|
|
 حاشاي بتحرق في الحشا ..احححححححححي انا
|
- الو ..
*مرحب عليكم السلام ..
- يا زول بلا سلام بلا يحزنون إنت الفارغة البتكتب فيها دي شنو ؟؟
* منو معاي ؟؟؟
- معاك العميد الطيب المصباح ..
(يضع * يده مغطياً السماعة ومردداً ) : الليلة وووووووووب علينا دي مصيبة شنو الوقعنا فيها دي ..
* مرحب سيادة العميد عاش من سمع صوتك ..
- يا زول لا عاش لا مات إنت الفارغة البتكتب فيها دي شنو ؟؟عشان الناس سكتت ليكم وقالت تخليكم تبرطعوا بقيتوا تاخدو راحتكم ؟؟؟؟؟؟
* يا سيادة العميد قول بسم الله مالك في شنو !!!!!!
- شوف يا * انا فارغة وكلام كتير ما عايز ..
* سمح ..
- عاين يا زول إنت ده كلام شنو الكتبتو في النت ده ؟؟؟
* انا ؟؟؟؟كلام ؟؟؟؟ الله يعدمني ما كتبت اي كلام !!!! اهااااااااااااااااا إنت قصدك الكلام بتاع الإحتفالات داك ؟؟؟ إنت قايل شنو يا سيادة العميد والله انا زاتي لمن قريتو إتخلعت مش انا كان الباسوورد بتاعي مسروق ؟؟؟
- ياخوي مسروق ملفوح مبطوح انا ما عندي ليك زمن والأمور الزي الدي ما بتنفع معاي وكلو إلا الشتيمة ومس الإنسان في شرفو وامانتو !!!!!!!!..
* سمح ..
- سؤال مباشر يا اخوي إنت صحي قلت انا حرامي وبسرق قروش السفارة ؟؟؟
* انا ؟؟؟ حاشاااااااااااااااااااااااااي يا سعادتك حااااااااااااشاااااااي انا ..
- طيب إنت قلت انا قاعد أزوّر الإيصالات ؟؟؟
* انا يا سعادتك ؟؟؟ حاشاااااااااااااااااي انا حاشااااااااااااااااااااااي ..
- طيب إنت يا زول قلت انا سرقت ؟؟؟
* انا ؟؟؟ يقطع لساني كان قلت الكلام ده ..حاشااااااااااااااي انا يا سعادتك حاشاااااااااااي ..
- اسة إنت قاعد وين يا زول ..؟؟
* انا ؟؟ حاشاااااااااااااااااااي يا سيادتك حاشاااااااااااااااااااااي ..
- يا زول قول بسم الله انا بقول ليك إنت اسة وين ..شنو الحاشاك ؟؟ إنت علقت ولا شنو ؟؟
* ابداً والله يا سيادة العميد حاشاي من التعليقة انا ..
* عاين سيادتك أسوي ليك شنو وتكون راضي عني ؟؟؟
- شوف يا زول عندك زمن بين قفلة السماعة بتاعتي دي منك وقبل ما شاشة الموبايل بتاعي دي نورا يطفي امشي القاك كاتب ليك إعتزار توضح فيهو الكام ده !!! واضح ؟؟
* أبشر طال عمرك أبشر ..
- يا زول قول بسم الله إنت قايلني الكفيل ولا شنو شابكني طال عمرك ..
* إنت يا سيادتك !!!!! حاشااااااااااااااك من الكفالة إنت ..
* كدي يا سيادتك إنت اسة جمبك كمبيوتر ..
- ايوة ..
* كدي اعمل ريفرش للجهاز الموضوع خلاص انا نزلتو ..
- يا زوووووووووووووووووول معقول سريع كده !!!!!
* بسم الله الرحمن الرحيم ..إنت كمان يا سيادتك هين ولا لين ..
- اسمعني !!!!
* سم طال عمرك !..
- يا زول إنت بقيت سعودي ولا شنو كلامك كلو بقا كده كده ..
* حاشااااااااااااااااي من السعودة انا ..
- المرة دي مشيناها ليك لكن والله ووالله ووالله تاني تكررا حاشاي دي ما بتحلك ..
* سمح ..
- كروووووووووووووووووووو..
تييييت ..تييييييت ..تيييييييييييت ..تييييييت ..تيييييييت ..
* الو ..الو ..الو ..سيادتك ...يا سيادة العميد ..يا سيادتك الو ..الو ..الو ..
(يقفل * السماعة ويطنطن بي صوت وااااااااااااطي اي حرامي اي بتسرق اي بتزور )..
يرن جرس الموبايل ويقطع ل * تفكيره ..
* - حاشاااااااااااااااااااااي سعادتك والله ما كنت قاعد افكر ..
# ويش بلاك يا زول ...ترا انا الكفيل والحين لو ما بتجيني بسويلك خروج نهائي ولا تدفعلي رسوم التجديد الحين ...
|
|
 
|
|
|
|
عمر الفاروق
ALGARADABI
هشام آدم
Gamal Abayazid
فيس بوك
تويتر
انستقرام
يوتيوب
بنتيريست