|
Re: ما شغال بى زول .. الليلة عيد ميلادى (Re: الشرغوف)
|
اخى الشرغوف كل سنة وانت طيب .ويا للمصادفة ..اختك كان عيد ميلادها امس ..يعنى نحن جيران الحيطة بالحيطة لول اجمل هدية هى تلك التى اعطيتها لوالدتك ربنا يخليها ليك ويخليك ليها يارب وتقدر وتجازيها بقدر ما قدمت لك من حب وعطاء ..ومهما عملنا لوالدينا فاننا لا نستطيع ان نجازيهم ولا هم ينتظرون منا اى جزاء بل مواصلون فى حبهم وعطاؤهم حتى ولو كبرنا وصرنا آباء وامهات مثلهم .فقط اننا نحاول تقديم القليل لهم ونتمنى دوما كسب رضاهم ورضا الله.. ورضاء الله من رضاء الوالدين متعك الله اخى بالصحة والعافيه خلاص يا سيدى من السنة الجاية ان شاء الله تعال انت يوم 22/1 قدم لى التهنئة وانا بردها ليك باذن الله يوم 32/1 ولا رايك شنو ..لوول.. كل سنة وانت طيب
| |
|
|
|
|
|
|
Re: ما شغال بى زول .. الليلة عيد ميلادى (Re: ابويوسف)
|
الاحباء للنهاية بوش ..كتر خيرك يا حبيب والله يخليك لينا استاذ الموصلى ... الف شكر وده معناه انك لسه معانا وبينا والله يديم ليك البسمة الحلوة نورا ..اه تفضلى بالجلوس فى الصف الامامى ولك منى الود اهل العوض ..سائلين عنك يوماتى رحيل , تسال عنك العافية يا زول يا اصيل الاستاذة الحنينة التعابير .. سوما كل سنة وانت اكتر الق وبهاء ومشتاقين لكلامك يا اكبر منى بيوم الزول اللذيذ جدا" والجرئ كما ينبغى ....مودك , بحبك جدا" يا بهجة المطر ...انت ما زلت تهطل بالدواخل ..لك الود سكرا...يا سكر ا ..يا طاعمة خالس خالس ..بس عمر قدر ده بتلتل ناس الحلة دونكيشوت ..شكرا" جزيلا ولك منى طاحونة هوائية بحجم وطنى بن بن ... يا مبتلع فى جوف مدينة جاهلية ,,يكفى ضحكك البهى ,,اشتاق اليك جدا صديقى النبيل ابو مهيار ..يا من تفضحنى دائما" باكتشاف خباياى لك منى الحب النقى اسامة الخاتم ...شكرا" لك مع عميق قلبى ابو يوسف ...تعجبنى وانت تقود نهاياتى ...شكرا"تماما ما قصتروا يا ناس ..الله لا يقصر ايامكم بحبكم جدا" والله
الشرغوف
| |
|
|
|
|
|
|
Re: ما شغال بى زول .. الليلة عيد ميلادى (Re: الشرغوف)
|
ٍسلام مربع الشرغوف ايها البخيل لمن الله قدرك ودخلت محل الزهور ماكان على الاقل تجيبهم 2 اصلي عندي حساسية من محلات الزهور وتاني شيء والله كسلانه وثالت شيء فتشت لي سبب انزل بيهو مالاقياهو ورابع شيء الليلة الخميس ويجب ان انجعص في المطبخ واساعد في عمل مايسمي بغداء الجمعة والله لا وراك تعب عدا يوم الجمعة وثامن شيء انا اصلا ماعارف لي ايه انا عايزة وردة لانو اذا الله قدرني ومديتها لي اي زول حتى ولو امي حا تعاين لي وتديني عين وتقول لي يابت ما تخلي العوارة دي واول شيء ودا الاهم كل سنة وانت بالف خير والدتك بالف مليون خير
| |
|
|
|
|
|
|
|