أطلقــوا النار على هذا الكلــب
اول الحكي زمن الموت لا ينتهي با انتي الثاكلة وأنا لست اول من نبأ الناس عن زمن الزلزله وأنا لست اول من قال في السوق انا الحمامة _ في العش _ تحتضن القنبله قبليني .. لانقل سري الى شفتيك ، لانقل شوقي الوحيد ، لك ، للسنبلة للزهور التي تتبرعم في السنة المقبلة أمل دنقل ـ العهد الاتي _______________ هترشة بغرض التنفيــس مهداة الى ود العجمي وود رمليه والى كل احبائي بالبورد ....... .. زهجانة انا ، ومدبرسة ، وبي قرف عالمي الماركة لو انه فرد على مساحة دول حوض الابيض المتوسط لملأه ودفق.. اتلفت حولي بطفش ، لاشيء يدخل نفسك فيبهجها ، حتى عربية التراب تأخرت اليوم مخالفة عادتهم التي ما قطعوها الا حينما تاخرت مرتباتهم ، التي تساويها25 مرة اضعاف مرتب غفير سعودي في مدرسة بنات ابتدائية ، ولا ادري لما غفير سعودي في مدرسة بنات ابتدائيةبالذات وليس عامل بناء في مشروع حكومي يتبع لبلدية حلة حمد بالسودان ..هذا ان كانت الحكومات هناك تقوم اصلا بتنفيذ المشاريع ..ربما لاني سمعت طراطيش كلام وهو انهم يغرونهم بالمرتبات _اي الغفراء او عموم العمالة الوطنيه السعودية ..، حتى لا يفعلوا بهما ما لا يرضاه الله ورسوله .. وحتى يتناسوا الحديث عن متاهات وخرابيط السياسة الليئمة. حتى حكومة السودان التي كانت تدير بلدا مساحته مليون ميل مربع ، اضح كل املها ان تحكم بلدا بحجم الجزيرة وشمال السودان .. احباطي والسيرلانكيه بدأ من شكل شاي اللبن الذي سوته لي على خلفية خطابي الذي سوف اكتبه لاهلها بالسيرلانكي ، فاكتشفت فجأة انني لا اعرف سيرلانكي ولا اهلها يعرفون عربي .. لست ادري اهي ارهاصات الحرب وتداعيات انقسام النواه في خلية خروف فاجأه الذبح ، ام تضامنا مع موجة القرف التي اعيشها وصديقتي السيرلانكيه والدنيا كلها ..ام هو امتداد لحالات الاكتئاب التي اصبت بها مؤخرا ، بعد ان صدمني طعم القرض ورأي ام خطيبي في افكاري المجنونه.. ما علينا ، اللي فينا مكفينا .. هذه المهترشة ، ايضا لم تغفو طوال ليلها ، كانت تحلم بكوابيس مثل ان صدام انقلب الى وحش على شكل المسيخ الدجال في مساحة جزيرة سومطره وابتلع بقدرة قادر جيوش الامريكان والانجليز كلها في كرشه.ثم جلس يحلي بالآله العسكريه كلها ويتمسح بكيماوييهم .. وفجأة انتبهت الى سؤالها .. اين تقع سومطره ؟؟ مع انني بليده في الجغرافيه ، فانها جعلتني افارق سريري تحت اصرارها والحاحها وجلسنا طوال ليلنا نبحث في الخريطه عن بلد تسمي سومطره ، وقلت لها لماذا سومطره بالذات ؟؟ يعني حبكت تشوفي ليك مسيخ على شكل سومطره ، ماكان يكون فلوريدا مثلا ولا وادي عرعر ولا كان تشوفيهو على شكل بوش ولا حتى صدام ..وضحكت وهي تعلق على كلامي سيري انت مخ مافي .. هذا في حلم مافي انا سوي .. وشديت سلك لبت خالتي ام مازن .. وجاءني صوتها مليلانا بكل قرف العالم ..