|
|
 سطحية برامج الأطفال في الفضائية السودانية
|
الطفل السوداني والله مظلوم حرأم لا يوجد برنامج اطفال واحد يخاطب اطفالنا على انهم مخلوقات ذكية مافي هناك اي برنامج يخاطب عقل الطفل وخيالاتة وانما مجرد اضاعة الوقت و اصابة الطفل بالبلاهة بالاضافة لي خفة دم المقدم او المقدمة المصطنعة و سؤالي ليه الحكومة تنفق علي برنامج غير مفيد او بطريقة تانية وين دور المشرفين الاجتماعيين في تربية النشئ و ادارة مثل هذه البرامج ؟ واين خريجين كلية الاجتماع ؟ كلها اسئلة عاوزة اجابة لبناء نشئ واعي
|
|
 
|
|
|
|
|
|
|
|
Re: سطحية برامج الأطفال في الفضائية السودانية (Re: safa)
|
صفاء اوله دفعتنا الجاتنا بعد سنه
(ده طبعا اعتمادا علي تاريخ تسجيلك في البورد ده)
ما التلاته القبالو
مرحب بيك بعد طوله غياب
حقيقه كل التلفزيون السوداني بعاني
مش برامج الاطفال
يعني انا بعتبر انو ده نوع من العبط انو نفس البرامج الحضرناها نحنا قبلي 18 سنه بتتعرض بنفس التفاصيل
مع كميه التقدم في كل المجالات ولو رجعتي لي البوست بتاع ديما الاسمو هل نحن نكبر
Are WE Getting Old?
حتعرفي انو ده جيل كُبر وزي ماقالت ديما لقي التلفزيون ملون وما شاف التلفزيون الفيه باب علي المثال
يبقي كيف نفس الجيل ده يحضر السنينه وثعلوب بي نفس التفاصيل الحضرناها بيها نحنا
عالم غلط عالك لبط حبوبه لابسه كط وجدو لابس شبط
(عدل بواسطة Elkhawad on 01-18-2003, 03:19 AM)
| |
|
|
|
|
|
|
|
|
 Re: سطحية برامج الأطفال في الفضائية السودانية (Re: safa)
|
الاخت صفاء
التحية والتقدير وانت تفتحين ملف اطفال السودان.
فانها دعوة مفتوحة للتفكر لاخراج اطفالنا من تلك الورطة التربوية.
اتابع برامج التلفزيون وخصوصا ركن الاطفال , واعجب عندما اشاهد تيلاتابيس
فى القناة المغربية والقطرية والعمانية , ذلك المسلسل البريطانى التعليمى المتخصص
فى تعليم الاطفال وتنمية ملكاتهم العقلية , وبرناجنا فى الفضائية السودانية . لكن لاعجب فى ذلك فان الحكومة وتوابعها درجو فى برنامج تجهيل الامة والمسالة طالت حتى فلذات اكبادنا.
فلهم الله , ولكن حتما ح يجى اليوم البعلهم ويصيروا من اشطر اولاد وبنات العالم باذن الله
تحياتى وودى لك صفاء
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: سمندلاوى)
|
سيدتي
والله ما برنامج الاطفال بس ، لكن كل البرامج تكتل بالمغصة
والواحد من شدة الحرقة ، يعضي اصبعو لامن يحرقو
ويا ريت لو برنامج الاطفال استمر زي زمان - يا خواض - لكن للاسف بقي تافه وسطحي وما فيهو اي روح ، وين برامج زمان ..اصحاب اصحاب وجحا والسنينة وطريق النور وثعلوب ويحي شريف...لكن تقولو شنو ..المصائب لا تأتي فرادي...والحصل في الاربعتاشر سنة الفاتت دي رجع السودان لي ورا مية واربعين سنة
احييييييا
آخ
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: safa)
|
ما اظن اطفال هذا الزمن بل و حتى الزمن السابق يمكن ان تستهويهم مثل هذه البرامج الهايفة و الناشفة و العبيطة
يبدو ان هذا هو زمن التدهور و العبط فى كل شى يا اخت صفاء
اتذكر زمان و احنا صغار جنة الاطفال بالفعل كانت جنة و من منكم لايذكر اغنيتها" شوفو جنتنا الجميلة
كانت الايام خضراء و ليست يابسة كما هو حال حكومتنا اليوم
مساكين اطفالنا الان و ستدوم هذه المسكنة حتى يحصل التغيير الحقيقى. انا واثق ان المبدعين السودانين هم موجودين . لكنهم فقط محرومين من زرع اشجارهم الخضراء فى جنة الاطفال
لكم الياسمين
و للحاقدين الرماد
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: safa)
|
الطفل اخر من يخطر على بال الحكومةالكيزانية
اذانظرنا الى خريطة السلطةتمتد فيها الاذرع الاخطوطية
بقصد الربح وتهالك بذلك كل كيان المجتمع السودانى
اذا كيف يعطى اهتماما
جيل الرواد اعطى عصارة عمره للطفل ونرى في ذلك
اسماعيل خورشيد وبابا فزارى وسليمان زين العابدين
لم تتطورالوسائل والادات في عهد الانقاذ بل تم تحويل
برنامج الاطفال الى الةضخ تعبوية
هنالك جيل متخرج من جامعه الاحفاد يسعى بخطى حثيثة
