كنت شايف الكلام الكاتبو مسعود و لا شنو انت فى زمتك دى زول نصيح كدة بيكتب كلام زى المان كاتبو مسعود - يعنى شنو تقول كل المصريين و لا كل السودانيين سيئيين جدا جدا - دة بالله كلام عقل
و شكرا
| |
|
|
|
|
|
|
Re: غير صـالح للنشر ... ما هي المقايــس ؟ (Re: zoul"ibn"zoul)
|
سلام يا بكرى
اما انت زول عجيب - تمسح الQuote الجبتو من البوست و تخلى البوست قاعد - كان أولى بيك تمسح الأصل - و لا قاصد شنو
و شكرا
زول بن زول
يا دكتور اللنك الذى وضعته من المداخلة المخزوفة طع خطا ممكن تضع لى النك الصحيح و اوعدك يا حبيب بكنسه ... وتسلم يا حبيب
بكرى ابو بكر
الاخ العزيز
زول بن زول
كل عام وانت بخير
اعلاه المكاتبات التى تمت بينك والاخ بكرى فى البوست المعنى نهارا جهارا وبراها تتحدث عن التحامل والحسم والقطع بالخلاف ذاتو ...هسه عليك الله كلام بكرى ده فرقو شنو .... من الحيثيات القالها المكاشفى فى الحكم على الواثق صباح الخير ...وانت مساككتك للموضوع علاقتها شنو بالمنطق. مسعود صحفى متمرس ومن اميز الاعضاء فى هذا المنبر من ناحية المساهمه الجاده والعطاء المتواصل..وعاش فى مصر زمن طويل ..حقيقه أقول ليك ادهشتنى حدة...موضوعه المبالغ فيها ولو تلاحظ انا كنت اول متداخل فى بوست بكرى وجبت صوره وقلت ده كلام عقل الخ الخ ....لكن تظل الحقيقه ان مااورده مسعود فى النهايه مجرد رأى قابل للاخذ والعطاء وليس (الكنس) كما قال وفعل بكرى بطريقه حقيقه ما ممكن تكون مقبوله لاى شخص .. الان ياعزيزى "زول" مطروحه اراء فى هذا المنبر أكثر حده من طرح مسعود لتجريم كل الشعب المصرى ..وتحتاج الى جهد كبير للحوار حولها ..ليه ماتابعتها اذا كنت فعلا مهتم بالموضوع وطالبت بكنس كتابها...
مالكم كيف تحكمون
خليك بعافيه والسويتها رقدت
هو بكرى دة زول تخة ساكت
انت اتكنست ياحبيب ..نشوفك... ليتر
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
Quote: اعلاه المكاتبات التى تمت بينك والاخ بكرى فى البوست المعنى نهارا جهارا وبراها تتحدث عن التحامل والحسم والقطع بالخلاف ذاتو ...هسه عليك الله كلام بكرى ده فرقو شنو .... من الحيثيات القالها المكاشفى فى الحكم على الواثق صباح الخير ...وانت مساككتك للموضوع علاقتها شنو بالمنطق |
سلام يا عمر
يعنى حسى انت عاوز تقول مافى فرق بين بكرى و بين المكاشفى و لا شنو!!!! يا عمر البوست اِتكنس لأنو بوست غير لأئق و كل العملتو انا اِنو نبهتا بكرى الى ذلك البوست و ليس علاقات صداقة و لا محسوبية من بكرى و لو انت بتعرف أى بوستات غير لايقة كلم بكرى
كون مسعود صحفى و لا ما صحفى هذا لا يغير أى شىء بل بالعكس
و شكرا
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
عزيزى
زول
البوست اتكنس بطريقه غير لائقه
وده المهم .. انا مقتنع جدا لاانت ولا بكرى عندكم قصد سئ .. ولكن المعالجه ماكنت صحيحه اذا
بتوافقنى فى الكلام ده خلينا مع بعض نعالج أثرها.
طبعاده لو ما تم كنسك لغاية شق صباح اليوم العلينا ده ..
تحياتى
| |
|
|
|
|
|
|
Re: غير صـالح للنشر ... ما هي المقايــس ؟ (Re: hala alahmadi)
|
عزيزى
Quote: زول
البوست اتكنس بطريقه غير لائقه
وده المهم .. انا مقتنع جدا لاانت ولا بكرى عندكم قصد سئ .. ولكن المعالجه ماكنت صحيحه اذا
بتوافقنى فى الكلام ده خلينا مع بعض نعالج أثرها.
طبعاده لو ما تم كنسك لغاية شق صباح اليوم العلينا ده ..
تحياتى |
سلام
و انا حا أتكنس ليه يا ربى - لا بهش لا بنش ماسك لسانى على اِلا البستاهلوا الرد السليم كان تمشى براك تسأل صحبتك براها قاعدة على الهبشة و بالمناسبة البوست ما اِتكنس بى صورة غير سليمة البوست كان سىء و دة اللى انت ما عاوز تعترف بيهو
و شكرا
| |
|
|
|
|
|
|
|