|
الجيـش يسـتولي علي السلطـة في الولايات المتحدة
|
الجيش الأمريكي.... زهج كل يوم في بلد وكل يوم في حرب....ويمرق منها بلا فايدة.....الضباط اجتمعو في ليلة ليلا..... قررو الاستيلاء على السلطة.... في أمريكا ويريحو نفسهم من... تاح تراح....وقد كان.... خرجت المسيرات المليونية في كل الولايات...انهالت البرقيات على القيادة العامة من كل صوب وحدب.... الجالية السودانية بامريكا.... كانت اول من بادر وأرسل برقية تأيد....لأننا نحن ويكل فخر واعتزاز لينا خبرة كبيرة في الانقلابات والتعامل معها....واكتر ناس في الدنيا بيصفقو للعساكر الانقلابين....وبعد كم شهر نزهج منهم...ونقوم نطلع في مظاهرات....وننعل ابو خاشهم.... عشان كدا الجالية في امريكا كانت في غاية البسط والانبساط لهذا الانقلاب الأمريكي... اضربو بيد من حديد.... قف... لا تتهاونو مع الخونة والمارقين.... قف نحن من خلفكم نشد من بطنكم... قف... الجالية السودانية نيويورك.... جيش واحد شعب واحد...قف انتم امل الامة ...قف....الجالية السودانية واشنطون.... واول مسيرة تايد تخرج نحن برضو...لاننا مدمنين مسيرات....وسيرات.... الرجال يقشرو ويتريحو ويسرحو شعرهم والنسوان يتمكيجن...وتمسحن..بعد ما يكونن رسمن الحنة قبل المسيرة بيوم..... ونمرق في الشارع نتلمى..... الي القيادة العامة يا شباب...عشان نأيد الجنرال مايرز بالثورة..... والنسوان يجيبن دلوكتن.... ويقعد يغنن وهن في طريقن للبنتاغون.... مبروك عليك دا اليوم الدايرنو ليك يا.....مايرز مبروك عليك ........... يجو عائدن ان شاء الله عائدين يا الله يجو عائدين..... ناس مايرز وجيرالدين... يا الله ......... ايدناك بايعناك.... يا مايرز ايدناك جبت البيرة للعطشان وجبت البيرقر للجيعان
وايوووووووووووووي يوووووووووووووي يوووووووويا
|
|
|
|
|
|
|
|
Re: الجيـش يسـتولي علي السلطـة في الولايات المتحدة (Re: سجيمان)
|
سجيمان
قالوا بوش كان عارف بالإنقلاب دا مسبقا . ويوم الانقلاب كان متواجد فى عرس يعنى حفلة . وتمر الايام . ويجى بوش يقول دايرين الديمقراطية الكانت فى يدو . ويطلع من أمريكا فى عملية يطلق عليها تهتدون . ثم يعود ثانية . أظنو قال الجماعة إهتدوا
الله يهدينا ويهديك يا سجيمان ما تسجمها علينا اصلا مسجمة
| |
|
|
|
|
|
|
Re: الجيـش يسـتولي علي السلطـة في الولايات المتحدة (Re: سجيمان)
|
سجيمان بلغني من صاحب الخبر
أن الجالية السودانية بدنفر أيدت و خرجوا في مسيرات حاشدة و هم يهتفون فائز فائز يا مايرز
و النسوة يغنن
يا جياشي سايقني وييين وييين ماشي سايقني
يا مايرز الجيش جبت الأمان
بنحب النجمة و علم الأمريكان يا مايرز الجيش حبنا ليك كتير
منانا تتعلى تبقى لينا مشير
| |
|
|
|
|
|
|
|