|
|
 اوراق من كتاب اديس ياصاحبي
|
اديس ابابا,الساعة ذي حوالي حداشر صباحا او حاجه ذي كده,يوم الاتنين,مثلا,يونيو 2004,اهه والجو كان كيف,جو فول ولا كان كيف?
يازول المهم كان جو ظريف,جو كده ذي ملاح النعيميه وكت جوعه.
الغيوم تشطف رجلينها في رؤوس الجبال ياعثمان البشرى,ايها الشاعر الرجيم,
دائما انت تصف الغيم وكانك تصف ساق حسناء جميله مخروطه ذي عنقريب المخرته يا عثمان البشرى.
لون الضوء كان ناعما مفعما بمغازي البريق.
ضوء مثل طين ضوء صلصال ضوء شفاف انت تعجنه بنظرك كيفما هبشتك انامل الطبيعه الخلابه.
ضوء يتغلغل ويغلغلك غلغله شديده خلاس .
قلنا شنو?
ياسلام يا بهنس ياخ فلقتنا بي خريمك الخارم بارم ده ياخ,انت وهم?
- ما انا بوهم.
-خلاس..ماقلنا حاجه لكن ما تخرم بينا ذي..ذي ركشه زلعانه وفاكا ميطي من بتاع حركه مرتشي.
....
وياهو ده انت البتصلحني من التخريم?اوووكي ياماخ..خرمتنا كدى جيب ثفه?
-ما بديك ثفه الا تزكر ات كت بتقول شنو..وقفت وين يعني ياصاحبي?
انا كنت واقف ويين? انا كنت واا...لقيتها ياعلق:
الضوء كان ناعما يتشرشف (لانو غيرت رايي من يتغلغل هسي الزول اللصقه ده يخش يغلغلنا) ,اوووف!
الضوء كان ناعما يتلهف دون عنت في بؤرة الشعور,لا لا,بؤرة الحس.
استحممت بعد اداء تماريني في صالة الجمناستك,وحيث الرياضه ذاتها تحلو,اختلاط رهيب يامولانا,حاجات كط كده يازول مع العجلات والحديد وتمارين البطن,انا بس بقيت ذي لياقة تور, تلاته ساعات,ياخوانا الجنس اللطيف برفع المعنويات والشاي الخفيف وبعض الاشياء الغامضه في الدنيا.
حسنا ياصاحبي,سوف ادخل كافتيرياتي المفضله,فروق المنقه وهدي اللعب وارخي.
تقستي سوف تشاغلني بينما انا اتشاغل باخريات.قصه قديمه لمن غلت ياصاحبي!
وسوف يبتسمن لي العاملات وينظر الي الوجهاء المسنين بشيئ من الاعجاب والغيره.
ياالله .
وسوف ارد بامهريه مدشدشه ولكنها فصيحه قليلة ادب في الطلاقه الفكريه,وهذا يفيد في السفر.
ايوا...... دخلت لي في دور الحكيم مسعود?
-انت داير تدينا نصيحه في فوائد الدنيا?
-ابدا.
-طيب,انت عامل فيها كركاب بن فرناب?
-بتاتا.
-طيب احترم نفسك واصل حكي من غير ما تقع في شنو ياصاحبي..في بير النصيحه.
بير النصيحه? دا تعبير بايخ ,انا ذاتي ياسيد ياجيد ما من الكتاب البهتمو بي خرد الاساليب وكشاشة الوعي.
كشاشة الوعي? دا..خلي بالك امهرنجه مخلوطه بي عربنجه ياصاحبي!
- ايواا تلك..عليك نور..فالح شاطر..
-وهم!
-احترم نفسك.
-والله صاح,معليش يانفسي ياخ انا غلطان معاك وسافي الترابه اهيئ اهيئ اهيئ.
الزول ده ذي الملاريا,كامنه في دم السوداني ودايره سبة تعب.
اها قلنا شنو ياخوانا?
ايوه!
.. .. .. ..
.. ..
..
.
هل اطلب ماكياتو?(كنت بين القوسين ديل داير اشرح ماهو الماكياتو تحديدا,اهه لقيت ليك الزول الوهم ده لابد جووووه,جم شنو? بس جم فجة الشرح),اها قلتا اطلب قهوه زرقا ساي.(الود يعني فصيح: قتا اطلب قهوه زرقا ساي,هئ هئ هئ).
-تقست?
-Apet(معناها بالامهرنجه "ايوه" بلسوداني"لا" عشان تعرفو حاجه)
-And bonna,abakish!
-Ishshi!
دينااااك!
Ishshi,اششي دي كاتله السودانيين وماشه في جنازتم.
السودانين في اديس????
ده كتاب تاني ياصاحبي.
وانا مالي?
انا مرات بحس انو انا حبشي .مرات جامايكي ميه الميه,الحبش في اديس بتعاملو معاي كاني جامايكي,تسمع شافعه جميله تناديك برافه عجيبه:
-ررراستا!
.. .. ..
.. ..
..
.
مره مشيت حفلة ريقي عاملينها جامايكيين شاشامني,يازول الجماعه حسو معاي باريحيه وانا كمان اعجبك يازول طشمت وقت ماشي ابول يازول جنب الحمامات شميت ليك ريحة الكايا.. الكتراااابه!
يازول حيييتم بتحيه تعلمتها عن شيخي بوب بن مارلي,فردوا علي باحسن منها,
ديل ياصاحبي بوب ده ولد بلدم عدييييل كده,يعني,ذي محمود عبالعزيز مع باقي السودانيين,اهه يازول,بدون مؤاخذه,نظام بول وقافي في احواض كده عامله ذي...