وسألتها بتعرفي شنو عن سومطره ، ولم تطلب مني أن اعيد سؤالي لدهشتها ، فاغلقت الخط في وشي ولم تعقب .. ورحت الى نصف شغالتنا اسألها يا بت يا مجنتره انتي ، متأكده انو مسيخك الدجال دا كان على شكل جزيرة سومطره ، قالت نعم ، وذكرت لي اسامي شوارعها ووصفتها بانها كلها ركشات .. لم تكن هنالك من فرصه امامي لكي اهاتف رئيس بلديتها لأسأله عن صحة وجود هذه الشوارع .. المهم قالت انها لا تود الذهاب الى النوم .. تخاف ان نامت تنوم عليها جزيرة سومطره .. الليلة هو يا ابو مروه ، يحلني الله انا من البت العجميه دي .. خطرت على بالي فكره جهنميه . انا قرفانه ومدبرسة ومحبطه ، وانت خايفه من جزيرة سومطره ؟؟ وفي دقائق كنا نلملم كل الجرايد الانجليزيه .. والعربية ..وقصينا من الجرايد العربية كل صور الرؤساء العرب ورؤساء العالم ثم ابعدنا قصاصاتها .. ثم فرشنا الجرايد الانجليزيه ، سعودي جازيت ، وارب نيوز ..وجرايد بالهندو .. على امتداد مساحة الاوضه .. ومشينا سوينا شاي .. وسوينا كركدي . وجبنا معانا شاي .. وكمية من الجزر .. والخيار .. وفول سوداني ..وجبنا معانا تفل الكركدي وتفل الشاي ..وطبعا ردمناهم فوق الجرايد .. وصور بوش ، دونالد رامس زفت .. بلاتر .. مين بلاتر هذا ..؟؟ كوفي انان .. اري فلايشر بصلعته البهيه . وهاك يا تفيل وهاك يا شليخ على صورهم ..لم نترك فيهم جزء على وجوههم الكليحه لم نشخبطه ونجلبطه بكل مخلفات هذه القشور .. جزر . .فول .. كركدي ... شاي ..خيار ..حتى تغيرت وجوههم .. ثم وقفنا وجعلنا نقفز عليها . ومع ذلك كله .. مازال الغضب والقرف ، والزهج والاحباط . هو هو .. يرفض ان يفارقني ويفارقها .. وهدأنا قليلا ثم طلبت منها ان نغير تكتيكنا الهجومي .. ونططت .. مثل ارخميدس .. وجدتها وجدتها .. قمت برسم جســــد كلب كبييييييييييييير جدا ، ثم قمنا بتحضير وجوه كل من نحس انه يستاهل ان ننبذه بصوت عالي يا كلب .. قالت المسيخ الدجال ... سومطره .. قلت بليير قالت جورج بوش . قلت صدام حسين قالت الكفيل .. والصقنا على الحائط رسمة جسد الكلب .. وتبقي وجهه .. واتفقنا على ان نبدأ بالمسيخ الدجال لانها خايفة وعايزة تنوم .. ورجعنا الى ارضيه العمليات . وبدأنا نصنع في القنابل من مخلفات الفول السوداني ، قشر البندق .. الكركدي ، وكل خرابيطنا .. وقبل ان ابدأ تذكرت حالة الفوضي التي سوف تعم الغرفة .. مين بعدين في سوي خراب .. ولاول مرة في حياتي توافقني جنوني وجنترتي . وكأنها خافت ان الغى هذه العملية .. فقالت ..انا في سوي .. بس انت في سوفتو هذا في فنني .. وبجنون وصخب .. وقرف .. وكل احباط العالم .. بدأنا نضرب في كلابنا . بدءا بجورج دبليو بوش الابن وبعد ساعة من ضربنا على كل كلاب العالم التي رأينا أنا وصديقتي السيرلانكيه انها تستحق ان نرميها بطلقات غضبنا ، لم يزول غضبنا .. وقرفنا . وزهجنا .. كان أملنا ان ما فعلناها ينفس عن كربنا وماتزحزح قرفنا واحباطنا قيد باتنجانه واحده لذلك انتم سادتي مطالبين هنا بكتابة اسم من ترون انه يستحق ان نطلق عليه النار .. SHOOOOOT THE DOG عسى ان يخفف ذلك من قرفنا وقرفها وقرفكم .. واحباطنا واحباطها واحباطاتاكم لان صديقتي السيرلانكيه من ساعتها لم تنم تخاف من جزيرة سومطره ان ترقد عليها فتكتم نفسها ... ولا تشهد نهايةالعالم التي اصبحت وشيكه .. (عدل بواسطة shiry on 03-20-2003, 09:01 AM)

