|
|
|
 Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: ازرق)
|
اولا لوجود حاكم مؤهل لحكم بلادنا لابد من توفر هذه النقاط
1- دستور وطني يحفظ حقوق الكل
2- مؤسسات حزبية ديمقراطية في داخلها اولا تؤمن بالوطن والامن القومي قبل الحزب ومصلحتوا
3- دحر كل صور الطائفية والتبعية الزائفة
4- دفن الاقلام الماجورة الي الابد
5- تنيمة المجتمع بمؤسستا تربوية قوية من مدارس جامعات معاهد جمعيات
6- شباب يحكموا البلد والشياب ينظروا وبس
بعد اذا قدرنا علي هذه الاشياء ممكن انا احكم السودان
لكن نسينا التدخل الاجنبي
اضفيهوا
| |
 
|
|
|
|
|
|
|
|
Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: مهاجر)
|
1- دستور وطني يحفظ حقوق الكل
سيسرق ليلا بواسطة العسكر ... لذا يجب تسريح كل العسكر
2- مؤسسات حزبية ديمقراطية في داخلها اولا تؤمن بالوطن والامن القومي
طالما هنالك طائفيه لا يمكن ذلك والتخلص منهــا يحتاج الى قرنين
3- دحر كل صور الطائفية والتبعية الزائفة
طلما بيوتـها موجوده ...... يستحـيل!!!
4- دفن الاقلام الماجورة الي الابد
تحتاج الى ســـفاح
5- تنيمة المجتمع بمؤسستا تربوية قوية من مدارس جامعات معاهد جمعيات
ذلك يحتاج أولا الى تأسيس النظـام الذي نبحث عنه
6- شباب يحكموا البلد والشياب ينظروا وبس
نحن فى حوجه للطاقات والخبره متكاملين
تقدر على دا؟
| |
|
|
|
|
|
|
|
|
 Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: azza)
|
الاخت عازة
اعتقد ان ايماننا وقناعتنا كشعب بالديمقراطية يحنبنا مزالق اجابة على مثل هذا السؤال؟ وقتها لن نكون معنيين باشخاص أكثر من انصرافنا لترميم وتجودي المؤسسات الديمقراطية ممثلة في الاحزاب ومنظمات المجتمع المدني والالتفات الى اشياء اكثر أهمية من االاستهلاك السياسي اليومي الموجع مثل التنمية والصحة والتعليم وغيرها0
| |
|
|
|
|
|
|
|
|
|
Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: azza)
|
الأخ مهاجر
تحية وسلاما
بما أنك تعتبر نفسك مؤهل للحكم بالشروط التي وضعتها فاسمح لي، يا سيادة الرئيس، بأن أتقدم لك بالأسئلة التالية حول شروطك القيمة.
| Quote: 1- دستور وطني يحفظ حقوق الكل |
أنا أفترض أنك تقصد بالكل، كل السودانيين، في السودان الحالي، وليس بعد أي انفصال أو تجزئة..
هل يجوز أن يكون الحاكم غير مسلم، إذا علمنا أنه وصل عن طريق الأغلبية؟؟
هل يجوز أن تترشح امرأة لمنصب الرئيس، وهل يسمح لها بالحكم لو حصلت على الأغلبية؟؟
هل يتعارض الدستور مع الإعلان العالمي لحقوق الإنسان، علما بأن هذا الإعلان ينص على حق الفرد في الحياة والحرية؟؟
إذا كان لا يتعارض، فما هو موقف سيادتكم من القوانين الحالية في السودان والتي تتعارض مع الإعلان العالمي لحقوق الإنسان، مثل المادة 126 من القانون الجنائي التي تجعل من الردة جريمة يعاقب عليها القانون؟؟
بكلمات أخرى هل تسمح حكومة سيادتكم للمسلمين بأن يغيروا دينهم ويعتنقوا ديانة أخرى إذا ما ارتأوا ذلك؟؟؟
أكتفي الآن بهذه الأسئلة، سيادة الرئيس..
