كتب الكاتب الفاتح جبرا المتوفرة بمعرض الدوحة
|
Re: اضحك مع حسن موسي، الكومر العمرو! (Re: Bashasha)
|
Quote: ولي أن أسألك : ما المقصود بعبارة:
"الكوامر العمروها" |
اسامة ياالف مرحب.
الاجابة:
Quote: اما وصف "الكوامر العمروها" فالنكتة بتقول الفنان ابو داؤود، ايام مهرجان الثقافة في العهد المايوي، سالوهو، عن رايو في ظاهرة البكاسي اياما، فكان ردو:
انتو في البكاسي، ولا في الكوامر العمروها دي؟
طبعا كان بقصد ناس ابراهيم عوض اوعثمان حسين، اوماشابه. |
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
عزيزي بشاشة
أرجو أن تكون فصيحا في ما تقول به كلامك منصب حول الأخت نجاة و حسن موسى وبولا
أنا عضو في المنبرين ولذلك لا حظ لي في ما تحاول أن توحي به هم كتاب تقليديون, أتوا الى الاسافاير ولا أقبل فيهم أي كلام مخرمج زي كلامك دا, مهما كانت درجة اختلافنا المشاء
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: ولا أقبل فيهم أي كلام مخرمج زي كلامك دا,مهما كانت درجة اختلافنا |
العزيز اسامة مرحب تاني، يعني يانتكلم بي عربي فصيح، ياكلامنا يكون مخرمج في نظرك؟
علي العموم احنا بنقر، اننا رعواتيا، اومسواتية، غبش ساكد، فماتتعب روحك، بالاصرار علي صيغة الخطاب المثقفاتي، هنا!
احنا غير كده!
اماعدم قبولك لي وجهة نظرنا، في طرح سلعلع السودان القديم، فخلينا ناذر بعض فيما اتفقنا حوله، او نعذر بعض فيما اختلفنا حوله.
بالعدم بي طريقتك ياعزيزي، بي لغة الرندوق، تقبل ولاما تقبل!
فقط احس بالرثاء علي روح الشللية والاندفاع بالحمية، فيك!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: لكن يا بشاشة من موقع زول إبن زول متابع لكمية الإساءات التي يتلقاها الناس من بعض الناس دون سبب واضح |
يا أينوس سلام و عيد سعيد
زول بن زول دى قاصدنى انا و لا قاصد أى زول و أبوهو زول لو كنت قاصدنى انا و بشبش يأخى مشكور - انا بحب البينى انا و بشبش دة يكون بس بينى و بشبش أنبذو و لا هو ينبذنى نحن الاِتنين أولاد كبار بنحل مشاكلنا برانا
و مشكور يا سيدى و لو انا أسئت فهمك فلك العتبى
و شكرا
| |
|
|
|
|
|
|
Re: اضحك مع حسن موسي، الكومر العمرو! (Re: zoul"ibn"zoul)
|
قال عزت الماهري"أبنوس" الآتي:
Quote: المؤسف يا بشاشة إنك تثبت إن موقفك من الافريقانية وغيرها مجرد موقف لا علاقة له بأي معرفة ! |
هذا ما قلناه لبشاشة كي يرد على حسن موسى في موقفه المعلن من : الفنأفريقانية و مجمل قضايا الهوية وعلاقتها بالفن التشكيلي, وكون أن حسن موسى يعلن انتماءه التشكيلي للثقافة الغربية
لكن بشاشة لا يريد التخلص من الكسل الذهني محبتي لك , يا أبنوس المشاء
| |
|
|
|
|
|
|
Re: اضحك مع حسن موسي، الكومر العمرو! (Re: zoul"ibn"zoul)
|
زول إبن زول ، لم يكن في بالي إسمك وعذراً لذلك ، لكني أقصد إنسان إبن إنسان عادي ، يعني متجرد من الاسماء كلها والألقاب ، ولا أرضى الإساه للناس بغض النظر عن موقعهم كتاب تقليديين أم إسفيريين أم رعاة أو أي حاجة تانية .. وهنا يأتي عتبي على بشاشة الذي يسئ دون أن بتلفت حتى للإساءة لنفسه . مع خالص شكري للتنبيه والسلام
| |
|
|
|
|
|
|
Re: اضحك مع حسن موسي، الكومر العمرو! (Re: zoul"ibn"zoul)
|
زول إبن زول ، لم يكن في بالي إسمك وعذراً لذلك ، لكني أقصد إنسان إبن إنسان عادي ، يعني متجرد من الاسماء كلها والألقاب ، ولا أرضى الإساه للناس بغض النظر عن موقعهم كتاب تقليديين أم إسفيريين أم رعاة أو أي حاجة تانية .. وهنا يأتي عتبي على بشاشة الذي يسئ دون أن بتلفت حتى للإساءة لنفسه . مع خالص شكري للتنبيه والسلام
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
موضوع رائع ولغة أروع ومنطق جميل وكتابة رصينة نستفيد منها ( بغض النظر عن اتفاقنا أو اختلافنا مع ما يقول ) أقصد الإقتباس الذي أتى به الأخ كمال بشاشا لمداخلة حسن موسى شكراً أخي كمال بشاشا ملحوظة : سحبت السلام عليكم من استهلالي حتى لا تتمسك بها في اتهامي بالعروبية الأسلامية الكوزية الأمبريالية الشيوعية الأستعمارية الإنتهازية المصعبية الزرقاوية الإرهابية..
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: اضحك مع حسن موسي، الكومر العمرو! (Re: الزوول)
|
قالت بيان:
Quote: الغريب في بوست لاهوت الورطة رغم بدائعيته و حسن استدلالاته الى ان السخرية طالت بعض الاخوة والاخوات دون مبرر... مثل محسن خالد و ايزابيلا و فضيلي.. |
حسن موسى ينطلق من أنه "مشاتر" و هو ضمن الاقلية الهائلة او الساحقة بترجمته, نقلا عن كتاب المكسيكي الشاعر ,أكتافيو باث, والذي تأثر به : محمد عبد الحي ولذلك فهو يطلق النيران على الكل, ولم يتبق سوى "بولا" شيخ كوميونتهم ,كما يرى حسن موسى
لم استسغ كلامه عن الشاعرة الواعدة: ايزابيلا فهي تعد بالكثير ومثل هذا الهجوم , لا يخدم شيئا سوى تدميرها المشاء
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: لكن أن تلجأ للألفاظ السوقية ، فهذا أمر يجب أن تتوقف عنه |
ابنوس ياالف مرحب، شرفت. ان عندك غبينة مع صابون عيونك بشاشا، تعال دغري بالباب، بدل الاندساس خلف راية الدفاع عن حسن موسي.
انت كنت وين لمان سي حسن موسي بتاعك ده شتم عضوية المنبر ده، لحدو، واصفا لهم بالخنازير؟
ولا لي ضرورة ان تكون لك رقبة، لي شعر مثقفاتية، منبر الكوامر العمروها، احكام؟
ده كلو عشان ترتفع اسهمك عند الالفة نجاة، والناظر بولا؟
خايفة تطير عيشتك ذي ماسوت للناس الهادنت سجيمان، حسب فهمها؟
منو القال ليك احنا فتحنا البوست ده عشان ندافع عن د.ابكر، لوما اسقاط، عقلية القطيع، اوديماغوغيت الرفاق؟
اماالالفاظ السوقية، فاطمئن، احنا مامسكونين بي هاجس ان نكون مثقفاتية صفوة، وعلية قوم ذيك، ياعشائري!
ده كلو وانت من ينادي نفسه، بصيغة "القبائل العربية" رغم انو تقدمي، يمغت الافريقانية، كمايسميها، متمسح بالجلابة، ومتغمص لي شخصية الجلابي المستعلواتية، داخل محيطو المحلي، بغرب السودان!
شفت سلسلة المتناقضات الجواك، قدر شنو يا قبلي، اويا متوهم عروبة؟
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: وكون أن حسن موسى يعلن انتماءه التشكيلي للثقافة الغربية |
وشهد شاهد، من اهل حسن موسي.
يااسامة.
ماعشان كده قلنا عليهو "كومر معمر"، كناية عن الانقراضية، الديناصورية! فبينما اليمين الجلابي يري الوجود بعيون عربية، اليسار يراه بعدسة لاصقة، غربية، كانعاس، لي ثنائية مرجعية الاحتلال الثنائي!
عشان كده، سمينا الفاصل ده، اضحك مع الكومر العمرو، حسن موسي!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
عزيزي بشاشة
كيف وثقت في كلامي عن انتماء حسن موسى التشكيلي للثقافة الغربية؟
عليك أن تعود الى قراءة حسن موسى, بدلا من الاكتفاء بتلاقيطي وتلاقيط الآخرين
عليك أن تتخلص من الكسل الذهني, وأن تتعرف على حسن موسى في تعقيده المعرفي والتشكيلي معا, وفي تجليه السلبي عبر تقمص سيكلوجيا الاله الصغير, والذي تركز عليه الآن للأسف
محبتي
المشاء
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
دكتورة بيان يامراحب،
فعلا المضحك، هو ضحك امثال حسن موسي علي الناس!
لوكنت ماركسي سوداني، كان زمان اعتزلت الكتابة، اعتكفت بعيدا عن الناس، احتراما لي نفسي.
مافاهم يسار السودان القديم، غير حافظ علي وديعة السودان المصري، عمل شنو عشان كمان يضحك بي نفس، اوبلاخجلة، علي الاخرين؟
صراحة مافاهم!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
عزيزي بشاشا
لك من التحايا أفضلها.
لقد قلت:
Quote: فالي مداخلة حسن موسي في بوست الترحيب بي د.ابكر. |
أصحِّحك أولاً لأن كلام حسن موسى ورد في بوست الأستاذ أبكر المعنون "اتحاد الكتاب الشاقية" وليس في معرض ترحيب حسن موسى بالأستاذ أبكر وهذا التوضيح ليس اعتباطياً وإنَّما ذو أهمية بالغة.
قال حسن موسى:
Quote: الا أن الافق العرقي الذي دبّرت عليه استراتيجية المفاكرة الاجتماعية في خصوص تحرير المستضعفين في بلادنا يضيق عن استيعاب المهمشين داخل الفضاء العربسلامي ، و قد يستغني عنهم بذرائع الهيمنة التاريخية لبني الثقافة العربسلامية التي ينتمون اليها، |
وأنا أسألك: هل يتَّسع ذلك الأفق، أو الأفق الذي تنطلق أنت شخصياً منه، لاستيعاب المهمَّشين داخل الفضاء المسمَّى "عربسلامي" وكيف ذلك؟! وإذا كانت الإجابة بنعم فما الذي يمنع الأفق المسمَّى "عربسلامي" أن يتَّسع لمن دبَّروا استراتيجيات المفاكرة الاجتماعية خاصَّتهم متكئين على آفاق أخرى؟!
تحيَّاتي
| |
|
|
|
|
|
|
Re: اضحك مع حسن موسي، الكومر العمرو! (Re: Adil Al Badawi)
|
Quote: وأنا أسألك: هل يتَّسع ذلك الأفق، أو الأفق الذي تنطلق أنت شخصياً منه، لاستيعاب المهمَّشين داخل الفضاء المسمَّى "عربسلامي" وكيف ذلك؟ |
عادل البدوي تحياتي اومرحب بيك.
كلامك انت او حسن موسي عن "الافق العرقي" محتاج لي نقطة نظام: كلامكم ضمنينا ينطلق من تافف اوتعالي كاذب علي العرقية، ملتوي، خادع، اوحربائي، يثبت عرقية "معاويتكم" المهيمين سلفا علي كل شئ، ويخلع "علي" الغالبية المهمشة!
