|
|
 الاعتداء الجنسي علي اطفالنا
|
السلام عليكم
قررت ان ابداء اول مشاركاتي بهذا الموضوع الذي قد يجده البعض معاداً و ذلك لمعرفتي السابقه بهم
المهم
اكيد بعض منكم حينط و يقول لي مافي كلام زي ده فى السودان لانه نحن معروفين باننا كالنعام نخفي رووسنا فى الرمال
لاكن اؤكد لكم ان الاعتداءت الجنسيه للاطفال اصبحت من الحوادث التي اعتدت سماعها حتي اصابني الملل و ذلك لوحشيتها و قسوتها
لا ادري ماذا طري بشعبي الحبيب حتي الاطفال
اصبحوا من من يعاني من الوباء النفسي الاسمه الجنس المنتشر حول مختلف فئات المجتمع ..
في الزمن ده
كثرت حوادت التحرش الجنسي و الاغتصاب للاطفال بطريقه مخيفه حتي اني بت اتساءل كل ما اري طفلاً ماذا يخفي هذا الطفل تحت هذا الوجه البري؟؟هل اعتدي عليه ام انه ما زال يتمتع بطفولته البرئيه؟؟؟؟؟
انعدام الثقه بين الاهل و اطفالهم سبب مباشر فى انتشار مثل هذه التصرفات الشنيعه..
حيث يضمن الوحش المرتكب لتلك الجريمه ان هذا الطفل البرئ لن يطلع اهله بما حدث...
من هم مرتكبي مثل هذه الجرائم الشنيعه؟؟؟
وحوش خلت قلوبهم من الرحمه و سيطرت عليهم رغبه حيوانيه تافهه قتلت مافي قلوبهم من احسايس
دائماً ما تكون لهم علاقات وثيقه بالعائله كأن يكون قريب للطفل او احد الجيران مثلاً و لبساطه تفكير اهالينا لا يتوقعوا ان ذلك الشخص قد يرتكب مثل هذه الجريمه و حتي اذا حدث و علم الاهل بما حصل تجدهم فى شك من امرهم و قد لا يصدقو الطفل و يفعلوا مع مرتكب الجريمه دون ان يجول بخاطرهم من اين ياتي طفل بقصه مثل التي رواها؟؟؟؟
غالباً ما تجد الوحش رجلاً و قل ما تجده امراه مع وجود حالات نادره و المتضررين هم من
الجنسين صبيهً كانوا ام صبيات
ينمو الطفل المعتدي عليه بحاله خوف و عدم الثقه للمجتمع الذي يحتضنه و غالباً ما يعاني من مشاكل مستقبليه فى علاقاته و تصرفاته...
لاكن اين الاهل من كل هذا؟؟؟؟
يجب ان يحيط الاهل ابنائهم بجو من الثقه حيث اذا لا قدر الله و تعرض الطفل لمثل هذه الحوادث سهل له الاعتراف لاهله وقد يشعر بشيً من الاطمئنان اذا ما راي العقوبه التي قد تنزل علي مرتكب الجريمه
اتمني من كل اب و ام ان يعيدوا النظر فى تربيتهم لابنائهم ولا يشعروا باالطمانينه لاي قريب لهم و لا يسمحوا للطفل بالنفراد باي شخص قريب كان او بعيد
و فى النهايه الله هو المعين
لى قدام
|
|
 
|
|
|
|
|
|
|
 Re: الاعتداء الجنسي علي اطفالنا (Re: benyya)
|
سلام البنيه
كل ما كنت اقراء اقول يا للهول يا للكارثه
ليس دفن رووس فى الرمال ولكن فى طواقى
اصلوا الطاقيه بتعمل على تعطيل جزء من المخيخ الذى بدوره يودى الى.....؟؟؟
قربت اطلع من الموضوع الاساسى
سردك للحكايه دى دليل قاطع على تفاقم هذه الظاهره
التربيه لها دور اكيدفى كل هذه الممارسات
وين دور منظمات الطفوله
