|
الأدب............خــــــانة
|
في المدارس...... تلقى الادبخانات... حيّطها مليانة كتابة ونضم...وشتيمة..وشعر.. وعبارات حب وعشق وهيام........ لو في زول زعلان من مدرس يكتب في حيطة الادباخانة من جوه ويقعد يشتمو.....ولو زعلان من الالفة..... برضو يديهو حقو.. والله الاول بتاع الفصل.. لانوالاول واحسن منو.....ورسم كتير.....وغايتو......... المهم دي حاجة ومرضة ممكن تباري الزول لحدي ما يكبر..... والليله الخواجات سوا لينا الانترنت.... وناس معاذ.....وبكري.. سوا لينا.....البوردخانة....وتلاقي نوع من ديل كتيرين.... خاصة في بوردخانة معاذ.... لانو ممكن تدخل وتسجل وتكتب بمليون اسم لو عاوز......باسم تشكر وتطّلع سجيمان السماء....وباسم تاني وانت نفس الزول..... تنعل ابو خاشو..وسنسفيلو.......لا وكمان الحكاية هنا بتبقى الذ الذ.... لانو ممكن راجل يعمل نفسو مرا ومرا تعمل نفسها راجل...... ايوا هو في زول شايفو؟.....والله واحد يكون باسم معروف انو زول مؤدب وغاية في الاحترام..... ويجيك داخل ... باسم تاني....ويملص هدومو..ويسرح ويمرح زي ما عاوز....وممكن يدخل باسمو الاول على بوستات اسمو التاني ويقعد يهدي فيهو... ويذكرو بالله...وبالعرف والاخلاق النبيلة...... انه ادب الادبخانات.....تعلمناهو .. لما كنا لو مسكو واحد وقال رايو في الناظر والله مدرس... حياخد علقة..في البيت وفي المدرسة وفي الشارع......ولاحظت وانا طالب في الثانوي... عبارات ثورية ضد نميري...وضد طلبة كانو محسوبين على النظام....تعبير عن الغبن والظلم... الادبخانة ايها السادة.... منبر من لا منبر له.
|
|
|
|
|
|
|
|
Re: الأدب............خــــــانة (Re: سجيمان)
|
الأخ سيجيمان ..
أود أن أناديك بالأستاذ سيجيمان...
لأننى أشعر بأنك فعلا استاذ .. ومتواضع جدا ... 1- أولا : موضوع الاسم .. قد اخترت لنفسك اسما عجيب التركيب .. وليس فقط وانما قمت باضافة "ياء " التصغير والتحقير .. وعفوا أخى الأستاذ أن تكون سجمانا أو حتى سيجيمانا على حسب تعبيرك ..
2- ثانيا : موضوع اللغة .. أيضا ما لفت نظرى وانتباهى .. هو استعمالك العامية أو اللغة الدارجية كما نسميها نحن ، فى كتاباتك الرائعة ..
فأنا من المعجبين باختياراتك المواضيع والتى هى بالفعل تمثل ماضينا وحاضرنا ..
فهل من تعليق ياأستاذى الكريم .. لأننا وبالفعل نحتاج للأدب خانة فى حياتنا ..
...
عمك العجوز
أرنست أرجانوس جبران
| |
|
|
|
|
|
|
Re: الأدب............خــــــانة (Re: سجيمان)
|
قرأت العنوان
و بعبصت فيه باللحام
و سألت أهل الأحكام
فمنهم من قال
الأجزخانة
و منهم من فال
قد تكون الشفخانة
و ذهب بعضهم إلى
دار الأمانة
و في النهاية
شميت ريحة العفانة
و جيت في عز السخانة
و طلعت الأدبخانة
و عرجت على البوردخانة
و وجدت رمانة
هائمة حيرانة
فقلت لها ياسجمانة
دي ما كلمات سجيمان الحرانة
و الديمة ملانا
قالت لي الله بلانا
و إحنا مالنا
و ما علينا
و كفانا الفينا
و انشالله نلقا
البغطينا
و بحمينا
و أعلن عن فتح محلات الإنتهازي الدولية لبيع الأقنعة الواقية
نضمن الحماية الكافية
و المعاملة الراقية
و بنعيد العافية
زورونا تجدونا
و يا سجميان
لك السعدان
| |
|
|
|
|
|
|
Re: الأدب............خــــــانة (Re: سجيمان)
|
سوداني عجوز.............. شكرا ليك. نحن فعلا في حاجة للادب خانة..... لكن الحمد لله ربنا عوضنا احسن منها... البوردخانة
انتهازي شكر ا للهدية وما قصرت تب..............سعدان.. بس عليك الله ساعدني في الموز
| |
|
|
|
|
|
|
Re: الأدب............خــــــانة (Re: سجيمان)
|
سيجيمان يازول انت الكلام دا بتجيبو من وين وحقيقي انا بتعجبني كتاباتك جدا وطريقة الدخول الساخرة والهمجية الي اي موضوع وهو ما مارسه الكاتب الساخر احمد رجب في مقدمة كتابه كلام فارغ حين صنف كل الكلام الي نوعين 1كلام فارغ 2كلام مليان كلام فارغ وبكل ذلك استطاع ان يعلج بسخرية الكثير من امراض دواخل حواء وادم
يديك العافية عبدالله جعفر
| |
|
|
|
|
|
|
Re: الأدب............خــــــانة (Re: سجيمان)
|
سيجيمان صدقنى الكلام البكتبو ما فارغ وبالجد هو زي العلاج بالكي وذاك ماقاه احمد رجب رغم انه يدري ان مقدرته الساخرة علي الكتابة هي سر التفاف القراء حوله وازدىادياد حبهم له لك السلام عبدالله
| |
|
|
|
|
|
|
Re: الأدب............خــــــانة (Re: سجيمان)
|
تكملة لما خطه انتهازى ........ وبرانا والله يأذي الاذانا وبرانا حبيبنا الفي التقانه ويا شتلة البانه والبانه رويانه الداير تغيظو تعال لي ناس فلانه ياناس ............. التحية ليك ياسيجمان ............ وحقو لي قدام تعطر بوستاتك بعناوين كويسة ....شوية
| |
|
|
|
|
|
|
|