|
|
 الضـــــــرات
|
الضرات= النسوان المعرسات فوق بعض............. انا فسرتها عشان مافي زول يقراها غلط ويحملني المسئولية....
سودان نت....و..... سودانيوز ون لاين.... ضرات ... وهن بنات عم.....بالنسبة لي.... الاتنين زي بعضهن علا الكبيرة ليها الكبره......والصغيرة.... نكمل فيها باقي شيبنا......واحدة من الحاج يوسف...وواحدة من مدينة الطائف.....واحدة... بتتمشط وتكوفت شعرها...ومشلخة عوارض...وشلوفتها مدقوقة ....ونضمها دراش....التانية... بتمشي الكوفير....وتسوي حمام الساونا.. الساونا دي وحات الشيخ الجعلي لي قريب دا قايلها صابون....وتضرب شلاليفها بوهية.... وضفورها طوال وقاعدة تجلطن ببهية برضو....وكلامها دقاقة...النوم بمواعيد والاكل بمواعيد......وكل شي بمواعيد......
لي كم يوم..... بمشي بيغادي لسودان نت...القى البيت مقفل... بالطبلة والمفتاح...وقدر ما ادق الباب مافي زول يفتح لي....قلت يمكن حردانها وسافرت لبيت ابوها..... لكن حتى الشفع ساقتهم معاها يا ربي؟......
سبحان الله .... شوقي ليها ردوم ردوم زي السكسك المنضوم....الكلام دا اوعى واحد يلفحو ويسويهو غنية....وبكرة يجي ترباس يقدنا بيهو....اصلها حنينة....ولامة كل الناس...وبي دروشتها ونضمها الدراب دا برضي ظانيتني قاعد اريدها.....ما الاولى هي...واتعودت عليها...
لكن نسابتي الاتنين ضكرين........ علا انا متلوم فيهم..... لي حسي ما شلت لي شي عصرتها لواحد في ايدو.....انا اعصر من وين لكن؟...ناس الضرايب مخللنا شي نعصرها...
انا غايتو تارني معرس اتنين وعلى عينك يا تاجر....... الكلام الناس .... المعرسين بالدس..والله مسوينو عرس عرفي.... زي وليدات السودان الايام دي......الواحد يمشي للقديمة بحالتو العارفاها بيهو.....وقت يجي للجديدة.... يصبق شعرو.... ويلبس قميص نص كم... وسلسل دهب...ويعلق صورتها في نص السلسل...ويقولها... انا بكره اسرائيل... وبكره معاها الويكة... وبكره بوش ورقاد الحوش....وبموت في مونيكا.....
.
|
|
 
|
|
|
|
|
|
|
|
Re: الضـــــــرات (Re: سجيمان)
|
والله بختك يا سجيمان هي واحده ناس كتار ما قادرين عليها
غايتو ربنا يهنيك بالاتنين
و احنا غايتو بنستناك بي جاي
| |
|
|
|
|
|
|
|
|
|
Re: الضـــــــرات (Re: ايهاب)
|
عاد اها ورينى القديمة ياتا والجديدة ياتا وفى الحالتين انا بكلم بكرى ومعاذ عارف خشمى خفيف
وانت عارف المرة التانية فى التحسينات بس بتجيك راجعة ما تقلق عليها
| |
|
|
|
|
|
|
|
|
|
Re: الضـــــــرات (Re: سجيمان)
|
ايهاب.... انا غايتو تاني باقيات لي اتنين...والاولى تراها رجعت الحمد ليك يا الله
رحيل......... الاولى حقت معاذ... والتانية الحنتوشة الكنتوشة حقت بكري......الاولى رجعت..... علا يا اخوي فالت محاربنا لمدة تلاتة يوم.... حالفة ما تفتح خشمها
| |
|
|
|
|
|
|
|
|
|
Re: الضـــــــرات (Re: سجيمان)
|
يا سجيمان
ضحكتني يا أخي
انا زولا متزوج بالدس، بس خليها مستورة على قول على الحاج...
على باليمين يا زول نحنا أصحاب تب، لكن ما بوريك انا منو. عايزك تخمن....
والله البيت التاني ليه كم يوم مقفول، وفقدنا الاصحاب والاحباب....
اخوك أبو ألاء
| |
|
|
|
|
|
|
| |
سجيمان
ايهاب
raheel
AbuAla
فيس بوك
تويتر
انستقرام
يوتيوب
بنتيريست