|
|
|
 Re: الشوق قيساب نوريقو متين...يازول يازين انا شفتك وين (Re: ابو يسرا)
|
ابويسرا
سلام
يبدو ان مناخ البحر الابيض المتوسط لعب في البنية اللغوية عندك
عموما الشكر للاخ حميد الذي احيا المفردات الشايقية العتيقة ويحضرني في هذا المقام قصة حكاها لي احد الاصدقاء انه ذات يوم عندما كان يتغني المرحوم الرائع مصطفي سيداحمد
وعندما قال
صمصونايتك زمزمية
،كودن شبر
،وتحتصر (لكونشبر للحن) سمع صديقي احدي بنات الصعيد تقول والله هذا الشاعر خطير شاف كل الكون دا شبر واحد بس
لاباس
علينا ان نوصلهم تلك اللغة لربطهم بالتراث
والعنوان عبارة عن استعارة شايقية ( اوسمه تشبيه بليغ )تشبه الشوق بالقيساب ، والقيساب هو مجموع سنابل القمح او الذرة او اي محصول في مكان واحد استعدادا لدقه واستخراج البذرة منه او الحبوب وهذا يكون عن طريق النوريق(النورج) سواء بالحيوانات او الالات الحديثه وبالطبع يوم النوريق تكون قمة فرحة الفلاح لان ذلك حصاد مسرة من التعب والترقب ومن ثم حل الديون والاكل والشرب
| |
 
|
|
|
|
|
|
|
|
Re: الشوق قيساب نوريقو متين...يازول يازين انا شفتك وين (Re: peace builder)
|
شكرا ياابو الديوم(ديامي) م
وواولاد اهنلنا في نوري حسبما قال ود العجمي ترابلة مودرن وذاك يتشكل في ذاك المخلوق العجيب حميد
الذي جمع تراثا لا حول لنا به ولا قوة
لك ولهم الود
وياود العجمي
سلام
ابويسرا دا يروب الموية تقول ما يعرف اللبقة
انت ما ادوك ادب الجلوس في حرم الشيوخ
يلحقنا وينجدنا كمان
ابويسرا
انا ومالي وتوقيعي لشيخي
تسلم
بيسpeace
مرحبابك يا رائع
اسرة بعضها من بعض
والولد خال
لخالك الرحمة
ولابنائه وعلى راسهم جميل كرار
السلام
لك الود
| |
|
|
|
|
|
|
|
|
|
Re: الشوق قيساب نوريقو متين...يازول يازين انا شفتك وين (Re: yasiko)
|
ياسيكو يا بعض اهلى
اننى احببت من المدن والقرى ماجعل اقامتى قلقة
ولقد تلاشت ايام كثيرة من ذاكرتى.... لكن هنالك ايام
اخرى بقى منها ضوء باهر
يباغتنى فى جميع اللحظات التى اكون فيها على مقربة من نفسى
وكانت ومازالت تلك الايام تشدنى الى ما كان لى فيها
ومعها....والغريب اننى لا اطرق بابها بل دائما هى التى تفتح لى...
