عدنا إليكم أيها الرائعون لنزرع الحب البيوقد للنهاية..للنهاية
ما احلاكم ... شالو معاى الهم بالجملة عدنا إليكم أيها الرائعون لنزرع الحب البيوقد للنهاية.. رجعلك بصوت مصطفى كما غناها لنا رجـعـلك محمد طه القدال ********* رجعلك قليبى المهضلم يراجع صنوف الغناوى .. العصيـّة جا راجع معاك الكلام القبيل إستبان الكلام المبهرج مخاوى الكلام المزيف ولا فيهوغيرإحتلام وإنفصام تموت الحروف .. يوم تقوم القصائد مقام الطبول والبخور ****** بشوفك جرايد شواكر حوامِد ولا هامِّى فيها عليها المصايب .. تمام التمام مغايص بتفرم حشاهـا وغباين بتنفُخ بطون البسفـّوا التراب وحايح لهيب البتلـفح .. تلهْـلِبْ .. وتشوى الجلود أتف القصايد إذا ما القصايد دايرة ليكى البكـا البصاحب رِضا السرِّدار وأتف القصايد .. إذا ما القصايد بتنزل مريدة وتسبِّح بحمد الذى إبتلاكى وهدانى الودار ******* طريتك وأنا الكنت قايل خيالك معشعش جوايـا سكنتك .. وما لاقى فِجـّة أخيرلِكْ أقول البحرِّق حشايا أخيرلِكْ أفضفِضْ جراب الخبايا أقول الكلام البفكفك سوارك يوقـِّف جدارك .. ويرفع عضايا تضيع الرموز التغطى الكلام أقول السكاكر .. أبتنى ورمتنى .. وكفانا أقول العساكر .. تبارِى الكبارى تفتش قلوب الجُهال الشلوخهُمْ .. هويّة وأغنى الزيود .. والكنانة كِضِبْ.. أقول البنات البفتْحَـنْ صِدورْهِن يقالدن رشاشك .. ويخلّنْ حبيبهِنْ كِضِبْ عريب الجزيرة الببيعو الزيوت ما شروك و وفروك وختوك تراب عقال الجزيرة المدلدل هدومهم قرب ود رباعة المودك بطونهم مراتب قطن حراير جلودهم بنات مونتكارلو الجواهل جوالف ضنب عمو سام ******** مُراحك .. يعشِّى .. ويفشِّى خدارك مرطـِّب يندِّى الضَهَارِى تُرابَك مبوسِبْ .. يقوِّم دُخُن .. لو زرعتوا الحجارة وِلادكْ .. بِلادك .. كروها السَّحالى تسفِّر سعيتك .. تقنِّب تبارى الجداد العُقالى ؟؟ تجوع يا البشدِّر خريفك سواقى البطانة ويمطِّر رزازك .. عزازالحصاية؟؟ وقموحك سنابل مُشاط كردفانى ابيت الكلام المقتقت وفاضى وخمج ******************* وِلادك قُصادك .. شُعاع التحايا يضووا الشقوق التَّلِم الدوابى ويورّوا الدروب لى القلوبهم عمايا عرقهم حُبالك .. وصوتهم مشانق تلم الدقون الكبيرة وتحدِّر فِقَرْ .. سمنتها اليالى الضليمة بتهدر حرايق .. وتحمى البياكلوا المطايب وتسجن بطون الجياع .. العرايا وشوشهُم سُمُر .. حَر أباطك صفوفهُم مقامك .. وحِلمك حِلِمهُم رغيفة ..وكرامة .. وسلامة مصانع بتحرق قبُل تبدا فيها مزارع بتـيـبس ونيلـك ممدَّد جنازة وعقـيدك .. وسِيدك .. بيكتب ويمحى وتبقّ المحاية ابيت الكلام المقتقت وفاضى وخمج

01-25-2003, 06:47 PM

sympatico

تاريخ التسجيل: 02-05-2002
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عدنا إليكم أيها الرائعون لنزرع الحب البيوقد للنهاية..للنهاية (Re: sheba)
الاخ شيبا عودا حميدا وشكرا على القصيدة المسموعة بصوت مبدعنا الراحل مصطفى

01-25-2003, 06:53 PM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عدنا إليكم أيها الرائعون لنزرع الحب البيوقد للنهاية..للنهاية (Re: sheba)
تسلم يا رائع

01-25-2003, 07:40 PM

Hozy

تاريخ التسجيل: 01-13-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عدنا إليكم أيها الرائعون لنزرع الحب البيوقد للنهاية..للنهاية (Re: sheba)
عوداً حميداً أخي شيبا ودمت

01-26-2003, 02:41 PM

azza

تاريخ التسجيل: 12-16-2002
مجموع المشاركات: 606

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عدنا إليكم أيها الرائعون لنزرع الحب البيوقد للنهاية..للنهاية (Re: sheba)
و ثااااااااالث ما احلاك و انت معانا

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]