اقول ليك حاجه?انا ذاتي ما عارف زي شنو.
الجماعه الفي الحمامات بتصقعو ديل هم الفرقه ذاتا اتضح بعد داك.
-راستا!
ديناااك ياصاحبي! انا داير امرق يازول, كل زول فيي الفرقه الراستاويه الكريمه دي مدا لي سجارتو..دينااااك ابو البهانس طاشم واتمدت نحوه... شيييرنغ بتاع سجارات ياصاحبي,الليله القلوو ظ مقاس واحد ده بتفرتق ياصاحبي.
جمعت ما تبقى لي من لغة المستعمر:
-Rastas! Brothers, cool but...sice I have one mouth and one head Iwll take only one,Iery I &I!
الجماعه اتكيفو من الحنك يازول ورئيسم قال لي:
-Cool..one doing yea jub maman!
زول مسيخ زي كده بس.
لكن امسخ سوداني لاقاني بدون وصف هو مصوراتي في عمارة صحارى ورا الجامع الكبير,انا اتصورت اربعه باسبورت لي سفره,كويس معاك?وبعدين هو قالي تعال استلم يوم التلاتا,جدا,اهه لكن يوم التلاته اتعبطت فيني حاجه شديده منعتنا نحن الثنين من الذهاب لذلك الشخص ,اها مشيت يوم الاربعاء بركبة خاويه بعد بلوة الثلاثاء,لقيتو جاااهز يامعلم,سلم شنو? تستلم ياصاحبي.
بعد داك ظرافه مني كده قلت ليو:
-ياخ انا اسف امبارح ذي ما استطعت اجي وكده!
قال لي:
-ابدا, صورك ياها قاااعده,لا بتاكل لا بتشرب.
عليك الله شوف الزول اللئيم ده.
.. .. .. ..
.. .. ..
.. ..
..
.
اهها تقست يازول في الوكت ده ظبـطت(من اصعب مفردات العاميه)ظبطت القهوه وانا ظبتك شربتها.
بمحبة اشعرها تخدمني هذه البنت الملكه من قبيلة ارومو.
حسنا رتب نفسك ياابو البهانس ,شوف انت متجه وين بعد دا,الطرطشه وفلسفتك بتاعة ادقش مشي في المدينه الغريبه وماتخاف الروحان احساسك بنمو,دي فكنا منها.
حسنا يا صاحبي,انا ذاهب بالتبادي لي استيديو Digital family,لاحظ الاسم ده,يعني في المستقبل الخالات حايبقو ديقيتال,والخيلان ايضا,مش تقول:يا خاله وبس,لا,خطا,انت تقول: يا خاله ديقيتال.ياخاله ديقيتال ارويني .
حسنا,انا ذاهب بالتبادي لي استيديو Digital family,وقد لاحظتو للاسم كما نوهت,قلنا شنو? ايوه,انا ذاهب بالتبادي لي استيديوDigital family,والذي قد لاحظنا كلنا......
Stop!
ياخ انت مش برايه, انت..انت بشاوره نساها استاذ انجليزي في حصة العربي.
انت زول مهجور براااك فاعد,في الجبال فوووق,انت? انت روحك تبريها خلي الناس!
.. .. .. ..
.. .. ..
.. ..
..
.
جدا.
اها ولاخر مرة والله,انا ذاهب بالتبادي لي استيديوDigital family, بدون اي تعليق,ولماذا انا ذاهب بالتبادي?
لكي ااخذ نحو الخمس عشرة,ولا نحو الخمسة عشرة ,بالعربي خمستااااشر يا وهم,خمستاشر صورة مقاس A4 اعدادا لمعرضي المزمع بمدرسة الفنون,جامعة اديس ابابا ,وكان رسم وفتغراف وكان اسمه"Love study".
طيب انت ما كويس,جادعنك لييه?
.
..
.. ..
.. .. ..
.. .. .. ..
اها.
وممكن كده برضو:
.
..
.. .. ..
.. .. .. ..
..
.
دي ضنب سمكه ولا كيف?
انا زاتي زهجت منك,ياوهم وفطك.
-ياخ اقعد ياخ انا برا ااي,ياهو انت صاحبي اوحيد,انت كتن مشيت,انا اعمل شنو?
واحكي لي منو?
واقول شنو?
-انا عندي شغل مع الكاميرا انت عارف ...
-ياخ الكاميرا دي انت انبارح صافحتا فتح خشما وبقت مرتك علىPixle الDigital,حلال عليك,حياتك كلها شهر عسل.
............
/////////////
§§§§§§§§§§§§§§§
العلامه ا لاخيرة دي غلطه او الكيبورد ده راسمالي!
عليك الله شوف الحاسد ده,ثقافة القطيع!
يعني عشان وردت كلمة"عسل" انا ارضى انو تكون حياتي كلها...شهر???
|
|
 
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
بهنس
في يوم من الايام قال لي صديقي الفنان المطرب نادر خضر الذي له كلام كتير في اهلنا ناس اكسوم
عايزين نعمل فيلم ولا مسلسل في بلاد الامهره قلت ليهو يااخوي انا مابقدر على الناس ديل
ولاصحتي بتستحمل
جاينا انت عايز تكمل علينا
كده نشوف اخرك !!!!!!
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
ايواا .
..
........................................
..
دي كيف?
او
....///
....///
....:::
///
....
.....
بطل عواره واصل وخليك عادي قلنا.