مقدم الأسئلة
فيليب عباس غبوش
يظهر من إسمي فيليب أنني ولدت لأب مسلم هو عباس ولكنني غيرت ديانتي إلى المسيحية وأخشى أن أتعرض للوقوع تحت طائلة قانون الردة..
| |
|
|
|
|
|
|
|
|
|
Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: Yasir Elsharif)
|
اولا دكتور
الدستور هو الذي يحدد هذه الاشياء
طبعا اقصد كل السودان
الدستور دكتور يحدد من اين يستمد
وضع القوانين
والحريات
وتوزيع السلطات التنفيذية والتشريعية
حكم المسيحي اذا وضعنا قانون المواطنة ليه ما يحكم السودان
ممكن تترشح المراة لمنصب الرئيس لكن ما هي مؤهلات هذه المراة وقوتها مع اهلنا ديل
السياسة الخارجية اصبحت تضع بعض الدول تكيل بمكيالين بالنسبة للاعلن العالمي لحقوق الانسان وبالطبع حالعب نفس اللعبة
ودي السياسة يا دكتور لكن حقوق الهان محفوظة طالما دستورنا يستوفي كل حقوق المواطنة
انا رديت سوال الردة في البوست بتاعك واضفت نقطتين عليهم
لا اسمح بتغيير الديانة وهذا شي ديني وصي عليه الاسلام نقيم وضعه ونحاوره الي ان يرجع واذا لم يرجع نقم عليه الحد ودا واضح
عندك ود اخوك درس معاي في الهند مسلمين
لكن هذه مسالة سوف استشير فيها المستشار المختص
ولك خالص شكري
| |
|
|
|
|
|
|
|
|
|
Re: من هو المؤهل ليكون حاكما على السودان غدا ؟؟؟؟؟؟؟؟؟؟ (Re: azza)
|
هكذا حكم السودان
تموت الاسد فى الغابات جوعآ
ولحم الضأن تاكله الكلاب
فيا اخوتى غنو لنا
اليوم نرفع راية استغلالنا
(بالغين)
استغلنا المستعمر
فنهب ثرواتنا
ورجع لبلدو
سالم غانم
واتى السيدين
والسيد سيد العبيد
فاصبحنا عبيد
احدهما سن الطائفية
والثانى سن العنف السياسى
وانقلب عليهم الفريق
ففرق بين الشمال والجنوب
وباع البلاد
وسن الانقلاب
وثار الشعب
واقسم ان
يرفع راية الثور الغالية
علشان ترفرف فوق السارية
وكمان عليها شعار الثورة الاكبر
النادر رسمو والزاهى واخضر
لكنو سريع زبل
وبقي اصفر
ونشف واتكسر
فى عهد النخة الادمنت الفشل
وظهر فى الساحة الشاب
ابو الكلام
ابن الامام
حفيد الامام
الهسع بقى امام
لمع صاحبو
وجهزو لقدام
وده اول من سن
إهانة القضاء فى السودان
وطلع فى الكفر
الضابط الهمام
الفي الاخر بقى إمام
اها ده
جاب الموية للعطشان
وجاب اللقمة للجعان
وجاب العافية للمرضان
وضرب الانصار
لما كان يسار
وطير الدولار
ولما اتحول
قتل اهل اليسار
وبعدها شال الطار
وبقى حوار
وواصل المشوار
واصبح الشيخ
الما عليهو غبار
المؤمن الملهم الما غريب الدار
وثار الشعب
وكبل ايدنو سوار
ذهب لكنو سوار
وذهب
ورجع ابوالكلام
لكنو كبر وبقى شيخ
و صاحبو كمان
والسودان بقي كلو حيران
وكنسو مايو وكلو تمام
وقام صاحبو كنسو
واستولى على السودان
واصبح الشيخ يعقد القران
على بنات الحور في الجنان
قام حوارو كنسو
وختاهو وراء القضبان
وانفرد الحوار
وخلى بالدار
وطلع الزيت الاسود من الابار
وعيال العم سام بالانتظار
اجبروا الحوار على الحوار
ومن شيخ لحوار احنا للفرج
فى انتظار
| |
|
|
|
|
|
|
|
|
|
السؤال كيف يحكم السودان (Re: azza)
|
أفتكر القصة ما كدا وبالجد هي قصة
المطلوب مش منو البحكم بلغة اهلنا البسطا
المطلوب كيف يحكم
والمطلوب مش دستور
المطلوب مطبق دستور
الدساتير التي تعاقبت علي السودان أرضت في الورق طموح كل سوداني
لكن هل تم تطبيقها أم أن السودان حكم بقانون طوارئ لمدة تزيد عن أربعين عام
وشوفو الباقي كم من فترة ما بعد الإستقلال وهل كانت متواصلة ولا متقطعة
يا أخوان أنظرو للأمر بشكل جدي وأعرفو المشكلة
مشكلة كيف يحكم السودان وليس من يحكم السودان
وشكرا
| |
|
|
|
|
|
|
| |
مهاجر
bushramk
atbarawi
الكيك
Yasir Elsharif
أبوالزفت
اسامة الخاتم
Modic
khal fatma
فيس بوك
تويتر
انستقرام
يوتيوب
بنتيريست