عبدالحميد البرنس بي تحذيرو العلني لينا، بعدم المساس بي مكونو العربي، ثم وصمو لينا بالعنصرية، اذ فعلنا، يجسد النقطة دي بي صورة واضحة جدا. حيث مجرد رفض استعلاء وامبريالية القومية العربية، المدعاة، يصنف كعنصرية!
حسن موسي رغم الجلبة والصوت العالي في الاتجاه المعاكس لايختلف في مركزيتو العروبية، عن البرنس في شئ! فالافق العرقي البتكلم عنو حسن موسي، لم يخرج اطلاقا خارج وديعة السودان الجهوي، اللي هو كماركسي، ابرز شيوخ غفرو، علي مدي نصف قرن بحالو!
اي ادعاء رفض للعرقية، من قبل اقطاب العرقية الابارثيدية الحالية، هو ذر للرماد، بغرض التمكين للعرقية المهيمنة، وان كان ادعاءها، هذا، محض وهم!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: كلام أبنوس حول شتيمتك للأخت نجاة و حسن موسى وبولا, في محله |
اسامة تحياتي. ياعزيزي اصرارك علي حكاية شتمي للناس ديل، بلا مسوغ بلا دليل، تجريمي وارهاب فكري لايليق بك. قول قلت كده، او دي شتيمة، للاسباب الاتية، اوبدليل كده.
تعبير "الكوامر العمروها"، ذي ماشرحت ليك، مامن عندياتي، وانما تعبير استلفناهو من انسان الشارع البسيط، منسوبا للفنان عبدالعزيز داؤود.
فهل انت مافاهم مدلول "الكوامر العمروها"، ولابتشوف المقولة لاتنطبق علي الثلاثي بولا نجاة، حسن؟
فمتي كانت وجهة النظر اي كانت قسوتا، شتيمة؟
| |
|
|
|
|
|
|
Re: اضحك مع حسن موسي، الكومر العمرو! (Re: Marouf Sanad)
|
Quote: وأنا أسألك: هل يتَّسع ذلك الأفق، أو الأفق الذي تنطلق أنت شخصياً منه، لاستيعاب المهمَّشين داخل الفضاء المسمَّى "عربسلامي" وكيف ذلك؟! وإذا كانت الإجابة بنعم فما الذي يمنع الأفق المسمَّى "عربسلامي" أن يتَّسع لمن دبَّروا استراتيجيات المفاكرة الاجتماعية خاصَّتهم متكئين على آفاق أخرى؟! |
يا بشاشة لو فهمت كلام اخونا عادل بدوي الكبار كبار دا
سيقوم لك شعرا يغطي تلك الرقبة الكوشية الغير مسقفة..التائهة في وهداتها المساواتية الوضيعة..الروعاية التى لا ترعوي.. وتدخل في كلام المسقفين على ضفاف السين العظيم..
يا ريت زول يشرح لي الكلام التحتو خط دا.. لو عادل زعل ورفض يشرحه..
البرنس جالك ولد.. مبروك(وش متفتت من الضحك) ما تزعل امزح معك يا فردة..
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
نبدا في موضوع تناولنا لي كلام حسن موسي، بايراد كلام الصديق د.ابكر، الولع النيران في جوف حسن موسي.
كتب د.ابكر مايلي عن اتحاد الكتاب، التقدمي، اوبرضو جهوي، مايلي:
Quote: ذاع الخبر وعم القرى والحضر في مركز عبد الكريم ميرغني إجتمع عدد من كتاب الداخل وتفاكروا حول «عودة» «إتحاد الكتاب السودانيين» في الصور كان في كمال الجزولي والياس فتح الرحمن - وربما آخرين - من الناس الكانوا في اللجنة التنفيذية للإتحاد المغتصب. ولإنو رئيس الإتحاد ونائبه: علي المك وعبد الهادي الصديق، أخذهما الرب إلى جواره، تم إختيار البرفسير يوسف فضل وتاج السر الحسن ليمثلا الرئيس ونائبه علي التوالي. كما ورد في الكلمة التي ألقاها كمال الجزولي بعض الإشارات التاريخية المتعلقة بتكوين الإتحاد. رد أخونا عبد اللطيف علي الفكي مصوبا بعض المعلومات ونشر الصادق الرضي الكلمة التي ألقاها كمال الجزولي تداخل الكثيرين (طبعا ناس العربي حيقول ليك الكثيرون) معبيرين (دي زي كثيرون) عن فرحتهم بعودة هذا الجسم/الكيان. أها وبعدين؟ بعدين كنت بتكلم في التلفون مع صديقي محسن طه - الكاتب المقيم في مونتريال، وجاء ذكر إتحاد الكتاب السودانيين وتنصيب «الشابين» يوسف فضل وتاج السر الحسن الشاقيين المشلخين في المناصب المذكورة، فعلق صديقي ساخراً بأن ناس الكتاب الأسود مفروض يضيفوا الإتنين ديل لـ«اللستة» بتاعتهم. وحصلت فذلكات حول الموضوع: إشمعني يعني الشاقية ديل؟ مفيش كتاب تانيين؟ أيوة، ممكن يكون مفيش. لكن يا ربي مفيش ليه؟ لا، في: في فرنسيس دينق وإبراهيم إسحق مثلا. بس ديل مفيش واحد فيهم قاعد في السودان عشان يتنصّب، دة إذا الجماعة فكروا فيهم من أصله - من باب الموازنة أو الترميز التضليلي الموجود ضمن تكنيكات الترميزات المستعملة في «التحركات الجمعية السودانية» - عشان صفة قومية يعني. طيب. لا دينق لا إسحق متواجدين، نعمل ليكم شنو؟ طيب ليه ما يتوفر إلا الجماعة الشاقية ديل؟ شنو يعني البخلي بس الجماعة ديل بس هم المتوفرين؟ وليه مفيش حد سأل نفسه أسئلة زي دي؟ يسألوها كيف ياخي، ما الشغلانة فيها سيستيمات وبنيات تاريخية كمان ومربوطة بـ«الهوية» السايدة/المسيّدة في البلد. شوف حتى ناس الحداثة زي ناس الخواض وعبد اللطيف لما فكروا في «إتحاد الكتاب السودانيين» قاموا إستناروا بتجارب الكتاب العرب «الفلسطينين» و«المغاربة»، وما ذكروا لينا سيرة إتحادات أفريقية أو عالمية - أنا شخصيا ما عندي علم بإتحادات من النوع الأخير دة لكن أكيد هي موجودة (بالعقل كدة)، طيب ليه ما نكون عارفين إنها موجودة ولا غير موجودة بينما نكون حافظين صم عُدلائها الفلسطينيين والمغاربة!؟ إشمعني يعني؟ هسي القصة دي لو عايزين نكون جادين مع الفقرات المكتوبة في دستور الإتحاد إياه البتشير لـ«أفريقيا» و«العالم» - زي الإشارات البتتخت في موجهات سياسات الدولة «السودانية» ذاتا ديكتاتورية كانت أم ديمقراطية - مش مفروض نكون عارفنها زي معرفتنا بالشغلانات العربية دي؟ مجرد معرفة بس! لكن فلنقول إنو العبد لله جاهل فحسب، وكمان صاحبه، وعلي هذا الأساس لا يحق للجاهل أن يحاسب اصحاب العلم بما لم يعلم، طيب، إشمعني يعني إتحاد الكتاب السودانيين (بالله ركزوا معانا في الكلمة الأخيرة دي) كان جل عمله «مكرس» في الإطار العربي: محمود درويش، أدونيس، الأبنودي، أحمد عبد المعطي حجازي، مظفر النواب، وآخرين، ثم بعد داك جاء بند «إفريقيا» و«والعالم»، الإتنين الكبار ديل، ليأخذا ما يقل عن خمس (على أعلي تقدير) ما نالته «العروبة». طيب هسي الفرق بين توجهات وممارسات الإتحاد دة وتوجهات وممارسات الدولة في المجال الثقافي شنو؟ والفرق شنو بين إكليشيهات الإتحاد دة العملية وإكليشيهات عمر الجزلي الما بفكر لامن يقولها في الإذاعة والتلفزيون «أمتنا العربية والإسلامية»؟ وكمان ما ننسى إنو الكلام دة حصل في زمن الدمقراطية. غايتو «إتحاد الكتاب الشاقية» دة لو يعني «إطوّر» ورجع لأصله (رغم التناقض الظاهري في رجع دي) حيبقى شنو؟ «إتحاد الكتاب الإسلاموعروبيين»؟ طيب إحنا دخلنا شنو؟ سر أناي؟ إستيلا قاتيانو؟ أبكر آدم إسماعيل؟ يعني شنو؟ خلاص يعني الشغلانة بقت «قومية»؟ قومية منو وقومية شنو؟ ولا بقت «سودانية»؟ سودانية ناس منو؟ ولا المحتوى/المضمون حاجات ثانوية في الحالة دي؟ أم أن قانون الأمر الواقع «العادل» و«المقنع» هو إنو «الأقلية» مفروض تخضع لـ«الأغلبية» - على الأقل على مستوى الظرف؟ يعني مفيش ميتافيزيقيا تخلينا نسأل إنو ليه الأغلبية دي بقت أغلبية والأقلية بقت أقلية؟. أها؟ الأغلبية دي بتمثل كم من الكائنات المضمّنة في «السوداني» دي؟ والأقلية دي بتمثل كم برضو في «السوداني» دي؟ ممكن القصة تكون ما قصة كم. والكاتب ممكن يكون نوع ما يتصنف بـ«الأسس» الكمية المفترضة في التصنيف إياه، باعتباره كيان قابل للتجريد أو التعالي Transendent. لكن برضو إشمعني يعني الأخرين ديل مش قادرين يكونوا كتاب (نرجع للكم من الشباك) وبالتالي ما عندهم بطاقة الإستثناءات والتجريد والتعالي دي بما يوازي كمّهم (الداخل من الشباك دة) عشان يخُشُّوا الإتحاد ويقدروا يوازنوا مصالحهم (أو قول رؤاهم بالبارد) في الأطر المجردة/المتعالية/الـ.. إلخ. ولما المسألة ممكن تكون بتتحسم «بدون حساسيات» عبر الديمقراطية، العليها بـ«الكائن» الموجود، اللي هو في الحالة دي، رضينا أم أبينا ببقى الكائن المعياري، بكونه نتاج علاقات الـdomination/subordination يبقى كيف يعني ناس قريعتي راحت ديل يعملوا ليهم وزن إستثنائي/قابل للتجريد في ظل وضعية الـdomination/subordination كيف؟الواقع الأنا عارفه بقول إنو قدامهم حل واحد - أنا غايتو ما عارف حلول أخرى - إنهم يجتازوا كل الـStructural barriers البتأسس ليها الدولة بجلالة قدرها، البتنتج غلبة ناس كمال ويوسف وتاج السر، عشان ينضموا للنادي دة، وطبعا واضح إنو في ناس لا مكتوب عليهم يجتازوا عقبات ولا يحزنون، ولو المسألة إستمرت بالمنطق دة، طوالي حنلقى ناس كمال الجزولي الصغير ويوسف فضل الصغير وتاج السر الحسن الصغير وآحفادهم وآحفاد أحفادهم ممشين «حالهم» - حالهم دي ممكن تعادل «رؤيتهم للعالم» - في الجسم دة إلى أن يأذن الرب بمشيئة أخرى. ممكن يكون العبد لله Cynical. فليه ما يقوموا ناس كمال ويوسف والحسن الصغير ديل يتطوروا ويمتلكوا رؤية تخليهم ينتبهوا للضيزى القائمة في الأمر، طيب لحدي الوكت داك ناس قريعتي راحت يسووا شنو؟ وتحت قريعتم دي حتفنى كم «هامش» وكم «هامشة» صغيرة؟ وديل زكاة ولا شنو؟ ولو زكاة، الأجر ببقى بتاع مين يا ربي؟ ثم إنو القصة دي من أساسها مش فيها عدم مساواة بين كائنات يتم التعامل - زيفاً - علي أساس أنها متساوية؟ ولامن أنا أقعد أنتظرك لحدي ما إنت «تتطور» عشان تديني فرقة في الأفق الجابك وتسوي لينا أفق سوا، أبقى أنا كاتب في شنو؟ ولو قلت لي (رمزياً، رمزيا دي بمنطق الـsubtilty) أنا سيدك هسي أدافع عن نفسي كيف؟ والمقولات بتاعة بيير بورديو بتاعة رأس المال الرمزي أحاججها كيف؟
بردعة: يراعي إتحاد الكتاب «السودانيين» في توزيعه لفرص التلاقي مع «الآخر»، الآخر دي تعني - في عرفنا - أي حاجة ما داخلة في «السوداني» دي بحرفية المعني، بالتساوي أو قول التكافؤ، واحد عربي، واحد إفريقي، وواحد عالمي. جبنا كاظم جهاد، مفيش مشكلة في الترتيب، بعديه ندي الفرصة لـ«شنوا أشيبي»، جبنا أشيبي، بعديه ندي الفرصة لرسول حمزاتوف، وهكذا تدور الدوائر. أما كاظم جهاد، درويش، أدونيس، حجازي أبنودي، ثم تسي تسي دامقاريمقا (روائية من زمبابوي)، ثم بلة ثم عبدالله ثم فتح الله ثم جلال الدين، ثم نيبول، وهكذا دواليك: تلك إذا قسمة ضيزى. وبعدين؟
أبكر آدم إسماعيل |
المصدر: http://www.sudaneseonline.com/forum/viewtopic.php?p=6416&...f5a0886eb478771#6416
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
واضح كلام اخونا د.ابكر، عن مركز عبدالكريم ميرغني، التقدمي او برضو جهوي، كما نهونا مرارا من قبل في المنبر ده، وجع حسن موسي شديد خلاس، مما دفع به لاعتماد خطة برازيلية، قواما الهجوم الكاسح، كخير وسيلة للدفاع عن سوءة اليسار الجلابي الجهوي، القابع تحت في لاشعور حسن موسي وكل الرفاق.
