|
|
|
 Re: الـشوق بحر..كلمات نادية عثمان.لحن وأداء صديق منصوري (Re: نادية عثمان)
|
الشوق بحر
دَفَق شوقي البحر يا زول .. كِبِر واتعاظم الإحساس
كلامك لَيْ حلاة القول .. حروف يتغنُّوا بيها الناس
ده ريد اتجاوز المعقول .. واصبح في حياتي أساس
* * * *
لقيت فيك الحنان والريد .. والحِنِّيَّة من غير حد
بحبَّك همس ولمسة إيد .. بحر الشوق كتير المَد
هلاَّ الحب صباح العيد .. بريدك في الهِزَار والجد
* * * *
تعال ما تضيِّع الأيام .. بدورك مني دِيمَة قريب
بعيشك واقع الأحلام .. واضُمَّك في الحنايا حبيب
كفاية عليك شقا وآلام .. معاي تَلْقِى السعادة نصيب !!
| |
 
|
|
|
|
|
|
|
|
Re: الـشوق بحر..كلمات نادية عثمان.لحن وأداء صديق منصوري (Re: منصوري)
|
أها اظنك سمعتي..أها.. كدة بي تديها شروق.. والله بي تديني ليها والله الإتنين.. المهم يا استاذة انا غرضي تم.. وهو العلاج والمداواة. ومحاولتي في هذا الوجود أن أكون ( فكي) فكي لى نفسى وللناس بي طريقة الله الماهلة الواسعة العريضة التي لاتزمزم زمزم ولا تضيق واسع.. ولا تقصر طويل.
| |
|
|
|
|
|
|
|
|
|
حنان دافق.. (Re: منصوري)
|
عزيزي المنصوري..
عزيزتي نادية...
من القلب شكرا لكم، هكذا يكون الشعر والاحساس...
كل حرف منها، تمنيت ان يتجسد واقعا ملموسا، نريد وطن كالأم، كالحبيبة، كرهنا الشتات الروحي والفكري والجغرافي، تجاوزنا يهود بابل، تجاوزنا مأساة مزامير دواؤد، طوبى لنا بالبلد الحلم، بأرض الله المختارة، السودان... كي تتسجد هذه الحروف .. حرف حرف...
لقد سقيتها استاذي المنصوري من حريق احساسك الدفاق، فعميق شكري لكم... وانحني امامكم، حبا وتقديرا...
تعال ما تضيِّع الأيام .. بدورك مني دِيمَة قريب
بعيشك واقع الأحلام .. واضُمَّك في الحنايا حبيب
كفاية عليك شقا وآلام .. معاي تَلْقِى السعادة نصيب
| |
|
|
|
|
|
|
|
|
|
Re: الـشوق بحر..كلمات نادية عثمان.لحن وأداء صديق منصوري (Re: منصوري)
|
متوكل بحر. إنت الشوق بحر دي أختك والله أخوك؟.. تسلم يارائع. أخونا أبوشيبة وعبد الغني كرم الله سلامات..شايفة يا أستاذة نادية البوست دا بي يلم الناس الذواقة والمليانين روح في آن واحد. شايف يا عبد الغني أخونا أبوشيبة حتي ما واعي بي نفسو..كرر الإنطباع الرائع هنا... سلامة أم العيال يا عبد الرحمن سلامتا لى عمرا.. تعرف يا عبد الغني إنت أديت كلام نادية بعد عميق وروحي وكبير.. اصلو قالوا يغني المغني وكل حسب هواه.. ويا أبوشيبة.. عاد بركات ابوك عمنا عبد الله تلحقك..
| |
|
|
|
|
|
|
|
|
|
Re: الـشوق بحر..كلمات نادية عثمان.لحن وأداء صديق منصوري (Re: منصوري)
|
راكوبة ولدنا.. زي ما قالت ليك نادية إنت ذاتك ما رائع.. واضيف لها أنا كمان فنان.. بعدين قلتا ليك. قالوا عمك الله يرحمو في زمن نميري كان رئيس هيئة الأركان وعامل ليهو راكوبة كبيرة داخل سكنو في القيادة العامة يشرب فيها الجبنة.. وكان راجل بسيط الله يرحمو.. يبدو أنو حكاية راكوبة دي ملازماكم... ويبدو إنك معجب بيها..