-طب اخر مره
?.?;?;?.?.?.,.;??../.??;???
او
%%%%%%%%% ميه الميه ياصاحبي.اهه وبعد داك?
-معاك كويس?
-والله ابدا ما معاي ياخ!
انا ذاهب بلتتالي اليPiasa ياصاحبي.
وما هي بياسا?
هي مدينه بناها الطليان قديما.الطوب الكولنيالي الجميل(ما رضا بالاستعمار لكن اعجاب بالطوب).
ذاهب للمركز الفرنسي او الاليانس فخانسي,لكي اعلق اعلان معرضي,ولحضور افتتاح معرض جماعي لفناني الخطوط الجويه الاثيوبيه,معرض كبير وفيهو ناس كتااار,ودا انا البهمني في الموضوع ياصاحبي,لانو كروت دعوتي اوزعا وين?
في الفتيحاب لمن ارجع ولا كيف?
والمدير الفرنسي راجل حبوب ,وبتاع جيتار كمان من شدة ماهو مدير فرنسي.
بعدها اشرب القهوه في...
-اسمع انت ماشي سفير قهوه ولا سفير فن?
-دكتور اسنان!
-طب واصل.
كافتيريا الاليانس جنة وارفه من الزيزفون والنجيله والخميله الخمله الخامله بخمول اصلو ما ممكن تتخملو...يا زول بس اخمل ساااي والخمايل يتخاملن.
ثم سوق بياسا.
.. وماادراك ما سوق بياسا.
شارع سوق بياسا ان جاز التعبير هو...
-طب وان بنزين التعبير?
-الفاظك تبقى ديزل في اخلاق اي ...
-خلاس..خلاس
ثم سوق شارع بياسا,ذلك الشارع الغريق,عغفوا,عفوا,العريق,الجميل بسابله جميلين اكتر منو;ناس نضاااف,انيقين,حلواااات.
افارقه اروبيين عديل كده ده.
ذي سليم الثالث ود عم شنقر بدون زكر اسماء,انا وعثمان شنقر بنتونس في السياسه هو داير يخش معانا باي طريقه,وكان صغير لا يفهم في السياسه,يازول قنص لي اول صنه بينا واتعدل في قعدتو وقال:
- يا جماعه انحنا عندنا استاذ كده... بعثي شيوعي عديييل!
...
.....
......
........
..........
.....................
.....................
.........
.......
.....
....
..
اهى دي الطيارة يا جنابو.
اديس انا اسميتها "السودان الاوروبي".
او على وزن سليم الثالث:اتخيلو السودانيين بعد ما يخشو الجنه,لو خشوها يعني,
حاجه ذي دي كده.
الالوان الكاكاويه والزيتوصلصاليه والملسا..ويه,الرموش الموش,والجدعه الصاح,
لو البت منهم قحت في الضلام اللمبه تنفتح براها وتكورك:
-مالك?Winny? ولعتينا معاك
لوعتينا معاك
اتولعنا بيك
-اسمع..معاك ولعه?
-معاي طفيه..
..
..
..
.
.
.على فكره انت زول بايخ يا بايخه معاك.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
بهنس والله الزول مرفوض اي يعني ما مفروض يخش وسط كلامك السمح دا
لكن بيني وبينك بس ,,,, جيب اضانك ,,, كلامك سمح جد
اسمع جيب اضانك التانيه دي دي دي(دي شكلها قويييييييييييييييييييه)
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
قوم يمموا وجوههم صوب بلاد الامهرا
سماهم منصور خالد (عشاق الهضبة)
الولد المسخوت بالجمال بهنس احدهم
تقاذفته سدس كيلو و الكارامارا (و ما ادراك ما الكارامارا)
بحردار لوحة جمال متحركة
و الواباشابيلي نبع الريد الصافي
واصل يا مطموس
| |
|
|
|
|
|
|
|
|
|
Re: اوراق من كتاب اديس ياصاحبي (Re: Abuobaida Elmahi)
|
بهنس ديل اهلى الغبش..
خليكي محتفظه بوضوك
ارجيني ما تقيمي الصلاه
جيتك مستف بالنزيف
شقيان وحالتي مبهدله
جرحي القديم انا لسه حي
خطواتي جات متوسله
أديني بس حق الفطور
ما تخلي بينك وبيني سور
انا روحي فيك
شوفيني في خطوة مشيك
اوعِك تجيني تقولي لي
انا مالي بيك ؟
ونسيتي كل البينا كان
احلام زمان
يوم جيتي في نصة نهار
غنيتي ذي شدو الكنار
مش قلتي لي :
يا انتظار.....
تلقيني وين عجبتني فيك ..!
في اللحظه ديكِ حلمت بيك
انك معاي
وتري وغناي
عمري اللجاي
ونسيت اساي
وحلمت بي اطفال كتار
شايلين ملامح جنتك
راسمين مداين للفرح
حافظين مقاطع غنيتك
يا دنيتك
يا منيتك
ودخلت ضيف في ملتِك
سجلت اسمي مع الحضور
والدنيا كانت فصل صيف
الكلام الفوق ماليك ده لى واحده من بلاد اكسوم. .
| Quote: اوراق من كتاب اديس ياصاحبي |
اها قاعدليك ومربع يدينى وبسمع وبقول ليك (بهمس) يا(بهنس) ..
ما تقيف في نٌص الطريق
واصل المشي
ما تخاف شي
ما تقول جيت عابر سبيل
اديـــس كل شي
وكان الحضور
نفرين وبس !
