|
|
 تهانيكم بسرعة ,,, الدكتور بشار صقر ,,, عريس
|
بالعديل و الزين احتفل ألأهل و ألأصدقاء بزواج ألصديق الدكتور بشار صقر
حيث اجتمع ألأهل و المعارف و كانت اهازيج الفرح و الزغاريد و الشبــّال
الجرتق و البخور و الحنة و الضريرة تعبق الحاضرين....
نذف التهنئة الحارة للعريس و العريس و تمنيانتا لهم بحياة زوجية سعيدة
ملئها الرفا و البنين ,,, و سنظل ندعو لكما بأن تغلبها بالمال و هى تغلبك
بالعيال ,,, ابشر بالخير يا زول !!
الفولانى
|
|
 
|
|
|
|
|
|
|
|
Re: تهانيكم بسرعة ,,, الدكتور بشار صقر ,,, عريس (Re: Tragie Mustafa)
|
الأخت الأستاذة .. تراجي
ألف مبروك للعروس والعريس ..
( طبعاً إنت عارفة ليه قدمتَ العروس! .. عشان ما تجيني أختنا سماح وتديني علقة ..
ذي المرة الفاتت في موضوع بوسط بعنوان [ دارفور .. ثورة الرجال الصناضيد ] ..
فما خلتنا أُختنا لغاية ما قلنا الرووب ، وعطفنا[ والنساء] ..
أها..
أنت قلتِ ..
| Quote: وعقبال كان ما متزوج وكان متزوج يسمك |
أكان عاوزة تعرفي رأي عوض الفولاني ود تُلس ..
كان كل يوم بيحكي لي عن جدو المتزوج بأربعة! ..
شفتي الشربكة كِكّيف ..
لك كل التقدير وتحياتي للأطفال ..
| |
|
|
|
|
|
|
|
|
|
Re: تهانيكم بسرعة ,,, الدكتور بشار صقر ,,, عريس (Re: Tragie Mustafa)
|
ألأســـتاذة / تراجى
كم انا سعيد بمداخلتك ألأنيقة و الظريفة,,,,
Quote: يا ابو اخبار بايته وين انت؟؟؟؟؟؟؟؟؟؟؟
نحن محتفلين هنا من البارحه بزفاف الثائر د. بشار صقر |
بصراحة كدا تمنيت ان اكون معكم فى تلك اللحظات بس ما عندك
اى مشكلة الجايات اكتر من الرايحات لأنو الدكتور يستاهل اكتر
من كدا ,,, بس بينى بينك حسدتكم عديييييييل كدا
Quote: لك الود وعقبال كان ما متزوج وكان متزوج يسمك
انتى عارفة يا تراجى انا بقيت وزير تلاتة مرات لتلاتة من أعز
اصدقائى فكانت الوالدة تتشائم من انو اكون وزير دى لأنو
بتفتكر الزول البكون وزير كتير ما بتزوج بسرعة ,,, الظاهر
الخرافات دى ح تبقى صحيحة ,,,, بس الله يجازى محنك قطعتى مصارينى
بالضحك ( يسمك ) ,,, حلوة منك
تسلمى يارائعة ...
الفولانى
|
| |
|
|
|
|
|
|
|
|
|
Re: تهانيكم بسرعة ,,, الدكتور بشار صقر ,,, عريس (Re: Tragie Mustafa)
|
تراجي يا عروسة الثورة
سلامات كتير كتير ليك ولناس كندا
ليكم وحشة
و
العروسة تسلم عليك كتير
وتبارك ليك ع الموقع الجديد
من موقع التضامن النسوي
كثورة داخل ثورة اولا
وكمناضلة جسورة في خندق النضال
وشكراً جزيلاً ع التهنئة الجميلة وع الاحتفال الفاتنا
دي بس خلو حقنا ليوم اللما
ودمتي
| |
|
|
|
|
|
|
|
|
|
Re: تهانيكم بسرعة ,,, الدكتور بشار صقر ,,, عريس (Re: عاصم ابوبكر حامد)
|
العزيز حامد حجر
تحياتي:
Quote: أكان عاوزة تعرفي رأي عوض الفولاني ود تُلس ..
كان كل يوم بيحكي لي عن جدو المتزوج بأربعة! ..
|
يا جماعه باركوها حس عروس بشار تخاف منكم وتقول ديل ما يصاحبوا راجلي
لانه في بوست عرسه يتحدثوا عن التعدد
قول للفلاين اعمل حسابك من المهضومات(كنايه عن اللبنانيات لانهم بيقولوا للدمها خفيف
مهضومه)
واذا طلعتوا سليمين من بيروت دي ثاني مافي عوجه تب.
ويا ناس ابوجا ما تطولوا قدر وليداتنا الفضلوا
احياء خايفين يتم اغتيالهم في لبنان بسهام لحاظهن.
ولكم الود وصادق الدعوات ان يحفظ الله غربتكم.
تراجي.
| |
|
|
|
|
|
|
|
|
|
Re: تهانيكم بسرعة ,,, الدكتور بشار صقر ,,, عريس (Re: tasneem)
|
ألأســتاذ / عمر على
اشكرك على مرورك الرائع و التهنئة الحلوة
للعرسان ,,
تسنيم
لك التحية و التقدير و انت تسجلين اسمك
فى دفتر الحضور عبر هذا البوست ,,,, لك
الشكر اجزله على التهنئة ,,, و خليك فى
الخط الأيام القادمة ستشهد افراح كثيرة
بس دايرنك تزغردى ,,, ابشرى بالخير !!!
الفولانى
| |
|
|
|
|
|
|
| |
عوض الله الفولانى
Tragie Mustafa
hamid hajer
د. بشار صقر
عاصم ابوبكر حامد
Dr.Saeed Zakarya Saeed
omar ali
ابوعسل السيد احمد
ابو جهينة
ودقاسم
عبدالعظيم عبدالله
bayan
زوجي لما اتزوجته كان عنده هوسة اسمها قوانيين سبتمبر
Sidig Rahama Elnour
لؤى
Dr Mahdi Mohammed Kheir
فيس بوك
تويتر
انستقرام
يوتيوب
بنتيريست