الأسلحة الكيميائية وحقيقة استخدامها في السودان في منتدى ميديكس للحوار
|
|
 آخوانا بدر الدين شنا معانا
|
حمدلة ع السلامة يا البدري
والله لاكين .. آزول إت معانا في الدنيا دي.
لا حول والحمارة ماتت
والله كان كدي الكرامة وجبت تب
أها نضبح شنو يا البدري
أوع تقول لي الجداد أنا مكجنو
|
|
 
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
اهل العوض
سلام ياخوى
الزول ده كان وين اول تبادى ؟؟؟
كان فى السودان ولا مكاناً كتر ؟؟
باقى الناس بقى عندهم امور يقول ليك مسافر ما تسمع بيه الا فى تورا بورا مع ناس الملا عمر دحين اخيك ده كان وين تحديداً ؟؟
له ولك التحية
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
يا عمدة
هذا الرجل يخدم في حلة السلطان قابوس
في السلطنة في بكان غمييييس
شبكة الانترنت لما توصلهم بتكون بطلت خلاااس
وبعدين محددين ليه 30 ساعة نضمي في الشهر
يبدو إنو تلاتينو انتهت
وفي رجا التجديد
الجديد شديد
الله يجدد لينا كلنا
وسعلت منك العافية يا عمدة وهي المحرية فيك
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
ياسر حنا
والله ما قصرت تب وكتر خيرك
بس الزول دا أنا قايل عندو وجع تلاتين
الخواجة الجضران دا كان شيلو على تلاتين الشهر الجاي مالو ، بموت؟
لكن مو خواجة آبوي
أها - سلم عليه ودعواتنا ليه بأن ينحل بالسلامة ، قول ليه مواعيد الزيانة فااااتت
| |
|
|
|
|
|
|
|
|
|
Re: آخوانا بدر الدين شنا معانا (Re: Yassir7anna)
|
اهل العوض وياسر
والله شوقتونا لى حكاية الحشيش واخونا بدر الدين
دحين يا جماعة الكزوه خلوه اليدينا من الثلاثين ساعة دى ان شاء الله فرد ساعة عشان نسمع حكاويه مع الخواجة ..
اظنه لاحق اخوى شمعون
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
بسم الله الرحمن الرحيم
الكرام/ أهل العوض وياسر حنا
السلام عليكم ورحمة الله تعالى وبركاته
أولاً أشكركم كتير الشكر للسؤال عني أما عن قصة الحيشيش والله ما بتذكرها وأكيد هي بتكون حصلت لكن أنا خلاص كبرت وبقيت أودر وأعتقد المفارقة فيها بتكون جاية من إختلاف المعنى عندنا وعند البدو في كلمة حيشيش لكن والله ما مستحضرها .. ولكن قبل ما نتحدث عن سياسة بسمارك الداخلية فالنتحدث عن سياسة بسمارك الخارجية .. طبعاً الخواجة بتاعنا جنو أكل بسكويت وبدسها في محل النمل ما بقدر يعرفها أها أنا يوم زريتو ليك فجأة يأكل وعزمني عزومة مراكبية كدا فأخبرته بأنني ما بحب البسوكيت أنقر ما بقى يخليها برة في التربيزة؟
وبعدين عندي ليكم خبر سمح وهو إنو الإنترنت عندي بقى سريع أجريت عليه بعض التعديلات والإضافات.. أنا إنشاء الله مسافر السودان إجازة في الإسبوع الأول من فبراير عشان أحضر العيد مع وليداتي وألبد كان شهر كان شهر ونص
وأكرر شكري لكم فثلاثتكم أحبة وسوف نكون على إتصال إنشاء الله
عاطر التحايا
بدرالدين شنا
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
بسم الله الرحمن الرحيم
الغالي جداً قرشو
لك التحية والحب
عفواً لقد سقط إسمك سهواًً فلك العتبى حتى ترضى وصدقني يا أخي والله والله والله أنا بريدك ساكت في الله وبرتاح لمن تطل في بوستاتي وبحس بالأمان وبي رضا الإدارة علي طبعاً أنا من زمان من زمن المدرسة بخاف من الإدارة
لك خالص تحياتي وأشواقي
عاطر التحايا
بدرالدين شنا
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
بسم الله الرحمن الرحيم
أهل العوض والبورد
أنا ما حصل دخلت لي بوست إلا ولقيتك فيهو ودا معناهو إنو نومك خفيف ومما تسمع ليك حركة بوست بطفّر تجي وتتفقد الناس وبتضبح وقتك الثمين للسؤال عني وعن الأخوة في البورد وما أعتقد في كرم أكتر من كدا
عاطر التحايا
بدرالدين شنا
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
والله يا إستاد بدر الدين
كلامك دا ذكرني دوبيتة كان أقولا ليك
باقي أنا زولا عيان بعيد عنك
وطبعا دا ما أنا
زي ما أهل القانون بقولوا
Without prejiduce
أب كفة العلي الحركة البقوم متسرع
اب حاجبا متل شوك الكتر متزرع
السيف السنين الـ بالنصر متدرع
وحوض الكوثر ، الفيه البخات بتكرع
الله يزيدك في هذه النفس الشفافة
| |
|
|
|
|
|
|
|
|
 Re: آخوانا بدر الدين شنا معانا (Re: بدرالدين شنا)
|
الأستاذ الكريم بدر الدين وكفى
أحمد الله العلي القدير الواحد الأحد الفرد الصمد وأصلي وأسلم على خير خلق الله النبي الأمي وأشكر الله شكراً كثيرا على أنك بخير وعافية وهذا ما يجعلني أهمس في أذنك سيدي أها أخبار الجرو شنو - كلب الخواجه - أتمنى لك إجاز سعيدة رائعة وأن تجد أهلك والبلد في أمن وأمان بس ما تعمل ضكر بط وتنسى إيصالات الضرائب وباقي الورق حق الحكومة نسوان الضرائب الأيام دي أخير منهم عيال أب جويلي الكمبلو وعرضو - ونصيحة أخيرة قبل ربط الحزام والإمتناع عن التدخين ما تحوم في الخرطوم كداري كتير لأنو بجهزوا في لواء القعقاع المتحرك إلى توريت وما تقول لي أنا عمري كبير والتجنيد حا يجليك ديل جدي الزبير ود سعيد جندوه وهو في سن التاسعة والثمانون وتصدق من يومها حبوبتي تضحك زي نار القصب لأنو وببسطه بعد أكثر من أربعة وسبعون عاماً من الزواج الراجل إتلحس وحبوبه بقت أرمله على سنة الله ورسوله.
| |
|
|
|
|
|
|
|
|
|
Re: آخوانا بدر الدين شنا معانا (Re: Ahlalawad)
|
بسم الله الرحمن الرحيم
الملا عمر كيف حالك وين إنت ياراجل؟ أول حاجة أطمئنك إن تذكرتي مسقط المدام مسقط .. يعني لا فيها خرطوم ولا قعقاع ولا جريوات
ياسر حنا
ياخي الملا عمر دا ما أظنو عارف كلمو.. جاوبو
عاطر التحايا
بدرالدين شنا
| |
|
|
|
|
|
|
| |
Ahlalawad
قرشـــو
Yassir7anna
بدرالدين شنا
almulaomar
فيس بوك
تويتر
انستقرام
يوتيوب
بنتيريست