|
|
 يا حلـوة يا..بت الحـرام
|
قـولي قـولك
مـا تخـافي
مـا تخبيهو الكـلام
رجعيهو لدروبنا
فجري الوهج الوئام
خلي صوتك فينا ينضح
يسكب الوتر اليمام
هزي غيمك فوق سـمانا
دفقي الـمطر الغـمام
و ادينا من صفوك مسافة
دثري الخـوف الفصـام
ما الحزن شـرب دروبنا
هدانا بالوجع التخام
شدي حيل الفرحة فينا
و امسحي الأنة السقام
فكي قيد الآهة فينا
رسينا في البر الجـمام
علـمينا قولك انتي
يا حضرة يا سر الكلام
ادينا من حسنك وطن
ردينا للوطن السلام
مدي عينيك للأفـق
وارسـمي الدرب الـمرام
يا انتي يا وجـع القـوافي
يا حلـوة يا..بت الحـرام
محمد النور كبر
|
|
 
|
|
|
|
|
|
|
|
Re: يا حلـوة يا..بت الحـرام (Re: Kabar)
|
العزيزة
Hozi
حبـابك..وكتر خيرك على الطلة والسـؤال..
واجاوبك من عيني الاتنين قبل ما يسكنهم الطشاش
واحدة من الحاجات الـمجناناني متابعة وتأمل ظواهرنا الاجتـماعية..ومن تلك الظواهر اللغة واستخداماتها وهي استخدامات لا تخلو من غرابة وطرافة..يعني مثلا تلقي واحد يعجز عن ايجاد مفردة تعبر عن قمة دهشته واعجابه فيقول ليك واللـه فلان ده ابن كلب دي عملها كيف..او يقول ليك واللـه يا اخي ده ود حرام بيسوي حاجة المساطيل ما يفكرو فيها..ولا واحد يكون ماشي يسلم على صديق عزيز بشوق متناهي وتلقيهو يصرخ وين انت يا تافه يا حقير..ومرات يا جزمة..وكل هذه تدخل في قانون الاشياء العريق ..الشئ اذا فات حدو ينقلب لضدو..
حاجة تانية..النص الأصلي ضاع مني وكنت قلتو قبل كدي في جامعة الخرطوم..واعدت كتابتو قبل ايام..طبعا ما ح اقدر اقول عليهو قصيدة..لكني في المرة الاولى كنت متأثر جدا بنصوص عثمان بشرى ، خصوصا "الذكرى التالتة لرحيل تـوما" وكذلك نصوص ابكر ادم الشعرية "شدي حيلك ياقطاطي" و "صوت الوتر السادس" وكلها نصوص مسكونة بالتـمرد..الـمهم الواحد لقىنفسو وسط لحظة ما ممكن يعبر عنها الا من خلال هذا الاستخدام اللغوي الذي يبدو معوج الى حد ما..
واتـمنى اني ما اكون استهبلت عليك
ودمت
كبر
| |
|
|
|
|
|
|
|
|
|
Re: يا حلـوة يا..بت الحـرام (Re: Kabar)
|
ولله يا أخ كبر
كلامك منطقي جدا ومعقول
عارف انا كمان لما اكون مشتاقة لزول
بستقبله بشنو
يامتخلف او متخلفة وياشين وكريهة وسب شديد
ده كله بدل مشتاقين ووين الغيبة
وفقدناكم
بس احنا غريبين وحاديين حتى في مشاعرنا
على العموم كده فهمتك جدا
ولقيتها معقولة
وكلامك برضو جميلوبالتوفيق والى الامام
| |
|
|
|
|
|
|
|
|
|
Re: يا حلـوة يا..بت الحـرام (Re: Kabar)
|
يا حضرة يا سر الكلام
ادينا من حسنك وطن
ردينا للوطن السلام
مدي عينيك للأفق
تسلم يا كبر يا مبدع
كلمات نافذه
عارف قبل ايام سمعت تعبير لفت انباهى مما جعلنى اسجله في مفكرتي
احدي الاخوات عبرت عن حاها من جراء موقف احرجها فقالت
حصل لي موقف جيعان خلاص
شوف التعبير دا قدر شنو
تامل الجوع المحل و الاحراج
لك تحياتى ومحبتي
دائما مواضيعيك خفيفة الظل وعميقة المعاني تدعوا للتامل والتفكير
| |
|
|
|
|
|
|
|
|
|
Re: يا حلـوة يا..بت الحـرام (Re: Kabar)
|
الاخ الاستاذ /كبر
اقدر جدا اسهاماتك النقديةالرائعة وننتظرها دوما لكي تعرفنااكثر ببشاعتنا الداخلية علي حد تعبيرك
لا تبخل علينا بالمزيد
لازلنا نمتلي بشاعة
ــــــــــــــــــــــــ
لو عندك ديوان السماني الحفيان جهزوا
| |
|
|
|
|
|
|
|
|
|
Re: يا حلـوة يا..بت الحـرام (Re: Kabar)
|
الأخ الحبيب
hasan 6
..حبابك
كتر خيرك على الـمناغمة..طبعا اللغة كائن مـتجدد وانا أدعي انو لغة الـمعيش اليوماتي والتي نسميها دارجية هي لغة بهية ومرنة وغنية بالمفردات الانيقة والباقي على الخيال..
الأخ الحبيب..دكين حبابك
كتر خيرك على التحريض..و الـمسئولية حقتنا كلنا ودعنا نتكاتف عشانا ننجز قولنا وخطابنا..
ودمتم
كـبر
| |
|
|
|
|
|
|
|
|
|
Re: يا حلـوة يا..بت الحـرام (Re: Kabar)
|
الأخ أمدرماني..حبابك
كل سنة وايامك عيد..وكتر خيرك علىالطلة ولازلـنا في الانتظار على تعليقك ..وحبابك
صـديقي واستاذي الـملا عمر..حـبابك
كل سنة وانت والأهل بخير وعافية..نسأل اللـه يزيل البلاء ويغير الحال بأحسن منها..وكتر خيرك على الكبسولة وتوقعت ان أجد تحفة تزيد بهجتي بالعيد ..وعموما انا سعيد بالمناغمة..
ودمتم
كبر
| |
|
|
|
|
|
|
| |
Kabar
bamseka
almulaomar
فيس بوك
تويتر
انستقرام
يوتيوب
بنتيريست