الروب الروب بديل للجبنه .... الموص الموص بديل ل الشيك ( milk shake ) ...و الآبرى بديل للكولا .. التركين و لا الساردين ... فسيخ فسيخ لحدى السيخ ... لقمه عصيده بديل للايس ( ice cream ) ... كسرة هذه بعض من الشعارات التى رددها المتظاهرون بمنطقة الشقله و سبلوقة المرابيع و التى تكرس شعار نأكل مما نزرع ... فماذا هم فاعلون سكان القرين فلدق و الفلل الرئاسية و حى الراقى ... عبدالماجد
اليكم احدى المقابلات مع احد مواطنى المنطقة بواسطة مراسلنا هناك : على بالايمان ( طرقة) كسرة بتاعت ( فتريتة ) فى ( كورية ) مويه و سكر ( عكاره ) اهم لى من ( كورن فليكس ) ( corn flakes ) الدوررماك و ما حولها ... عبدالماجد
تعالو اسمعو القصه العجيبه دى كمان من أحد مواطنى الشقله : واحد عاضو كلب قبال اسبوعين حلف ما ياخد المصل الدنماركى لحدى ما سعر ... شيل خت شيل خت .. نبيح .. عضعيض .. قمنا وديناو للفكى ... عليك امان الله الفكى شال ليو طينه ساى من الواطاة و عزم فيا و ماصا فى كورية مويه و قال اسقو السعران ده منا ... زولك شربا طب لحدى ما كملا ... الفكى قال لينا خلو اطلع ل بره و ابول فى الكوريه دى و اجيبا راجعا ... على بالقسم زولك مشى و بال فى الكوريه ديك و لما جا راجع كان شايل فيا واحد و عشرين جريو ( جرو ) ... و نصيح لا سعر و لا مصل دنكاركى و لا نص ... لما سألنا عن مراسل شبكة قناة الجزيرة او العربية او ابو ظبى او حتى تلفزيون السودان ( اوبس ) الإنقاذ وين عشان اصوروا لينا الحادثة دى قالوا لينا مشوا لأنو عمر البشير عندو مؤتمر صحفى عن سيدات أفريقيا ... و هاك يا فلل رئاسيه ... بختكم يا أخوان وداد ... عبدالماجد.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة