|
Re: هــين - من معلقات البطانة (Re: Ahlalawad)
|
قال ليك حر عنافي نسل أماتو قاطع الشك
يتحدث عن النسل النضيف ،، قطع شك نضيف
جدو الأبيض السابق خيول المك هنا فيها المك نمر غايتو
الرمى الحجيل من النزير الفك كويس
بعيد يا أربد الشرق المجارب السك ممتاز
اهل العوض اخوي ما تاكلنا كلام ساي بالله ترجم لينا الكلام ده ماذا يعني لاني بالجد زهللت وأنا احاول الفهم الحقيقة لنا من اللهجات والعربيات ما هو صعب الإدراك على عقولنا متواضعة اللغة وتسلم
| |
|
|
|
|
|
|
Re: هــين - من معلقات البطانة (Re: Ahlalawad)
|
سلام مربع اهل العوض
عارف خفت تقولوا على حنكوشةعشان كده قريت وزغت .. لكن صديقتي بت قضيم نفختني بالشجاعة غايتو فمهت المك ونسل اماتو القاطع الشك تاني مافيش كلو وصل المخ ابيض في ابيض
بالله يا اهل العوض ما تدقسنا
| |
|
|
|
|
|
|
Re: هــين - من معلقات البطانة (Re: shiry)
|
شيري ، أو سيري كما يقول أهل سريلانكا .. لك التحية ، أما عن الشرح فعليك ببت قضيم فهي فاهمة كل شي وما تدعيه من اشكال في الفهم فهو من قبيل تواضع العلماء .. شكرا لك
| |
|
|
|
|
|
|
Re: هــين - من معلقات البطانة (Re: Ahlalawad)
|
انا افضل اخت يدي في القرش البوجعني شوووو القروش تجي واقعة تكون ذات وقع اصيل
اهل العوض يؤسفني اني ما فهمت جميع ما جاء في الكلام ولا بد افهم لاني عكليتة شديد اكرب كي بوردك والله معاك واذاننا في طوكيو
| |
|
|
|
|
|
|
Re: هــين - من معلقات البطانة (Re: Ahlalawad)
|
ياخوانا دي المعلقة الآولى الباقي بحيرة البجع والسيمفونية السابعة وأخواتها
حليلنا منها الزايلة
الله يجيبك يا ياسر محجوب ويا شنتير ويا نزار ويا السنجاوي - يفلق فينا ويداوي ويا الحليلة ويا الاربعين واهل التمساح اجمعين
| |
|
|
|
|
|
|
Re: هــين - من معلقات البطانة (Re: Ahlalawad)
|
الحبيب اهل العوض
انها الاصالة التى يجب ان تجد دوما من يحافظ عليها وان ينقلها للاجيال الجديدة التى تكاد تظن ان تلك رطانة
يا الرهو المسافر للحجاز شّرك عادة جدك السوسيو عليها عرك عاشقة منزهة الطبع العليه الرك بعيد يا غايس البرق أب هديلا تك
وهنا اقول
جنس الرهو ده والله حكايته حكاية
سلمت لنا اهل العوض وان لم نستطيع مجاراتك ولكن لا شك اننا استمتعنا كثيرا بهذه الاشياء النادرة والتى لا تتداول فى اليوميات المطبوعة او المسموعة او المرئية ..
لك تحياتى
| |
|
|
|
|
|
|
Re: هــين - من معلقات البطانة (Re: Ahlalawad)
|
العمدة .. حياك الله
كتر خيرك ، يازول ها والله انا بصدق بسرعة بعدين زي ما قلت ليك ، الكلام دا مو حقي ، أنظر العنعنة
وبيني وبينك شرك الوارد في البيت الأول هي أصلا شرقت - طبعا التاء ساكنة وتتحول القاف إلى كاف . وهكذا في أغلبية الابيات - الكاف تليها تاء المخاطب
| |
|
|
|
|
|
|
Re: هــين - من معلقات البطانة (Re: Ahlalawad)
|
أهل العوض
تحية ليك يا جميل وانت تسوح بينا وتذكرنا المرابع فى بطانة اب على، وبين السطور والله يا ابو حميد اتكرفت دعاش شرق الله البارد، الا العين بصيرة والليد قصيرة
وكل اول ليهو اخر زى ما قالو القدام
اغرب حاجة فى النضمى ده تعرف شنو، انه القافية كلها واحده وماشه بى روى واحد، وده طبعا نمط ما مالوف عند ناسنا اهل البطانة، ودائما شغلهم بالمربعات، انت طبعا فارز الشغلانة كويس، عشان كده الشاعر ده فلته والله وزول عنده موهبة فذة جدا جدا
وتانى شكرا على الامتاع
| |
|
|
|
|
|
|
Re: هــين - من معلقات البطانة (Re: THE RAIN)
|
أب آمنة أتابع الدرر التي تنثرها علينا حينا بعد آخر .. الله يخضر ضراعك
لا شك أن القافية هي أس الجمال في جميع هذه المربعات .. ذلك أن القافية كاف وكاف ساكن كمان .. إضافة إلى السبك الجيد الذي ينم عن المقدرة المتميزة للشاعر .. تحية لك مرة تانية يا عميق الاصالة
| |
|
|
|
|
|
|
Re: هــين - من معلقات البطانة (Re: Ahlalawad)
|
هاك دي يا بت قضيم
ما تستاهل الكمرة وسكون البوي شما خمشو مجارة الوهوا والدامبوي جاب لي كتبتها اللخرش أب هبوي فوق الهويلة بالهوج الداقوي
دا بالمناسبة شعر غزلي، دي مني عشان أساعدك تفهمي.