بالذات انو يوسف فضل تحديدا يعتبر اليوم ابرز مؤرخي ايديلوجيا، وهم عروبة السودان، وهذا الوهم يمثل اساس بروتكول حكماء الاستعلاء "العرقي" للاقلية الجلابية، وهذا الاستعلاء بدورو يمثل اساس شلالات الدم النازة من محارق التطهير العرقي القامت ماركسية حسن موسي، باداء دور الاسناد والغطاء الجوي، ليها، تواطؤا، وصمت!
دور يوسف فضل، مرشح الرفاق الجهويين في مركز عبدالكريم ميرغني، لرئاسة اتحاد الكتاب الجلابة، في تثبيت اركان النظام الحالي، كمتحدث رسمي باسم خارجيتها، لايخفي علي احد!
حسن موسي مدفوع بالولاء الايديلوجي، الديماغوغي لحزبه المقعد، تغاضي عن ده كلو، اوغض الطرف مهاجما د.ابكر، كانسحاب منظم، لانو عاجز تماما عن الدفاع عن موقف مخزي وفاضح كهذا!
...نواصل..
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
عزيزي بشاشا
أحييك أيضاً وأشكرك على الترحيب.
لقد قلت:
Quote: كلامك انت او حسن موسي عن "الافق العرقي" محتاج لي نقطة نظام: كلامكم ضمنينا ينطلق من تافف اوتعالي كاذب علي العرقية، ملتوي، خادع، اوحربائي، يثبت عرقية "معاويتكم" المهيمين سلفا علي كل شئ، ويخلع "علي" الغالبية المهمشة! |
ردِّي الوحيد على هذا الاتهام غير المؤسَّس هو الرأي الذي قلته لك قبل أكثر من خمسة أشهر: Quote: ... المهم حقَّاً أنَّ تناول مسألة العرقيَّة في الثقافة السودانية تناولاً دعائيَّا ًلا يمكن أن يخدم أي عرق في السودان... |
كُلّ ما أطلبه (وأقبله) منك حالياً هو الإجابة على السؤال لا أكثر ولا أقل، وحتى ذلك الحين أحييك وأتمنَّى لك التوفيق.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
تحية طيبة للجميع
الاستاذ/ اسامة الخواض اجدنى اتفق مع رآى د.بيان القائل بان الكتابة هى
نفسها سواء على الاوراق او على الاسافير، و لكن المختلف هنا ان للجمهور حق
الرد، حسن موسى، لا ارى له قراء او مهتمين باعماله الا و كانوا على معرفه به
على ارض الواقع، و لكن امثال (محسن خالد و ايزابيلا و شاعرنا فضيلي) لهم قراء
و مهتمين و مدمنين على اعمالهم ، رغم انهم لم يخالطوهم على ارض الواقع، و هذا
ان دل انما يدل على ان هولاء وصلوا الى الناس باعمالهم لا بمعارفهم الاجتماعية.
و الشكر موصول للسيد / كمال بشاشا على طرح البوست
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
ليس الامر شخصي ولكن احيانا اجد البوستات ذات الطباع الشخصي تجذب الناس..اقوم بتقلة دم كده امارس الوخز بالكلمات وافرش بضاعتب البايرة فيها..والبورد ده حر فقط سالتزم دستوريا بعدم ذكر شخص ان نييم رغم اني لا اتجول بين البوردات ولا اعرف الكثير منها..فقط نريد ان نسالك لتفتينا 1- هل الصراع في السودان سببه الهوية ام الموارد؟ 2- هل السودانيين عرب ام زنوج ام هجين؟ وماذا نستفيد اذا كنا حتي سياح من المانيا الشرقية 3- انت تحديدا هل تعتقد ان الشايقية والجعليين عرب اثنيا ام ثقافيا...واذا كان الافتراض الاول صحيح الشلوخ دي جات من وين؟ المفردات النوبية المنتشرة في مفرداتهم جات من وين؟ واول مرة اعرف انو في السودان في مثقفين؟...والمثقف عندو تعريف رفيع المستوي عند الاستاذ محمود...طيب لو كان في مثقفين الوصلو القاع شنو يا رب؟ ************ تصدق يا اخي هنا في اليمن برضو المثقفين قاعدين في ابراج عاجية يمارسون الثقافة كالعادة السرية...وقد نشرت هذا الراي في مقال في صحيفة القدس العربي عن الشاعر البردوني وذكرت ذلك...كرهوني عمي وارتحت منهم نهائى...لاني كلما سمعت كلمة مثقف تحسست مكان ما ..ليس مسدس..وعبرت عن ذلك باصابعي الوسطي ***************** كل الجمال في التواضع...وكل الاشراق في الاميين...ومن لا يجلس مع الاميين..ليس مثقف حقيقي معذرة اني اقرا هذه الايام كان كان العوام الذى مات مرتين لجورجي امادو وهي قصة رائعة جدا لرجل...لعن الارستقراطية الزائفة التي جسدتها عائلته واختصرها في كلمتين(كيس ضراط) والتي تجسدها جمهورية العاصمة المثلثة في السودان....وانحدر ليعيش في قاع المدينة حياة حرة..وان كانت ساقطة الا انه مارس السقوط النبيل وهذه اخر تجليات الكاتب الاشتراكي الذى مات منتحرا...وانتقل من مرحلة الواقعية الاشتراكية في دروب الجوع الي فلسفة العبث في كان كان الذى مات مرتين...لان الحياة نفسها اضحت نوع من العبث ومملكة الطاووس هي السائدة والطاووس بلا خجل يظهر عورته للناس..كما قال البياتي والطاووس هو الايدولجية في تجلياتها الاخير في النظام العالمي الجديد و وبزوغ شمس دولة المواطن العادي...والحديث ذو شجون
يرحم الله الفيقابوندvegabond ...المعري والغزالي....ولوركا... والمتنبي...والاستاذ محمود.. وكل الناس الهامشيين....العمالقة في واصابعهم تلمس شمس الحقيقة وقمر الجمال ولكنهم اقزام...في عالم المدينة وهي تمارس نعاسها اليومي كما قال البير كام في رواية الطاعون يقولون ان الافكار العظيمة تاتي دئما من الناس العاديين كما قيل في قصة فلور فور مسز هرس mrs. hariss deosn't belive in titles or ranks. she belives in enchantment that envolop evry creature ************* ختام عشان ما يشخصن زول حاجة ...نحن هنا فقط نشخص حالة الثقافة كفعل نرجسي..ولا اقصد احد تحديدا لاني تقريبا لا اعرف احد واكتب عن هذه الحالة من المحيط الي الخليج...ونحن مع مقولة جون قرنق التحرر من شنو وليس منو ولقد عظم البعير بغير لب ولم يستغن بالعظم البعير معذرة يا بشاشا يا برومثيوس خاطف/مشعل النار علي هذا الاسلوب السوقي..فانا ما مثقف.. لكن امي نجوم...
تحايا لعادل أمين بالطبع، بشاشا صاحب البوست، اسامة و د. نجاة الجميع
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
اولا اعتذر للقارئ، للشلهتة البتقوم النفس، وهو يحاول متابعة موضوع الخيط الاساسي، بي سبب اضطرارنا للتوقف والرد علي المداخلات القيمة، وهذا يمنع التسلسل في ردنا علي ترهات الستاليني حسن موسي.
ثانيا، حنواصل الرد علي المداخلات حسب ورودها، ثم نعود لاستئناف تناولنا لي كلام حسن موسي.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
الأستاذ الجليل بشاشا تحية طيبة كنت أتمني لو تناولت بالجدية لا بمثل هذا الإستخفاف مداخلة د. حسن موسي في بوست الدكتور أبكر آدم إسماعيل و خصوصا و أنه قد لامس نقطة جوهرية في موضوع يقاربه الدكتور أبكر بتؤده و تأن و تقاربه أنت بإسلوب Shock and awe أو بما يمكن أن نسميه الآن و بعد هذه الفترة الطويله بالـ"بشاشيزم".
لا أعرف علام (نضحك) مع حسن موسي وهو يقول لأبكر آدم إسماعيل
Quote: الا أن الافق العرقي الذي دبّرت عليه استراتيجية المفاكرة الاجتماعية في خصوص تحرير المستضعفين في بلادنا يضيق عن استيعاب المهمشين داخل الفضاء العربسلامي ، و قد يستغني عنهم بذرائع الهيمنة التاريخية لبني الثقافة العربسلامية التي ينتمون اليها، |
و هو حديث لا يرد الضحك أبدا في جملة ما قد يثيره!
أجد من الضروري، طالما تصديت للأمر قبل المعني به أن تجيب عليه وفق ما تطرح من أجندة. نفس النقطةأعادها عليك في نفس هذا البوست الأستاذ عادل البدوي، حين سألك أنت هذه المرة سؤالا مباشراو بطريقتك إياها لففت الأمور و شبكتها في بعضها في محاولة يائسة للهرب لا تخفي علي الكثيرين. أتمني أن تجيب بوضوح أكثر علي السؤال التالي
Quote: هل يتَّسع ذلك الأفق، أو الأفق الذي تنطلق أنت شخصياً منه، لاستيعاب المهمَّشين داخل الفضاء المسمَّى "عربسلامي" وكيف ذلك؟! وإذا كانت الإجابة بنعم فما الذي يمنع الأفق المسمَّى "عربسلامي" أن يتَّسع لمن دبَّروا استراتيجيات المفاكرة الاجتماعية خاصَّتهم متكئين على آفاق أخرى؟! |
و أرجو ألا تتحجج بعدم وضوح السؤال فهو واضح إذا إتخذته بجدية!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: قال صديقنا البرنس الآتي:
Quote: أرجو أن نتعامل مع بشاشا على نحو أكثر جدية..