03-19-2003, 11:23 AM

Zoal Wahid

تاريخ التسجيل: 10-06-2002
مجموع المشاركات: 5355

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
دايما كتابتك ممتعة وبتشدني اقرأ بدون ما أ تنفس لحدي آخر سطر المزهجك انتي وصاحبتك السريلانكية هو (مرض حامد)0

03-19-2003, 03:56 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: Zoal Wahid)
زول واحد سلام مربع والله في دي عندك حق انا والسيرلانكيه فعلا مزهجنا مرض حامد وبوش جماعتو قامو كملوا الناقصه سلمت ياسيدي لزوق الراقي وسلمت اكثر للطله والاطراء

03-19-2003, 11:48 AM

serenader

تاريخ التسجيل: 01-14-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
عزيزتي شيري، أشكر لك صبرك على إدهاشنا كل يوم بتفاصيل أخرى سقطت طوعاً عن ذاكرتنا الخربة، وأرى أنك تشاركينني- إن لم اجاف الصواب- حبي الجارف للأسطورة أمل دنقل.. وأحسب أن في شعره مندوحة عن تثاقلي عليك بالرد.. من ثم، فقد اخترت لك من درره الفرائد أولاً : البكاء بين يدي زرقاء اليمامة -1- أيتها العرافة المقدَّسةْ .. جئتُ إليك .. مثخناً بالطعنات والدماءْ أزحف في معاطف القتلى، وفوق الجثث المكدّسة منكسر السيف، مغبَّر الجبين والأعضاءْ. أسأل يا زرقاءْ .. عن فمكِ الياقوتِ عن، نبوءة العذراء عن ساعدي المقطوع.. وهو ما يزال ممسكاً بالراية المنكَّسة عن صور الأطفال في الخوذات.. ملقاةً على الصحراء عن جاريَ الذي يَهُمُّ بارتشاف الماء.. فيثقب الرصاصُ رأسَه .. في لحظة الملامسة ! عن الفم المحشوِّ بالرمال والدماء !! أسأل يا زرقاء .. عن وقفتي العزلاء بين السيف .. والجدارْ ! عن صرخة المرأة بين السَّبي. والفرارْ ؟ كيف حملتُ العار.. ثم مشيتُ ؟ دون أن أقتل نفسي ؟ ! دون أن أنهار ؟ ! ودون أن يسقط لحمي .. من غبار التربة المدنسة ؟ ! تكلَّمي أيتها النبية المقدسة تكلمي .. باللهِ .. باللعنةِ .. بالشيطانْ لا تغمضي عينيكِ، فالجرذان .. تلعقَ من دمي حساءَها .. ولا أردُّها ! تكلمي ... لشدَّ ما أنا مُهان لا اللَّيل يُخفي عورتي .. ولا الجدران ! ولا اختبائي في الصحيفة التي أشدُّها .. ولا احتمائي في سحائب الدخان ! .. تقفز حولي طفلةٌ واسعةُ العينين .. عذبةُ المشاكسة ( - كان يَقُصُّ عنك يا صغيرتي .. ونحن في الخنادْق فنفتح الأزرار في ستراتنا .. ونسند البنادقْ وحين مات عَطَشاً في الصحراء المشمسة .. رطَّب باسمك الشفاه اليابسة .. وارتخت العينان !) فأين أخفي وجهيَ المتَّهمَ المدان ؟ والضحكةُ الطروب : ضحكته.. والوجهُ .. والغمازتانْ ! ؟ * * * أيتها النبية المقدسة .. لا تسكتي .. فقد سَكَتُّ سَنَةً فَسَنَةً .. لكي أنال فضلة الأمانْ قيل ليَ "اخرسْ .." فخرستُ .. وعميت .. وائتممتُ بالخصيان ! ظللتُ في عبيد ( عبسِ ) أحرس القطعان أجتزُّ صوفَها .. أردُّ نوقها .. أنام في حظائر النسيان طعاميَ : الكسرةُ .. والماءُ .. وبعض الثمرات اليابسة . وها أنا في ساعة الطعانْ ساعةَ أن تخاذل الكماةُ .. والرماةُ .. والفرسانْ دُعيت للميدان ! أنا الذي ما ذقتُ لحمَ الضأن .. أنا الذي لا حولَ لي أو شأن .. أنا الذي أقصيت عن مجالس الفتيان ، أدعى إلى الموت .. ولم أدع الى المجالسة !! تكلمي أيتها النبية المقدسة تكلمي .. تكلمي .. فها أنا على التراب سائلً دمي وهو ظمئً .. يطلب المزيدا . أسائل الصمتَ الذي يخنقني : " ما للجمال مشيُها وئيدا .. ؟! " أجندلاً يحملن أم حديدا .. ؟!" فمن تُرى يصدُقْني ؟ أسائل الركَّع والسجودا أسائل القيودا : " ما للجمال مشيُها وئيدا .. ؟! " " ما للجمال مشيُها وئيدا .. ؟! " أيتها العَّرافة المقدسة .. ماذا تفيد الكلمات البائسة ؟ قلتِ لهم ما قلتِ عن قوافل الغبارْ .. فاتهموا عينيكِ، يا زرقاء، بالبوار ! قلتِ لهم ما قلتِ عن مسيرة الأشجار .. فاستضحكوا من وهمكِ الثرثار ! وحين فُوجئوا بحدِّ السيف : قايضوا بنا .. والتمسوا النجاةَ والفرار ! ونحن جرحى القلبِ ، جرحى الروحِ والفم . لم يبق إلا الموتُ .. والحطامُ .. والدمارْ .. وصبيةٌ مشرّدون يعبرون آخرَ الأنهارْ ونسوةٌ يسقن في سلاسل الأسرِ، وفي ثياب العارْ مطأطئات الرأس.. لا يملكن إلا الصرخات الناعسة ! ها أنت يا زرقاءْ وحيدةٌ ... عمياءْ ! وما تزال أغنياتُ الحبِّ .. والأضواءْ والعرباتُ الفارهاتُ .. والأزياءْ ! فأين أخفي وجهيَ المُشَوَّها كي لا أعكِّر الصفاء .. الأبله.. المموَّها. في أعين الرجال والنساءْ !؟ ..وأنت يا زرقاء ! وحيدة .. عمياء -2- وأزيدك من آلائه الرفيعة ما أحسب شخصياً أنه استشرف فيها أيامنا الكالحات هذه، اسمها خطاب غير تاريخي على قبر صلاح الدين ها أنت تسترخى أخيراً فوداعاً ..يا صلاح الدين يا أيها الطبل البدائى الذى تراقص الموتى على إيقاعه المجنون يا قارب الفلّين للعرب الغرقى الذين شنئتهم سفن القراصنة وأدركتهم لعنة الفراعنة وسنة بعد سنة صارت لهم حطين تميمة الطفل وأكسير الغد العنين * (جبل التوباد حياك الحيا وسقى الله ثرانا الأجنبى) * مرت خيول الترك مرت خيول الشرك مرت خيول الملك النسر مرت خيول التتر الباقين ونحن -جيلاً بعد جيل - فى ميادين المراهنة نموت تحت الأحصنة وأنت فى المذياع ..فى جرائد التهوين تستوقف الفارين تخطب فيهم صائحاً : "حطين" وترتدى العقال تارةً وترتدى ملابس الفدائيين وتشرب الشاى مع الجنود فى المعسكرات الخشنة وترفع الراية حتى تسترد المدن المرتهنة وتطلق النار على جوادك المسكين حتى سقطت - أيها الزعيم واغتالتك أيدى الكهنة * ( وطنى لو شغلت بالخلد عنه نازعتنى - لمجلس الأمن - نفسى !) * نم يا صلاح الدين نم .. تتدلى فوق قبرك الورود ..كالمظليين! ونحن ساهرون فى نافذة الحنين نقشر التفاح بالسكين ونسأل الله "القروض الحسنة" فاتحة : .. آمين

