|
Re: معا لنرتقي بقناتنا الفضائية (Re: motaz)
|
أخي معتز
اذا كنت من العاملين في التلفزيون فاهنئك ببداية التشخيص السليم والبدء ايضا في الطريق المؤدي للعلاج السليم وهو سؤال الناس عن رايهم حتى الرسول صلى الله عليه وسلم قال اشيروا على ايها الناس اما الاذاعي السوداني الذي حاولنا بلطف ان نلفت نظره الى خطا لغوي ونحوي فاحش في مقدمة برنامجه الذي يذاع كل يوم، فقد قال لنا في انفعال: انتو مين عشان توروني انا العربي، انا مدرس لغة عربية 14 سنة عايزين توروني ليها!! وما درى المسكين انه احد اسباب تدهور مستوي اللغة والتعليم في السودان ان كان هذا هو مستوي المعلمين ونصيبهم من العلم والتواضع وطلب المعرفة حتى من تلاميذه، ودعك عن الاعلام والاذاعة
قلت يا معتز
ولكن يبدو أن الامر اختلف الآن بعد أن استجلب التلفزيون أجهزة جديدة بمواصفات عالمية ولا تخلتلف كثيرا عن أي قناة عالمية ولكن ما زلنا محلك سر ايضا
لقد وصلت لاول التشخيص، المشكلة ما امكانيات واجهزة، عليك الله تفاهة البرامج وسطحية التقديم والمقدمين والموضوع علاقتها شنو بالامكانيات المشكلة في الاحتراف والمهنية، في التدريب والتعليم، ولا اقصد التدريب على يد الجماعة اياهم من الطلعوا نصهم اميين ونصهم منفوخين على الفاضي ساكت بعدد سنين الخبرة، والمشكلة في الموهبة وفتح المجال لكل صاحب فكرة خلاقة لبرنامج جديد ومبتكر، والمشكلة في تعيين المحاسيب وحرمان الموهوبين، والمشكلة في النظرة العامة الخاطئة للمؤهلات المطلوبة في الاعلامي، فالآن صاروا يعتمدون على الحصول على شهادة من كلية الاعلام في حين ان كليات الاعلام تخرج سنويا الآلاف، هل كل هؤلاء مبدعين وصالحين للعمل التلفزيوني؟؟ اكيد لا، والمبدعين في تلفزيونات العالم كله ليسو من خريجي المدارس الرسمية بالضرورة وانما اصحاب مواهب وقدرات حقيقية صقلت بالتدريب والخبرة المكتسبة من الاحتكاك والتعلم من التجربة لا مجرد مرور السنين الطويلة في الموقع
وما عايز اقول المشكلة في التحكم الحكومي وانعدام الحريات والديمقراطية، رغم ان هذا من اسس الداء الاساسية، لكن لسبب بسيط هو اننا الآن نطمع فقط في الاتقان والمهنية في الشغل وما مهم الباقي، ان تلفزيونات السعودية والامارات مثلا غاية في الاتقان المهني رغم النظم الملكية والعشائرية وانعدام الحريات العامة فهل نطمع في مجرد تلفزيون صورته واضحة غير مهزوزة ولا مضلمة، وصوته واضح دون شخشخة وصدي وطنين وازيز غامض مجهول، ومذيعه بعرف عربي كويس دون تقعر ولف ودوران من نوع الائتلاق والاندياح، زول يتكلم عربي الله ورسوله الواحد المعروف دا، المتداول في الاسواق والمدارس والدواوين دا، ومخرج يعرف ان الصورة لها دور مثلما الصوت، وكذا الحركة واللون والديكور والضوء، ويعرف ان الصورة الثابتة لمدة 10 دقائق متواصلة بتخلينا نقفل التلفزيون ونمشي، وانه من ناحية تانية الصورة البترجف وتتنقل بلا ضرورة بسرعة البرق بتزغلل العيون وبتخلينا نشوف غيره؟؟ هل نطمع في شئ من هذا
والكلام كثير والوجع لا يوصف ونحن غايتو خلينا تلفزيونهم دا زمان لاننا ما ناقصين ضغط ولا سكري ولا تخلف عقلي، والحمد لله دي ما في زول يقدر يقهرنا عليها بالرجالة، أهو نمارس فيها حريتنا
ولك التحية مرة اخرى على الاهتمام بالموضوع الهام هذا
| |
|
|
|
|
|
|
Re: معا لنرتقي بقناتنا الفضائية (Re: Alsawi)