محبتي ??????? |
اسامة مرحب تاني،
شايفك متعجب اومستغرب من استدراك اخونا البرنس، واستعدادو لاخذ طرحنا بجدية اكثر.
ياعزيزي مشكلتكم يايسار السودان المصري، انكم بتتخيلو روحكم بتقولو في كلام جديد اومختلف عن ما عهدناهو فيكم علي مدي ال50 سنة الماضية، اللي حاصل جمع حصادا كان 2,000,000 في الجنوب، 500,000في الغرب من ضحايا طرحكم انت او حسن موسي الماركسي اللينيني.
ماممكن طرح دي حصيلتو، اصحابو اوبي كل قوة عين ضحايا العصاب النفسي، يتجراو بمهاجمة رموز طرحنا الجديد، الخرج للوجود من احشاء ملايين ضحاياكم.
صراحة شئ مضحك، اوشر البلية مايضحك يااسامة!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
اخي بشاشا.. تحياتي عنوان البوست غير مناسب مع ان الموضوع شيق ودسم وينقصه وجهة النظر الاخري محل الانتقاد..
واختلف مع اختي بيان في موضوع الكتابةوانواعها واهمية تصنيفها ,وفعلا يجب ان نضيف فن جديد لفنون الكتابة
| |
|
|
|
|
|
|
Re: اضحك مع حسن موسي، الكومر العمرو! (Re: تولوس)
|
Quote: ابنوس ياالف مرحب، شرفت. ان عندك غبينة مع صابون عيونك بشاشا، تعال دغري بالباب، بدل الاندساس خلف راية الدفاع عن حسن موسي. |
ه>ا ما كتبه بشاشه في رده على مداخلتي . وانا أتسائل ياتو باب الممكن أجيك منو عديل يا بشاشة ، لأني كلما حاولت أدق بابك في أي حوار بلقاك ما عندك باب ، يعني قاعد في النقعة سااااااكت . الموضوع الإنت فاتحو ده ماك عارف بدايتو وين ونهايتو وين ، ودي مشكلتك إنك بتخوض في أمور ما عارفها وتحاول تقحم نفسك عليها وتريد من المداخلين معاك أن يسكتوا أو ما يقولوا رايهم ، طيب إنت فاتح الموضوع ليه ؟
ثانياً يا زول أنا فَهمتك مية مرة إنو ما بيني وبينك أي حاجة وإنت لا صابون عيوني ولا مناديل حمامي ، يعني ما حصل أنا قفلت الشاشة دي إت>كرت زول إسموا بشاشه .. كل الحوارات التي دارت بيننا لم أصل معك لأي نقطة فيها .. أرجوا أن لا تجاري الموضات المنبرية ، أركز شويا يا بشاشة ، وركز على المفيد ، وكما قال إسامة الخواض سيب الكسل . تحياتي للجميع .
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: ياخي انت ملاحظ انك لحدي اسي ما وريتنا انت مختلف مع حسن موسى في شنو في كلامو القالو لي ابكر دا |
معروف سند يامراحب، معليش حتي الان، مالاقي فرصة افصل اختلافي، واوضح سبب ضحكي علي طريقة تفكير امثال حسن موسي. باختصار كلام الناس ديل، قديم لمن معتت، او من اللواكة علي مدي نصف قرن، لبانتو بقت بلاستيك في الخشم!
الغريبة بعد ده كلو، هم البسخرو من الاخرين، جريا علي عادة يسارنا المغرم بالتعالي الفكري، باعتبار الفكر الماركسي يضفي نوع من البرستيج والارستقراطية علي معتنقه!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: أعرف أنك تود أن تدخل معهم فى مساجلات لهزيمتهم ... لكن الجماعة ديل ما بقنتنعوا بأفريقيتهم مهما نططت أو أزبدت |
حيدر حماد ليك وحشة. شايفك صاحي للون، اوناقش فلم ليبرالية الجلابة الهندي!
نقطة الارتكاز الاساسية في جغمسة الكومر العمرو حسن موسي، هي الاتي:
Quote: الى آخر الترهات العرقية التي تفتقت عنها قرائح مقاولي الهويولوجيا المعرقنة |
طليعة اقلية الجلابة الماركسية، الليبرالية، دايما ماتدعي تعالي اجوف، كاذب، خادع، علي ماتصطلح بتسميتو ب"العرقيات"!
ده Decoy اشبه بي همبول الهواليك في دنقلا!
{اسامة الخواض، بكون سطح مرة واحدة من ذي نضمينا "السوقي" ده علي قول المخموم ابنوس!}
عشان كده حزب هذه الطليعة، قطع لوج اوقعد يتفرج في مشاهد محارق التطهير "العرقي" او هو مصر الصراع في السودان "طبقي" علي قول شيخ الطريقة الحاج كارل ماركس!
السؤال الاول:
ماسر هذا التعالي، الدعي، علي "العرقيات"، ولمصلحة ياتو كوم، من كومين الصراع؟
الاجابة:
التعالي الدعي علي العرقيات في كلام الكومر حسن موسي، اعلاه، يخدم غرض اساسي من اغراض المجموعة المهيمنة والمتمثل في تغبيش وعي الاغلبية المهمين عليها، او ده نفس طرح اليمين الجلابي المستند الي النصوص الدينية البتقول علي سبيل المثال:
الناس سواسية، ولافضل لجلابي علي "غرابي" الا بالتقوي!
رغم انو الجلابي ياتي للوجود كسيد، بينما غير الجلابة من افرادQuote: " الكتلة السوداء" أو" المجموعة الزنجية" أو" التجمع الافريقي" |
حسب مفردات الكومر الجهوي حسن موسي، ياتون للوجود كعبييد، فروخ، فيران، المان، بالميـــــــلاد!
السؤال الثاني:
Oblivious حسن كومر الفنان الباريسي، الماري انطوانيتي، عن واقع العرقيات المعاش، هل صدفة؟
الاجابة:
مافي شئ اسمو صدفة بي منطوق مذهبية حسن كومر الماركسية ذاتا!
فموقفو هنا، موقف جهوي خالص، رغم غرابة وشذوذ هكذا استنتاج عن حقيقة موقف حسن كومر الجهوي، قياسا بالانطباع العام عنو، كليبرالي مفعم بالانسانية، ومسكون بالدفاع عن البروليتاريا!
بل هناك من يعتقد ان حسن كومر من دعاة المركزية الافريقية ذاتا!
الدرس هنا، بالنسبة لي قوي السودان الجديد، هو الحذر ثم الحذر من المظاهر البراقة، الخادعة، لي ليبرالية الجلابة، اوكيف ياما تحت السواهي دواهي!
من الجانب الاخر وكدليل علي مركزية حسن كومر العروبية، الذول ده اودموع التماسيح بتاعتو دي علي العرقيات، كان وين العمر ده كلو، وبلاد السودان معلنة بحد السيف كدولة عربية؟
هل صدفة انو عيون حسن كومر مطششة عن العرقية ذات العلم والنشيد دي؟
ليه غفور رحيم او ضارب طناش من العرقية العروبية، الوهمية، ثم شديد العقاب علي العرقية الافريقية، البتسوي للتقدميين كاروشة، من امثال حسن كومر، او سبارتو ابنوس بتاع "القبائل العربية"؟
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
في الاستشهاد الآتي يوضح حسن موسى بجلاء انه تشكليي غربي غير أوروبي, ويوضح رأيه بوضوح في "الهوية الأفريقية":
Quote: لا، شكرا يا صحابي فأنا لا أرغب في "العودة" لأفريقيا ولا لليبيريا ولا لأثيوبيا ولا حتى لاسرائيل الموعودة. فأرض ميعادي هي هنا حيث أقيم الآن [حتى اشعار آخر]. ذلك أنني كنت قد وعدت نفسي ببلوغها يوم تفتحت بصيرتي على حدود العالم وأنا يافع ألوّن الخرائط المدرسية بين "الشرقية الخامسة" و"الأميرية الوسطى"، ياله من زمان..
في ذلك الزمان، توصلت لتعريف نفسي كشخص حديث وكغربي غير أوروبي.
ذلك أني لا أفهم لماذا يطالبني ال"بعض" بالعودة للـ "غولا" ـ وهي تدل على الأسر والنفي أو"الغُـل" في العبرية ـ بين الكافرين بالحداثة والرعايا المستديمين للنيوكولونيالية المتعولمة، وذلك لمجرد صيانة هويتي الثقافية الأفريقية.
وما أدراك ما هويتي الثقافية الأفريقية؟ هذه الشبهة الأيديولوجية العرقية التي يسقطها علي رهط الأوروبيين والأمريكيين من ذوي البشرة السوداء الذين يحسدون القرد ـ كونهم يعرفون أنني ولدت في القارة المظلمة اياها ـ أنا بعيد منها بعد الذئب عن ابن يعقوب. بل أن بعد موضوعة الهوية الثقافية الأفريقية عني وغربتها علي يوفران لي مسافة آمنة منها فأسوّغ لنفسي حظوة تجاهلها أو تبنّيها حسب المصلحة الوجودية التي قد أجدها أو قد لا أجدها فيها.
هذه الحظوة الفكرية التي أسوّغها لنفسي بالنسبة للهوية الثقافية الأفريقية تظل مستحيلة بالنسبة لهويتي الثقافية الغربية، فهذه الأخيرة لا تسمح لي بهامش مناورة يؤهّلني لوضعية الحَكَم فأختار بين أن أكون أو أن لا أكون.
ومن جهة أخرى، فان وضعية "الحَكـَم" بالنسبة لسؤال الهوية الثقافية تنطوي على شيء من اللبس. ذلك أنني ان كنت أدبّر خياراتي الوجودية محكوما بمعطيات هويتي الثقافية التي هي بالضرورة سابقة على لحظة الخيار، فان مجرد قصدي الواعي لاتخاذ موقف من ما أسميه بـ"هويتي الأفريقية" انما يدحض أصل هذه" الهوية الأفريقية" التي، ان كانت تنفع في شيء، فهي انما توطّد من سيادة هويتي الثقافية الغربية.
هذه الهوية الغربية المستبدة المتمكنة واثقة من ذاتها بحيث لا تتورّع عن رؤية نفسها متنكرة في زي "آخرها" الأفريقي. وفي تحليل نهائي ما، فليس هناك من كلف نفسه عناء استفتاء الأفارقة ما اذا كانوا يرغبون أو لا يرغبون في الانخراط في مغامرة التقليد الثقافي الغربي، وخلاصة الأمر يمكن ايجازها في كون القوم قد استقروا في المكان الذي أفسحه لهم سادة زمانهم من المستعمرين الغربيين الأوروبيين. مكان الهوية الثقافية الأفريقانية كما يعرّفها المهيمنون الأوروبيون. |
| |
|
|
|
|
|
|
Re: اضحك مع حسن موسي، الكومر العمرو! (Re: osama elkhawad)
|
Quote: واختلف مع اختي بيان في موضوع الكتابةوانواعها واهمية تصنيفها ,وفعلا يجب ان نضيف فن جديد لفنون الكتابة |
تولوس ازيك وين الحي بيك
الكتابة لا تختلف الا بالاشكال الادبية دا قاص ودا شاعر ودا ناقد
لكن الاخ اسامة يحاول جاهدا ان يصنع مصطلح لا حدود له..
اسع انا شنو مصنفة؟
كاتبة اسفيرية ولا كاتبة تقليدية...
وعلى اي اساس..