03-19-2003, 03:59 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: serenader)
SERENADER ٍسلام مربع هو انا اقدر اقول ليك كده ياسيدي امل دنقل حبيب البي الله يرحمه وتسلم يا الكلك زوق وحقيقي فرقت علينا ومن دربي دا ح انده للسيرلانكيه المجنتره ديك عشان اقرا ليها هذه الدرر سلمت ياسيدي للكتابة لنا وسلمت اكثر للطله

03-19-2003, 11:49 AM

أبوالزفت

أبوالزفت
تاريخ التسجيل: 12-15-2002
مجموع المشاركات: 1545

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
دونالد رامس زفت كـتر خيرك يا بت امى غايتو الختيتيها رقدت (عدل بواسطة أبوالزفت on 03-19-2003, 11:52 AM)

03-19-2003, 12:41 PM

saifkeli

saifkeli
تاريخ التسجيل: 02-02-2003
مجموع المشاركات: 572

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: أبوالزفت)
ابداع حقيقي والله وفي هذا الوقت العصيب من تاريخنا فقدت الأمة شعرائها أمثل أمل دنقل ونزار قباني وصلاح أحمد ابراهيم ونتمنى الشفاء العاجل لشاعرنا الكبير سيد أحمد الحردلو مرة أخرى تحياتي لك

03-19-2003, 04:15 PM

WAD ELGAALI#4

WAD ELGAALI#4
تاريخ التسجيل: 07-11-2002
مجموع المشاركات: 2036

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: saifkeli)
تعرفى يا شيرى كرهتى فى الدنيا القراية يعنى اذا وصلنى جواب من حبيبتى مع انى ماعندى حبيبة وكان اكتر من تلاتة سطور برجعو ليها باك عشان تعملو صمرى عشان كدا طوالى بكب الزوغة من بوستاتك الطويلةدى واقوللافى نفسى ياخى دى زولةوهم ساكت رغم اعجابى جدا بتعليقاتك القصيرة المهم يا زولة الليلة ما عندى موضوع وحاسى بى فراغ والبروف قال اى زول الاسكور بتاعو اكتر من 95 يفيل فري انو ما يجى المحاضرة لمدة تلاتة ايام اها لكل ماتقدم زايدا ما فى اى زول اونلاين فى الام اس ان ولا الياهو من الحبايب او الاخوان المهم يا زولة قلت القحة ولا صمة الخشم ونشوف البتالمطرطشة دى كاتبة شنو وبديت اقرا فى الموضوع وللعجب فقد انساب بين يدى سلسا طريا لينااحببت اسلوبه بعمق ووجدته ممتعا فى السرد والاسلوب لذيذافى التسلسل اتاريك كتابة والله يا شيرى وكانت كتاباتك مظلومه معاى جدا ياخى والله انت خترة عديل كدا وبالمناسبة دى المسنجر بتاعك كم لوووووووووول

03-19-2003, 04:04 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: أبوالزفت)
ابو الزفت سلام مربع يا رائع انت في حد زيك اول شيء انت ابو الزفت ذاتو ودا زفت ساكت لامشي ولا جاء شان جاب لي جاب شتان ما بين زفتهم وزفتيك شفت شفت كيف الزفت داك كان عايز يفتن بيناتنا عشان كده انا قلت عليهو دونالد رامس زفت وتسلم انت ابو الزفت من كل لخبطه وتسلم من كل زفاته امريكيه

03-19-2003, 04:07 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
SAIFKLI سلام مربع تسلم ياسيدي لهذا الاطراء ونرفع اكفنا معك بالترحم على امواتنا الذي ابدعوا وتركوا بصماتهم الواضحة على وجه هذه البسيطه ونسأل الله ان يشفي شاعرنا العظيم الحردلو ويشفي مرضانا ومرضي المسلميه سلمت ياسيدي للطله

03-19-2003, 04:30 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
سلام مربع يا ود الجيلي ولن اذيع سرا ان قلت انني نفسي لا اقرا ما اكتبه .. وكل الذين قريبين مني ويمكنك ان ترجع للسيرلانكيه في ذلك يعرفون انني اكتب البوست في النيو توبك طوالي وفي شوته واحد ، ولانني اعرف انها هترشه وبري يجيب الهرتركاريا عشان كده عمري مارجعت عشان اقرأ الكتبتو وكتير جدا بحن على الناس البيجو بعدي للاطلاع علي ماكتبت واقول في نفسي بالله .. دي هترشتك وخاصة اذا امتدت معي السهم لاكثر من مساحة ستة باتنجانات واعرف ان الموضوع مخستك .. واعلم ان كثيرين هنا لا يقرأون الا اوله ونهايته ومع ذلك لم اتوقف من الهترشه ان افرش على مساحات هذه البوست حلل الكمونية وااغطي بها على احباطات العالم ماذا افعل .. سلمت يا سيدي للطله ودعواتنا معاك ربنا يقدرك على هترشتنا بعد ان جات رجلك في الخيه وسلمت اكثر للاطراء ياطيب

03-19-2003, 06:21 PM

AZHERY KABBASHY

AZHERY KABBASHY
تاريخ التسجيل: 03-10-2003
مجموع المشاركات: 40

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
مراحب شيري،، لك تحية الروعة ،، سأظل أقرأ حتى وإن لم تكتبي شيئاً،، عذراً فأنا أتلصص علي قلمك ليلاً،، ففي الصباح أكون مجهدا وأفتقد للتركيز المطلوب لمثل هذه الحالات التي تعتريك فتحيلي يومنا إبداعا. وكفى.

