|
|
|
 Re: موية غسيل (Re: بت قضيم)
|
والله الواحد حقو ما يكتب تاني
إذا كل ما كتبت شي
اتنورت بأن كنت انا البطلة
لا عرفنا انا ست ظار لا بتاعة بلدية لا مشوكشة واللا ابوي دكتور جامعة واللا جزمتي الشديدة عاجباني
نقول بنتخيل وبنكتب،، نطلع بتاعين مكن ساي
يا جماعة حبوبة،،، حبوبة،،،حبوبة،،،صعب يعني اكون صاحبة المذكرات دي
وأها
ده طرفي من الكتابة تاني
عقدتوني بالجد بالجد المرة دي
| |
 
|
|
|
|
|
|
|
|
Re: موية غسيل (Re: بت قضيم)
|
سلام بت قضيم
وين كتاباتك شلتيها ومشيتى
ذى دكين شال بنبرو وفات
نتمتى المعاوده
ولا تهزمك بعض كلمات فانتى اقوىمن ذلك
قرنفل
| |
|
|
|
|
|
|
|
|
|
Re: موية غسيل (Re: بت قضيم)
|
لم تهزمني بضع كلمات يا قرنفل يا صديقي
لكني ملولة
وزهجت من الرسائل الجميلة التي تنور بريدي الخاص،،، الذي من الأساس لا ادري كيف طاله أو طالته
وعلى أيه؟؟؟
وجع القلب على ايه؟؟؟
وتسلم عموماً على كل شئ
ويا قرجة الموضوع كان ذكريات مجنونة ،،، سرد بطريقة تنفيسية،،، حيث يسمح للجمل بأن لا تترابط،،، وهي طريقة علاج نفسي معروفة،،، والانسان السوى،،قد يستخدمها لا شعورياً للتخفيف عن نفسه،،،
موية الغسيل تعبير (شماسي) لحالة أن تحب شخصاً ،، وتكتشف انه يغني على ليلاه في مسرح تاني
ذي زولتنا دي
وانا دخلت مرة تانية لاني بعد ما رديت بعصبية اكتشفت اني قد اكون ظلمت معاي الناس الحلوة الدخلت هنا بطريقتي في الزهجة البايخة دي
انا جد اسفة
وسامحوني
وسلاماتكم
| |
|
|
|
|
|
|
|
|
 Re: موية غسيل (Re: بت قضيم)
|
يا اخوانا فهمونا الحاصل شنو, بت قضيم مالها ؟؟ شايفكم بتقولو شرت ليها غسيل ولا ما عارف شنو , ولا كشحت ليها واحد بي موية الغسيل , هي قالت ليكم شنو؟؟ ولا هوعمل شنو؟ ومنو الشال البوست ؟ ولا منو الرفعو؟ والجاب الخبر منو ؟ مين اللي طفى النور ؟يوسف المكوجي مشى وين ؟ ود الكيك غفير المستشفى مشى وين؟؟؟؟؟؟
؟؟؟؟؟؟؟
؟؟؟
؟؟
هوي يا بت قضيم رجعي البتاع دة ولا اقوم اقوم اديك بالبتاعة في صنقورك !!.. شوفي نحن شغل الحندكة دة ما بنفع معانا ..تمديني لينا البوست وتقولي لينا حندوككم ..حندوككم .. ابو الدنان ما عارف عمل ليكم وعمل ليكم.
خلاص انتهينا
| |
|
|
|
|
|
|
|
|
|
Re: موية غسيل (Re: بت قضيم)
|
بت قضيم الظريفة الفاهمة
خلي بالك طووووووووووووووووووووووووووووووووووووووووووووووووويل
و رجعي لينا أصل البوست علشان نحن لسه مسطحين
| |
|
|
|
|
|
|
|
|
|
Re: موية غسيل (Re: بت قضيم)
|
مرةواحد قريبنا في مناسبة جا يكابس في صواني النسوان
ولما استفسرت منه قال أن الضلعة واقفة ليه في راسه كحلم مستحيل ولا بد أن يضوقها
وأنه في صينية الغدا الخاصة بالرجال،،، خجل أن يبدأ في نهشها بشراسة ودناوة وفتك
فآثر التروي قليلاً
ولما وجد الفرصة مواتية،،، قال في باله،،، امشي اجيب لي شوية موية انزل بيها دمعة البطاطس ليفسح مجالاً للضلعة
واول ان قام،،، الرجال بدأوا
يا زول
ما بدري
بالغت ياخي والله ما اكلت،، عليك الله ما بدري
لياقة السودانيين إياها
فارتسمت في وجهه صورة ضلعة ميتة،،، وخجل واضطر أن يطرش كلمة،،، والله شبعت،، والله اكلت
وعليه
دخل يكابس في صواني النسوان عسى الله يديه حتة ضلعة
مالكم دايريني اخجل زيه كده؟؟
أنا قلت انا قاطعة وشي؟؟؟
انا قلت انني لن اشارك بما تجود عليا به خواطري المجنونة من خيالات وهلاوس وقصص لا ارض لها ولا سماء،، انشوف اخرتها مع بريد السجم ده دي
لكني بالطبع سأشارك وارد واجعجع بآراء في الأغلب كلها نظرية،،، لاني ببساطة احب هذا البورد
طبعاً في الأصل ممكن أكون قلت الكلام الفات ده خجل مني ساي لكن النبي كان ما مشيتوها
ويا جماعة خلوني احرد شوية وبرجع اخت كلامي تاني
اصلو ده حال الحريم
مش كده؟؟؟
كل الحب
ايهاب
يكسر سنونك انت قول يامين
| |
|
|
|
|
|
|
|
|
|
Re: موية غسيل (Re: بت قضيم)
|
قرجة
حمزة سليمان
ايهاب
ود شاموق
الجندرية (الحبيبة)
قرنفل
ودعقاب
تمبس
كوفي
جدو
عبد الله جعفر
المهندس
زمراوي
ابو حسين
لكم الود حتى ترضون
اعتذر من جديد(كيتاً في أهل العوض) عن سوء أخلاقي الضيقة جداً
ونحيلكم لدور الغسيل التاني
كل الحب
| |
|
|
|
|
|
|
| |
بت قضيم
garjah
HAMZA SULIMAN
ايهاب
ود شاموق
الجندرية
tmbis
جدو
almohndis
ABUHUSSEIN
فيس بوك
تويتر
انستقرام
يوتيوب
بنتيريست