وشكرا
نعتذر لبشاشة بس عايزين نثبت نقطة..
| |
|
|
|
|
|
|
Re: اضحك مع حسن موسي، الكومر العمرو! (Re: osama elkhawad)
|
كتب اسامة الخواض في بوست (في معرض الرد على حسن موسي)، الآتي:
وفعلا لم تتحرك المقبرة الا بعد دخولي وبرنس , واكثر بوست عدادي هو بوست عثمان حامد, اما باقي البوستات فتشكو من قلة المداخلات ,وأكثر من ذلك القراءة, هذا منبر بطيئ الحوار, وايضا غير مقروء ولذلك يفكر اخرون في البحث عن مخرج اسفيري آخر لمنبر الحوار الديمقراطي السلحفائي ل ثلاثي ظلام المسرح الأسفيري محبتي المشاء
غايتو الله يكون في عون التلاتة، مره واحد فيهم كومر وعمرو، ومره كلهم (ثلاثي ظلام المسرح الإسفيري). على العموم أنا مستمتع جداً بالشغلانية دي، لحدي هسه ما عارف المخلينى مستمتع شنو لكن دا الحاسي بيهو هسة. الصادق
| |
|
|
|
|
|
|
Re: اضحك مع حسن موسي، الكومر العمرو! (Re: bayan)
|
عزيزتي بيان بخصوص مفاهيم مثل الكتابة الاسفيرية و التقليديةالرجاء الرجوع الى نقاشاتي مع : حافظ خير وما طرحناه حول الرواية الرقمية في : لاهوت الوردة باعتبارها, أي الرواية الرقمية, واحدة من الأجناس الابداعية التي طرحتها الامكانيات الجديدة التي اتاحها الانترنت
والرواية الرقمية كانت اصلا محور البوست المسخن في سودان للجميع: عفوا عزيزي الخواض محبتي المشاء
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: زول إبن زول ، لم يكن في بالي إسمك وعذراً لذلك ، لكني أقصد إنسان إبن إنسان عادي ، يعني متجرد من الاسماء كلها والألقاب ، ولا أرضى الإساه للناس بغض النظر عن موقعهم كتاب تقليديين أم إسفيريين أم رعاة أو أي حاجة تانية .. وهنا يأتي عتبي على بشاشة الذي يسئ دون أن بتلفت حتى للإساءة لنفسه . مع خالص شكري للتنبيه والسلام |
يا أبنوس سلامات
يا سيدى مافى مشكلة بس انا فى الأول اِتجهجهت قلت يا ربى الحاصل شنو و و بالله ما تتعب نفسك مع شيخنا بشبش و تحاول تقنعو انو يتكلم بى صورة أحسن - من شب على شىء شاب عليه و الحاجة التانية لو الزول عمل تحسين لى طريقة نقاشو أو بالتحديد شكلو و زلتو لى الناس يقوم الناس يصدقوهو و لا حتى يحنو عليهو - خليهو عليك الله فى هترشتو و سبو لى الناس كدة تمام يضرب ذات اليمين و ذات الشمال زى ديك العدة - و دمت
و تحية خاصة الى أخونا بشبش واصل يا حبيب كفاحك كوامر عمروها - شينة سمحوها - يلا أى حاجة و السلام
و شكرا
| |
|
|
|
|
|
|
Re: اضحك مع حسن موسي، الكومر العمرو! (Re: Shao Dorsheed)
|
عزيزتي بيان
لا نريد ان نحول موضوع البوست الأصلي الى نقاش حول الكتابة التقليدية والاسفيرية فقد خضنا نقاشات معروفة في هذا الصدد عليك الرجوع اليها, وبعد ذلك يمكن ان تبسطي بوستا عن ذلك
قلت: لكن سؤالي انا في خارطة الكتابة ما هو سمتي الكتابي؟ مثلا ان تعتقد ان عثمان محمد صالح كاتب تقليدي.. كيف يكون هذا..
تصنيفك ككاتبة تقليدية أو اسفيرية يعتمد- بحسب مفهومي الذي طرحته هنا- على نوع البوست
عثمان محمد صالح في ما يطرحه من نصوص ابداعية , ومقالاته , هو كاتب تقليدي كبير
لكن مساهماته الأخرى مثل كلامه عن : التوابيت و نقاشاته مع حسين ملاسي, والتي اعتذر عنها ,وقام بشطب ما كتبه هناك, فهي تندرج حسب -زعمي المتواضع- تحت الكتابة الاسفيرية
في انتظار بشاشة لاكمال رده
المشاء
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: . المهم حقَّاً أنَّ تناول مسألة العرقيَّة في الثقافة السودانية تناولاً دعائيَّا ًلا يمكن أن يخدم أي عرق في السودان... |
العزيز عادل البدوي، مرحب.
مافاهم، وجه الدعائية في تناولنا "للمسالة العرقية" حسب مفرداتكم، في السودان شنو؟
بعدين ليه، فجاة قلبتو المسالة لي "عرقية" لمجرد اعتراضنا علي مسالة وهم "عرقيتنا" العربية، المفروضة علينا بحد السيف؟
لو وقع ليك كلامنا، فنحن نعترض بشدة علي صيغة "العرقية" البتتكلمو بيها دي.
احنا لم نفعل اكتر من الدفاع عن انفسنا، رفضا لي عرقية مفروضة علينا فرض!
في الاول شيلو العروبة دي برة، بعد داك كلمونا عن العرقية.
اي كلام عن عرقية في ظلال دولة عربية في بلاد السودان، يعني فقط حاجة واحدة:
تثبيت وتمكين للعرقية العربية، بطمس كل ماهو غير كده.
دي نقطة النظام القصدتها في كلامي الفوق.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: حسن موسى دا كان إتفقنـا أو إختلفنـا مع طرحه، هـو قائـد مدرسـة فنيـة حديثـة، يحترمهـا حتى الأربيون، وينصبون لهـا المعارض، ويقدمونـه محاضـرا لطلابهـم دون أن يعملوا له (عمـرة) بل هـو الذى يعمـر أدمغتهـم.. قـد أختلف معـه فى بعض أسلوبـه، ولكن هـذا سيظل إختلافـا على أى حال وليس غمط حق أو إحتقـار أو إدانـة |
لعزيز ابو اريش
اها جنس الخمة دي ياها البتخلي الناس تتقرضم..
وريني ياتو جامعة يدرس فيها حسن موسي وياتو جيرنال كتبت عنه.. موش جريدة ولا ورشة عمل... اي قائد مدرسة تكتب عنه المقالات و البحوث وماهو اسم هذه المدرسة الفنية الحديثة وهل لديها منفستو؟
في حاجات تثبت للشخص انه مبدع وعالمي وصاحب مدرسة..
يكون عنده قالري باسمو او لوحاتو قاعدة في قاليرات عالمية.. الورش البيمشي ليها تكون عالمية ومشهودة ومعروفة تكتب عنها الصحف اليومية والمجلات المتخصصة.. يكون عنده حواريين من جميع انحاء العالم وعنده استايلو الخاص ويكون بيعمل ورشو دي في جامعات تدرس الفنون ومشهورة بها..
ففن هؤلاء بقى ذي السحار اي زول يقوليك هناي قال شوفتو..ايوة ياخى والله هناي عديل كدا قرب ياكلو وهكذا...
اسع بدورك توريني الاوربين ديل منو وياتو مركز وياتو قالري وياتو جامعة..
ومنتظراك..
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
بشاشا والإخوة/الأخوات الآخرين/الأخريات أصحاب/صاحبات هذا البوست تحياتي الطيبات غايتو دة بوست طويل خلاص وفيهو كلام كتير ومتشعب ما يعنيني يا بشاشة إنو أنا ما شايف إنو حسن موسى متقرضم - رغم اعتراضي على وصفه ل«عبد الحميد البرنس» بإنه من فصيلة الكتاب الداجنة - وحميد في رأيي ليس كاتبا داجنا - وإيحاءات خصابه في لفظة «الخنازير» التي استعملها المسيح نفسه - على ما أذكر - وأعذرونا إن أخطأ تذكرنا - في خضم هذا الإرتجال. في جانب تاني مهم جدا بالنسبة لي، وأنا أقدره في حسن موسى، هو جديته وصراحته. بالإضافة لمحمد جلال هاشم، وأخونا أحمد ضحية، كأفراد، ومجموعة أخرى من رفاق الدرب زي ناس جعفر بشير وصادق إسماعيل، وتجاني الحاج، عبد المنعم مختار، والمرحوم نصر الدين الرشيد، والأخرين الما بسمح المجال بذكرهم، الصارمين في نقدهم والما بجاملوا في القضايا الفكرية تفتحت لينا آفاق كان يمكن أن نموت دون أن نستطيع رؤيتها. إذا كان في قرضمة، وقرضمة حقيقية، فهي تخص الناس البتجاهلوا تجربتنا الكتابية أو بمارسوا عليها الصمت. عاين للجهد البذله حسن موسى - بغض النظر عن إتفاقنا واختلافنا معه، وقارنه بالجهود الأخرى. بعدين الناس منزعجين من شنو؟ يا زول أصله العمر مبذول للكفاح ومستمر من أجل الحاجات الأجمل. وزمان قالوا "أسمع كلام الببكيك وما تسمع كلام البضحكك"، وأنا بحاول أقدم إجابات بقدر ما أستطيع، الإجابات دي تحتمل أن تكون فطيرة، أو ناقصة، أو ينقصها الكمال، الذي ليس من الممكن أن يتوفر لشخص مثلي. أنا شايف أنو حسن موسي فتح لتجربتي فرصة لإنها تتقري من وجهات نظر مختلفة، ودي حاجة ثمينة خلاص. ياخي ماركس ذاتو - دة بمنطق التراتبية - قاعد يتعرض لما عبرت عن في احتجاجي لأستاذتي في دروس الـpost-colonialism بإنه يتعرض - من قبل المؤسسة الأكاديمية في جامعتنا للـselling in retail، دة إذا افترضنا سوء نوايا حسن موسى. فلامن أنا ألقي لي زول زي حسن موسى يعاين لتجربتي من زواياها المتعددة، من حقي إني أختلف معاك ومع بقية الأصدقاء وأفرح. مداخلة حسن موسي طويلة، فيها شمول، فأنا بحاول ألقى لي وكت عشان أديها حقها، وأنا علي يقين من أنها ستفيد مشروعي بأكمله. الناس طبعا بأولوا الحاجات بطرائقهم المختلفة، وبصدروا أحكامهم المختلفة - الما بقدر أنا أسوي فيها أي حاجة ذات معنى، لكن ببقى التاريخ قائم، والحقائق قائمة، وإمكانات الفوائد المعرفية قائمة. وليس من أولوياتي الدعاية، ولا حتي إقناع أحد بما أنويه - كما أفادني في ذلك أمثال نصر الدين الرشيد، وإنما ما أنويه أن يفهم الأخرون ما أتحدث عنه، و أن أعرف صوابه من خطأه، فماذا يستفيد المهمش من الزيف!!؟
إنها فرصة لالتزام مقام القلق، وهو مقام خلاق، فحسن موسى فتح لي طاقة لأن أدلي بشهادات يمكن أن أسمع علي إثرها عشرين أو أكتر من "يا النبي نوح"؛ الإلكيشيه القدر يسجله ضمن حقوق ملكيته الفكرية العامرة بعرق جبينه. أنا أحاول أن أعطي حسن موسى فرصة لكي يكشف لنا (ويسخر أيضا) من «التهافتات» المحتملة في خطابنا، يعني "يا النبي نوح" دي حتعمل شنو مقارنة بـ«العب» الملازمانا تلازما وجوديا!؟ والدنيا دي فيها ورطات كتيرة، أقلها إنو الفرد ما يلقي زمن في الأوكات المناسبة لكيما يدلي بدلوه في ما لا يحتمل التأجيل. خليكم مستعدين لاحتمالي ولاحتمال حسن موسى. والأرض ملكٌ للذين سيولدون" --------- سالوم ساقية الوداع: أبكر آدم إسماعيل، 1992، وإذا طلع التاريخ غلط يمكن لصديقنا الصادق إسماعيل آخرين أن يصححوه.