الفهم الكلام الفوق دا يفهّم بت قضيم
.
| |
|
|
|
|
|
|
Re: هــين - من معلقات البطانة (Re: Ahlalawad)
|
المهم بعد ده كلو مرقنبو قرنبو؟؟؟ !!!! كدي يا ود شاموق كان عندك خطيبة واللا مرتك امشي قول ليها جنس غزلك الظريف ده كان شفت عينك التانية بعد داك تعال قابلني ومع ذلك تتحداني افسره ليك؟؟؟
أهل العوض معشوقن غرامن في حشاي ماكلني شفت شبيها في النال البموح متني فراع الشدر من العمار متحني شف بي عيني كاكا كتفا الحنني
ده الكلام أنا والله سألته،،، لكن والله ما شلته كدي اسأل عمك سلمان
| |
|
|
|
|
|
|
Re: هــين - من معلقات البطانة (Re: Ahlalawad)
|
ود شاموق .. غايتو المديح القصدت بيه بت قضيم انا عليك امان الله غلبني تب .. كدي انشوف بت قضيم كان فهمتو .. لكن أبيات المحلق خترية .. كتر خيرك .
ريدر سفن .. حبابك .. شكرا على الابيات الرائعة .
بت قضيم .. شفتي كيف؟ أها ياهو زاااتو
| |
|
|
|
|
|
|
Re: هــين - من معلقات البطانة (Re: ود شاموق)
|
ووكت كيفتك أبيات المحلق هاك دي تانية
بشد وأركب علي ود البشاري فريوة الريف مع المحزم تجاري يتب عجلان قبل ما ألم حكاري بليد نورة أم شليخ .. الليلة طاري
المحلق الحمراني
.
| |
|
|
|
|
|
|
Re: هــين - من معلقات البطانة (Re: Ahlalawad)
|
ود شاموق .. أحييك وهاك من نفس المغترف
الـ اتقسو يا طه وغلبنا نصيدتن دارو المرة بالسافل وابوهو صعيدتن الـ شرك القماح قجيتو وابى ما يصيدتن حزمو النوق وازعج نوم عيوني جضيضتن
| |
|
|
|
|
|
|
Re: هــين - من معلقات البطانة (Re: Ahlalawad)
|
أهل العوض التحية والتقدير امل ان تستمر طويلا وكثيرا وطبعا مرة مرة الشرح وتوضيح جماليات الشعر الحميل دا لك الف شكر علي هذا البوست ويديك العافية يازول ياجميل ومستمتعين ايما استمتاع بالقصيد وبالتعليقات ايضا شكرا لك وللجميع عبدالله جعفر
| |
|
|
|
|
|
|
Re: هــين - من معلقات البطانة (Re: Ahlalawad)
|
الجيده اتلع بلا عروق ديسه العتم كشمه البروق يخفي البدر بهجة شروق شوف عيني ليه البوش يروق
اهل العوض وين طلاسمك ؟؟؟ ما تقول واللا خلوا الدار خراب هاديك بيوتم قافلة يبقى قليبي متقفى الأثر والزاملة ؟؟؟
| |
|
|
|
|
|
|
Re: هــين - من معلقات البطانة (Re: Ahlalawad)
|
سلام أهل العوض سيد النظام و الدايره ماك هين و لاك تاجر البضاعه البايره طريتني البلود الفوقها تومتي النايره جضت ناري، لي سدري الكمينه الفايره
دحين يا أهل العوض أخوي القول الجبته ده... حر عنافي نسل أماتو قاطع الشك.. ده نضم ما بقدروا عليه الا الجعاص من أهل القول والفراسه، ده ما أياهو لزوم ما لا يلزم هول أبو العلاء المعري، آمنت بالله... و الشي التاني آخوي ماشاء الله... بكان ما تقيف ما بجوك الا الزينين من أهل الذوق و اللطافه.. الله يزيدك من نعيمو يا سيد الأدب و الأصاله... يا ود شاموق جدعك سمح بالحيل، نزيدك من نضمي ود ضحويه مع طه الضرير
قمنا مشرقين ديك البقيت بتوايق لجت بت عمر سرفن دموع المايق قام بينا الضرير ما بروق ملقلق ضايق دارج الشوح علي الكسب الوراهو طبايق
سيدك وارك الغلبه و مشي الكرعين نبت فد مره يا ساحر الغروب من وين يا الغول بت عمر ننظر جبينها متين مالك يالضرير فارق صباح أم زين
| |
|
|
|
|
|
|
Re: هــين - من معلقات البطانة (Re: Ahlalawad)
|
حسان أبوعاقلةأبوسـن
