|
الى السـوق الشعبى.. الى مدنـــى
|
ماذا لو لملمت اشيائى و حزمت حقائبى و عدت هكذا فجأة للوطن اعود هكذا .. دون اى نوايا مسبقة حتى اعيش فقط اعيش مع اهلى هناك هل يا ترى يستطيع ان يلومنى احد ماذا لو عدت هكذا بدون مقدمات أو حتى بدون حلم فقط اعود
|
|
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
فى اخر زياره للوطن قبل 9 سنوات توقف بى البص على بعد 20 فرسخا من مدنى وقالو انزلو فتصورت ان البص توقف للتفتيش نزلت واستغليت الفرصه للترحم على موتانا قرب السوق الشعبى
وجدت الحال تغير فى مدينة الفن والجمال والثقافه الاسر الكبيره اما افلست او هاجرت للخرطوم ورفاق الصبا اما هاجرو او بقو كيزان رايت وجوه عريبه وخلف حينا "المزاد" ارتفع البناء ولم ادر ما مصير الفلاته بعد ان ابتلع العمران حلتهم لم استطع البقاء غير اسابيع قليله وقفلت عائدا للغربه اللعينه
اخى اسامه احلم يوميا بالعوده ولكنى اخشى من الندم كدى انت ضحى وارجع وورينا الحاصل شنو؟؟؟؟؟؟؟
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
Madani is Madani, it will never change .. I went there last charismas, I saw also so many strange faces but man ain’t Madani the city which shapes people? Al-soog Alkabeer is still there laying majestically with the dust hovering everywhere, sad to see so many shops closed due to financial problems, yet I still enjoy my walk down the Sharee al Neel, the Wataneyah Cinama still shows Hindi movies and Banat is the hidden pearl of Madani .. Man .. if you go there, send my regards to my old high school “Madani Althanaweyah” and read for me al Fateha for my teacher “Gadoora” … I just love you Madani
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
يلوموك ؟؟ كيفن يلوموك يا اسامه يا اخوى ... والله الضبايح ما تديك الدرب .. وخرفانك تطاقش وتتناطح .. وهاك يا زغاريد تجيب الغاشى والماشى .. هى يا اخوانا فى شنو فى حوش ناس عم الخاتم ؟؟ اجى يا بتى امى ..ده ما اسامه ولدهم جا بب كده .. فى قعدتن فى شراب شاى العصير ..عينهم ليك لى العربيه وقفت قدام الباب .وفوقا العفش مربط بى فوق .. وحاتك هى جنس هجيمه لكن .. بس الفرحه بردت ليهم .. والله لى هسه اهلوا بقالدوا فيه مرتين تلاته .. ديل طبعا شمارات النسوان .. اها جات صلاة العشا .. يا حاج مبارك اهلا حباب الشيخ ..كيف امسيت .. والله نحمدو .. ما سمعت بى وليدا لى حاج الخاتم ؟؟..مالوا ان شاء الله خير .. لا والله خيرين تلاته .. الوليد الله يديه العافيه ولا اتلفت . غمض عويناته وفتح فى وسط بيته ..قال بلا غربه بلا لمه .. عفيت منو والله .. ده الكلام ولا بلاش .. ارح ليه يا خوى بعد الصلاة .. وانت يا سيد اسامه محكر فى نص الحوش زى الملك ..زى العريس يوم حنته وجرتقه وسيرته كلو فى يوم واحد ..فرحة كل المناسبات الجميله دى . فرحه وسلام مختلط بى دموع وحمد الله على السلامه وحبااااااااااابك اليوم السعيد الليله جاااابك ..وسهرة صباحى .. ونومه ساعتين بس فى نص الحوش والهمبريب يشيل ملاية السرير ويكفيها ليك فى وشك .. وما تصحا الا شمس الصباحية وعوعاية ديك ناس السره الفى طرف الشارع .. وتتحكر تانى فى نص السرير .. وتسمع صياح الاطفال ناس البيت والجيران ..يمه بردى لى الشاى .. انا اتاخرت على الروضه .. يا حاجه جيبى معاك الجلابيه البيضاء فى الشماعه .. يا ولد ما تشيل شنطتك اصحابك ديل جوك فى الباب .. يا حاج الخاتم كيف اصبحتو ؟؟؟؟؟؟؟ اسامه اوعك تصحى من الحلم ده ..الا تلقى نفسك بترد على الحاجه اهلا يا خالتى ................... واتمنىليك التوفيق صدقنى لما دخلت البوست ما كنت عارفه دايره اكتب شنو ..لكن استفزانى سؤالك الظريف بتاع اللوم هههههه لك التحيه والتقدير
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
الاخت العزيزة سوما مش كدا بالله كلامك والله ريحنى و اكاد ارى بيتنا و عم الخاتم و الجيران حتى كتاحة مدنى و حنتوب دخلت لى جوة خشمى لست بحالم و عارف قدر شنو هى تحديات السودان و عزائى انى سودانى مأصل عشان كدا ما شايل هم نحن الآن تلاتة اسر تناقش الرجعة بجدية و صدقينى ان اوضاعهم كويسة جدا هنا لكن راجعين لاعتبارات اخرى لا تخفى على اى مغترب و خاصة ماس الخليج يعنى يا جماعة الموضوع جد جد و قريبا اكتب لكم من السودان بس الشنط التستف