03-19-2003, 08:47 PM

HAMZA SULIMAN

HAMZA SULIMAN
تاريخ التسجيل: 04-20-2002
مجموع المشاركات: 3278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: AZHERY KABBASHY)
كم انا اشتاق لى كتاباتك ولى عوده

03-19-2003, 09:40 PM

Abdel Aati

Abdel Aati
تاريخ التسجيل: 06-13-2002
مجموع المشاركات: 33072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: HAMZA SULIMAN)
سلام شيري في حضرة هترشتك تطيب القراءة مع تحياتي للسريلانكية وام مازن ومازن الما اتولد لسه -باعتبار ما سيكون - وكل حلل الكمونية وكل المجنترين -what ever it mean(s)- عادل

03-20-2003, 09:27 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: Abdel Aati)
ازهري كباشي تحيه بذات شكل الروعة التي اعتصرها قلمك اليك .. وتسلم ياسيدي لهذا الاطراء .. وسلمت اكثر للطله فناني من اصل الابداع حمزه سليمان اولا حمد الله على السلامه . وبركه الشفناك طيب ونحن الذين افقتدناك وافتقدنا طلتك البهيه . ارجو ان لا تهجرنا .. سلمت لذوقك الراقي وسلمت اكثر لهذا الاطراء والطله الحلوه استاذنا في الابداع عادل عبد العاطي هم ايضا يبلغونك سلامهم المعطر .. بت خالتي ام مازن .. وصديقتي السيرلانكيه ، مع انهم مجنترين اوي اوي ، واسياد الهترشه وخسارة سلامك فيهم ، لانه بصراحة هم سبب كل هذه الهترشات .. وانا عندي اعتقاد انو حرب الخليج الثالثة هم سببها

03-19-2003, 10:12 PM

مريم بنت الحسين

مريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيري شيري شيري.. دخلتيني في أحوال.. ضحكت وبكيت.. استمعت وحزنت.. فكرت كتير.. منو الغلطان.. الساعة عندنا حادشر بالليل.. بعد أربعة ساعات بالضبط بتنتهي المهلة الممنوحة للعراق.. صديق لنا يدرس في العراق أخباره مقطوعه في الحدود.. وإحنا بين اصبعين من أصابع الرحمن يقلبنا كيف يشاء.. بقولوا الأردن أكثر أمنا من السودان في هذه الأيام.. لكن .. هل حقا يزعجني الأمن؟ والله يا شيري بيني وبينك .. ما منزعجة من ده.. منزعجة لأحبائنا المقلقين علينا.. .. منزعجة لأن العالم كله بقى مجنون.. يعني ديل كلهم عشان راس صدام.. وبوش.. والله انا زاتي ما عارفه الحاصل شنو... بالله الاتنين تنحوا تنيحة كعبه.. داك جعلي أحمق (صدام) وداك رباطابي بسلاح غير اللسان! السيرلانكية يا شيري.. عليك أمان الله يا عزيزتي تسلمي عليها سلام خاص خاص خاص.. وقولي ليها.. المسيخ الدجال ده ما لازم يكون مكتوب بالخط على جبينه كافر.. يكتب كافرا بأفعاله.. سومطرة الشي البتذكره من (هترشات) مدرس التاريخ هو أنها جزيرة سوقطرة في المحيط الهندي.. ما بتذكر وين بالضبط على أهلنا الأفارقة كدي.. لا جد.. أمشي شوفيها.. وقولي للسرلانكية.. كان لقيتي ليك طريقة نوم رسليها لي.. عيني النوم أبا تب..... تابعي شيري.. أهترش معاك زي الترتيب... الليلة انا صبّاحي.. منتظرة معجزة تنقذ العالم... الله في.. الله قاااااااااااااااااااااااعد.. يعني كان صدام ده فجأة كده جاتوا صدمة قلبية كده ومات قضاء وقدر.. فيها حاجة؟ مع حبي بنت الحسين

03-20-2003, 10:13 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: مريم بنت الحسين)
ٍسلام مربع مريوووم ربنا يكتب سلامة قريبكم انشاء الله وسلامة كل المسلمين ويجعل كيد الظالمين في نحرهم وكبدتهم دي يهريها ليهم الكان عملوا لينا سافوتا في راسنا دا حلوة سافوتا دي .. هذه نكهة ماميه . اي هذه من فرامالات امي التي لا تنفك تستعملها كلما عاكسها شيء خصوصي ، انا الحرب الان يا مريووم بدأت وهسع قبل شوية خبر مفرح جدا وهو خبر عاجل اورده هنا بالنص انبــاء عن سقوط صاروخين عراقيين شمال العاصمة الكويتيه بس يا مريوم تفتكري ايه الحال هناك وكل هذا الصخب الاعلامي وكل هذا الخوف كيف حال اطفال العراق وكيف حال نساؤهم وكيف حال شبابهم اسئلة تؤرق يا مريوم اسئلة تجلب الغم والهم اللهي ما توعي يا بوش شكيتكم على الله يا بوش وبليير انشاء الله اليد الاشرت ببداية الحرب تنقصه وتنشله عساهم بعاصفة ترابيه تعميهم وتجعله كالعصف الماكول

