لكثره التساولات عن اختفا الصور في بوست كيف تنقل الموسيقي من المسجل الي الكمبيوتر او الي النت افردنا هذا البوست ولكن ......! لكي تظهر الصوره يجب ان يكون اللنك بتعا صحيح يعني الصوره موجده في مكان ما في النت وليست علي الجهاز الشخصي
الخطوه الاوله : نضغط علي الصوره الماظاهره بي الماوس اليمين(الماعارف يدو اليمن تبقي مشكله ) حيظهر لينا صندوق حوار نختار منو الخيار الاخير بتاع Proprties المعلم بالون الاحمر
في الخطوه اتانيه :بعد ما نضغط علي probrtiesبظهر لينا صندوق حوار تاني البهمنا منو العنون بتاع الصوره Adress: (URL) بنعمل ليه تظليل بالماوس وهو برضو معلم باللون الاحمر
في الخطوه الثالثه : بعد التظليل بنضغط علي الحته المظلله بالماوس اليمين تاني ونعمل للنك كوبي زي ما موضح في الصوره ومعلم باللون الاحمر
في الخطوه الرابعه : بعد عملنا لي اللنك كوبي بنقفل الصندوق العندنا
في الخطوه الخامسه : بعد ما قفلنا صندوق الحوار بنتطلع في نفس الصفحه لي مكان الاسم بتاع الصفحه ونعمل ليه تظليل ونعمل لي العنون بتاعنا بيست في محل العنوان القديم
في الخطوه السادسه : بظهر لينا العنوان الجديد بتاعنا وبنضغط علي انتر في الكيبورد
في الخطوه السابعه : بتظهر لينا الصوره الما كنا شايفنها
في الخطوه الثامنه : بنضغط علي كلمه باك عشان الصوره تظهر لينا في البورد ونقدر نشوقه في البوست
في الخطوه الاخيره : بنشوف الصوره واضحه في البوست ونكون كده حققنا طلبنا
معلومه مهمه : كل الصوره البتكون موجوده في صفحه ( ياهو )(هوم بيج) ما بتظر الا مره واحده ما عدا الموجوده في الالبوم الشخصي في ياهو وعشان نشوف الصور دي لازم نعمل الخطوات الفوق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة