|
إختيار أربعة من لاعبي المريخ للفريق القومي لكرة اليد..
|
بعد المستوى الفني الرفيع الذي لعب به خط دفاع المريخ في مباراته ضد الهلال قرر الإتحاد السوداني لكرة اليد ضمّ دفاع المريخ بأكمله للمشاركة مع فريق كرة اليد الأول وذلك بعد الاداء الذي قام به لاعبو الدفاع بضرب الكرة بيدهم في اكثر من مناسبة دون ان يشاهد (او ربما شاهد) الحكم هذا الأبداع .. ونافس دفاع المريخ لاعبو المنتخب المصري لكرة اليد ومن المتوقع ان يشارك دفاع المريخ مطعماً بلاعب من فريق الربيع في تصفيات كأس العالم لكرة اليد .. كل التمنيات لفريقنا القومي لكرة اليد بقيادة حسبو وامير دامر وسفاري ويكيني برفع إسم السودان عالياً في تصفيات هذه البطولة ..
|
|
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: عمر الفاروق)
|
ايها المهضرب
مبروك عليك التعادل الهدية
ياخي اخجلوا على مستوياتكم دي ولولا التغيرات الخاطئة كنتو لحدي الان بتجيبوا في الكور من الشباك
ورايك شنو في الشبال دا يوم عرسك اعطوك ليه وحارسك الهابي لاند دا الله مرقوا
عليك الله لو الحكم دا حكم بالجد هيثم دا بعلب دقيقة بعد المسكة التي لايمكسها الا مصارع محترف قمة سوء السلوك والجديع لسع ماخليتوه قدر مانقول الجماعة ديل خلاص واكبوا العالمية وبقت روحهم رياضية يدونا بفنون جديدة انت عارف السودان دا اصلوا ماكان يصنعوا فيه الكريستال بتاع الماء دي خاصة لمشجعي الهلال
مبروك عليكم التعادل مره ثانية
وهاك الشبال دا
ابومصطفى
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: عمر الفاروق)
|
مرحب بي مشجع فريق كرة اليد .. كيجا يا زول قول بسم الله طيب عاين خلينا نتخيل إنو كلاتشي الجلاد ما جاب القون خلاص؟؟؟ يللا عاين كلامكم كان حا يكون كيف: المدرب شاطر واجرى تعديلات ناجحة .. محمد عمر مدرب شاااااااااااااااطر قرا الملعب صاح .. المريخ يحل ازمة التدريب .. و و و و و و و و و و.. طبعاً ده غير الموشح بتاع إنو المريخ لعب مباراة العمر وادى بي المباراة بي رجولة وده غير إنو بهاء الدين كان نجم المباراة .. يا كيجا الهلال الكورة اللعبها فيكم الشوط التاني والله لو ما المعز شفناهو الشوط الأول كنا قلنا إنو ما لاعب.. وبعدين جندي الجاب القون وهو مغمض ده وبعد 15 سنة لعب في المريخ سببو معز برضو .. لكن رايك شنو عليك الله في فلايت طمبل !!!!!!! والحار إنو القون جابو فيكم الجلاد كلاتشي .. والأحر من ده كلو إنو ما عندكم ولاااااااااااا محترف جاب ليهو قون ي الهلال بينما الهلال طوووووووووااااااااااااالي محترفينو بيجلدوكم .. المريخ الشوط التاني كان بيستاهل يتغير كلللللللللو ومحمد عمر لو كان عندو 11 لاعب برة كان جابوهم ..
تخريمة : ما وريتنا رايك في ضربات الجزاء !!!!!!!
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: عمر الفاروق)
|
والله ياعمر الفاروق صح فيك المثل القائل الاختشوا ماتوا
فدفاع المريخ اللى انتا قاعد تتكلم عنه هو الذى قطع المويه والنور عن كل وسط وهجوم الهلال والذى كان يلعب فيه يومها اربعه من المحترفين بما فيهم دايو كشافات . والمحترفين اللى انت قلت بجلدونا ديل عندك منهم اربعه لم يستطيعوا ان ينقزوك فى مباراه محليه الا بشق الانفس وبعد الكرم الحاتمى من الحارس بهاء زفت . والحكم اللى انتا قاعد تتكلم عنه اعاد برنامج الرياضه بالتلفزيون ظهر الجمعه بمعية الحكم المعتزل شمس المعارف بخيت ليكشف لنا الذى لم نراه جيدا لحظة المباراه فالكره التى اعترضها عمر بخيت بيده وهى فى طريقها الى قلق المندفع من الخلف كان على الحكم ان يترك الكره تصل الى قلق ويعطيه الصالح عقابا للاعب الهلال الذى استخدم يده ليمنع المريخ من تسجيل هدف ,,, ولكن الحكم الذى تتباكون منه الان اوقف اللعب وكالإا لاعب الهلال بان افسد هجمه خطيره للمريخ بانفراد كامل ولاغبار عليه من قلق وبجانبه من الناحيه الاخرى كان ايداهو بسرعته الفائقه امام مرمى الهلال , يعنى اتنين من لاعبى المريخ فى مواجهة المعز لوحده وحرمنا الحكم بهذا التصرف الارعن من الهدف التانى. وعاد الحكم نفسه ومساعده مره اخرى واحتسبوا تسلل على المريخ لاوجود له ووقتها كان احد لاعبى المريخ فى حالة انفراد تام بالمرمى ويسانده لاعب اخر , وحرم الحكم المريخ من الهدف الثالث , حدث كل ذلك فى شوط المباراه الاول , شوط العنفوان المريخى والمد الهجومى الكاسح , وافلت الحكم الكارثه الهلال من هذيمه كبيره وجايين اليوم تزروا الرماد فى العيون وتقولا الحكم وماعارف شنو كدا .