03-20-2003, 11:20 AM

ود العجمى

ود العجمى
تاريخ التسجيل: 09-21-2002
مجموع المشاركات: 1595

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى شكرا على الاهداء وسأعود فى متسع من الوقت . ولكن لا بد من أن أضع توقيعى على هذه الروعة اشكرك

03-20-2003, 12:34 PM

مريم بنت الحسين

مريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
الملاح حرق.. واتفحم... والمطرة أبت تقيف.. والناس صااااااااااااااانه... والخلعة حاصلة والقرف وصل حده ولسه الناس تتزوج.. وتجيب أولاد... ناس تموت.. وناس تعيش وناس تحرق... وناس وناس.... شيري... على قولك.. من للأطفال والولايا.. مين للشباب الضايع... والشايب العاجز... مين للطاغية .... كان صدّام كان بوش صدام.. لو أنه يترك الأنانية.. ولا ينطح الثور رحم الله امرء قدر عرف قدر نفسه لو عشان الأطفال ديل يتنازل عن كبرياؤه الزائف من هو عشان يدخل بلده في حرب عشان خاطره ماخد السلطة ملك حر... بوش باطله معروف.... لكن ما دايرين نجيب قصة البيضة والدجاجة,... منو الجا أول.... حاليا في وضع... أمريكا حالفة طلاق.. واحد من الخيارات التالية يا تشيل صدام... يا تشيل صدام يا تشيل صدام.................... عشان خاطر .. دموع طفلة غازلة عيونها حديقة في الخيل... (ودجله) ثوب أخضر.. ويا حليل بغداد.... عيناها بيتي وسريري.. ووسادة رأسي أضلعا تجلو كل هموم حياتي إن مس جبيني اصبعها... بغداد.. وهل خلق الله مثلك في الدنيا أجمعها كما يغنيها كاظمها.. ويكتب لها.. كريم العراقي التحية... للجميع... قريبنا قد رن الجرس الآن.. وصل... يبقت صديقة شجاعة.. رغم أنها تستطيع الدخول إلى الأردن، وزملائها لايستطيعون.. رفضت تركهم.. وصمدت بشجاعة في الخط الفاصل بين العراق والأردن.... بنت الحسين

03-20-2003, 05:29 PM

ود عقاب

ود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
الاخت شيرى ان شاء الضرب ما جاكم اولا ام خطيبك دى بنقى شعيرك بعد العرس (هظار البت السيرلانكيه دى اكيد حلمت بالشهدا عندا اصلو وصف الشارع والرقشات ديل الاهنا اما حكايه طلق النار دى مابتحل مشكه لو كل الناس ماتوالدينا ما يكون عندها طعم بلا مشاكل لكن ممكن نقتل نصف الكميه يعنى بحساب عشان التوازن اصلو الطبيعه لازم تقوم على نقدين خير وشر كان مافى خير ما بنلقى شر وكان ما فى شر مافى خير)(فمن يعمل مثقال زرةخيرا يره *ومن يعمل مثقال زره شرا يره) وسوف ارجع تانى ودعقاب عيد الام

03-20-2003, 06:31 PM

cola

cola
تاريخ التسجيل: 02-04-2002
مجموع المشاركات: 1423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى اللذيذه هترشتك دائما جميلة وانا بعتبرها استراحة البورد فكلامك خفيف على القلب ويسهل ابتلاعة مازى هترشت ود عمتى قرجة دايره ليها ملح اندروس مع ليمونة ولى قدام

03-20-2003, 07:39 PM

wa7shny

wa7shny
تاريخ التسجيل: 03-02-2002
مجموع المشاركات: 850

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: cola)
الاخت شيري اول حاجه سلام مربع ليك زي ما بتربعي لينا انتي انا يا اختي الطلقه دي اول واحده برسله لمبني الجامعه العربية وبلاش منو خالص وطلقه تانية برسله للكويتي دا الرافع يديهو ومبسوط قال عشان الحرب بدات مصدر الصورة قناة الجزيرة تحيات ....................واحشني

03-21-2003, 00:49 AM

ودرملية

ودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: wa7shny)
سلامات سيري راس مال انا واجد خراب انا سوف كلام مال انت في واجد قرقر واجد زين بعد انا يقول روه نوم ياابدالرهيم ياودرمليا لكن زاهر في مشكل في نوم كمل كلام مال نفر مجنترة سيري بعد سوف نوم كيف حقيقي حقيقي ياشيري ان بحسد سيرلانكيتم تتخيلي يلا شفتي طوفاشك دي بي عسل الدنيا واجمل هترشة في تاريخ الهتارشة العرب واليونان هي الهترشة الشيرية في الامور العسكرية والاحوال اليومية يعني من عربية التراب مرورا بغفراء المدارس المرطبين وحتي تلفون بت خالت ام مازن تتخيلي ياسيري تلفون مال انت واجد جميل دحين كووول مي بليييز شيري تلفوني بتلقيهو في كتاب الخالدون مائة الزول الواحد الكاتبين عناوينو وتلفوناتو ومكاتبو في كافة ارجاء المعمورة احم احم سلام ياقطعة السكر