انا والزمن
وانا كنت فيك تلميذ نجيب
مستني يفهم حصتك
استني يا استاذ دي
ما فهمتها ...!
ما مشكله ...!
بقراها في درس العصُر
دق لي جرس البيوت
انا امشي وين ؟؟؟
لو كنت يونس ببقي حوت
لو كنتي شاهد ببقي موت
ياوجعي من الم النزيف
بنياني لسع ما اكتمل
جرحي البينزف ما اندمل
حيجيتن كيف فصل الخريف
سبتني أسأل في الحروف
لمتين وامكن وكيف وهل
تقلعني قبال ما تصل
يا سكة العمر البخيل
ياطيف جميل زارني ورحل
حبك صروح
بعدك بزيد فيني الجروح
بسأذنك
يفضل معاي
يكتب عناي
يسكن غناي
وينتشي
وما جيت عليك عابر سبيل
اديــس كل شي
* بتصرف..
تتطوع لك الاحرف فتصير الياء والالف والهمزه تعني كل الحروف وتلخص كل الكلمات المفرحه
ماتبقى من النبض يهتف بك..
فى سيبل ضحكة عيونك
يبقى ظلم الدنيا هين
وحبة حبة
. .
قايتو كسير التلج ده كلو ماليك بس عشان تواصل وعشان اديس وناسها. .
| |
|
|
|
|
|
|
|
|
|
Re: اوراق من كتاب اديس ياصاحبي (Re: معتز تروتسكى)
|
خليكي محتفظه بوضوك
ارجيني ما تقيمي الصلاه
جيتك مستف بالنزيف
شقيان وحالتي مبهدله
جرحي القديم انا لسه حي
خطواتي جات متوسله
أديني بس حق الفطور
ما تخلي بينك وبيني سور
انا روحي فيك
شوفيني في خطوة مشيك
اوعِك تجيني تقولي لي
انا مالي بيك ؟
ونسيتي كل البينا كان
احلام زمان
يوم جيتي في نصة نهار
غنيتي ذي شدو الكنار
مش قلتي لي :
يا انتظار.....
تلقيني وين عجبتني فيك ..!
في اللحظه ديكِ حلمت بيك
انك معاي
وتري وغناي
عمري اللجاي
ونسيت اساي
وحلمت بي اطفال كتار
شايلين ملامح جنتك
راسمين مداين للفرح
حافظين مقاطع غنيتك
يا دنيتك
يا منيتك
ودخلت ضيف في ملتِك
سجلت اسمي مع الحضور
والدنيا كانت فصل صيف
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
اها...
..
.. .. ..
.. .. ..
..
.
.
;;
,,
..
;;
;;
.
..
.
..
.
.
.
ثم
.
دي رقصه يامعلم.
خش خش!
...
...
.....
......
;;;;
....
/..//§/??
جدا.
في النزل الشعبي الذي كنت استاجر في غرفه(ذي كرسي النص في الحافله)..
ايوه..قلنا غرفه بحمام هندستو ذي باب الاستاد,مطاول سغنبروتي,لكن جميل انا كنت مرات اشغل الفا بلوندي واديها عرضه راستاويه كده يامعلم,واخش ليك بالكاميرا فيهو يامعلم,جبطك جبطك ,كلك كك كك,شيط ويط(الكاميرا دي بقت تطلع اصوات غريبه?).
.
يازول الحمام ده بقى بلاوز مني عدييل.قال امممك!انا اجرني سوداني راكب الظلط بالغلط,ومطرطش,ومجنانكي,وعندو في راسو المبرم ده شلة بتاعة كدايس.
كانت حجرتي حجرتي بهجة النظر.جحير صغير انا بلمسات رخيصه جدا من سوق ماركاتو(وده كتاب براااو),يعني مثلا اقمشه فلكلوريه(قال اقمشه فلكلوريه..هي في الحقيقه سراويل نسوان قدااام من زمن عهد الامبراطور تيودرس الاول,انا بحبو جدا لانوا كان مجنانكي وهو السوى ارض الحبشه حبشه..سواها رجاله بس منو...كانت قبائل مستوحشه متفرقه تحارب بعضها البعض..اها قام طاقش ليك اولاد قبيلتو..لمن بايعوه على الطاعه..عمل ليو جيش صغير لكن قوي,
ومشى على الجيران ياعمك..
-والجيران بايعوه.
-عليك نوووور.
-وبعد داك?
- بعد داك كون جيش عظيم واعلن نفسو امبراطور على البلاد الكانت قبلو ماف.
- دي رجاله بس.
-صاح!
احترامي, وياخوانا الزمن داك الدمقراطيه ذاتا ماخترعوها لسه.
-صاح?
-صاح.
اذن بي حقو ياصاحبي,راجع سيرتو لانها ممتعه وعجيبه,المرجع الاكيد الان مورهيد"النيل الابيض" ص156 او ص266 او ص406 واذا ماضربت ارقام الصفحات دي عموما اقرى الكتاب كلو ;
- طق طق طق طق;استاذ والله ,داير تبقى ذي ناس الجامعه, مراجع وابقى راجع ياخريج ثانوي ولا علمي ولا ادبي,شهاده عجيبه زول شايل رياضيات اديشنال وجاب في الرياضيات الجبريه العاديه دي4 من100, فضل ليك يعني..ذي سته وتسعين وتقفلا..ياطبله).اف..اخيرا القوس اتقفل!
اقول كانت حجرتي ضيقة ولكني جملتها بعشرات الرسومات والصور والاقمشه وبعض المزازيك الحبيبه,ودا كلو كان لي,اخوك يحب يرطب لي روحو ويرفه عنها ويصاحبا ويشاكلا ويعاكسا ويوافقا, ويلا اهو فترة حياة.