مسدار المطيرق للشاعرين، الحاردلو و عبد الله أحمد أبوسن
من المعروف إن الشاعر الحاردلو مولع بالجمال من حيث هو في كل مخلوقات الله، ويتضح ذلك جليا في مسداره العظيم ، مسدار الصيد. و تدور قصة مسدار المطيرق الذي نتعرض له الآن حول إحدى الحسناوات، و اسمها الروضة بت السره، كان الشاعر معجبا بها و كان علي ميعاد للقائها وشرب القهوة معها. فحضرت لمجلسه و لكنها وجدته نائما فأخذت عصاه ( المطيرق) و عادت بها أدراجها و أخفتها لكي تثبت حقيقة حضورها في الميعاد. و المسدار اتخذ شكل الحوار بين الشاعر و أخيه عبد الله الذي عرف بالقصة و بالتالي كان مشاركا في صناعة المسدار. و لعل الشكل الذي خرج به المسدار و الصور و التشبيهات البليغة و العوالم التي حلق فيها تجعله قطعة أدبية فريده وتخرجه من نطاق التداول للشعر في إطاره العادي إلى شئ أشبه بالمسرحية الشعرية في صورها المعروفه حيث تتضمن عناصر الحكي و السرد في الإطار الشعري. يبتدر الحاردلو المسدار قائلا...
ذكرتي بالبنات لا عن مصوع فاحت ضايق غلبهن من شينتن بتاحت جديع ودعتن بالليم علي ما طاحت هبرت كفتي و عقب المطيرق راحت فقال له عبد الله مداعبا...
أصبحت المطيرق في نعيم و سروره و ات النوم عبدتو و ماقريت لك صوره ساعتين إن صبر كت تحظي بالبتدوره سعدك إن رقد ما بجبر المكسورة الحاردلو..
سرقة عيني داك الليلة ماها مريه أصبح حالي متل الدخلو الظبطيه اترجاك يا أبو التايه أول سيه ما اتواخد أكون في حاله غير مرضيه عبد الله.... مسامح يا أبو يوسف و لو في ميه نعمن للدغس بتسمح القافيه إن بقي للمطيرق شيله جاب لو حكيه مي مسروقه لكن فيها حكمه خفيه الحاردلو... بعرفك وكت تقوم في حجازه و اجواديه تبذل فيها جهدك بي صفاوة نيه معلوم تصلح البطحاني و الشكرية لكين المطيرق ما بتجي غير ديه عبد الله... شيلتها في الحقيقه مثبتابا الجيه خوف مسك الضهر و اللوم مع الكليه بي أسباب المطيرق لا تسيلك ديه أنا ملزوم بها و عقب الضمانه علي الحاردلو... مطرقي من بشم مرداء من الغصان و نونايا كتير جادعاه علي الجديان سراق المطيرق فيهو نوع رسيان مو متل سراق حمارة المسمي أخوك حسان عبد الله...
شرفت المطيرق سيتها زي الزان دا كلو السبب بريبة العنقان ما لمناها ها السرقه أم حديثا بان كان تتني فوقها نكتر الأوزان (أنـــــــس و صـــمت)
و يتدخل عدلان ود علي .... جيب قاف المطيرق خلنا النتسلي نتجادعبو في مجلس أخوك عبد اللاه اضحك و انبسط خل فاطرك اللنحل مي مسروقة اصلها عند برنجي الحله
الحردلو.... طول بالعسين قانص بدور كلبي ما لقيت مستحق نمي و نوادر قلبي دحين يا رضية كان فد يوم معاي تنسلبي هاك يا سمحة زي ما تدوري مني اطلبي عبد الله... من حسس أم رشوم الحار بقول وا غلبي مما لقيت لي وجيعا يعرف الحاصل بي شمبانيها مو براني خافس قلبي
| |
|
|
|
|
|
|
Re: هــين - من معلقات البطانة (Re: Ahlalawad)
|
Sorry fellows for this spell of absence. It was some winter hibernation; as Ahalalawad knew. Good to see Yasir Majoub back in the Den, and Samau’al (the cub of all poets) joining the club. My trilling cries of joy are due: Ayyuuuy ayyuuy ayyuuuyyiiiiiiiiii. Again, ayyyuuyuuuuiii …. Eeeeeeeee333, ayyuuuuuyiiii
See you after this cranky PC is fixed.
