|
|
 ميسرة الذي قتل امه
|
ميسرة وكم منا كان ميسرة لكنه لم فعلته هذه
وكم من ام هجرت شبابها من اجل تربية ابنائها ورفضت كل الاغراءات المادية
رايكم شنو في ميسرة الابن والقصيدة
ميسرة
الزمن مهما كان عنيف شكل افعالوا وصورة
برضو ننسي سواتو ونقول قسمة والله مقدرة
بحكي من افعالو واحدة بس مثال مادار احصرة
عاش منعم بين والدين ريتوأ فيهم متفجرة
شبه بين والد كان عطوف وبين حنان والدة مبطرة
اسرة غرتو كل الحنان وليهو سقاية محدرة
لف دار دولاب الزمن والقدر يتم ميسرة
مات ابوهو الكان حنين وكانلو ياهو الضل والضرة
خله لي ام ورثت الهم والنحيب ودموع ممطرة
خله لي شابة اتأرملت زهرة يادوبة منورة
لسه في ريعان الشباب حلوة مريودة واسرة
فلته من عالمنا الضنين ومستحيل تاني يكررة
قررت تتحزم تقيف جم وليدة تكونلو الضرة
وتنسي أنو فقد ابوهو وتبقي يا الراجل والمرة
رغم جو الهم والنكد مهدتلو طريقو وقرة
كان بتحلم بي وليدة يبقي كان كابتن طائرة
ولا يصبح باشمهندس ولا يتخرج دكترة
الوليد اصبح كبير وفاته يادوب العاشرة
والزمن غير كل شي ألا والدتو ما غيرة
زادة في نظر الكل سماح وفي عيون الناس كبرة
صارت انموزج يحتزي للخلوق صبحت مفخرة
مرة يوم الحلة جاطت وقالوا انو سعيد دايرة
كان سعيد راجل مهذب يملك الجاه والسيطرة
في البلد معروف كان رجل وبرضو كان حالتو ميسرة
قام طلب ايد ام الوليد نيتو صافية لبن طاهرة
دار يكون لها حارس امين ويبقي والد لي ميسرة
حست أنها امام امتحان قاسي بين اتنين خيرة
ختت الشافع امامه ومغريات الكون بي ورة
بين وليدة الفارق كبير وبين قروش وحلي واسورة
رفضت الفكرة وبي ادب رسلتلو جواب معذرة
ورتو أنها داب وليدة وفي العرس ماها مفكرة
قام سعيد ناده الشويفع ورغبوا وقاليهوواغراء
جيبلي قلب امك يا ولد ولينا طلباتك امرة
لو طلبته الشي المستحيل يبقي ممكن اشان خاطرة
كم فرح ميسرة وانبسط ولي ديارم فرحان جرا
فتحت امو احضانه راجة عشان تضمو يروق خاطرة
بين ضلوع امو الحنينه غزة سكين لي اخرة
وانتزع قلب عجلان من محل ريتو موكرة
ماتت الام جم وليدة بين دموم سالت طاهرة
شال قليب والدتو بين ايدي وزود السرعة وكترة
من كتر سرعتو قام وقع وما عرف حاجة وما درة
غير سمع قلب امو ينبض وفيهو كم انات عاصرة
بي كلام اشبه بالبكاء من حلق ساداهو عبرة
ياوليدي نعل ما انضرب من مصايب الدنيا تبرة
يا جناي انشاء الله طيب بي وقعتك متاسرة
كان كلام قلب امو تيار في دواخل الوجدان سرة
حسة انو فعل جريمة مستحيل تلقي المغفرة
سل سكين داير يموت في وسط ضلعوا يوكرة
دار يموت شان يرضي الضمير او يكون للزيو عبرة
الا تاني قليبة ناده رجع السكين لي ورة
لا تقتل امك مرتين يا جناي كفايه مرة
|
|
 
|
|
|
|
|
| |
albagir altahir
shiry
woroorrook
فيس بوك
تويتر
انستقرام
يوتيوب
بنتيريست