غايتو أنا ما عندي حل لكن عندنا قريبي دائماً بقول أنو عندو حل لكن مكلف وما تستغرب لو كان الحل بتاعو إنك تركب طيارة وتمش للزول المغرود فيهو .. أها رأيك شنو أكلمو يشوف ليك حل ولا رأيك شنو؟
عاطر التحايا بدرالين شنا
01-15-2003, 12:27 PM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
البدري الله يفتح علييييك اها دا الحل زاتو الـ أنا كنت مغرود فيه أها - والله بالصح فرحنا ليكم النت راضية عليكم والخواجة بهل ليكم التلاتينات ولا دا شيل على تلاتين الدرت
01-15-2003, 12:32 PM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
بدر الدين كدي كلم قريبك حلال الشبك دا يشوف لينا الموضوع دا عندنا واحد مسافر السودان لي بعدين قفاه اعوج شوية والمرا الـ اسمها اصالة نصري دي خاترة السودان برضو وطيارتا بتجي بالدوينيب ممكن يلقى ليه فرقة معاهم كان نزلوه في الحيصاحيصا ماعندو مانع
01-15-2003, 12:43 PM
بت قضيم بت قضيم
تاريخ التسجيل: 07-05-2002
مجموع المشاركات: 2048
بت قضيم شكرا ، كتر خيرك انفكت بلا حجاز ، بركت وجابت ولد على فكرة أنا بطلت أقرا البوست بتاعكم داك عقدونا كترة القراية والضحك والانباسطة والتبويز بعض المرات عمل لينا لوز جمع لوزة
01-15-2003, 01:00 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
لوزة بتاعت الشواطين الطللتاشر؟؟؟ زمان قلت لزميلة في المدرسة...زميلة نظرياً...لان لا شئ فينا يعتبر زميل....المهم قلت ليها ما عندك أي كتب للشواطين الطلتاشر قالت لي أولاً اسمهم الشياطين التلتاشر ...وثانياً...دي كتب متخلفة بتصدقي كيف الوهم الخيالي ده؟؟؟
نظام كم يوم بورد مافي عندي وجه كلام ونقنقة الله يسلم السامع
بت قضيم تاااني سويت لينا لوز - ما جمع لوزة المرة دي أنا غايتو شايف الحق مع زميلتك الما زميلة دي والشواطين فعلا تلتطاشر دايرين شوية من وجه الكلام والنقنقة تكبيه لينا هنا مع الشاي والهيل والصلصة والسلطة بالله صلصة وسلطة دي ما بتعمل سلبطة
داير اسألك بدر الدين دا مسمي نفسه شنا ليه؟ شناة طبع يعني ماهو قياااافة والحمدلله والقميص الظهري دا مع الشعر الابيض دا يا حلاتو
01-18-2003, 12:50 PM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
هل للمسنجر ، حضورا وغيابا ، تأثير في حالة المشاركات في هذا المنتدى الرائع أتساءل وأنا أتابع المشاركات وأرى تثاؤبا هنا ، كسلا هنا وآخر يجأر بالشكوى لغياب المسنجر
يا بكري ... أصبحت كيف طولنا ما سألنا عن صحتك
01-18-2003, 07:42 PM
بت قضيم بت قضيم
تاريخ التسجيل: 07-05-2002
مجموع المشاركات: 2048
معليش ارد السؤال متأخرة...وهو أنه لا بد سمى نفسه كذلك لأنه يخاف من العين درءاً للحسد يعني هكذا تفعل والدتي عندما تدعوني يا الغبيانة المطرطشة...أو بزعل لو فسر الأمر تفسيراً آخر
اعتقد المسنجر لطيف نوعاً في السؤال عن الناس ودفع عجلة الود قليلاً للأمام اتمنى أن يعود سريعاً إن كان ذلك سيقتل إحساس التثاؤب الذي اسريته فيني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahlalawad
بدرالدين شنا
بت قضيم
فيس بوك
تويتر
انستقرام
يوتيوب
بنتيريست