03-22-2003, 07:39 AM

ود عقاب

ود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى كيف عامل انا نسيت موضوع اطلقوا النار عندى كم طلقه تسمحى كميه لرجال البوليس والامن الذين يفرقون المظاهرات فى مصر واليمن وكميه اكبر للذين يفرقون المظاهرات التى لم تقوم عندنا ودمتى ودعقاب

03-22-2003, 07:52 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: ود عقاب)
سلام مربع لهؤلاء الحلوين واحشني كولا مريم بت الحسين ود العقاب ود العجم ود رمليه بس ادوني فرصة اطلق النار على هذا الكلب وارجع ليكم تاني جاية صادة ابقوا معانا ايهاالاحباب

03-22-2003, 07:56 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
اطلقوا النار على هذا الكلب الذي يحمد ربه ضاحكا على ابادة شعب مسلم

03-22-2003, 09:41 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
صديقتي مريووووم والله يامريوم كان نفسي اكون مراسلة هناااك .. وحات الله لو بخلوني هسع دي اخش ليك في منطلون جينز وكاميرا ديجتال في يدي واللاب توب بتاعي في يدي التانيه متبرعه لله في لله .. ماعايزه ولا تعريفه منهم .. ودون ادني خوف سوف تجدوني في الخطوط الاماميه.. حتى الخنادق ماعايزاها .. بس تفتكري بنلقى بدل واقية للرصاص ؟؟ وشي مكشوف لكاميرات التلفزيون ، اقصد صدري مكشوف لرصاص العدو بتكلم جد ، كان نفسي يا مريوم اكان على الحدود الاردنيه العراقية عشان انقل ماساة شعب يقضي عليه الاوغاد ، والاوغاد التانين يشهدون مذبحته ايه رايك يامريوم تجي نمشي سوى . ام مازن قالت ماعندها مانع قالت عايزة تنتقم من الرجال قاطبه .. وخاصة الامريكان .. ود عقاب ياخي انت حنين اوي اوي عايز تعفوا نصف سكان العالم من القاتل بس والله كتر خيرك ، ويابخت الانسانيه بك عشان كده انت ساكن سكنه في الشهدا يعني تقتلوا القتيل وتمشوا في جنازتو هاهاهااههاهاااهاهاهه قالوا طالب سألوهو في معاينة كم عدد الرقشات في السودان قال ليهم كل ذكر عاقل بالغ في السودان عندو ركشه قالوا ليهو كضبنا كاضب : كل ذكر بالغ عاقل او مجنون ، صغيرا او مولوداً عندو ركشه هسع سؤالي ليك ياود عجاب : لو جاوبتو بنخليك تمشي معانا العراق انا ومريوم وام مازن ليه الركشه بتمشي بي تلاته لساتك ؟؟؟ كولا ليه ليه ، مالك يا ود امي على عمو قرجه عمو قرجه مشكلته الوحيده انو من ماشوفتو في البورد دا شوفتو ماشي ، وشايل الكيس دا .. ماعارفه متين بهجد قول ليهو بطل مشي الايام دي ، وينتبه لصفارات الانذار البتدوي كل دقيقة والثانيه دي بدل مايجيهو اسكود يلحقوا امات طه سلمت كولا للطله وسلمت اكثر للاطراء وانشاء الله ماعدمناك يارب

03-22-2003, 10:12 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
واحشني شكرا ليك كتير على هذه اللقطة المعبرة التي تحكي رماد وسواد حالنا وبرضوا يقولوا ليك ما تشمتي ؟ سلمت للطله ود رمليه تسلم ياسيدي للاطراء ، يعني هترشتي هي الحمتك النوم ؟ ولا الصواريخ النازله زي الرز على بغداد ؟ تلاقيك ما اتعشيت ، خوفت لو طلعت تجيب العشاء يلاقيك صواريخ طفاشي ، اصلوا الخواجات العوره ديل ، بقوا شغالين من نظام في يضربوا في الصواريخ في كل الاتجاهات انشاء الله تكمل صواريخهم دي ، نشوفهم تاني ح يفكوا اخرهم ولا برضو بكرروا حركاتهم القرعة دي ؟؟ اتصل على بسمه في قناة دريم ، وكلمها ، واعتبر نفسك هترشت معايا .. هاهاهااههاهاها ن امازحك يا اخي ود عقاب شوف يا رجل يا شجاع انا مخولاك بالضرب على اي كلب بتشوف انو يستحق انو نفرغ فيهو برميل رصاص ؟؟ هو الرصاص بخزنوهو وين ، في براميل ؟؟ اتخيل لي كده الامريكان الايام دي بجيبوهو بالحلل الكبيرة بتاعة الرز الكبسه وطشات .. يعني كل نفرين يختوا جمبهم طشت مليان رصاص ، ويشيلوا ويرسلوا للناس المساكين ديل ، انشاء الله كل طشاتهم تنقدها وتدفق ليهم كل الرصاص الهي ما يوعي يا بعيد ،، يا ود عقاب ، خت طشت الرصاص جمبك ولا كمل تاني بنجيب ليك غيرو بس انت نضف لينا كل الكلاب ، ينوبك ثواب فينا سلمت ياسيدي للطله ، وسلمت اكثر لهذه الطلقات