اقول كانت حجرتي ضيقة ولكني جملتها باي هوك اور كروك.
الحجرة ضيقه وحقيبتي ضخمه,ولكنها تجعل رجال ونساء الجمارك في المطارات يبتسمون لي من اول نظره في الشنطه,لانهم يدركون شخصيتي المتواضعه حالا:
اشياء عقلانيه?
-ابدا.
امسك: نبلة حجر جميله لا تفارقني في اسفاري.اهه قول اازول يوم راح في غابه من غابات الدنيا وظهر ليو مثلا ثعلب,طوالي توريهو الاختراع ده
- ياابو الثعالب..دي بتجيب ليك الطير الرخس من دون اي مكر وخداع بس:شبطك!
قلنا نبلة حجر.مئات الفريدات من بيبسي وكولا وسبرايت وستيم وبزيانوس الحبيب
(ما دام الامر لا يخلو من دعايه).
شايفك طولت من التعبير الشاعري,كدي انجر لينا واحد.
-جدا.
كنت وحدي في الليل والمطر يطرق سقف الزنكي ,بنعومة,مثل الاف العصافير ترقص باظافرها على سقف زنكي.
-طب انت ما كويس! الفارغه ليك شنو?
...
...
...
...
..... ;;
..... ??
..... %%
..
/
.
/
.
/
.
.
جدا.
فقط عدد واحد بيره يا بهنس.امبارح قلنا كترنا وشربنا تمانيه قزايز,انت خاشي تصفيات?وهفت ليك تاكل بيتزا والواطه قربت تصبح,مرقت ولم تعد الا بعد شروق الشمس,اين ذهبت خسات ايها الرجل?
واحد بيرة فقط يابهنس.اهه? حسنا ياغشيم.
انت نفسي,وطلبك غال بلحيل,ولكن لاجل نفسي,سوف اطيعك.
- ديفيد!...ديفيد!
يجيئ ديفيد منططا بطريقه مسرحيه تستفز غبائ,هو يعلم ان انا سكرت..فمال كثير يمر عبر يدي اليه طوال الليل.
-Apet..Apet
...
.....
...
..
.
.
.
.
.
بعد داك يا معلم,تضرب في البيره وتشر الكنفسين,وتبدى تدقدق,صوت الفرشاة على سطح الكنفس المشدود,دلوكه بس,تبدى الضربات السريعه المتتاليه,ذي المكوجي,يبرد مكوه ويسخن شنو ياصاحبي?..مكوه.
UOUSSO'NOUR كان برسم معاي,بعد القطب بوب بن مارلي,USSUO اخوي ده الخليفه,السنغالي الغشيم,دينااااك! ياخ ده عندو مزيكه ذي المطر,ذي المطر.
تف ترف لو لو دم تم تم .ايقاعات نضيفه ياصاحبي.خرب افريقيا يامتزوق.
كجن كش كجن كش.
كجن كش كجن كش.
ده اسمو الفرنكبيه ياصاحبي.
-ديفيد!
-Apet!
.. ..
.. .. ..
وبعد ساعه نحو ساعه:
-ديفيد!
-Apet!
..
..
..
ثم
-دفيد(الصوت رخى واللسان اخد ليهو تقله)..
-Apet!
..
..
-اففيد!
-Apet!
بعد داك ديفيد متكيف من المشروع اكتر مني,لدرجة انا لا بقول ديفيد لا حاجه,بسمع:
-Apet!
-Apet!
-Apet!
.. .. .. ..
.. .. .. ..
.. .. ..
.. ..
..
.
.
.
اها وقام الصباح طلع لقاك مافي تااااني يا غشيم?
يا وهم.
-مستجد بيره
-انت نشات وترعرعت مع البيره ااا???
-انت متين شربتها زاتو يا ود امبارح
-شربت في البلد وكت الشري ابو مفتاح?
-ابدا.
-شربت البيره ام جمل?
-بتاتا,لكن معجب بي اسما.
هسي ماف ولا مليم في الجيب.ويفترض يكون عندك حق تكسي تنقل بيه الاعمال للجامعه,ولا فاطر,وراسك مصدع وجسمك ملجن,انت بتدرش روحك دي كده لييه?
خاشي حرب?
-هي حرب ولا فنون?
-فنون.
-طب...اها عيش الليله بي فنونك دي اول شي افطر!
كان بتقدر.
... ... ...
... ... ...
... ..
//
..
.
.
-انت وهم? عشان اديناك فرصه واحترمناك,داير تطلع في راسنا?
انا افطر?
بفطر كيف ما بفطر يازول?
والله انا الشجر يديني اكل يا صاحبي.الكلاب تديني فطورا.الطيور ترمي لي حبات قمح.الجدادات يفكو لي بيضتين بي تحت تحت.الكدايس تقاسم معاي اللقمه,خلي البشر يا...مرض!!
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
سدس كيلو هي منطقه عاليه لحدوت ما تطلع الجبل الذي هو احد في سلسلة جبال تحيط بخصر اديس مثل عش ضخم رهيب الوديان والمنحدرات.
يحكى,انه في زمان خلى,كان يسكن في ذلك الجبل احد الملوك,ولما تغيب ذات يوم لحرب,نزلت زوجته لاول مره معاها عدد لاباس به من الفرسان وحاشيه,اول نزلت الى واد (هو الان منتصف المدينه تماما,قلب اديس); ووجدت نبعا طبيعيا دافئا هناك فاغتسلت ورفهت,وثمة ان طاب لها المقام,فدمرت بحاشيتها,واسمت المكان اديس ابابا(الزهره الجديده),وقدم زوجها ولحق بها,زول شفت لمن ملك.