وسلام
أبكر آدم إسماعيل
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
وزمان قالوا "أسمع كلام الببكيك وما تسمع كلام البضحكك"، وأنا بحاول أقدم إجابات بقدر ما أستطيع، الإجابات دي تحتمل أن تكون فطيرة، أو ناقصة، أو ينقصها الكمال، الذي ليس من الممكن أن يتوفر لشخص مثلي. أنا شايف أنو حسن موسي فتح لتجربتي فرصة لإنها تتقري من وجهات نظر مختلفة، ودي حاجة ثمينة خلاص. --------------أبكر آ. سماعيل
ترددت في الدخول لأكثر من مرة حيث كنت و ظللت مدرك تماما بأن أبكر يبحث عن مثل هذا النقد الذي يبدو
ناسفا ! , لمست هذا الإلحاف عند أبكر شخصيا و بعضمة لسانه , سمع كلام الببكي , رغبة جامحة حدثنا عنها أبكر,
ذات مرة, بصورة تبعث علي الملال !
حسن موسي , بالرغم من طول ريشته, علي وزن لسانه , قدم إختبارا فاخرا لمادة " الحارس الأخير " ظن البعض ,
فيما يبدو , أنها محاولة بائسة لتحويل النمر إلي هرة منزلية مغرمة بحك عنقها بحذاء سيدها ,أعتقد أن حسن
موسي قد فعلها " في غفلة سعيدة ", تعبير خفيف للراحل المقيم الخاتم, و ليشيل حسن موسي شيلته في مواجهة "
بكاسي " مستنيرة في قامة أبكر , و
Quote: المهم يا زول ، بدت لي الاجابة الابداعية التي تقدمها كأديب لسؤال الاستبعاد المركب، المادي و الرمزي،بدت لي كمثل استجابة شرطية معاكسة يفقرها الانفعال عن مفصلة أسباب الاعتراض و حججه ضمن كيمياء الغضب الخلاق. فأنت في غضبك الادبي كاميكازي ، تفتح النار على جميع العربسلاميين بما فيهم أنت نفسك.( و عربسلاميتك يا أبابكر فولة ثالثة أنا جاييك ليها). أقول أنت تفتح النار علي الجميع بدون فرز: يعني من كمال الجزولي ليوسف فضل و تاج السر الحسن، الذين مسختهم عملاء سرّيين للشايقية في اتحاد الكتاب السودانيين، و انت طالع لمحمد احمد المهدي النخاس لعلي عبد اللطيف الانقلابي عميل أميّة، لعبد الفضيل الماظ النشال اللص، لخليل فرح مهرج السلطان، لمهيرة العاهرة المعرّصة لغاية ناس يوسف فضل و تاج السر و آخرين.. شفت كيف ؟ |
! تبرئة زمة مقبولة !..
ما قلت ليكم حسن موسي يشيل شيلتو !
(عدل بواسطة Elmuez on 01-20-2006, 03:48 AM) (عدل بواسطة Elmuez on 01-20-2006, 03:53 AM)
| |
|
|
|
|
|
|
Re: اضحك مع حسن موسي، الكومر العمرو! (Re: Elmuez)
|
يابشاشا
تحياتى ..
اعجبتنى جدا مداخلة دكتور ابكر ادم ، حيث بدا حواره وجداله مع حسن موسى منتصرا ، بمثل هذاالهدوء وعدم الانفعال ورحابة الصدر والثقة بالنفس كسب دكتور ابكر جولته مع حسن موسى حتى قبل ان يكتب
اكييد سأكون فى انتظار رد دكتور ابكر ..
ودى للجميع
| |
|
|
|
|
|
|
Re: اضحك مع حسن موسي، الكومر العمرو! (Re: Adil Al Badawi)
|
لك التحايا عزيزي بشاشا،
لقد قُلت:
Quote: بعدين ليه، فجاة قلبتو المسالة لي "عرقية" لمجرد اعتراضنا علي مسالة وهم "عرقيتنا" العربية، المفروضة علينا بحد السيف؟
لو وقع ليك كلامنا، فنحن نعترض بشدة علي صيغة "العرقية" البتتكلمو بيها دي.
احنا لم نفعل اكتر من الدفاع عن انفسنا، رفضا لي عرقية مفروضة علينا فرض!
في الاول شيلو العروبة دي برة، بعد داك كلمونا عن العرقية. |
وأقول: هوِّن عليك يا أخا الغضب أما عَلِمْتَ أنَّ قِلَّةَ الحلمِ جهلٌ تماماً كما قِلَّة العلم؟!
أهديك، بهذه المناسبة، معلَّقة عمر بن كلثوم ففيها بيت يؤكِّد ذلك أرجو أن تطَّلِعَ عليه وترمي باقي المعلَّقة في حاوية القمامة خاصَّتك الموسومة: ARAB TRASH ONRY*
* أقول ONRY بسبب تواتر أخبار عن حاوية قمامة في جامعة يابانية، وبعض اليابانيين ينطقون اللام راءً، موسومة CANS ONRY فتأمَّل في ذلك في ضوء النكتة التي يُروى أنَّ الراحل جون قرنق قد حكاها عن جنوبي أعياه أن يفهمه حلفاوي صاحب كنتين طلب الجنوبي منه أن يبيعه بكرة خيط. أقول يُروى أنَّ الراحل جون قرنق قد حكاها حتى لا يُشْهَر سيف العنصرية في وجهي وإن أُشْهِر فأنْعِم بها من عنصرية تجعلني والراحل جون قرنق قرون بقر.
تحيَّاتي وخلينا في السؤال وحا نرضى حتى لو تجاوب لينا على تِلْتُو وفي النهاية: السؤال تِلْتُو ولا كَتِلْتُو.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
طبعا الوعي الدستوري يتطور بتطور الشخص ..لكن في منبرنا المبجل المناظر هي ذاتا والصور نفس المشاهد المادة العاشرة من لوائح المنبر تقول
Quote: - عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر
|
ومن روح هذه المادة ايضا عدم نقل موضوع شخص من منبر اخر والاساءة له هنا وهو لا يملك الحق عن الدفاع عن نفسه...وحسن موسي ده ما معانا في هذا المنبر
************* ومن مؤشرات هذا لبوست..يبدوا ان الديموقراطية في السودان كوعي وسلوك..تحتاج لخمسين سنةضوئية اخرى... وخليكم في الحالة الاميبية التي ادمنتوها لدرجة الابتزال..وانعم واكرم بالمثقفين ...
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
لا عجب يا بشاشا فبعد الحملات التاديبية الاخيرة فضل ابكر ان ينحني للعاصفة و" العاقل من اتعظ بغيره "
شوف الثقة المتعالية التي رد بهاعلي صلاح شعيب وبشري الفاضل والتي وصلت في حالة صلاح شعيب الي درجة من الاستخفاف والاستعلاء غير الحميد ولكن لا عجب ، فبشري وشعيب ما عندهم قرون ، ولا اقول ريش !
المرة الجاية ارجو ان تحسبها صاح يا بشاشا فالمعرفة هنا لاتقاس بالصاح والخطا ولكن تقاس بعدد القرون ! [ /B]
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
عادل أمين (حاف كدا) تفادياً (للقذف) (بالشلشلة) و ما إلى ذلك تحيا طيبة و للجميع مثلها
الغريبة: (كلما ازددت وعياًو دا مقياس منجور ذاتياً كدا) قلت مقدرتي علي التعليق على غرائب و ما أرى و أقرأ، حتي خشيت علي نفسي من مظنة الإصابة بـ (هاء سكت بشرى الفاضل الشهيرة)، عليه وجدت الكثير مما أردت قوله في مداخلتك يا عادل أمين فلذت بها، أعتقد أن ما نعانيه بالأساس (أزمة منهج) يتضح هذا جلياً في مزج الشخصي بالموضوعي و العام،
قبل أن نناقش اشكال الهوية و المركز و الهامش فلنبحث عن اطر منهجية تقود الخطى وسط هذه الظلمات يا بشاشا، بدلاً عن شن الحروب و المعارك بعقلية أركان النقاش و أدبيات السياسة في الجامعات !!! * الخواض فيما تفعله في هذا البوست تستحق الكثير من الإحترام و (الأسباب مفهومة) و الكلام موصول لـ أبكر آدم اسماعيل لكم
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Dear Bayan I googled a little but for Hassan Musa and this is partial listing of the results I repeat that regardless of my disagreement of his inapproperiate works that was published here sometime ago, but I must recognize his achievements as a Sudanese artist, who teaches arts in western schools and his artistic works are presents in gallaries around the world http://www.crdp-montpellier.fr/cd48/culture/litterature...ecriture/cddpmus.htmhttp://sudaneseonline.com/hassanmusa.htmhttp://www.people.cornell.edu/pages/sh40/Musa.htmlhttp://www.pem.org/lbw/pair_musa.htmlhttp://www.universes-in-universe.de/islam/eng/2005/11/cccb/fotos.htmlhttp://www.frenchculture.org/art/events/0304archivec.htmlHASSAN MUSA: GRAPHIC CEREMONIES The critical appropriation of classical Western masterpieces is an ongoing theme in the art of Hassan Musa, a Sudanese-born now living in France. In Self Portrait as Saint Sebastian, 1999, Saint Sebastian of the Sunflower, 1999, and Family Album, 1998, Musa takes on the martyrdom of San Sebastian, a central theme in Renaissance art, and processes it into a surrogate image that criticizes the hegemonic presence of Western culture. The ambiguity associated with the images of Saint SebastianÐcommonly depicted as a handsome youth pierced by arrowsÐallows the artist to replace him with such latter-day icons as Che Guevara and Van Gogh, whose lives evoke complex reactions of guilt and blame no less powerful than those created by Saint Sebastian's act of martyrdom. In The Origin of Art, 1998, a complex work that references Western art history, Musa attaches the head of Da Vinci's Mona Lisa to Courbet's most controversial and transgressive work, The Origin of the World, 1866. By juxtaposing these popular but diametrically opposed masterpieces of Western art, Musa creates a powerful criticism of capitalist culture, its construction of the female body, and the course of Western art history as a whole. Musa's large paintings are usually executed in textile ink on printed cloth, creatively blending the designs of the fabric with his own painting. Through this he inserts his own presence in a manner that draws attention to the endless possibilities of any art work, and to art practices outside of Western-sanctioned aesthetics. ©2000 Salah M. Hassan
| |
|
|
|
|
|
|
Re: اضحك مع حسن موسي، الكومر العمرو! (Re: Abureesh)
|
كتب عجب الفيا
لا عجب يا بشاشا فبعد الحملات التاديبية الاخيرة فضل ابكر ان ينحني للعاصفة و" العاقل من اتعظ بغيره "
شوف الثقة المتعالية التي رد بهاعلي صلاح شعيب وبشري الفاضل والتي وصلت في حالة صلاح شعيب الي درجة من الاستخفاف والاستعلاء غير الحميد ولكن لا عجب ، فبشري وشعيب ما عندهم قرون ، ولا اقول ريش !
المرة الجاية ارجو ان تحسبها صاح يا بشاشا فالمعرفة هنا لاتقاس بالصاح والخطا ولكن تقاس بعدد القرون !
