|
|
|
 Re: بمناسبة الضحية :كيف تتخلص من كمبيوترك القديم بطريقة (لذيذة) (Re: الزوول)
|
الزول
السلام عليكم وكل عام وأنت والجميع هنا بخير طريف وظريف هذا النقل الحي المباشر وإن كنت أشك في أن اللحم ده لحم خرفان وارد سوق أب زيد ، أها إنت عارف الليلة الكبش في العاصمة بي كم؟ أسكت ساكت وخليها في سرك والله في ناس كدي يا أخوي إلا بيقوا همباته عديل عشان الضحية السنة دي ، إنت قال الضحية عندنا من الدين لا لا وحاتك دي عرف وعادة. إلا ما قلت لي يا الزول الشاشه أم بزازه دي دحين الفيها دا فار ولا ضكر بط ولا أرنب ؟
| |
 
|
|
|
|
|
|
|
|
Re: بمناسبة الضحية :كيف تتخلص من كمبيوترك القديم بطريقة (لذيذة) (Re: almulaomar)
|
السلام عليكم
مولانا الملا عمر
شكراً لتشريفكم إياي بالمرور ...والتعليق..
| Quote: أها إنت عارف الليلة الكبش في العاصمة بي كم؟ أسكت ساكت وخليها في سرك والله في ناس كدي يا أخوي إلا بيقوا همباته عديل عشان الضحية السنة دي ، إنت قال الضحية عندنا من الدين لا لا وحاتك دي عرف وعادة. |
(إشتْم) في ردك رائحة تنفيس لكبت المغلوبين على أمرهم بدليل تحويلك لسير الموضوع لمشروعية الضحية وتصنيفها الفقهي كدين أو عرف.
إن كان رأيي مما يشد أزرك في (الزوغه) من الضحية هذا العام
فأنا افتيك بأنها سنة (للقادر) ولا تجب علي غير القادر خاصةً لو (الكبش) بمبلغ وقدره ويقود للهمبته..
فانا اعفيك منها هذه السنة..
لكن ( البيقنع الديك شنو)
| Quote: قلت لي يا الزول الشاشه أم بزازه دي دحين الفيها دا فار ولا ضكر بط ولا أرنب ؟ |
عفواً مولاي..
انا اصنفك من أحسن 5 كتاب في هذا المنبر اسلوباً ورجاحة عقل وذكاءً ولا أدري ان كان (هم الضحية) هو السبب أم أن كتاب المنبر ( بيهدّوا فوق بعض)
وإلا ..
شوفتلك زول بيربي فأر في بيتو وكمان في شاشة كمبيوتر؟
والبط ده دحين موش طائر برمائي ؟
......
بمناسبة الفار دي
ذكرتني الرباطابى القاعد مع ولدو جاء فار ماشي
الولد: يابا .... شوف الفار دا
الوالد: يا ولد انا مالي ومال الفيران ..ات قايلني كديس؟ ....(مساخة رباطاب)
الولد : يابا ..انا قلت لك شوفو مش أكلو ( جينة مساخة وراثية )
تحياتي
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: بمناسبة الضحية :كيف تتخلص من كمبيوترك القديم بطريقة (لذيذة) (Re: الزوول)
|
أشكرك على تصنيفك لي وإن كان يدخل من باب التصنيفات الغير معترف بها في الفيفا ، وأنا في النهاية هاوي لا أكثر.
عن الأضحية فأنا والديك وكافة السواسيو متفقين ومقتنعين بأنها ضرورة ولا فكاك منها وأن لا تجرس ولا أقول الروب لأنني ولله الحمد من المزارعين في الأرض وبالضرورة فإن من بين نشاطاتي الهامشية كفلاح تربية بهيمة الأنعام والحمد لله لدي كبش دعول تربية بيتيه لا نفخه ماء ملح ولا جاي كداري من المويلح يعني خروف مدلل. ينفاس ويقارع خراف إخوتنا السنغاليين فقد ذكر تقرير من التقارير إياها التي توردها احدى الفضائيات بأن سعر الخروف على شاكلة كبشنا هذا يساوي 1500 دولار أمريكي الدولار ينطح الدولار وكما يقول بائع إشتهر بإستفزاز مشاعر المارة والتحرش بهم لشراء بضاعته الكاسدة "جربان ياكل بي عينو" "بي قروشك حلي ضروسك حق الواطه ما يملاك حصحاص" إلى آخر معلقة ذلكم التاجر الفاشل المستفز.
لم أهرب من الفكرة موضوع البوست لكن أول ما خطر على بالي في تلك الأيام المباركات وأنا أنتت وهي من مشتقات تصفح الإنترنت مع صوت خروفنا وخراف الجيران هو الشية والمرارة النية والكمونية وحق الضحية
أما عن شوفي الذي أصبح طشاش فقد رأيت فيما يري النائم أن الناس تربي الفئران للتجارب المعملية وعندنا الفيران بتربي في عز عشان يأكلها البعض وهو ما يعرف بحمام الشقوق. أما البط البرمائي فقد كان ذلك كذلك في زمان سبق تلوث مياه الأنهار والبحيرات وأصبح البط والأوز وحتى التماسيح تفضل البر على الماء برغم الحر وكان لابد للأسماك المغلوب على أمرها ن تموت ركن وتصبح فسيخ أو غير ذلك لأنها لا تتنفس إلا الأكسجين المذاب في الماء بحسب حصة الأحياء التي حضرتها ذات مرة.
ختاماً أخي الكريم لك وللجميع أقول
عيدكم مبارك
وخرفان تتعارك
وكل سنة وإنتو طيبين
وضفيرة كمونيتكم مترين
| |
|
|
|
|
|
|
| |
الزوول
almulaomar
فيس بوك
تويتر
انستقرام
يوتيوب
بنتيريست