اها المكان النبعي ده,هسي اسمو Fini Fini,وهو حمامات ساونا وجاكوزي وعلاج طبيعي.
في الحمامات دي,سوق صغير وفندق وحلاق,بنفس الاسم.
الناس يعتقدون في ذلك النبع.
ومهما كان فذلك النبع,هو اصل المنبط لمدينه,يدعونها بعاصمة افريقيا المتحدة مستقبلا,هي الزهرة الجديده,اوAdiss Abeba,ولسع هي زهرة جديدة لنج حتى الان.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
بهنس
نسناها
لكن أظنها اوا ديش الو
وهاك دى ..
سليلة دميرة النيل
مَنْبَع سلسبيل ألحان
فنانك نحت ...
تقاطيع الابتكار دهشة
جدول قهوتك ممشى ..
صباك سُـمرة فى خاطر الجســد ..
قُرْقـــــاب
مطرَّزْ بالاُنـس و التحنان
تاوقــت الملايكة تشوف
إزميل الحياه برقص ..
موّج شهوة الرقراق
نثرك ..
فى عين الزمن انسان
معطون فى البكرى والطمبور
.. مزيج التراب والنور
وخيط بين الرقص و الطوفان ..
***
أببا
هفيف نخلـــــــــة ..
وريحة بن فى قلاية ..
سبحة انتكت فى مصلاية ..
بتباغِر
قرمصيص ..وبخور
أعاد ابتكارك واستوى ..
على لذعة عطش ..
مسحور
فــــذّاك ..
من سُخرية التناسق .. طور
وطُــــور مهدد بالعِرِق دسّاس..
***
هلوسِك ..
عجنِــك ...
فى الشّـــبق فنـّـــاك
لِــحـــق الرعــد روحِــك
زغرَد فى الضلوع وسْواس
وقف السّما ..
شــدّاك إنعتاق النـور
تاوَرِك الحنين للناس
حُضنى الطريق ..
هـُـــــنـداك ..[/B
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
...
...
مرحب..اليلة جيت?
-ايوه يامعلم.
-خش.
..
...
.....
.......
.........
..............
.......
................
.....
..
.
.
جدا.
اثيوباي تني سوداناي تني اي اند اي يا صاحبي.
-ايوواا..اليله ذي ده? جابت ليها ترجمه?
- ااااو!
-ديناااك..طب واصل ياصاحبي.
%%%%%%%%%%%%%
%%%%%%%%%%%%%%%%%%%%%
%%%%%%%%%%%%%%%% %%
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
////////////////////////////////////////////////////////
%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%%
///////////////////////////////////////////////////
§ . § . ; , ; , ; , ; , ; ,/.
.
..
...
جدا.
اثيوبيا هي السودان,والسودان هو اثيوبيا.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
-انت الطيور دي كيف?
-الطيور مناديل بي ريش ..
- بتطير?
-بتقش دموع النظر لسما.
.. .. .. ..
.. .. .. ..
.. .. .. ..
.. .. .. ..
.. .. .. ..
.. .. .. ..
-اسال امل دنقل.
استير اويك كيف?
- لا لا لا لا ياصاحبي..الا دي.
-كدي حاول?
استير? استير جرحه في خاطر افريقيا.
استير اويكا هي المغنيه العاريه في خلاء الذات تهرول مسكلبة بكدايس ومزامير وتراب مخموش في صوتها من كوكب تاني,فاهمني?
-.. ...
.... ..
.. .. .
.. .. .
.. . .;
يوهاا اابابا يي.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
أديس....
مديتة’’ تدلل معاصى سكانها، وتتباها بطقسها العاطفى الرهيب. ثم تفتح نوافذها على هضبة~ كأن الله قد راكمها لإراحة قدميه المغسولتين (بغيم~ طائش) لكن نعاسا بعيد أخذه الى أحلام شعوب أخرى.
.............................................................................................
هكذا يا بهنس يا قلب روحى كتب الرائع(تغيب الأسماء ويبقى الحرف الرصين قد يكون القمين عادل عبد الرحمن وقد يكون القاص القناص) للاصدقاء بالسودان أيام التيه الوطنى فى أوائل أوائل التسعينيات من أديس ومن ضمنهم الحميم طارق محمد عثمان الذى يتهجر الآن بكندا.
أغرمت بأديس قبل أن أقرأ هذا السفر الأدبى الجغرافى الرجيم فسحرنى الله الانسانى الذى يحوى هذا الوجود ولا تسلنى ان كنت ’ قد ذهبت’ الى المغيمة الحميمة أ ديس المدكورة أم لا ولا تسلنى عن متعتى فى هذى السياحة المهترشة التى دخلتهااليوم اللعنة عليك يا فتى ما زلت تدهشنى ودائما وأرى صنيع الأيام الخوالى وخالتى عيشة وأقولها عيشة هكذا ما رأيك؟؟؟ أحبك وبالنفس غربة و حسرة.
.....................................................................................
ملحوظة : علمت أنك تبحث عن عنوان لى وهذا ايملى الخاص بى [email protected]اما بقية التفاصيل فعلى التلفون يافردة بعد أن نتفق على مواعيد
| |
|
|
|
|
|
|
|
|
|
Re: اوراق من كتاب اديس ياصاحبي (Re: عثمان البشرى)
|
ياالله ياخ!