لانتاج خطط تعليمية وهو جهد مقدر
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: zumrawi)
|
الخواض فعلا انا اول دفعتك بس جيت متاخرة شوية لكن اوعدك بالمداومة ما تزعل اوكي ؟ وشايفاك متفق معاي في انو البرامج ما موافقة مع الجيل الجديد وما ممكن ان تؤدي الي تطوير مجتمع وبعدين الحكايات البحكوها ما مناسبة زمننا ده ولا شنو كلامي , افتكر انو ناس علم الاجتماع عليهم الدور الاكبر في تطوير عقول الناس وبداية بالاطفال وانا هنا بقول في تقصير من الناحية دي
اعزائي سمندلاوى و بحر و اسامة الخاتم
و زمراوي انا شايفاكم ماخدين الحكاية حكومة ومعارضة ولكن انا عاوزة اطرح الموضوع من ناحية اجتماعية ودور خريجي علم الاجتماع في احداث النقلة المطلوبة وما اظن اي حكومة رفضت اي مقترح منهم ودورهم غائب فب المجتمع السوداني اما موضوع الحكومة دي اعزار انا ما بقبل بيها لان المشكلة دي قائمة من زمن طويل وكل شئ في السودان ارتجالي من الافضل محاكمة انفسنا و ننقدها بدل ما ننتهج اسلوب التهرب من المشاكل و نرميها في اي شماعة وده رائي الشخصي ما تزعلوا مني اصلوا انا وطنية شديد
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: safa)
|
العزيزة صفاء
اخذ المسالة من الناحية السياسية لاياتى من غفل
انا شخصيا جربت ووجدت معارضة شديدة
مع الاطفال في الحلة , في المواقع الثقافية
فلنقل اننا مصنفين سياسيا لذلك وجدنا الرفض
لكن اعرف من حاول وهو غير مصنف سياسيا
ووجد الرفض الجماعه ديل جايين عشان يقعدوا
فمن الاولى ان لايتفتح عقل الاطفال من وسائل تثقيفية
جديدة, بكرة يطلعوا فاهمين , لكن اوكد ليك
لو في ربح فى الشغلانية دى حيتبنوها
اتفق معاك فى انو الادوات قديمةويجب تحديث وسائل الايصال
وكذلك المقرر المدرسي
على العموم يجب ان لاتقف المحاولات ...
ملحوظة وسائل الادراك عند الطفل السودانى عالية
واتذكر انو في مسرحية للكبار وفى اطفال حضور كانوا
ساكتين ومنتبهين جدا مما يعنى انو ادراكم لبعض المشاهد
او روحها موجود
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: safa)
|
تحية يا صفاء
الموضوع ده من أهم المواضيع المفروض تناقش وتبحث، بل وتقتل بحثا لما ليهو من أهمية، المشكلة إنه خريطة البرامج فى اجهزة الإعلام كلها فى السودان بقت شى مخطط ليهو ومدروسه بعناية والناس ما تفتكر انه دى اشياء جايه كده بالصدفة، الشى ده مخطط مقصود وشامل لكل نواحى الحياة ووراهو ناس قاصدين فعلا انه الامور تكون كده للأسف
اما عن الطفل السودانى المسكين المغلوب على امره، فهو لو قدر طلع من الملاريا واخواتها، فحيقع فى متاهة غسيل المخ التلفزيونى والإذاعى، واكتر شى محزن انه بس ياهو ده المتوفر ليهو والبيجده قدامه وما عنده خيارات تانية
التغيير صعب بالتأكيد ومين يقدر يقول البغلة فى الابريق
الموضوع مهم وشايك فى نفس الوقت، كدى الناخد صنه كده ونرجع ليهو تانى بتفاصيل أكتر
| |
|
|
|
|
|
|
|
|
|
Re: سطحية برامج الأطفال في الفضائية السودانية (Re: THE RAIN)
|
وبعد عام زارنا
ــــــــ
الاخت صفويه تحيه ممتلئه ببراءه الاطفال
الموضوع جاد وشيق
ويمكن ان نجد له فرصه في ميزانيه التلفزيون بعد سنين جايه ليست بالقصيره
لان المزانيه المتاحه موجهه لتصوير ابناء الجبهه المشوا لي جوبا واصورا وجو راجعين مبينين للعالم انهم في الاحراش يقاتلون
باقي المزانيه ماشي للاخ حسين خوجلي عشان عندوا توثيق مع الكيزان في دول الخليج وفندق خمسه نجوم وما ادراك
وجزء ماشي لي احمد البلال الطيب وجولات ميدانيه عشان يورينا ناس الحكومه ديل ناس كويسين وما برفضوا الانتقادات
باقي الميزانيه مقسم لي ثلاثه رواتب للاداره
راتب مدير الاذاعه
راتب مدير التلفزون
وعشان ديل ما بكفوا
جابوا امين حسن عمر
وبقوا مدير عام الاذاعه والتلفزيون
الشفع الصغار ديل الدخلم وسط كرعين الناس الكبار ديل شنو
يلا يا ولد امش العب بره
| |
|
|
|
|
|
|
| |
safa
سمندلاوى
اسامة الخاتم
THE RAIN
willeim andrea
فيس بوك
تويتر
انستقرام
يوتيوب
بنتيريست