|
والله يا الصاوي انت الظاهر خبرة في التقنية وعارف مواقع الضعف الفنية كويس ــ فعلآ التلفزيون فيه مشاكل فنية لا ادري الي متي ستستمر؟ اما بخصوص المؤهلات لمقدمي البرامج و المذيعين فانا غايتو لا الوم احدآ لان كل انسان في اي موقع عمل له مقدراته المحدودة وكل واحد يعمل قدر قدرته ـ وياها دي القسمة ودا النصيب ـ يعني كل عامل أو موظف في أي موقع له اخطاؤه وقدراته المحدودة واذا نظرنا لأي موقع عمل في كل السودان نلقي التقصير المريع، بس ناس التلفزيون شقيي الحال هم الواقعين في القيد بحكم عملهم المراقب من الجمهور علي مدار ساعات البث تحت المجهر الذي يبرز اخطاءهم متضخمة لاصحاب كل المزاجات التي من المستحيل ان ترضي كلها ــ
علي العموم بخلاف العيوب الفنية، واذا نظرت بتجرد اقول ان السودانية علي الاقل ارحم من العمانية والكويتية و السعودية و .. يا ساتر دي احسن منهم كلهم!!! ـ وأكيد اذا شفت الغثاء و المرض الذي تبثه الفضائيات الايطالية مثلآ لحمدت الله انك لم تكن اسبانيآ لأن ديل كمان أخير عدمهم ــ
خلال ايام العيد اعجبني برنامج جميل قدمه المذيع جمال ...(عفوآ لا اذكر الاسم الثاني) مع ثلة من الشباب في حوار مفتوح في مواضيع ربما متفرقة ـ الفكرة كانت سمحة والاستاذ جمال كان ذا حضور واع ـ ــ و أهو ادوا فرصة للشباب يعبر عن نفسه ورأينا وجوه جديدة غير الوجوه القديمة التي ظلت مصاقرانا مما انشأوا هذا الجهاز ــ اتمني ان يتواصل هذا النمط من البرامج ــ شايف د. عوض ابراهيم عوض برضو بيزحم الاستوديو بالشباب ولكني اتمني ان يكون دورهم اصيل بمشاركة اكثر فاعلية بدل ان يكونوا ديكور ساكت زي جمهور دريد لحام أو كلام النواعم ـ ايوة هذا الجمهور الشاب سيزيد حيوية البرامج ــ وبمناسبة كلام نواعم، يمكن للتلفزيون ان يقتبس الفكرة، وبما انو نحن مجتمع حازم ممكن يسموا البرنامج كلام رجال ــــ التميز في البرنامج انه يكون هناك ضيف واحد و يتباصوه عدة مذيعات/مذيعين ــ بدلآ عن عدة ضيوف ثقيلين مع مذيع واحد اثقل منهم ــ
| |
|
|
|
|
|
|
v] (Re: motaz)
|
الاخ العزيز فعلا القناه السودانيه محتاجه لبعض الحداثه لكن والله هذا التلفيزون السوداني مافي زيوه من النواحي الاخلاقبه ياخي نحن والله لارحمه والحمدلله
| |
|
|
|
|
|
|
Re: v] (Re: motaz)
|
سلام motaz
قرات كلامك عن التلفزيون ومداخلات الاخوة
بما انه تلفزون معنى ذلك نقد مباشر من اى شخص وما مدى معرفته بالتلفزيون فانا كمشاهد عادى يهمنى تلفزيون نضيف صوت واضح اداء جيد والا فاصابعى ممسك بها ريموت يمكن ان اغير وهنا تتنافى الوطنيه او الخيار للاجود
اى كان مشاهد للقناة السودانيه الاضاءة ...الاضاءة ...رديئة للغايه الصوت ايضااما الاداء فحدث ولا حرج فى احدى المرات كنت احاور احد اصدقاى فى دول الشتات لماذا لا ترتقى القناة السودانيه كباقى الفضائيات فطوالى نطه ليك القناة السودانيه مش عارف ايه ومش عارف ايه قلت ليهو يا حبيب انا بتكلم عن الاضاءة والصوت وفى نفس الوقت هو نادرا ما يحضر القناة السودانيه على العموم التلفزيون السودانى يعمل فقط لمدة سبعه ايام فى السنةودى من ناحية البرامج فقط (تلاته ايام فى عيد الفطر ....واربعه ايام فى عيد الاضحى) قلته ليهو مفروض يقفلوه كل السنه ويفتحو فى السبعه يوم دى
ولنا عوده
[B] قرنفل
| |
|
|
|
|
|
|
|