|
|
 غدا إن شاء الله أنا و أهلي و النيل و القمر ...... يا بلدي يا حبوب
|
أخوتي
لا تحسدوني
غدا أتوجه بإذن الله للبلد الحبيب
محملة بشوق بحجم الجبال التي كنت اعيش تحتها
و الشوق بحر يا بلدي
القلب أعيته الغربة الموحشة
لكنه لفينة من الزمن سيرتاح في حضن أمي
أبي
أخواتي
أخي
أحبتي
أصدقائي
و ينسى هموم السنين التي علت فوق حد الاحتمال
و أنتم في الخاطر
لا تنسوني
ربما اطل من هناك أحمل لكم من طين و تراب البلد الكثير المثير الخطر
لكم التحايا
و يا بلدي سلام يغشاك
و يا يوم بكرة ما تسرع تخفف لي نار وجدي
و ماشة معاي أشواقي ما وحدي
|
|
 
|
|
|
|
|
|
|
 Re: غدا إن شاء الله أنا و أهلي و النيل و القمر ...... يا بلدي يا حبوب (Re: noha_g)
|
sweetheart
omdurmani
elkhawad
شوق شوق إنسان معذب
ضيعو انيل و القمر
لا منابع ريدي جفت
لا و لا أشواقي خفت
لكم التحايا
و رجلة بناكل
يا أمدرماني
والضحية كمان لو حبيت
و يا القلب العسل
إن شاء الله قريب
نعود لديارنا
و ما تبكي يا عسلي و لا تدمع عيونك
دا كله بكرة بكرة بينتهي
ما تشيلي هم
ود أمي
لك التحية و الضفاف بنسلم لك عليها
و الشوارع و الحواري
و البيوت بيت بيت
تسلموا
| |
|
|
|
|
|
|
|
|
|
Re: غدا إن شاء الله أنا و أهلي و النيل و القمر ...... يا بلدي يا حبوب (Re: noha_g)
|
نهى ياغاليه
تعرفى انا لمان اشوف زول مسافر لارض الحبايب
بكون طول اليوم مدبرس لانى كنت بتمنى اعيش معاهو
اللحظات دى ولكن عزاؤنا تلك النسمات الحنينه التى نستنشقها
عبركم وانتم تسيرون بخطا ممزوجه بالفرحه عندما تهبطون
فى مطار الخرطوم اقصى امانينا لك باجازه طيبه بين الاهل
وسلامنا لهم جميعا دون فرز فقد عرفناهم خلالك اهل كرام ومضيافين
سفرا سعيدا وكل عام وانت بخير مقدما بحلول عيد الاضحيه وان شاء
الله تمشى ولينا تعودى تجيبى لينا خبر جديد كما يقول ابوعركى ولك ودى
| |
|
|
|
|
|
|
|
|
 Re: غدا إن شاء الله أنا و أهلي و النيل و القمر ...... يا بلدي يا حبوب (Re: noha_g)
|
عليك الله يا نهى جى كان ما مشيتى جامعة الخرطوم ركن الانمائية عند السور وسألت لى عن عبدالوهاب (وهبة) قولى ليه يرسل معاك جواب باخبارو لزول صديقو شديد ويديك عنوان نرسل ليه بيه.... الذمة لو ماشة الخرطوم . ما تندهشى لو شفتيه بقولو عليه مجنون لانو بشبه المجانين فى كل شى الا الاحساس الراقى والحزن الاصيل. ما تخافى منو كلميه كلامى ده اتصرفى ....
قلى ليه البركة فيكم فى الخالة فاطمة ست الشاى
سينتمنتال
برسل ليك بالايميل لو عايزة
| |
|
|
|
|
|
|
|
|
|
Re: غدا إن شاء الله أنا و أهلي و النيل و القمر ...... يا بلدي يا حبوب (Re: Hozy)
|
سماع اهلا من الاحباب شروق آمال
ووصف البهجة بالكلمات محال يتقال
اختى العزيزه نهى
رافقتك السلامة
واحاطك الحب والحنان من كل اتجاه فى حضن البلد والاهل
والله شوقى لى قدله حافى حالق فى البلد ولينتهى العمر حينها
سبع سنوات ونيف عجاف لم نستنشق فيها كتاحة البلد ولم تقع من جبيننا حبة عرق فى تراب البلد ولم اقطع النيل مرواحا ومجيئا ولم آكل جرجيرا بطعم ذلك التواتى وليمون منوت وايراقه فى مزرعتنا قبالة الفندق الكبير
دكتوره نهى سلمى لينا على البلد والاهل وكل ذرة من تراب البلد وقولى ليهم عزيز هو والاشواق بقوا اكتر من قرايب وذى اعز اتنين حبايب
ونحن فى رجاك توصفى لينا شوق البلد لينا وكل الاماكن الكان لينا فيها معاه زكرى من لحظة المولد وحتى الفراق
لك الحب والشوق وكل الامانى الطيبة
| |
|
|
|
|
|
|
|
|
|
Re: غدا إن شاء الله أنا و أهلي و النيل و القمر ...... يا بلدي يا حبوب (Re: noha_g)
|
سلام د.نهى..
بكره راجع للحكاوي ..للغناوي ..وللدموع الليك بتحكي
عن معاناتنا في بعادك ..وكيف وراك لليل بنحكي
من شوقي ليك لاعرفت أفرح ..ولاأبكي
أكيد حتى الدموع حتكون دموع فرح ..بالجد فرحت ليك رغم اننا لانتعارف الا من خلال مانكتب هنا ..لكني كثيرا ما أتذكر سؤالك الحار لذاك الجبل ...
توصلي بالسلامه ..والسلام أمانه ..للنيل ضفه ضفه ولأمدر ..ولكل شبر في الوطن ..
تحياتي ........أساي
| |
|
|
|
|
|
|
|
|
 Re: غدا إن شاء الله أنا و أهلي و النيل و القمر ...... يا بلدي يا حبوب (Re: noha_g)
|
دريمز شكلك انتي في الخرطوم ... واختنا الدكتوره يا في المطار او الطياره وكده وحلك لما تتذكر النت والسايت والموضوع اصلا ... حاجه كده زي الفلم الهندي .... وعلشان كده لما تتقابلوا كلكم وانشاء الله علي فرح وحولين خروف الضحيه السمين والشيه والكترابه والكمونيه والصاج الما خمج اها ..... لازم تتصورا جماعه انتو والصاج وترسلوها علي سودنيز او لاين ويكون العنوان ...... شنو كده وصاج اللحمه لاني بعز اللحمه اوي اوي لاني غيرته بعد ما كنته نباتي بقيت بروتين حيواني ... اها وفي اللحمه خاصتا المقرمشه علشان القرمشه ودمتم ايها الحبايب واجازه سعيده للكل وسط الاهل والاحباب وترجعوا لينا بالسلام سالمين غانمين ومعاكم اخبار البلد الحبيب
| |
|
|
|
|
|
|
| |
noha_g
SAdo7
Khaalaleyaal
garjah
Elmosley
HAMZA SULIMAN
اساسي
bint algazeira
سمندلاوى
منوت
willeim andrea
عزيز
zola123
boco
wa7shny
moniem2002
khal fatma
abas
Tumadir
ALZOLZATOO
ودرملية
فيس بوك
تويتر
انستقرام
يوتيوب
بنتيريست