أعتقد أن الأخ عجب الفيا تأخذه العجلة وعدم التروي، فما كتبه أبكر في هذا البوست ليس رداً على حسن موسي كما هو واضح، وإنما هو مداخلة لتوضيح ما سيكون عليه شكل حواره مع حسن موسي، وهو حتى الآن لم يرد على حسن موسي، حتى يقرر الأخ عجب الفيا أنه إنحنى للعاصفة. ثم أن أبكر قال ارجو ان تكونوا مستعدين لإحتمالنا أنا وحسن موسي، وهذا يعنى أنه يجهز لردوده والتى طلب من حسن موسي هناك أنه يحتاج لمراجعات لكي يعد رده. فمن أين إستخلص عجب الفيا هذه النتيجة (الإنحناء للعاصفة) وتعريف العاصفة هنا هو حسن موسي. الرجاء التريث ولنري ما ستتمخض عنه الأسافير. وتحياتى لك ولبشاشا. صادق
| |
|
|
|
|
|
|
Re: اضحك مع حسن موسي، الكومر العمرو! (Re: Abureesh)
|
العزيز ابو الريش
المقال الاساسي كتبه صديق له يسمى صلاح م حسن اسع اصحابي لو قالو ليهم اكتبو عنها حيكتبو ما لم يقله مالك في الخمر اذا اتى هذا الحديث في جيرنال موثقة مكتوب من جهة رصدت اعماله بصورة موضوعية لكن يمكن الاعتداد به..
كتب ان اعماله عرضت في كل العالم.. ذكرني ذاك الزنجي العجوز الذي قال انه طاف كل العالم مشي فلوريدا وكالفورنيا وتنسي..
هل استراليا ونيوز لندا و شرق آسيا والصين واليابان وروسيا والهند وافريقيا والشرق الاوسط الخ الخ في هذا العالم؟
عندما تقرأ اي حديث في النت انظر الى مصدره .. اذا كان كاتبه خواجة ناقد مهتم بالفن ممكن ناخذ به ولكن لو كان سوداني فلا ياخذ به..(شيلني و اشيلك)
ونحنا ما ناكرين انه حسن موسي عنده اسهامات ولكن هذا لا يؤهله لاحتقار الاخرين وسبهم دون سبب وافراد مكان لهم في جهنمه.. مع العلم انه يوما ما قد افرد مرقدا لصلاح احمد ابراهيم فيها.. ولكم اتمنى ان اجد هذه الكليمات التي كتبت في صلاح.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: ولكن احيانا اجد البوستات ذات الطباع الشخصي تجذب الناس |
العزيز عادل امين يامرحبا. مافاهم، وين الطابع الشخصي هنا؟ احنا بنتناول كلام محدد، جبناهو بالكامل بغرض نقاشو، فلواسلوبنا دغري او بسمي الناس والاشياء باسمها، كان نقول للاعور اعور في وشو، فمافاهم المشكلة وين؟
نجي لي اسئلتك:
Quote: 1- هل الصراع في السودان سببه الهوية ام الموارد؟ |
في السودان الصراع القائم، بين الشمال "العربي-المسلم" والجنوب "الافريقي-المسيحي، افتراضا، كما واضح من التقسيم وحسب التصميم الاستعماري للسودان المصري، صراع هوية في المقام الاول، وصراع مصالح، او موارد، بناءا علي التقسيم ده، في المقام الثاني.
ده "تقريبا" خلاصة اختلافنا، مع طرح يسار حسن موسي، الجلابي، اللي مصر الي اليوم، انو الصراع طبقي، والمشكلة مشكلة سوء توزيع موارد!
ذي ماقلنا قبل كده، تاريخيا، في ثقافتنا {المهد الجنوبي}،العامل الاقتصادي في تكوين تركيبتنا الاجتماعية، ماكان حاسم، مقارنة بي ثقافة المهد الشمالي.
طرح جماعة حسن موسي، ينطلق من مركزية اوربية، لاتملك غير ان تمسخ وتشوه، تناولنا لي معطيات واقعنا الثقافي، المختلف، اختلاف جذري، عن معطيات الثقافة الغربية، الاوربية، او ثقافة المهد الشمالي عامة مما غبش ولايزال، رؤية ماركسيينا، من امثال، حسن موسي، بولا، ونجاة.
لاحظ الناس ديل من شدة ماشايلم "حمار نوم" المركزية الاوربية، بتوهمو انو المركزيات انتهت، ولهذا بتكلمو بي تافف ناس منبتين تماما، عن واقع الحال في بلدم، عن مايسمونه "العرقيات" في الاشارة لي زي طرحنا ده، مش طرح بغلة وهم العروبة، الفي الابريق، وعلي مدي اكثر من 600 سنة في بلدنا!
وقع ليك كلامي ده؟
مرة اخري، ناس حسن موسي اوحزبهم الشيوعي الجهوي، عمرهم ماجابو سيرة عرقيات، ولاده كان موضوع اساسي او هم، علي مدي ال50 سنة الماضية، والان فجاة، اوعندما ووجهو برفض امثالنا، لوهم العروبة المفروض بحد السيف علي رقابنا، ناس حسن موسي قعدو ياداب يسوو هجم، نمر العرقيات!
ده شنو ده، بزمتك؟
لاحظ جنود لواء مكدونالد {الجديد}، بعد ما حاربوا بلامسوغ، مع شرق اوربا اوضد غربها، وعلي مدي 50 سنة، الان وبعد ان توحدت اوربا، بولا، نجاة، حسن موسي، بحاربو من اول او جديد في معسكر اوربا، اوضد امريكا، باسم منازلة العولمة!
شفتو ذي ده؟
شفتو ذي ديل؟
عشان كده، اخوكم بالله مرات يكون سايق، في الFreeway، يقيف في الEmergency Lane، يدردق من الضحك في ا##########، علي عقلية الكوامر العمروها، دي ، قبل مايواصل مشوارو!
2- هل السودانيين عرب ام زنوج ام هجين؟ وماذا نستفيد اذا كنا حتي سياح من المانيا الشرقية.
طبعا ماغريب ياعادل تسال سؤال ذي ده رغم جداول الدموع، وانهار الدم النابعة من شرايين الزنوج، وعلي ايدي العرب افتراضا!
انت ذاتك لاتختلف عن امثال حسن موسي، واليسار الجلابي في شئ علي الاطلاق!
طبعا تعرية واقع الفرز والقهر "العنصري" لغير "العرب" حسب الوهم، ضار ولايفيد مرتكبي جريمة الفرز والقهر، بواسطة اقلية الجلابة، لايفيد الجلابة!
ماعشان كده، سوي بوعي، اوبغير وعي، حسن موسي، زيك كده عبر عن ضجرو وانزعاجو، لاماطة اللثام، عن الوجه الكالح، القمئ، لي تسامي امثال حسن موسي الكاذب، علي العرقيات!
فالسودانيون زنــــــــــوج ياهذا، اولوما واقع ليك كلامنا ده، راجع مفردة زنجي في قاموس البعلبكي.
اماحكاية هجين هذه، فاختراع املته الحوجة لفبركة عروبة ذنوجة الشمال، والسلام.
Quote: 3- انت تحديدا هل تعتقد ان الشايقية والجعليين عرب اثنيا ام ثقافيا |
الجعليين والشوايقة زنوجة اقحاح، وليسو بعرب الاتوهما، كماهو حال معظم زنوجة افريقيا، البدعو اصل اجنبي، كمخارجة من واقع جحيم دونية زنجيتم في عالم اليوم!
اما الثقافة، فثقافتنا زنجية خالصة، ولاوجود للثقافة العربية، كمكون في السودان، وان وجدت كمؤثر او اثر اجنبي.
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: كنت أتمني لو تناولت بالجدية لا بمثل هذا الإستخفاف مداخلة د. حسن موسي في بوست الدكتور أبكر آدم إسماعيل و خصوصا و أنه قد لامس نقطة جوهرية في موضوع يقاربه الدكتور أبكر بتؤده |
سمؤول ابوسن تحياتي، اويامراحب.
اولا نشكرك علي اسباغ صفة الاستاذية علي شخصنا الاغبش الاغبر، او ده وسام علي صدرنا، نقدرو اونعتز بيهو.
نجي للموضوع، وبالذات سخريتنا، مامن نقطة محددة في كلام حسن موسي اعلاه، وانما الذهنية ذاتا، والتوجه بصفة عامة، بالذات احنا بنعرف مدي غرور ماركسيينا، المشهود اومعروف، وقد اشرنا لي تعالي اليسار الجلابي، المعرفي، في اول بوست لنا في المنبر ده، بعنوان:
The Burden of Marxisim في اكتوبر، 2003.
ثلاثي حسن موسي، نجاة، بولا، لازال ينهل من ارث التعالي، اليساري، الماركسي المعهود، كتعبير عن اعجابم الطفولي، الانبهاري، بالفكر الماركسي، الكان اعتناقو يوم من الايام، يدل علي الحوزة العلمية، والبرستيج في اوساط المثقفاتية، في الستينات، واوائل السبعينات!
جا الوكت الفيهو ندوس بالنعال علي الماركسية والاسلام السياسي، معا، باعتبارم القدمين المشت عليهم، فيما بينا، جثة السودان القديم، الزمن ده كلو!
فالماركسية "كاثار مايو" هي الان بعض اثار السودان المصري، القديم، المطلوب ازالتها!
اماكلام حسن موسي عن مااسماه "بالافق العرقي" اصلا مرفوض ومردود لي حسن موسي، ولن نعطي هذه الخدعة مصداقية، بقبولنا، النقاش تحت مظلة فرضيتا.
ادوات واوتاد النظام العرقي الابارثيدي وعلي مدي ال50 سنة الماضية، من امثال حسن موسي، بولا،نجاة، فاقدين لاي مصداقية تؤهلم للحديث عن العرقيات!
وينا دموع التماسيح دي ضد عرقية دولة الاقلية العربية "حسب الوهم" في ادبيات منظومة حسن موسي الشيوعية، في السودان علي مدي ال60 سنة الماضية؟
يكفي الي اليوم زعيم الشيوعي ، القبلي والجلابي نقد، مصر انو السودان عربي، حاف كده!
ده كلام حتي الترابي ماقاعد يقولو، تقول لي مااسخر اواضحك ملئ شدقي، من طرح اهل الكهف ديل، ياسمؤول؟
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: اخي بشاشا.. تحياتي عنوان البوست غير مناسب مع ان الموضوع شيق ودسم |
تولوس، يامرحبا.
مناسب، اوغير مناسب، خاضع لي تقدير كل منا، المنطلق من موقع كل منا في الصراع الدموي الدائر في بلدنا.
خليك من مجرد العناوين، او فقط تذكر الناس بتموت عديل كده، حتي من غير مايقولو بغم!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: الموضوع الإنت فاتحو ده ماك عارف بدايتو وين ونهايتو وين ، ودي مشكلتك إنك بتخوض في أمور ما عارفها. |
متوهم العروبة، والماركسي برضو، ابنوس، مرحب.
طبعا، زول ما تقدمي، ماركسي، لينيني، لايمكن يفهم كلام مغروري، غريري "المادية الجدلية"!
اهوده نموزج طازة، حار من الصاج، لي عنطزة الرفاق الفارغة!
يعني لوالواحد ماتغمص شخصية الرفيق والزميل الماركسي، فكر بذهنيتم، وتحدث بلغتم، متناولا للموضوع من زاويتم، فطوالي يلصقو ليك شارة "مافاهم"!
فابنوس مابعيد يكون مافاهم احنا بنقول في شنو، لانو حاسوب دماغو كرفيق مبرمج يفهم بلغة وطريقة محددة!
ذي قطر البضاعة، الماركسي السوداني يسير علي قضبان ماركسية!
ارمي دبوسة بس علي القضيب، او قطر البضاعة الماركسية، حيقيف في العقبة، محلك سر!
السر الاكبر، هل ماركسية الجلابة والمؤلفة قلوبهم من ابناء الهامش، امثال ابنوس، فعلا فاهمين الماركسية؟
لنجيب علي السؤال ده، علينا بدراسة حصيلة الطرح الماركسي، علي مدي نصف القرن الماضي.
هل قدم الطرح الماركسي اي حل اوحلول لمشاكل السودان؟
قطعا لا!
