|
وجبة سودانية لاجانب
|
للجميع ارجوا شاكرا مساعدتي خاصة السيدات المغتربات في الدول الغربية اسكن مع اربعة طلاب ينتمون لثلاث دول غربية في داخلية الجامعة واليوم قرروا ان يطبخ كل واحد منا وجبة خاصة ببلده كل يوم سبت ولاني اسكن في الغرفة ا اصبحت في وجه المدفع يعني لازم احضر طعام سوداني خالص لهم يوم السبت القادم اتصلت بام العيال قالت اعمل ليهم قراصة ودمعة او عصيدة بملاح روب لكن نشوف الناس الخبرة في معرفة حاجاتنا البتنفع مع الناس ديل
الحقونااااا
|
|
|
|
|
|
|
|
Re: وجبة سودانية لاجانب (Re: awadnasa)
|
.... انا بخترح تعمل ليهم ملاح مرس وبي كدا حتكون معفي طول السنة من الطبيخ للمرات القادمة يومك حيكون يوم الاكل في المطعم
عفوا ياعزيز بس قلت امزح معاك..وكدا لكن عمك تنقو دا ليهو 13 سنة غربة ما حاول يوم يدخل مطبخ اي مكان اسكن فيهو بتاعين المطاعم بكونوا اعز اصدقائي وكذلك القطط
وانا معاك في انتظار ابلة نظيرة
تنقو
| |
|
|
|
|
|
|
Re: وجبة سودانية لاجانب (Re: 3mk-Tango)
|
والله سبقتني الي ذلك كنت اريد المشورة ايضا فلدي زميلة امريكية تعمل معي تلح علي الحاحا بان احضر لها وجبة سودانية ومش عارف اعمل ايه المهم بعد ماتنتهي من وجبتك ورينا الحل ورايهم في الاكلوه من يدك ....
| |
|
|
|
|
|
|
Re: وجبة سودانية لاجانب (Re: awadnasa)
|
الاخ وليد لك الشكر والله ام بق بق دي ما فهمتها هل هي التقلية الويكة
الحبيب كتر خيرك الفول دة اقتراح جيد لكن قلنا نعمل معاه حاجة تانية يا اخ تنقو عارف هسه زوجتي شمتانة علي جنس شماتة قالت لي ما ابيت تسوقنا معاك اها خم وصر Mo تصلك الانطباعات والتعليقات علي الحدث انشاء الله
الخواض كتر خيرك لكن بس انا خايف تعليقهم يكون دي طبخات متعارف عليها وانا احاول ان اتميز لان لساني طويل معاهم السودان بلد حضارات وووو عشان كدة دايرين نبيض وشنا معاهم
| |
|
|
|
|
|
|
Re: وجبة سودانية لاجانب (Re: awadnasa)
|
الاخ awadnasa تحياتي انا افكك ن المشكلة دي بي ملاح يقطع اصبع الخواجات ( ما ملوحة) وفكرتو ساهلة وعن تجربة سمعية مرة بها واحد زي حلاتك دي في بلاد العم سام اشتري ليك طماطم وبصل وشطة خضرة وزيت سمسم كان لقيتو وجبنه ودكوة بلدية لو لقيتها لو مالقيتها اشتري طحينة الفول السوداني واعمل ليهم سلطة دكوة تخينة كده وخلهم يضوقوها وجبة سودانية خالصة كان داير زيادة النرسل ليك خالي ابوالقاسم فالح في سوات الملحات
| |
|
|
|
|
|
|
Re: وجبة سودانية لاجانب (Re: awadnasa)
|
فوووووووووووووووووووووووول ولو لقيت طريقة لطعمية في بلدك دي ما بطال زائد اي خضار بدمعةولا لحمة محمرة وسلطة روب ونصيحة ليك ما تعمل ليهم ملاح ما افتكر بيستسيغوه فوق انه حيكون صعب عليك تضبطه تحياتي وتمنياتي بامسية جميلة زولة123
| |
|
|
|
|
|
|
|