عثمان البشرى!
... ... ...
... ... ...
... ... ...
.. ..
.. ..
.. ..
..
.
.
.
.
ينحني لك القلب قبل هذا البوست.
عثمان
لماذا انت تنكح الحرف ياعثمان?
عثمان البشرى!
قصائدك في ضميري مخلوقات حيه .
تعلمت منك الكثير عن اديس قبل دهور من سفري.
عثمان البشرى!
انت سافرت اديس اكثر من اي سوداني عرفت.
عثمان البشرى..اقول ليك?
انا اي كلام داير اقولو ليك ..ما قلتو لسه
هسي برسل ليك ايميل وبضرب ليك وبسمعك زيين.
دينااااك!
معلم خشا اسمو عثمان.
-عثمان البشرى.
-ايوه..عثمان البشرى او عثمان العوده.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
" ياريتك
كنت معاي ياريتك
كان دوبت اعصاب الناي
في كاس..وسقيتك
غنوه بتسبح عكس الخوف
ايامك..
وكل ما طريتك...
داهمني حنين للشاي
في بيتك
يامعطون في البال ومشتت..
عكس مسام الكسره وجلد الحاجه..
طقس مميز..
انو احجي الليل..بي كونك
واحلب
ضي
النجمه
اغني
امني
لهاة الجوف بي لونك
وقبل مااعشي ولاد الشوق
باللهفه عليك...عشيتك
ياريتك كنت معاي..
ياريتك."
عثمان البشرى
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
"انت امراتي وهذا النهر لك..
انت امراتي..
ومر المذنبون فلا تغطي
شعرك الطيني مني..
كي يصافحني رجال الشرطة الامن الجواسيس
..وتجار القبيله
انا لست بياعا..
ولكني اساومهم بلونك في..
او طعم القصائد..
حين تتخذين من عصبي جديله;"
من مجموعة(انت امراتي..وهذا النهر لك)
عثمان البشرى
..
.. ..
.. .. ..
.. ..
..
.
.
.
-
-عثمان البشرى وبس.
| |
|
|
|
|
|
|
|
|
|
Re: اوراق من كتاب اديس ياصاحبي (Re: عصام عبد الحفيظ)
|
الجماعه قالو التصوير حرام,قلتا اهى النكتب بوست بالقلم,نشوف الصوره القلميه حرام ولا لا!
اول صوره تدخل البوست.
تسلم عصام.
يسلم البروف.
محبتي تاتيك في عدسة القلب.
بعدين اسمع..انت قصة المعرض ابيض واسود دي..ماراجينكم انت وحبيبنا طلال,
انا منتظر اشاره محدده,تحياتي
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
اها..
..
..
..
..
..خش!
- انت عميان من متين?
- من ما الله خلقني.
-وشفت الجمال كيف?
-بعيون مغمضه.
-انت تفتيحه يعني?
-انا عميان.
-عميان من ?
-من مالله نفخ في روحي الخيال.
. .. .. ..
.. ..
.. ..
..
-انحنا وين هسي?
- انحنا في ماركاتو اكبر سوق افريقي مفتوح.
-سامع لي جوطه مختلطه بصوت عربات ونداءات باعه وشحادين وشرايط مزيكا حبشيه في مكبرات صوت وضحكات صبايا منفلته.
-صاح.
- انت البميز انامل البت الحبشيه من باقي البنات في العالم شنو?
-البميز انامل البت الحبشيه هي انامل البت الحبشيه ذااتا.
-اعمل حسابك..في حفره قدامك..انحنا لافين شمال كويس?
-حاضر.
"ماركاتو سفرين" هي عنوان اغنيه رايجه عند الاثيوبيين اسمو"عبدو كيار" المغني,
والاغنيه تعني " ماركاتو توكيرتي وفجتي وترطيبتي" يا صاحبي.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
يا دينك يا بهنس يا ود البشرى يا حلوين ياااااااااااااااااااااااااااااااااا
عليك الله كمل النص بتاع أنت امرأتى وهذا النهر ود الشرى معاى وما عدو ورغم انو أصدر ثلاثة مجموعات لكن ما ضمنها هذا الجنون معزتى
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
حبيبنا ود عبد العاطي..
"انت امراتي وهذا النهر لك",
كراسه كبيره من كراسات ود البشرى.
يحزني ضياع هذا النص,انا فقط احفظ منه ما تمثلت به.
لكن..اكيد سوف يوجد من عشاق شعر ود البشرى المنتشرين في المدوره من يحفظه,ذلك ان الفن العظيم لا يضيع ابدا ابدا.
محبتي لك وللساحر الاكبر عثمان.
| |
|
|
|
|
|
|
|
|
|
Re: اوراق من كتاب اديس ياصاحبي (Re: gessan)
|
ياسلام عليك ياغسان جلبت لي احبابي اكليلو ويوهانس..ديل ساعدوني في تفريم المعرض وتعليقو
For Akilio & Johanese
Ishi ishi
Ani batam teshigir allo lintu
Batam kojo zoumau,Art mnamn,
Konjo Adiss;Konjo art school,Tronono Konjono tnasstiling
Baxzabir Stilling
Chao
وانت ياغسان لك محبتي .
Ishi
| |
|
|
|
|
|
|
|
|
|
Re: اوراق من كتاب اديس ياصاحبي (Re: Emad Abdulla)
|
ماااابرعوي اصصصلو!
الدم بجري في العروق لانو النبض افريقي والنتح افريقي والواطه افريقيا...
