|
من انعم الله عليه :رباعية مريخ السودان تختبئ وراء سباعية الوحدة السوري
|
اول الحكي لسه بيناتنا المسافة والعيون واللهفة والخوف والسكوت ورنة الحزن البخافا تعدي بالفرحة وتفوت ومشي بالحسرة واموت الغناء لمصطفى سيد احمد والكلام صلاح حاج سعيد _________________
سلام مربع
اصل الشمار
لعب الحظ دوره مع مريخ السودان _ كعادة الفرق السودانية _ حينما ستر فضيحة خسارته بالاربعة امام نظيره الملعب التونسي ، لاستقبال مرمي الوحدة السوري بسبعة اقوان في عين العدو . واللي ما يصلي على النبي ينقلع . وجيد للمريخ والوحدة السوري ، عندهم ماشاء الله شباب يخزو العين . والمريخ مع انني لم اشاهده وهو يهري مصارين شعب السودان قاطبه ، ولم اكن املك الوقت حتى اضيعه مع نتيجة كنت اعلم سلفا بحصيلتها ، رغم انها جاءت على قدر الحال .ولست محللة رياضية ولست ناقدة ، ولا امرض نفسي بمتابعة مثل هذه المباريات الا التي تخص (منتخبنا القومي) فاجدني مجبرة على متابعتها حتى وان نسى المسئولين عن الرياضة هناك ايفاد (مترجم) يصاحب مدربهم الذي (جابوهو) من اخر الدنيا . رغم انني لم اسمع في حياتي مطلقا ان في بولندا كرة قدم . ؟ ناهيك عن مدربين .!! يطرشني غايتو ومع ذلك لا انسي ان اتابع هذه المباريات رغم يقيني التام باننا لن نكسب مبارة واحدة ونحن بهذا المستوي المخزي ، وهذه الفوضوية في كل شيء .. والمريخ عموما ، مساء اليوم ... ؟؟؟؟؟؟؟؟؟؟؟؟ وحتى افسد على اعلامينا ومجلاتنا وجرايدنا وتلفزيونا وكمال حامض والذين هم سبب نكسة وبلوة كورتنا التي تشبههم فانني سوف استبق جرايد الغد وانبئكم بما سيقولونه لكم واساعدهم في تحليل هذه الملحمة وام المعارك . لانني ما فتحت تلفزيون السودان الا وجدت فيه مثل هذا التحليل ، حتى مباريات البرازيل والمانيا كانوا يحللونها بهذا المستوي . تخيل !! اخبروني كيف نتطور نحن ، او كيف نتعلم كيف نعلب كورة قدم حقيقة وليست عك ، ولعب الطير في الباقير ، مع انني لا اعرف ان كان الطير حقيقي يلعب في الباقير ولا في حلة حمد .. ومع ذلك ، نفضت يدي من كل مشغولياتي وهترشتي ووجدتها فرصة ، فأين المفـــر ؟ كان في كورة وكان في انتشار . وكان في لعب بالاطراف ، وكان في اشراك للظهيرين ، وكان في تنقلات للاعبين ، نفذوها باقدار ، وكان في نرفزة وكان في كروت حمراء ، وكان في مدرب غنماية ، وكان في لاعبين غنم . وكان في مشجعين ما عندهم شغلة وكان في بت (مجنترة) بتسأل عن شكل المبارة .وكان في ريالات تصرف على تحضير الجنايز ، وكان في مصيبة .. وكان في فضيحة وكان في اقووووان .. وكان في لاعبين بيتعشوا بي نفـــس ..
|
|
|
|
|
|
|
|
Re: من انعم الله عليه :رباعية مريخ السودان تختبئ وراء سباعية الوحدة السوري (Re: shiry)
|
أنا بصراحة نادم جداً لأني ضيعت زمن وفلوس كان عيالي أولي بيهم .. بس تقول شنو قلنا نمشي نأدي ضريبة الوطن والمريخ ونشجع وكنا نمني النفس بلحظات جميلة !!! ولكن أنا عندي طلب من ناس المريخ ، أول حاجة يرجعوا لي الزمن الي أنا ضيعتو معاهم وتاني شئ حق التذاكر وحق السجاير الي حرقتو مع حرقة أعصابي وحق التسالي وحق البنزين وحق العشاء لأنو المرة أبت تسوي العشاء وقالت لي محل ما كنت أمشي إتعشي يعني ميتة وخراب ديار
| |
|
|
|
|
|
|
Re: من انعم الله عليه :رباعية مريخ السودان تختبئ وراء سباعية الوحدة السوري (Re: أبو أحمد)
|
العزيزة شيرى
رغم انى لا اعرف ولا واحد من لعيبة المريخ ولكن نفسى الاقى واحد فيهم واسأله انت القاعد ليها شنو ثانى هنا ما تتخارج ولو منهم اعتزل الكورة دى واطلقها بالحداشر وما اشوت كورة ثانى اصله..