اما انا فأفتح لها قلبى... لأننى اشتم منها رائحة البرسيم و اللوبى
والعرجون والزيفة وطيبةاهلى...اتمنى ان تتكرر فان جارت ايامى دونها
فالجحيم عندى اشهى من الفردوس......ز
ولا متين ايد الغبش تتمد ولا قدام ولاقدام
تتش عين الضلام بالضوء
سعدت بصحبتك وصحبة النغم الشجى مستصحب معى الصديق الرفيع عبدالله
جعفر ووجدت العزيز حسن6 يشبل فى الدارة
ودمتم
رغم زمن الحزن
ابن النخيل
| |
|
|
|
|
|
|
|
|
 Re: الشوق قيساب نوريقو متين...يازول يازين انا شفتك وين (Re: yasiko)
|
عوافى
ياالكتوف المايله من أثر الطوارى
اصحاب المشية الواحدة واللكنة الحنينة والكلام المقلبن بين الجد والهزل . والتعفف عن الحروبات والخصومة الفاجرة
يا أهلى البقيف فى الدارة واتحزم واقول للدنيا ديل أهلى
يا الحنينين الولوفين. عوافى عليكم عوافى
لى طواقيكم طواريكم سواقيكم اناقيكم تميراتكم بوابيركم سواقيكم
ولى جداولكم وتمركم الروكة ومشركم والبركاوى والجاوة والمدين
- تمور الأكل وتمور البعيد- أحييكم جميعا وبالجد البوست دا هيج الشجن وانا القابع هنا على بعد أميال من تلك الجنات فما بالكم بكم أنتم ؟ الله يكون فى العون
ياسيكو .. لو عندك هذه رائعة محمد سعيد دى عليك الله أنزلها لينا فى بوست بصوت المبدع ود جبارة
بالمناسبة التوقيع الذى أهداه لى شيخك أبويسرا كان مناسب مع طعم الدعابة الخاصة بى أهلنا هناك يعنى كلام مقلبن لا يخلو من وداد حميم
يا أخوانا وين أبو عثمان
| |
|
|
|
|
|
|
|
|
|
Re: الشوق قيساب نوريقو متين...يازول يازين انا شفتك وين (Re: ابو يسرا)
|
Quote: يا الحنينين الولوفين. عوافى عليكم عوافى
لى طواقيكم طواريكم سواقيكم اناقيكم تميراتكم بوابيركم سواقيكم
ولى جداولكم وتمركم الروكة ومشركم والبركاوى والجاوة والمدين
- تمور الأكل وتمور البعيد |
ياسلام ياود العجمي
كنت قايلك طير صعيد
الا ان الكلمات اعلاه تنبيء بحامل معرفة وليس كما كما قال الرجل الظريف الذي لا يتكلم الا قليلا ،ابوعثمان
انكم تاتون لحصاد البلح
اتدري ان اهل الخرطوم اصبحوا لايذهبون لموسم الحصاد لان مدخلات الانتاج اصبحت اكثر من عائدة بل تراهم يستلفون حق الرجعة للخرطوم
رحم الله ذاك الموسم الذي استبدل بهجرة عكسية للمدن الاخرىز
اعدك بالبحث عن رائعة ود جبارة
ابوعثمان
لك الود والشكر على الطلة
طلة ملوك واحات شيخي ابويسرا الذي يتهمك بالرجعية
واعتقد ان عيون الشيخ عبد الحميد تلاحقك ايضا في الغربة
ابو يسرا
لك الود
يبدو ان ود العجمي على قدر لا باس به من مفردات الزراعة وان كنت اشك انه اطلع على كتاب القاضي الدكتور ابومدين الطيب الذي عنوانه
العرف والارض في المديرية الشمالية
حيث انه اورد كلمة(مشرق) بالكاف فهو بالطبع لم يحاحي الطير عن المشرق انما ارسل له في الخرطوم
فهو من طير الصعيد وليس من عصافير او بلابل الصعيد
فاهلا به
| |
|
|
|
|
|
|
|
|
|
Re: الشوق قيساب نوريقو متين...يازول يازين انا شفتك وين (Re: yasiko)
|
الأخ ياسيكو
الاخوة ود العجمي ابويسرا ابو عثمان وكل الجمع الكريم
تحية صباحية ندية لكم وانتم تعيدوننا لايام اظنها خلت ولن تعود
شكرا اخي ياسيكو وانت تفتح هذه الطاقة لنطل نحن من قاطوع الغربة بدخانه وحرارته على فسحة الديوان الكبير وهواها العليل
ولكم التحايا
شرووم
يا قومة بدري وفوتة الدار
من اجل حلم راجنو صغار
ياتو محطة غشاها قطار
اندهده فيها وقضى نهار
حس العمال تحت الامطار
الربط الخط مافك الخط
يا كم في الخط يا كم تنفار
| |
|
|
|
|
|
|
| |
yasiko
ابو يسرا
ود العجمى
peace builder
ابن النخيل
ابو عثمان
شرووم
فيس بوك
تويتر
انستقرام
يوتيوب
بنتيريست