يعني عندك او عندي الواطه ياليل يا نهار..لكن جوانا..الواطه افريقيا..
طوااالي الواطه افريقيا.
;..
......
........
..........
.. .. ..
.. .. ..
لكن...مشتاقين ياعمده.
محبتي زهرة ثلج تحت شمس متخيله.
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
حينما اتمشى على ارض اديس,اكون في زمن اخر,في مملكة اخرى,احس باني قديم جدا,وممتد دون وطن محدد,شعور عميق يجعل الهواء يتحدث,والروح تتحدث,والارض تفوح بتواريخ قاسيه,والسماء رحيمة,والغيم خصيصا زح لكي تسقط اشعة الشمس على بشرة البنات.
-ده شنو يامعلم يكون ده?
-اسمع انت سوداني?
- قطعا.
-ما هو دليلك?
-دليلي انو بعشق بلدان كتيره.
- لكن...
-ياخ مافي اي لكن هنا!
-يازول?
-انا ما زول زاتو!
................
اتخيلو الزول ده يادابك انا امنت انو سوداني.
| |
|
|
|
|
|
|
|
|
 Re: اوراق من كتاب اديس ياصاحبي (Re: محمد بهنس)
|
عزيزي بهنس ، تحياتي
لانشغالاتي بأمور أخرى كثيرة صرت أزور هذا المكان لماماً
ولكنني استمتعت بهذا الحكي الطائش الجميل عن إحدى أجمل المدن الطائشة
فقد أمضيت بأديس أعواماً كثيرة بعد أن فررت إليها في بدايات العام 93 وظللت لاجئاَ بها حتى نهايات العام 96 وبذلك فأنا من رواد أديس الأوائل وما زالت فكرة الكتابة عن هذه التجربة "تتاورني" كلما وجدت الروح متسعاً لها واشتاقت إلى شئ
وددت أيضاً أن أشير إلى أن النص الذي أورده عثمان البشرى هو في الحقيقة مما كتبته أنا لطارق محمد عثمان وقد كان طارق يقرأ ما أكتبه له على الأصدقاء الذين كانوا بالخرطوم في ذلك الوقت ومنهم البشرى الذي حدثني طارق عن إحتفائه بتلك الكتابات
أرجح أن يكون البشرى قد كتب النص من ذاكرته (ويالها من ذاكرة خارقة!) فقد سقط عن النص بعضه وبه أيضاً ما تغير طفيفاً ولكن لا ضير فقد مضت 13 سنة على هذه الكتابة
وبالمناسبة يا بشرى لم يكن "العادلان" بين من عاشوا بأديس
ولكم جميعاً محبتي
نعمان
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد النعمان)
|
يامراحب يامحمد النعمان..
اديس هي لكل نسمة في تاريخ شخوص الانسانيه.
وربنا يدينا نعمة السفر كمان وكمان عشان نتعلم ونعرف ونشوف.امين.
مرحى بك من كاتب. انا في تلك الفترة التي اخذتك فيها اديس ,كنت غريرا على السفر بعد, ولكني احببت كلماتك الشاعره.
عثمان البشرى,يحب تلك الكلمات,وعبره تسربت الى جخانين ذاكرتي في شكل معنى شعوري بين المعاني التي نتداولها في تراث الانسانية الممتلئ حتى النخاع بالمعاني.
اتمنى ان تزور لا ملما,بل كاتبا نستمتع بوجوده بيننا,وانا محب لقراءة اديس ابابا من نظرتك وجماع شعورك,حقيقة,فهلا لبيتني?
محبتي
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد بهنس)
|
بهنس
ماتنفعك الرحــــــلـــــة لي أديـــــس
جهازي الحاسوبي عطلان
عشان كده ما ظهرت
لكن الفيك اتعرفت ماتعزمنا لي أديس
ماتنفعك
عايز ترضينا بس صورة جميلة ونرضى
امكن ؟؟؟!!!!!
| |
|
|
|
|
|
|
|
|
|
Re: اوراق من كتاب اديس ياصاحبي (Re: Ibrahim Adlan)
|
بهنس
وينك وين الجمال الاكسومي
والخميلةالخملة الخاملةبي خمول أصلو مامكن
تتخمــلو
يازول بس أخمل في البتخمل فيهو
أخمل ســــاي والخمايل تخاملــن
زي الجو مع خملـــــةأثــــــرية
ونســـــوهم خاملات خملــــــةعالمية
خلونـــــــــي ضربت خــــــمــلـــة
وبقيت مخمول بي خــــمــــلةخمــــلـتن
| |
|
|
|
|
|
|
|
|
|
Re: اوراق من كتاب اديس ياصاحبي (Re: محمد سنى دفع الله)
|
الحبيب ود السني..
الله يجازي محنك..
بتنكت البوستات دي تاني????
انا قت بوست اديس ده راح خلاس.
... ... ...
... ... ...
... ...
...
..
.
جدا ياصاحبي اوعدك بالمواصلة
..لكن اخوك اليومين ديل مكبوس واجبات تقيله.
امهلني لحد ما اتم معرضي الجديد..بعد داك نمشي اديس بخطوط سودانيز اون لاين.
محبتي
| |
|
|
|
|
|
|
| |
محمد سنى دفع الله
Abuobaida Elmahi
معتز تروتسكى
معتصم الطاهر
عثمان البشرى
عصام عبد الحفيظ
عبدالماجد موسى
gessan
Emad Abdulla
محمد النعمان
Agab Alfaya
فيس بوك
تويتر
انستقرام
يوتيوب
بنتيريست