|
رسالة للزملاء واولاد دفعة وناس الامتداد
|
شكرا للزملاء شكرا لاولاد دفعة في مهنة صاحبة الجلالة شكرا لناس الامتداد وانا جاييييكم وهذه الاسماء على سبيل المثال لا الحصر - العالم البشاري - البدوي يوسف - فيصل الزبير - خالد ابونورة - عادل فضل المولى - صلاح شعيب - لقمان همام - ابوعكر - معتصم عيدروس - القردابي -الحلاوي - عمار عبد الرحمن - ياسر محمد عثمان - والعتبى للجميع او من نسيت ذكره وكلكم في البال والخاطر اشكركم جايييكم ياناس الامتداد والصحافة والمغرب - ذكريات حلوة وجميلة . بس شجعونا
|
|
|
|
|
|
|
|
Re: رسالة للزملاء واولاد دفعة وناس الامتداد (Re: عامر تيتاوى)
|
Quote: شكرا للزملاء شكرا لاولاد دفعة في مهنة صاحبة الجلالة شكرا لناس الامتداد وانا جاييييكم وهذه الاسماء على سبيل المثال لا الحصر - العالم البشاري - البدوي يوسف - فيصل الزبير - خالد ابونورة - عادل فضل المولى - صلاح شعيب - لقمان همام - ابوعكر - معتصم عيدروس - القردابي -الحلاوي - عمار عبد الرحمن - ياسر محمد عثمان - والعتبى للجميع او من نسيت ذكره وكلكم في البال والخاطر اشكركم
|
مرحب حباب عامر ود تيتاوي والشكر لكل هؤلاء ومن قبلهم صاحب الدار والحوش المهندس بكري ابوبكر الذي لم يتأخر ،كعهدنا به، في الاستجابة لمناشدات الاخوان. شكرا مرة اخرى اخي بكري مع مودتي.
| |
|
|
|
|
|
|
Re: رسالة للزملاء واولاد دفعة وناس الامتداد (Re: حسن البشاري)
|
الأخ عامر تيتاوي الباشمهندس وكيل النيابة حسن البشاري
كيفكما وفي بعض الروايات كيفكم والعيد مبارك عليكم (بفتح الميم الأولى بتاعة العيد) تخيل يا عامر أنا دخلت على أساس أزكيك لأنك جايي من طرف البشاري وأي حد جايي من طرف البشاري نحن (ما أقول بنبصم عليهو بالعشرة) لكن بننتخبوا بالإجماع السكوتي عشان يبقى طوالي متوالي معنا لكن.. لقيتك دخلت قبل التزكية (ما شاء الله وعيني تلجة) كأنك كنت واقف في باب المستشفى (ما شاء الله مرة تانية) على العموم أنا نيابة عن نفسي برحب بيك إضافة جديدة للمنبر الحر وأتمنى لك حياة زوجية سعيدة.. وأنا يا حسن آمنت إنك راجل يدك لاحقة (ما أقول طويلة) وبتهمك عديل كده إنك في (المجلس الأربعيني) منسوب إلى شارع الأربعين بالمناسبة يا عامر أنا راجل براي شديد.. أعذرني غايتو
| |
|
|
|
|
|
|
Re: رسالة للزملاء واولاد دفعة وناس الامتداد (Re: jini)
|
جنى سلام عليك ياخى قريت ليك مساهمات رائعة تتميز برشاقة الكلمة وخفة المعانى وعمق مدلولاتها .. حروفك جميلة ياجنى وياريتك تكتب خواطرك الرائعة وطبعا هذا ليس بغريب على صديق للعلامة فضل تليس تصدق ياجنى ديك كانت ايام فى حوش فضل كنا وقتها نرى النجوم ونطالع السماء بصفائها وغيومها لكنها الان احتجبت عنا تحت كتل الصبة ثم احتجبنا نحن والله ايام يازمان
| |
|
|
|
|
|
|
Re: رسالة للزملاء واولاد دفعة وناس الامتداد (Re: طارق جبريل)
|
محمد السر
شكرا ياخى على الترحيب وانادفعة احمد خضر بعد التخرج فى المصطبة مربع 8 على شارع الزلط
تحياتى لك وسنتواصل عبر بوست الامتداد الفريد شكرا يامحمد
ايمن مبارك ابوالحسن
رديت ليك بهناك واكرر هنا شوقى وتقديرى لشخصك الكريم وتحياتى لاسرتك الكريمة واتمنى ان يتصل حبل المودة
| |
|
|
|
|
|
|
|