03-22-2003, 11:09 AM

قرنفل

تاريخ التسجيل: 12-11-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
سلام الاخت شيرى قال الخطوط الاماميه تلقاك بتشوفى فى التلفزيون من تحت السرير.....كاج كااااااااااج كيف كان شعورك عندما دخل الجنودالعراقيين الكويت سابقا؟؟ قرنفل

03-22-2003, 12:36 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: قرنفل)
قرنفل سلام مربع انت بتعمل ايه ؟؟ اقصد انت بتحفر في خندق ؟؟ كفاك ياعم حفرت الواطه كلها؟ بما اننا نعيش في عهد الصواريخ العابرة للغارات ورغم انني ابعد مسافة بلدين من العراق وبالطبع في امن من القوات الامريكيه والبريطانيه لظروف امن هذه البلاد التي اعيشها حسب تصريحات ولاة امرنا الرسميه وتأكيداتهم الكتيرة والمسيخه على ان نرقد قفا الا انني اصدقك القول انني مرعوبة ان يخطئ صاروخا كل القيادات الشؤوم ويقع تحت نافذتي هذا ان لم يكن قد نقر على نافذتي وتسلل الى ومع ذلك كله احس انني ممتلئة بالعزم والاقدام والشجاعة لا ذهب هناك وانقل لكم الاخبار من هناك .. ماعايزة منكم في البورد لا قرش ولا درهم سوف اكتب للاخ بكري ان يفوضوني للذهاب شايفة صديقتي مريوووم زاغت وام مازن قالت تلقت عرض جديد من خطيبها وهي تفكر في تفاصيله ومحتارة هل تقبله ام تساوم على عرض اكبر وبما ان خطيبي انحاز كلية الى رأي امه فانني اصبحت الان بلا دعامات ارضيه فيصبح الوضع عندي اتجاه كبير واصرار نحو الذهاب الى الحرب مراسلة حربية.. هذه الشغلانه حلو صاااح؟؟ دعواتك معانا يانكهة القرنفل

03-22-2003, 02:48 PM

ود عقاب

ود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى كيف عامله ان شاء ما جاتكم عوجه الرقشه لها تلاته جلات او بتمشى بتلاته عجلات ادينى خيارات وطش الطلق كمل ادينى شوال عديل ابو اردب ودمتى ودعقاب

03-24-2003, 11:35 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: ود عقاب)
سلام مربع ود عقاب الحكاية شنو كلو كمل بعضو البورد (باياتاو . جمع بايت)كلمن عشان كده الرئيس قفلوا يومين وانت كملت طشت الطلقات كلو والامريكان كملوا صواريخهم فضل لي انا اكمل هترشتي معكم وانطم .. عايز خيارات لسؤال الركشة 1- عشان ماعندها محل يركبو فيهو اللست الرابع 2-عشان تنقلب بمجرد ما تلف سرعة 3-عشان تساوي تلاثة قوى للابادة أ- خفة ب- انقلاب ج- تحطم 4- كل ماسبق سلمت ياسيدي للطله

03-25-2003, 04:04 PM

ود عقاب

ود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى سلام مدور اقصد مربع اولا الاجابه الرابعه عشان فيها تلاته ورقم اربعه يعنى سبعه طويله والغريبه هنا فى المظهارات قلبو كل انواع العربات ماعدا الرقشات ناسف للقيبه وانتى عارفه السبب بقطع تجمع المظاهرات فى اليوم مرتين يعنى مافى حيل للنت وتسلمى ودعقاب

03-25-2003, 04:06 PM

ود عقاب

ود عقاب
تاريخ التسجيل: 03-10-2003
مجموع المشاركات: 869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: shiry)
شيرى سلام مدور اقصد مربع اولا الاجابه الرابعه عشان فيها تلاته ورقم اربعه يعنى سبعه طويله والغريبه هنا فى المظهارات قلبو كل انواع العربات ماعدا الرقشات ناسف للقيبه وانتى عارفه السبب بقطع تجمع المظاهرات فى اليوم مرتين يعنى مافى حيل للنت وتسلمى ودعقاب

03-26-2003, 00:54 AM

waleed500

waleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: ود عقاب)
سيدة الهترشه المحببه شيرى.. ربما للقلم انحناءة خفية في تلك اللحظة عرفاناً منه بسمو حرفكِ الأني قلتها لكِ يوماً ..من اجل الكلام التلقائىالذي غاب عن عالمنا ..كوني بخير .. والله المستعان والمغيث للعراق شعباً وأرضاً وسماء... الذي طال أمد عذابه .. دمتِ سيدتي .. وأشكر لكِ تلك الهترشه

03-26-2003, 06:54 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: أطلقــوا النار على هذا الكلــب (Re: waleed500)
سلام مربع ود عقاب كيف يقلبوا حاجة مقلوبة ؟؟ تعرف المظاهرات في السودان بتوريك مدى غباء العسكر وكيف هي قاسية قلوبهم ومتحجرة بالله كدي النسألهم ماذا فعل هؤلاء الشهداء لهم ازلزوا عرش اسيادهم؟؟ ام اقتربوا من قلاعهم المنيعة؟ الا عليهم لعنة الله والملائكة والناس اجمعين قولوا امين يا ودعقب وليد : عساك بخير اخي وليد ، لي مدة طويلة ماشفتك في البورد اتمني ان تكون تمام التمامين تسلم ياسيدي على هذه الاحساس الراقي وسلمت ايضا للطله

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]