صحيح الاختشوا ماتوا
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: على محمد على بشير)
|
يا ابو علوة : اسة نفهم من كلامك ده إنو ضربات الجزاء حقتنا صحيحة مش؟؟؟؟؟ لأنو شايفك ما جبت ليها سيرة خااااااااالص وقعدت تحسب ليك في اوهام وبي قدرة قادر خليت الكورة 4-صفر للمريخ !!!!!!! ما فضل ليك إلا تقول لي والحكم ما حسب لينا رمية التماس ديك لأنو لو حسبها لينا كان قلق رمى الكورة لي ايداهو وايداهو كان لعبا لي السعودي والسعودي كان باصاها لي دامر المندفع من الخلف وكان توووووف ساتا في القون هدف ثاني للمريخ .. وبرضو الحكم ما حسب ليكم التسلل داك لأنو لو حسبو ليكم كان بهاء الدين ارسل الكرة طويييييلة يقابلها يكيني بي راسية تضرب في العجب وتمشي لي ايداهو وتوووووووف قون ثالث للمريخ .. وبرضو الحكم كان يوقف التغيير بتاع هيثم طمبل عشان لو وقفو كان هيثم ما دخل وما كان الكورة وصلت لي داريو كان وكان وكان وكان .. المريخ جاب قون بالصدفة من راس لاعب مغمض وما جاب ليهو قون ليهو قون من بداية الموسم .. تخريمة : ما وريتنا ضربات الجزاء صاح ولا ما صاح ؟؟؟
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: عمر الفاروق)
|
يا ابو علوة : طيب كلامك كويس .. شفت شمس المعارف ده والأسة إنت طلعتو دولي زماااااااان جمهوركم ده زااااااتو قال الزول ده ما بيفهم كورة وتحكيم لمن سألوهو عن القون الحسبو درمة في مباراة هلال المريخ المشهورة والإحتسب فيها درمة قوان ما عندو اي علاقة (درن لي يا درمة درن لي..) اها اسة نفس شمس المعارف ده بقيتوهو حكم وخبير دولي ؟؟؟؟؟؟؟؟؟ سبحااااااااااااان الله .. اما موضوع المحترفين ده فنحن ملعبين تلاتة محترفين وإنتو ملعبين إتنين يعني فرقت في الواحد ده !!!!!!!!!!!!!!!!!!!!!! واما موضوع الكورة فزي شايفك مركز في الشوط الأول بس !!!! ياربي الكورة كانت شوط واحد ؟؟؟؟؟؟؟؟؟؟؟؟؟
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: عمر الفاروق)
|
Quote: واما موضوع الكورة فزي شايفك مركز في الشوط الأول بس !!!! ياربي الكورة كانت شوط واحد ؟؟؟؟؟؟؟؟؟؟؟؟؟ |
انا ما قلت ليك ياعمر انتوا بتحبوا الغلاط بدليل انو ضربات الجزاء اللى انتا تحدثت عنها واللى انا تطرقت ليها واشرت فيها الى تحليل شمس المعارف بخيت كل هذا كان فى الشوط التانى , شوط الهدايا والعطايا
طيب انتا زايغ من الموضوع لييه انا تحدثت عن اربعه محترفين يوسف محمد وقودوين وكلاتشى والمجنس الجعلى داريو كشافات وسألت ماهى الاضافه التى اضافوا للهلال شكلا وموضوعا اذا كان الهلال قبلهم بينهزم بالخمسات وبهم بينهزم بالخمسات برضو واذا كان الهلال واجه فريق بمحترف واحد فى الشوط الاول وتفوق عليهم ولعب نفس الفريق الشوط التانى بمحترف اخر ولم يكن فى المستوى وبرضو لم يفعل محترفى الهلال شيئا لتغيير الننتيجه لولا الهدايا والعطايا من حارس الفريق الخصم والحكم .
هذه هى القضيه الجديره بالنقاش والتحليل وليس زهاب ايفوسا لجامعة افريقيا العالميه والتى سبقه اليها يوسف محمد
| |
|
|
|
|
|
|
Re: إختيار أربعة من لاعبي المريخ للفريق القومي لكرة اليد.. (Re: على محمد على بشير)
|
يا راكوبة :
وربنا استجاب لي دعاكم ياخ بعد قون التعادل ناسكم بقوا خاتين إيدم في قلبهم ويا حكم صفففففففففر يا حكم صفففر .. اها ما عندك كم صورة لي بهاء الدين وبي كم فنيلة وبعدين زولكم ده ما حضر كورة بريمن مع يوفنتس وشاف الحارس بتاع بريمن دقس كيف في الدقيقة الاخيرة وبي نفس خطأ بهاء الدين وبي سببو اليوفي تأهل لي دور الثمانية في الأبطال الاوروبية !!!!!!! ياخ قوووووووووووووووووووووووول شافو اها البيحصل شنو ؟
| |
|
|
|
|
|
|
|