بل علي العكس اوذي ماقلنا، الطرح الماركسي وليس الاسلام السياسي، هو المسؤول الاول عن ماحدث في بلدنا، وفشل هذا الطرح، شهادتو ممهورة بي دما الملايين، الخذولهم الماركسيين السودانييين، لمان قدمو روحم كبديل للاسلام السياسي، شبل التركية السابقة اللاحقة، والحالية-في 56 اورسي عليهم العطاء لانجاز مشروع السودان الجديد، البديل للسودان المصري الحالي.
ماركسية الجلابة بالعكس، انتهي بيهم المطاف كادوات واوتاد للسودان القديم، وكنتيجة منطقية، الملايين ماتو، والبلد ذاتا في مهب الريح!
طيب اذا ده خلاصة اسهام الطرح الماركسي يبقي، ناس ابنوس، حسن موسي، بولا، نجاة، اونقد، مافاهمين حاجة خالص عن الماركسية، الاتضح فشلا التام كاداة تحليل في استيعاب معطيات واقع هي غريبة عنو تماما!
عشان كده ماغريبة محمد ابراهيم نقد زعيم الشيوعي، زي ابنوس بتخيل مش روحو اوبس، وانما بلاد السود عربية!
لاحظو بعد ده كلو الراجل ده ذي ابنوس، ماركسي، اي اممي افتراضا!
لاحظو الكومر حسن موسي، ماعندو مشكلة مع عروبة الرفيق نقد، وبلاد السود ذاتا، ولكنو عندو مشكلة كبيرة جدا، بسميها "عرقية" متي ماقلنا للزنجي نقد عيب ياخي، توهمك المخزي هذا للعروبة!
وقع ليك ياابنوس؟
شفتو Paradox ماركسية الجلابة التاريخي؟
طبعا "الصعايدة"، ابنوس اوزعيمو نقد، مافاهيمن، الي اليوم كيف ، ترماي وهم عروبة السودان، باعو ليهم ناس الخديوي!
نقد او ابنوس يلهطو في "صارقيل" نعوم شقير، مهندس العقل الجلابي الحالي، اوهم ماعارفين الشئ شرك! عييييييييييييييييييييييييييييييييييييييييييييييييييييييييييييك!
اها، يالمجولب ابنوس: البخوض فينا في امور مابعرفا، منو فينا؟
لاحظ حتي الان بشاشا وان انتما لي تيار البديل القادم من احشاء الملايين الراحو شمار في مرقة ترف ترهات طرحكم المعتت، يظل فرد فقط او انتو حزب وحركة شغلت كل حيز الفضاء المعرفي في السودان كلو exclusively لقرابة نصف القرن!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: فأنا لا أرغب في "العودة" لأفريقيا ولا لليبيريا ولا لأثيوبيا ولا حتى لاسرائيل الموعودة. فأرض ميعادي هي هنا حيث أقيم الآن [حتى اشعار آخر]. ذلك أنني كنت قد وعدت نفسي ببلوغها يوم تفتحت بصيرتي على حدود العالم وأنا يافع ألوّن الخرائط المدرسية بين "الشرقية الخامسة" و"الأميرية الوسطى"، ياله من زمان..
في ذلك الزمان، توصلت لتعريف نفسي كشخص حديث وكغربي غير أوروبي |
اسامة الخواض شكرا جزيلا
علي تنقيبك اعلاه في كتابات حسن موسي، البعترف بي عضمة لسانو انو ارض ميعادو هي باريس، او كيف ماعندو الشغلة بي افريقيا!
مش كده اوبس بل يعلن انو غربي غير اوربي، وذلك منذ ان كان تلميذا بالابتدائية!
حقيقة من جانبنا توصلنا الي حقيقة ثنائية مركزية ومرجعية حسن موسي واليسار القديم بعامة، الغربية/العربية، من دون حوجة للبحث والتقصي لي كتابات حسن موسي، لمافي ذلك من مضيعة للوقت.
الغريب يااسامة، انت ماشايف روحك كده؟
علي الاقل حسن مواسي واعي بي حقيقة غربة تغريبو او انت غير كده، اوده كل الفرق تقريبا بينكم الاتنين كيساريين، ماركسيين، تقليديين!
طبعا سبارة حسن موسي، بي "بساطة" وكمخارجة حيلجاو لي "فرمالة" عدم فهم الاخرين لي كلام حسن موسي "المعقد" او مركب، كما كان يوحي د.بولا الينا متي ماتصدينا له، واصفا بشاشا، بالتبسيطي بغرض الارهاب الفكري، بالذات ان الرجل يستمتع بسطوة وحوزة "علمية" واسعة ونافذة حسب مفردات الادب الشيعي، في اوساط قطاع اليسار التقليدي.
طبعا ده وجه اخر، من وجوه تجليات، الغرور والاستعلاء المعرفي المشهود داخل قطاع اليسار الماركسي، كما نوهنا من قبل.
ايضا يلاحظ في كتابات حسن موسي، الخواض، البرنس، بشري الفاضل، بولا، نجاة، الفكي، وجميع المشتقلين بالادب، ولع غريب بما يسمونه حداثة، علي نحو ببغاوي تسميعي اجتراري، ناجم عن مرجعيتم ومركزيتم الاوربية!
علي ذات النسق، تم تناول ادبيات الطرح الانثوي "الجندري"، العلمانية، وقبل هذا الماركسية بالطبع.
شغل الدرش والطرش ده، احنا بنسمي وهابية، لانو الوهابية قايمة علي الحفظ والتسميع او ده بالضبط اساس كل العجاجة القاجة في سوق الكلام عن الحداثة، الجندر، العلمانية، والماركسية.
المفاهيم دي لامعني لها، كقـــــــاعدة، خارج نطاق البيئة الثقافية الارية، الانجبتا كما واضح من الفشل المدوي للماركسية، في السودان.
من ذلك وكمثال، خد عندك الحداثة في الفكر الغربي، اللي اساسو حقن في الزراع، لمصل اصلا كوشي، انتقل لغرب عصر التنوير، عن طريق الحضارة العربية. هذا الارث الكوشي، انتقل للعرب من خلال ترجمتم لامهات اعمال قدماء الاغريق في العصر العباسي!
قدماء الاغريق تتلمذو علي ايدي الحضارة الكوشية.
ده في ادبيات الحضارة الغربية، بسمي بفترة "الفلسفة" الاغريغية من 640ق.م وحتي 322ق.م!
الطريف من يسمون مجازا بفلاسفة الاغريق، كانو غرباء في محيطم الثقافي، بالضبط ذي غربة اخوانا، فلاسفة الجلابة ديل، وكنتيجة حوربو وطوردو بل، بعضهم اعدم، واخرين بيعو كرقيق، لانو كلامم الاتعلمو عند اجدادنا، كان وقعو غريب او شاذ، علي اذن مؤسسي الحضارة الغربية!
نعم الاستلاف من الثقافة الغربية ضرورة، ولكن الاستلاف شي والنسخ شئ اخر!
الكلام عن شروط الاستلاف الثقافي طويل، وليس هذا مقامه، بس انتو ياناس حسن موسي واسامة، بطلو مسخ النسخ هذا، لانو فعلا مضحك، بالذات الغرور المصاحب!
حبيبنا القارئ، بزمتك مابتدردق من الضحك ذي بشاشا، لمان تعرف ده ياهو اساس عجاجة الحداثة، القاجة، بي بســــــــــــــــــاطة شديدة؟
عييييييييييييييييييييييييييييييييييييييييييييييييييييييييييك!!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: ياخى كومـر شنـو وعمرة شنـو.. الزول دا فى نص الحضـارة، وهو متفاعل معاهـا يوميـا.. يعنى ما قاعـد فى الشقلـة عوج الدرب ولا شلعوهـا الخوالدة، |
ابو الريش يامراحب، شرفت.
قلت لي حسن موسي قاعد فى نص الحضارة؟
استغفر الله!
والحضارة دي، شن نفرا، لمن حسن موسي ده، يروح مصنقر في نصها، ياابو الريش؟
اي مجموعة بشرية ليها ثقافتا، او حضارتا ياحبيب، والثقافة او الحضارة عندنا، هي التراكم التاريخي لاسلوب حياة المجموعة البشرية المحددة في المكان والزمان، التاريخيين.
فاحتقارك للشقلة او خلطك مابين مفهوم حضارة ومستوي المعيشة غير انو مؤسف، بيكشف عن خلل اساسي في المعايير عندك.
من ذلك اعتراضك علي تصدينا لي حسن موسي، باعتبارو حاجة كبيرة خالص!
لوكده زول ابن زول الفوق ده، اوحسب كلام بكري اوبكري، عالم فضاء عديل كده، وهو ابرز انفصالي مسكون بالنقاء العرقي، بالمنبر.
عشان كده بي ذي فهمك ده ياابو الريش لي حسن موسي، نقوم طوالي نبصم علي كلام الانفصالي ده لانوعالم فضاء، اونفرتق السودان؟
مادخل فن حسن موسي، بي طرح حسن موسي السياسي، المعالج هنا، في الخيط ده؟
اما كلامك عن تعمير حسن موسي لي ادمغة الاوربيين، مع الاعتذار، كلام امي فطير!
خلي في الاول يعتد بي هويتو اويبطل كلامو المخجل عن انو غربي غير اوربي، اي زنجي يتوهم روحو خواجة ثقافيا!
بنقول يتوهم، لانو وان راي حسن موسي الوجود، بعيون زرقاء، يظل زنجي مستلب ثقافيا، ومسترق ذهنيا!
ماسمعنا بي مستعبد "يعمر" دماغ سيدو!
| |
|
|
|
|
|
|
Re: اضحك مع حسن موسي، الكومر العمرو! (Re: Bashasha)
|
Quote: ما يعنيني يا بشاشة إنو أنا ما شايف إنو حسن موسى متقرضم |
الحبيب د.ابكر تحياتي الزاكيات.
اومالو ياخي لوماشايف حسن موسي متقرضم؟
فلولا اختلاف الاذواق لبارت السلع.
فقط لي ماخذ واحد عليك، واحنا ناس وان جمعنا الخندق الواحد، فلانتحرج من الاختلاف علنا وبشفافية، لاننا ماشلة ذي شلة اصحاب منبر "الكوامر العمروها"، لانو الاصل والقاعدة هو الاختلاف ماالاتفاق، كما عودتنا الشللية او عقلية القطيع.
فياعزيزي يبدو لي وقد اكون خاطئ، انك في مقابل تواضع حسن موسي او تكرمو بتناول اعمالك، فانت مستعد تغض الطرف تماما عن اي ماخذ علي حسن موسي، بل للاسف بتبرر حتي عبارات الشتيمة المجانية البلكيلو والوقة، لي عضوية المنبر دا، لي حدو، اوبلا ادني مسوغ، واصفا لهم بالخنازير الانت من باب التبرير والتغطية بتقول استعملا المسيح او ماشابه!
ده كلو ياصديقي عشان حسن موسي فتح لي تجربتك فرصة؟
غايتو ده ماوقع لي.
نجي لوموضوع قرضمة الناس البتجاهلو تجربتك الكتابية: حقيقة ماادس عليك ياصديقي راس الصوت لحقني هنا!
ماعارف هل انا من الناس ديل ولا لا، لاني استلمت جزء يسير من اعمالك ولم ابادر ب"الفيدباك" كماوعدتك، والسبب انو جهازي اتلحس بعدها بي قليل، اوبعد داك اتزحمت اوصراحة نسيت!
عذر اقبح من الذنب، لكنو الحقيقة.
اناطبعا مابعرف في الادب، رغم تخرجي من اداب الخرطوم، لكن في بالي او من زمن اتناول "جدلية الهامش والمركز"، لكن اهو اخوك في المنبر ده "جعلتي" بقضي يومو دواس!
في الختام تحياتي، وانا متاكد انك ماحتاخد اي من كلامنا ده، بي صورة شخصية!
| |
|
|
|
|
|
|
|