وين دور التربيه الاجتماعيه
كل الكلام ده هو دور الاسرة وطفلها او طفلتها
دور الاسرة
دور الاسرة
ندا لكل الاسر يجب ان لا تنشغلووووووا عن فلذات اكبادكم
لك التحيه يا البنيه فى اشعال نار هذا الموضوع
قرنفل
| |
|
|
|
|
|
|
|
|
|
Re: الاعتداء الجنسي علي اطفالنا (Re: benyya)
|
الاخت البنية البنية
والله كلامك هذا ضرب في وتر حساس
عارفه ده شي بيحصل كتير فعلا للاطفال الاولاد منهم والبنات وغالبا من قبل المراهقين الاولاد طبعا الاغلبية او الراشدين المرضى ، والناس فعلا بدأت تنتبه للظاهرة دي رغم انه ماحد بيتكلم بصورة مفتوحة عن الموضوع ، يعني احنا صراحة في الخليج هنا الموضوع ده معروف بكثرة والناس هنا بتخاف على أطفالها شديد وكل الأباء والامهات
بيوصو اولادهم انه اذا حد قال ليك تعال ما تمشي وما تمشي مع ولد بيتهم او مع بنت المهم الناس هنا كلها من غير فرز بتخاف
لانه الظاهرة في الخليج كبيرة جدا ، بس الغريبة انها تكون في السودان برضو بنفس الدرجة
وده طبعا نتيجة مؤثرات كتيرة منها التلفزيون والفضائيات بتعمل عملها مع المراهقين طبعا بالذات
وشكله كده الحياة حتبتدي تختلف تماما في السودان
يعني بعد كم سنة حتلقي الجيران ما بعرفوا شي عن بعض
بسبب كل مسببات الحياة والانشغال بيها واضافة للخوف من المجهول
وشك الناس ببعض واختلاط الحابل بالنابل
والله يسهل
تحياتي
| |
|
|
|
|
|
|
|
|
|
Re: الاعتداء الجنسي علي اطفالنا (Re: Hozy)
|
الاخ قرنفل
للاسره دور اساسي لتقليل هذا الوباء الذي اصبح هم من هموم الاسر في السودان
لك تحياتي وودي
الاخت هوزي
يا ريت يكون في ولو جزء بسيط من الخوف ..
المشكله فى السودان انه الاهل بيثقوا في كل من هب و دب يعني ما عندهم مانع اذا خلو طفل ينفرد باي شخص
لا و قد يكونو هم السبب فى ذلك وان كان من غير قصد
الله يسهل
و شكراً ليك
لى قدام
| |
|
|
|
|
|
|
|
|
 Re: الاعتداء الجنسي علي اطفالنا (Re: benyya)
|
الاخت البنية
عارفة انا معاك برضو في الحتة دي
يمكن لازال الشي ده موجود وبالذات كلما توغلت على الاقاليم والارياف
بتلاقيهم لسه الامان عندهم كبير للناس يعني ممكن يجيهم ضيف غريب يحتضنوه عندهم بالشهور من غير حذر او اكتراث من ناحية ده شي كويس
ومن ناحية الحذر مطلوب
ولسه اولاد الاهل بيدخلو البيت في اي وقت واي مكان ويختلطو مع الكبار والصغار والبنات حتى من غير اي حرمة للبيت ومن دون اكتراث برضو ، برضو عشان الثقة العمياء المفروض تفتح شوية من غير ما تقتل الحاجات الجميلة
مع انه المو ضوع ده فيه سلبيات كتيرة شديد والله
المشكلة اذا بنخلينا منفتحين مع الجنسين او كل الاعمار بس تكون في شوية رقابة معقولة
عشان ما ننتهي للجفاء والتزمت والفساد
لاطفالنا وشبابنا مع بعض
| |
|
|
|
|
|
|
| |
benyya
فيس بوك
تويتر
انستقرام
يوتيوب
بنتيريست