الأخ بشري سليمان:
لا أقدر اضيف تعليق عليك أكثر من تعليق شاعرتنا نادية.. وكلماتك المرهفات زاد الشوق البحر.. الله يبحر بيك في فيافي علمه..
ويادكتور معز عمر بخيبت أسمح لى أن اقتطف هذه الكلمات في تعليقك المكتوب داخل ديوان شاعرتنا نادية(عندما اقرأ اي حرف لنادية عثمان مختار تداعبني موجة عذراء، على شواطئ القصيدة، لكنها هنا عندما تجمعت أحرفها في هذا الديوان، تفجرت بحاراً أخرى سكنتها شاعريتها قبل الماء وقبل الطوفان، فكان تدفقها على شواطئ الأناقة والجمال برداً وسلاماً على كل رمال الإلفة والمحبة. فيها نتنفس معها عبق الصمت والصهيل.)
| |
|
|
|
|
|
|
|
|
|
Re: الـشوق بحر..كلمات نادية عثمان.لحن وأداء صديق منصوري (Re: متوكل بحر)
|
المبدع المنصوري الرائع لحنا وصوتا شجيا...
المكنوزة إبداعا نادية بت عثمان صاحبة الحرف
يالله والله قمة الإبداع الثنائي من حرف ولحن
تعال ما تضيِّع الأيام .. بدورك مني دِيمَة قريب
بعيشك واقع الأحلام .. واضُمَّك في الحنايا حبيب
كفاية عليك شقا وآلام .. معاي تَلْقِى السعادة نصيب !!
كفاية عليك شقاالأيام .. معاي تَلْقِى السعادة نصيب !!
هذا المقطع يثبت أمامي وأنا أعيده أكرره من الأمس حتي اليوم
ومازال صداه بداخلي ومهما حاولت يكون حضورا في سوانح تتنازعني
فيها أشرعة الرحيل .. والرحيل أمرا حتمياً .. فنحن دوما إلي سفر
واننا في حالة مغادرة متواصلة ,, لا يفرق شيئاً - إن كانت المغادرة
بإكراه أو رغبة ..
ولكن في لحظة السماع تحديدا إعترتني موجة المشاعر الحزينة.. مازالت
ترتسم بقاياها في دواخلي بعلامات الأهة والحنين ...
نادية بت عثمان ( يحفظك الله يا أختي )
لك دفء الحرف الخارج من آهاتك شوق وحنين إيتها الأصيلة .. تدفقي بكل
شاعرية طوفانا يغرق الألم الذي القي عصا ترحاله فينا أنيناً وآهة..!!!
تخريمة :
الحقو الناس البتهنق في السودان بي ( دق الباب وجانا...!
ووآب علي قلبا بي يالسايق العربية ....! والجلابية بيضا مكوية وهلم جرا)
لأنو ده جيلنا .... ولا شنو يالمنصوري
والقاكم عافية
ود زبيدة
| |
|
|
|
|
|
|
|
|
|
Re: الـشوق بحر..كلمات نادية عثمان.لحن وأداء صديق منصوري (Re: منصوري)
|
يا سلام عليك يا دكتور حيدر.أنت ما راجل فنان منشد ومموسق الداخل.. وصاحب صوت متفرد وتنتقى اطايب الكلام كما ينتقي آكل التمر أطايبه.. لك شكري..
.................
زولتنا نادية.. إنت بتنسي والله شنو.الديوان دا أنا اشتريتو بحر مالي.. من أخونا ياسر..بس طبعاً الغلاف البي ننشروا هنا موش القصايد القصايد والديوان لاننشره.عشان الناس تشتري..وعشان القصايد الفيهو كلها غالية. توزع بالسي سي.. يجب كل قصيدة فيه تشرفي على توزيعها..الشالا منو واللحنا منو والغناها منو عشان الحق الأدبي والمادي حتي.. ما إنت صحفية والبيشيل ليهو حاجة بدون إذن فليستعد لغرامة الملايين..سلامي
| |
|
|
|
|
|
|
| |
منصوري
متوكل بحر
عبدالرحمن عبدالله أبوشيبة
عبدالغني كرم الله بشير
Rakoba
Dr. Moiz Bakhiet
bushra suleiman
عنيده
Haydar Badawi Sadig
saif massad ali
فيس بوك
تويتر
انستقرام
يوتيوب
بنتيريست