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
والله مهما تكالب الزمان على هذا الشعب العبقرى المتفرد فسـوف يظـل هو هو قلوبه مفتوحة ومشرعة لكل ابناءه الذين اضطروا اضطرارا لمفارقته. حبابكم عشرة ياشباب واحضان البلد مفتوحة ليكم للآخر. والعبدلله عازمكم لى ام فتفت وكوارع كدة كاربين وبعد داك قعدة جبنة كدة مصلحة والبسف فيكم كمان نديه واحد ودعمارى كده يقول ياليل . شـروط السف عندنا يكون تمباك لكن ما قروش البلد لأنو دى ماحيكون ليها عندكم طريقة لأنها من اساسو خلاص كملوها الطفيليين الجدد. عموما البلد بلدكم وحبابكم الف ودمتم
| |
|
|
|
|
|
|
Re: الى السـوق الشعبى.. الى مدنـــى (Re: ايهاب)
|
ياجماعة شنو اتقابلتو كدا وهيجتوا مشاعرنا بذكركم للسوق الشعبي ولمدني ايام الجامعة كان اسعد اللحظات عندما اكون في السوق الشعبي متجه لمدني ناهيك الان وقد طالت الامد بنا من شهور بقت سنين ومامعروف المهم ربنا يرجعنا بالسلامة ونقبل تراب الوطن الغالي وانشاء الله كلنا مانندم على رجوعنا نحن في الدنيا زائرين وليس مخلدين عشان نقضي سنين عمرنا بعدين عن اهلنا واحبابنا واتمني لجميع اصدقاء المنتدى الرجوع غانمين سالمين
| |
|
|
|
|
|
|
Re: الى السـوق الشعبى.. الى مدنـــى (Re: ايهاب)
|
ود الخاتم العزيز الغالي اسمى التحايا وانت تشد ازارك تنوي السفرالي اجمل البقاع واحلاها ليتني امتلك الشجاعه التي تجعلني انوي العوده للوطن سلامي الحار من سوبا والتفتيش المسيد الكاملين الحصاحيصا اربجي فداسي ود المجدوب والسوق الشعبي مدني اهواها جميعا واحس بالنتماء اليها فهل من عوده هل؟؟؟؟؟
| |
|
|
|
|
|
|
Re: الى السـوق الشعبى.. الى مدنـــى (Re: azza)
|
هسه القلب المواجع منوغيرك تعرف يا مبيوع الزول روحو تظل مشحتفه الا ان يلمح عامود ارسال التلفزيون بعد داك زي الدخل حوش بيتم خلاص لكن هل و هل و هل والهلات بتاعتك الكتيره دي مافي زول فينا يقدر يجاوبك عليها انا غايتو لي 11 سنه منها
كلو منك يا اسامه
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
الاخ اسامة الي متي ياخذنا الرحيل واعمار السودانيين لا تكفي للاستغراق بعيدا وتمثل راحة البال والضحكة الصافية جزاءاً من الارباح التي تهب النفس طمأنينتها
عد وما احلي العودة ان كانت الي الوطن
لك الود
عبدالله الاخ ايهاب هل تتذكر تعليقي السابق ولا ازال ابحث عنك يديكم العافية وربنا يجمع الجميع في السودان عبدالله جعفر
| |
|
|
|
|
|
|
Re: الى السـوق الشعبى.. الى مدنـــى (Re: Abdalla Gaafar)
|
تعليقاتكم مقدرة ايها الاحباب بما فيها تعليق سجيمان الغرض من البوست ليس بث الاشواق و لا هو ازمة اغتراب بل هو تشاور و معرفة آراء اعضاء البورد فى هذا القرار فهل واظب من لم يشارك على التعليق لكم الياسمين و للحاقدين الرماد
| |
|
|
|
|
|
|
Re: الى السـوق الشعبى.. الى مدنـــى (Re: اسامة الخاتم)
|
Mabyeo` … that’s a master piece about Madani, yes Gadoora Passed away and same goes to Sheikh shatoot and Iz alArab .. I was there when Shatoot died and when I came back to Madani after 5 dry years overseas, one of my first questions was “ how is Ustaz Gadoora” I was really sad when they told me he passed away a year ago Allah yerhamo for the knowledge he shared with us and for every smile he gave us and everything he offered to me as his student and neighbor. Walking down the Sooq Alkabeer was a soul searching attempt ..don’t ask me what kind of soul am I looking for but for an ex-Alsharqeyah primary school and ex-residence of Alhai Alsudan I think I has every right to be there ..am I right? I was wondering where is the Legendary Malajah and why Masrah Aljazeera is so quiet… I missed to stop by Ban Zain for a Shaeer drink then walk down the Old Market just to pass the Wataneyah Bookshop and take a glimpse at the Roman’s grown ( Alitihad training ground) and whenever I pass by I ask myself why do they call it Meidan Almalik….why? .. enough of that for now
| |
|
|
|
|
|
|
|