Abishru Bel-khair ....
Shinteer
| |
|
|
|
|
|
|
Re: هــين - من معلقات البطانة (Re: Ahlalawad)
|
يا اهل العواااااض
الخيم مالك ابيتن العربان ما تفتحلهم الخيمة
والله اقولك خلها في سهلة الله دي سمح النم في صدر القمر ود اب سن ده بكون عندو نم كتير خلاس قبال ما ياكلنو منو البنادر كشكشو ما تخليه يقلبلك الكلام بالانجليزي هو ود شنتير وود محجوب وسدهم صدر المجلس تب وخلهم يتجادعو الناس ديل ناس ليل ونم بت قضيم وودشاموق ديل غريقين بلحيل
من قومة الجهل ما سميع قويلات قالو تملي شديدي فوق كلسا بتب بي عقالو ود الدود جفل قلب الحمل فوق خالو يا ام دغمة الدمير من قمت بتوقالو
سميع دي اصلها سمع بكسر الميم ولانو التشكيل ما بتلقي فضلت اكتبها بالطريقة الفوق ودضحوية
يا اهل العوض ود الدود ده قاعد ولا هسي رامي الحمل لكن فوق ودخالو
| |
|
|
|
|
|
|
Re: هــين - من معلقات البطانة (Re: Ahlalawad)
|
الاخوة الاعزاء: اهل العوض و نزار حسين و ياسر محجوب و ود شاموق والجندرية و سموؤل حسان و بت قضيم و الصلحابي .. و كل سكان اللكيب العامر السلام عليكم جملة و تفصيلاً .. و نعلكن طيبين و مدرتين و لاقيين ايدكم في ها الدنيا المجلفغة قيل فيما قيل .. إنه اجتمع نفر من الانس في دار إحداهن .. و كانت، بمعاييرهم، ممن تضرب بغية رؤياها أكباد الابل .. و كانت لا تجاريها في الحي غانية في صناعة الجبنة (القهوة، بلغة الاتراك). و قد دبر هذا النفر مؤامرة ضد أحد ندمائهم .. يدعي محمد ود بابكر الشهير بلقب القطيرة (فتخ القاف و كسر الطاء و فتح الراء .. و كسر الرقبة). فعندما قدم القطيرة الى مجلسهم متهللاً ممنياً النفس باحتساء فنجان قهوة (يمرق الوقيعة من العين) معد خصيصاً لجلالته و احتراماً لشاعريته (كان هذا الرجل شاعراً فحلاً لا يشق له غبار و لا تراب و لا حصحاص) .. اعترضه الندماء و اقسموا بالله (و بالتكفي حمارهم) ألا يلمس فنجاناً .. دعك عن الاسترخاء والاحتساء. فاستغرب شيخنا القطيرة، عليه رحمة الله (الزول ده كان حي الوقت داك يا جماعة) .. و سألهم ما خطبهم؟ فردوا عليه رداً مقتضباً و قاطعاً: يا القطيرة شوف .. انت قايل روحك عندك سفلي بجيب لك الغنا في الحزة (في اللحظة) .. و الليلة كان ما نجرت لينا واحدة قدامنا هنا إت زول اضينة سا و ماك شاعر و لا بتعرف سجم خشمك ده. و اضافوا شرطاً غريباً بأن تكون الغنوة بيضاء اللون!!! فبهت الذي أمامهم. نظر شيخنا القطيرة الى السماء .. ثم الى الارض .. ثم الى دابته في الخارج .. ثم بسمل ثم حوقل و تكلم الى نفسه (غنوة قطع أخدر و بيضاء كمان؟ دي يجيبوها من وين يا سيدي الحسن) .. ثم نظر الى الغانية و هي توزع فناجين الجبنة على اصدقائه المتآمرين و تفترّ عن ثغر ناصع البياض (زي صابون كدي ما بتذكر اسمو والله) .. فأوحى له شيطان الشعر المو خمج .. فأنشد متغزلاً في الغانية:
بيضة سنك الضرس المسمّى العاج يا تبر الضحى و قمر العشا الوجّاج قطناً شال عمارو و فقّع النبّاج و خيتاً تم عدادو و بهدل النسّاج
في الحلقة القادمة نتناول الشقاق الذي حدث بين القطيرة و هذه الغانية .. و الهجاء اللاذع الذي قاله القطيرة فيها. الى ذلك الحين .. اترككم في امان الله من كل شر .. و من النيران الصديقة أيضاً
| |
|
|
|
|
|
|
|