|
|
 بكري ابوبكر ... يا حبذا لو كانت الخلفية .. تركوازية ...
|
رغم ان لون الخلفية الجديد هو لون ( كستري ) بنكهة القمردين .. لكن ايه رايكم لو يتكرم الاخ بكري بتغيير لون الخلفية للون التركوازي ...
لان اللون الحالي يزيد من زغللة العيون للذين يعانون اصلا من الزغللة ويزغلل عيون من لم يزغللون ... وغدا نكون او لا نكون .... مش كدا ياموج ...
مع خالص احترامي اخي بكري ....
ود الباوقة
|
|
 
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: ود الباوقة)
|
سلامات ودالباوقة
وكل سنة وانت طيب
بصراحة أنا معاك في حكاية تغيير اللون
ان شاء الله بكري ما يزعل..لكن اللون الجديد قريب من اللون الفات..
ويصنف في مجموعة الألوان النارية أو الحارة
معليش يا بكري تاني ..لكن ياريت لو يكون لون هادئ وبارد شوية..
تركواز أو أزرق..أو أخضر
شكرا لمجهودك المميز وكتر خيرك
دمتم جميعا بخير وعافية وسعادة
| |
|
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: ود الباوقة)
|
هوى يابت عثمان جايا تولعى النيران...هسى الجماعة يقلبوها احمرمريخنا وازرق هلالنا...انا غايتو مريخابى على المطوة لكن اللون الاصفر الفاقع-حلوة فاقع دى- بخلى الواحد يقرا ويرد يابنشوة فرح مريخابية او فورة غضب هلالابية..عشان كدا الكلام بطلع مشاتر...هسى كان ما مشاتر انا البودينى انادى نادية ب "بت عثمان" شنو...لكى العتبى الحمراء بالاصفر حتى ترضى....
بكرى...ممكن يتخفف اللون شوية?
and happy 2006 everyone
| |
|
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: ود الباوقة)
|
Quote: رغم ان لون الخلفية الجديد هو لون ( كستري ) بنكهة القمردين .. لكن ايه رايكم لو يتكرم الاخ بكري بتغيير لون الخلفية للون التركوازي ...
لان اللون الحالي يزيد من زغللة العيون للذين يعانون اصلا من الزغللة ويزغلل عيون من لم يزغللون ... وغدا نكون او لا نكون .... مش كدا ياموج ... |
والله ياود الباوقة ماك هين تب بقيت تعرف تركوازى لكن نحن بنقترح انو اللون يكون فوشى..طبعا فوشى دى صعبة عليك ..اسال منها نادية عثمان بتوريك اللون الفوشى ده كيف..،،
ياعربى ما تقرآ قرايتك بلا تركوازى بلا كاروهات معاك..عان العربى وجنو،،،
| |
|
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: صديق الموج)
|
والله ياود الباوقة ماك هين تب بقيت تعرف تركوازى
عمي ود الموج ..هل تعلم ان الباوقة كلها تركوازية لا يدخلها الا متكورز دا الكلام دا من زمن حمد واللمين ..
لكن نحن بنقترح انو اللون يكون فوشى..طبعا فوشى دى صعبة عليك
والله يا عمي اتفسحت ... تصدق نحن الشوالات البنعبي فيها البلح لونها ( فوشي ) احب يا موج الفوشي واموت في القرموشي .. طبعا دا يطرشك ما سمعت بيهو ...
اسال منها نادية عثمان بتوريك اللون الفوشى ده كيف..،،
نادية عثمان .. الفوشي دا مش اللون الزهري المايل على بصلي ...
عمي ود الموج اتحداك لو عرفت اللون ( المسترضى )
ود الباوقة
| |
|
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: ود الباوقة)
|
| Quote: عمي ود الموج اتحداك لو عرفت اللون ( المسترضى ) |
عمر خليك مع الهدم الاخدر والكزاكة الزرقة مالك ومال الوان اولاد الخرطوم دى.
وعشان اوريك المسترضى تمام لانك انت ما عارف وداير تعرف انا ما عندى مانع اوريك.
اولا الكلمة تصريف من MUSTARD وهى تعنى خردل بالعربى ..عرفت مسترضى معناها شنو يا كيشة؟؟
لقيتنى كيف؟؟
| |
|
|
|
|
|
|
|
|
|
Re: بكري ابوبكر ... يا حبذا لو كانت الخلفية .. تركوازية ... (Re: ناذر محمد الخليفة)
|
سلامات للجميع
يبدو يا إخوان أن منبرنا العامر هذا به بعض الاختلال بين الشكل والمضمون، بمعنى آخر أن الشكل لا يرقى لمستوى المضمون. واعتقد أن اختلال الشكل يتمثل أساسا في الألوان ومجاورة بعضها لبعض، وفي عددها. هناك عدد كبير من الألوان المستخدمة البعض منها ألوان أساسية: (أحمر - أزرق - أصفر - أسود) والبعض الآخر تدرجات لألوان. وهنا اقترح أن يكتفي المنبر بتدرجات للونين ريئسين هما: الأزرق والأصفر، ويضيف لهما الأسود والأبيض.
وأتمنى يوظف المنبر خطوطا أكثر أناقة ويتفادى استخدام خط Times New Roman لأن حوافه تبدو وكأنها مكسرة. ونتمنى أن يتم إدخال بعض الخطوط المنحية للكتل والإطارات.
| |
|
|
|
|
|
|
| |
معتز تروتسكى
.
.
wadda7a
Mahathir
Nasruddin Al Basheer
Ishraga Haimoura
الخير محمد عوض
bob
Tragie Mustafa
EMU إيمو
صديق الموج
Abd Alla Elhabib
عمر الفاروق
ناذر محمد الخليفة
محمد الأمين موسى
Walid Safwat
فيس بوك
تويتر
انستقرام
يوتيوب
بنتيريست