ياخى الناس ديل مافى زول بيقول ليهم النصيحة ولا شنو اوع بس يكونوا برضوا بهونوا ليهم من شأن الهزائم المتلاحقة ويحولوها الى انتصارات وليست ام المعارك ببعيدة عنا
| |
|
|
|
|
|
|
Re: من انعم الله عليه :رباعية مريخ السودان تختبئ وراء سباعية الوحدة السوري (Re: قرشـــو)
|
سلامات قرشو وكل الحلوين
معليش بس برضه عشان نتاكد من مستوانا الكروي .. مع اننا عارفينه سلفا
انت اذا شفت اللعيبة ديل بيكونوا ماشين كيف في الشارع ... يا دنيا ما فيكي الا انا... مع انه ديل اللي بيعتبروا مبدعينا في كرة القدم السودانية في زمننا الحالي .. مفروض نشوف لينا حل للشغلة دي بعد كده ... كل يوم هزيمة هزيمة ... بس الله يسهل علينا ويصبرنا
| |
|
|
|
|
|
|
Re: من انعم الله عليه :رباعية مريخ السودان تختبئ وراء سباعية الوحدة السوري (Re: بدرالدين شنا)
|
سلام مربع
الاعزاء ابو احمد قرشو قرجة عبــدو ابو مهيار مهـاجر بدر الدين حلاوة
لم اشأ ان افقع مرارتكم او انكد عليكم عيشتكم التي هي اصلا موش ناقصة فان اعرف ان ابطالنا السودانيين مهمومين بامور اخرى هي اكثر اولوية واهمية في جدول تحركات الرجل السوداني خاصة ان اذا صاحب عيال ويجر وراءه كوم عيال وهذا الكوم الذي يجره يلتصق بالارض ابدا لا ينفك منها . وتشده في ذلك امرأة تسمي الام رغم انها مسكينه ورغم ان العيال ايضا مساكين ورغم ان الاب برضو مسكين الا انه اكثر ظلما وبما اانني (امرأة) اعتبار مايكون الا انني اري الجانبين واعيش حالة كوني من الكوم الذي يجره ابي فالحالة لا تشجع ابدا فسلام على امي الحبيبة وسلام على اخوتي الاشاوس وسلام بمساحة مليون مربع لابي وكل اب يخرج ان اشرق يومه ويترك القلق ويحمل الضجر والملل ويكسح لذلك انتم كلكم معنيين بهذا الاعتذار لان الذين طممت لكم بطونكم وسديتم نفسك بسيرتهم لا يستاهلوا حتى مجرد ان نلعننهم لعنا كبيرا فهؤلاء لم يجربوا ان يشاهدوا انفسهم من مقاعد المتفرجين ولم يهمتوا اصلا بان يكون ضمن مدرجات الوطن ليشاهدوا كيف تتهاوي انجم الو وثرياته وتتكســر تحت وطأة اللا انتباه وواللامبالاة .. والهوان فليذهبوا الى مكبات النفايات هذا ان قبلت هي بهم
واهديكم هذا النص حتى تبردو به جوفكم وتتفيؤا داخل ظلاله الوارفة وانا اسفة جد على السيرة التكسف ويخس على دي لعيبة ويخس على دا وطنيه
احلى الكلام
عـــزة هوانا الغناء لمصطفى سيد احمد والكلام صلاح حاج سعيد ___________________
يا جرح عزة هوانا الساكنة في حرف الكتابة اصلو في زمن الأسي المشدود على وتر الكآبة وفي زمان الحرقة والخوف والرتابة انكتم نبض الاغاني وانبهم حس المعاني وانجرح خاطر المهابة جيتني في الزمن الاليم وقلبني مثخن بي جراحات الهوي وعمري ضايع في متاهات النعيم في دروب الغربة لا تاب لا نوى وكان عيونك فيهن الوصف القديم معني في الحب انطوي وضاع معاك زمن الوسامة وانتهي الفرح العلامة ولسه ياحزن الملامة من دروب حبك سلامة يا جرح عزة
ويا سلام لو نزلتوا لينا الغنوة هنـــــا
| |
|
|
|
|
|
|
|